رواية نور اليونسي الفصل الخامس 5 - بقلم دينا عبد الله
الفصل الخامس
حمزه بحزن: مش هينفع... شوفيلك واحد غيري
بسمه بصدمه ودموع: واحد غيرك.. وانت هتكون مبسوط لما انا اكون لغيرك
بصلها حمزه وهوا ساكت... انصدمت بسمه يعني تفهم من سكوته انه هيبقي مبسوط بسمه بدموع: اكلم يا حمزه هتبقي مبسوط
حمزه ببرود: اه هبقا مبسوط
بصتله بسمه بصدمه ودموع وقالت: انت بتهزر يا حمزه
حمزه: مش بهزر يا بسمه كل حاجه بينا خلاص واسمعي كلام اخوكي وربنا يبعتلك ابن الحلال اللي يستاهلك
بسمه وهيا بتعيط: وانا مش عايزه حد غيرك يا حمزه مش هتجوز غيرك
حمزه: لا هتتجوزي وهتكملي حياتك عادي
بسمه بدموع: وانت هتقدر تكمل حياتك من غيري هتعرف تعيش مبسوط وانت بتشوفني وانا في حضن غيرك
حمزه ببرود: اه هقدر اعيش من غيرك يا بسمه وهقدر اكمل حياتي من غيرك عادي
هزت بسمه راسها بالنفي وهيا بتقول بدموع: ازاي.... ازاي هتقدر تعيش من غيري... اومال فين حبك ليا
حمزه ببرود: مش بحبك
بصتله بصدمه و دموعها بتنزل بغزارها وحست ب قلبها وهوا بينكسر وقالت: حمزه انت بتقول ايه
حمزه ببرود: زي ما سمعتي مش بحبك ولا عمري حبيتك.. كان عندي فرصه اخد منك اللي انا عايزه بس اخوكي طلع ذكي وعرف اللي انا بفكر فيه و رفضني... خلاص فرصتي ان اخد منك اللي انا عاوزه راحت يبقي انتي كمان بالنسبالي حاجه وراحت
بسمه بعياط وقلب مكسور: انت بتقول ايه.... اخويا قالك تقولي كده عشان تبعد عني صح
حمزه ببرود: غلط اخوكي مقاليش حاجه ولا شوفته حتي
قام وبصلها ببرود وقال: دي الحقيقه اللي انتي مقدرتيش تشوفيها
وسابها ومشي... ساب قلبها مكسور لميت حته سابها وهيا مش مستوعبه اللي قاله ومش مصدقه ولا كلمه منه.... حست بقلبها بيوجعها.... دفنت وشها بين كفوف ايديها وهيا بتبكي جامد
وقف حمزه من بعيد وبصلها وعينيه مليان دموع وقال بوجع: سامحني سامحني يا بسمه بس صدقيني هوا دا الحل ليا وليكي انتي تستاهلي واحد احسن مني... سامحني يا حبيبتي
*****
وقفت عربية يونس قدام باب المدرسه.. بص يونس علي نور اللي كانت بتلبس الشنطه بتاعتها وهيا متحمسه لاول يوم دراسي وفي نفس الوقت متوتره بسبب المدرسه الجديده وهيا متعرفش حد فيها..... حست بايد تمسك ايديها بصت لقته يونس وهوا بيبتسم وكانت اول مره تشوف ابتسامته اللي سحرتها من اول ما شافتها
يونس بابتسامة: مفيش داعي للتوتر كل حاجه هتبقي تمام انتي بس اهدي وركذي علي دراستك وبس
ابتسمت وهيا مطمنه من كلامه فتحت الباب ونزلت.... بصلها وقال: هعدي عليكي بعد ما تخلصي
هزت راسها بابتسامة وقفلت باب العربيه
كان فيه مجموعه من البنات داخلين المدرسه بصت واحده فيهم علي نور وقفت صحبتها وقالت: مالك يا منه
منه بدهشه: بصي البنت دي ولا بصي علي العربيه اللي هيا نزلت منها
بصت صحبتها علي نور و عربية يونس اللي مشيت وقالت: واضح انها من عيله غنيه اوي... دا حتي لبسها والشنطه بتاعتها باين عليهم ماركه
دخلت نور المدرسه وهما دخلوا وراها.... كانت مدرسه للبنات فقط.. رن الجرس وكل واحده راحت علي فصلها... دخلت نور الفصل وقعدت علي التخت بتاعها ودخلو باقي البنات وكانت من ضمنهم منه وكمان بسمه اللي كان باين عليها الحزن... شويه ودخل المستر القي عليهم التحيا بعدين بداء يعرفهم عن النهج و التفاصيل وعينيه متشالتش من علي نور... وفجأه قال وهوا بيشاور علي نور: انتي طالبة جديده هنا صح
هزت نور راسها بابتسامة خفيفه.... هز المستر راسه وكمل شرحه وهو عمال يبص علي نور وهيا مش فاهمه معني نظراته ليها اي..... بعد فتره رن جرس الاستراحه معظم البنات طلعو من الفصل وفضل نور وكام بنت ومنهم بسمه اللي سندت راسها علي التخت بتاعها وهيا بتبكي في صمت ومكنتش مركذه مع شرح الاساتذه طول الوقت وكانت بتفكر في حمزه واللي قاله ليها
فتحت نور الشنطه لقيت لانش بوكس زعلت اول ما افتكرت مامتها وهيا كل يوم تحضر لها الشنطه و السندوتشات بتاعتها.... لقيت ورقه علي اللانش بوكس قرتها وكان مكتوب عليها
"خليكي زي الشاطره وخلصي السندوتشات كلها"
ابتسمت علي تصرفات يونس معاها بيعاملها كأنها طفله وهوا ابوها خدت اول ساندويتش وبدات تاكله... بصت علي الفصل وقعت عنيها علي بسمه اللي كان باين عليها انها بتبكي... استغربت نور... خدت السندوتش وقامت قربت منها وقالت برقه: انتي كويسه
رفعت بسمه راسها بصت لنور وهيا بتمسح دموعها وهزت راسها وقالت بصوت مخنوق: اه انا كويسه
محبتش نور تضغط عليها... كانت لسه هتمشي وقفتها بسمه وقالت: اول سنه ليكي هنا مش كده
بصتلها نور وهزت راسها بابتسامة وقالت: اه
بسمه: انا بسمه وانتي
نور بابتسامة: نور.... اي رايك نبقي صحاب انا معرفش حد هنا
هزت بسمه راسها وقالت: وانا هكون مبسوطه لو بقينا صحاب
قسمت نور السندوتش وقدمته ل بسمه وقالت: طيب خدي دا عشان يبقي فيه بينا عيش وملح
ضحكت بسمه وخدته منها وكانو مبسوطين مع بعض
وقفت عربية يونس قدام باب المدرسه وكان مستني نور... جات نور وفتحت الباب وركبت بصلها وكانت مبسوطه اوي
يونس: ابتسامتك دي معناها ان اول يوم ليكى كان كويس
نور بابتسامة: اه كان جميل جداً
شغل السواق العربيه ومشي... كانت منه واقفه وكانت بتحاول تشوف مين مع نور في العربيه بس مقدرتش بسبب ازاز العربيه اسود ومش مبين مين جوا العربيه ادايقت وهيا بتبص علي العربيه وهيا بتمشي
******
يونس بهدوء: انت متأكد
بصله امين اللي كان قاعد قدامه وقال: طبعا متأكد... بعد تحرياتي عرفت ان اسلاك فرامل العربيه كانت مقطوعه عشان كده الاستاذ عبد القادر مقدرش يتحكم في العربيه وفقد سيطرته عليها وحصل الحادث بعديها... ودا دليل ان في حد عمل كده وقاصد انه يقتل الاستاذ عبد القادر وعيلته بما ان مراته وبنته كانو معاه
يونس بهدوء: معرفتش مين اللي عمل كده
هز امين راسه وقال: للاسف لحد دلوقتي معرفناش مين اللي عمل كده
يونس بتفكير: في احتمال ان نور في خطر بما ان الشخص اللي عمل كده كان عايز يقتل الاستاذ عبد القادر وعيلته معاه وبما ان نور بخير ومحصلهاش حاجه فيمكن يرجع يأذيها تاني
هز امين راسه وقال: احتمال دا طبعا بس نور طول ما هيا معاك مفيش خطر هيقدر يقرب منها
يونس بتفكير: بس مين ممكن يفكر في كدا الاستاذ عبد القادر ملوش اعاداء فمين عايز يأذيه وكان هيستفاد ايه
امين: اكيد اللي قتل الاستاذ عبد القادر ليه هدف وهدف كبير
"بابا "
بص يونس وراه لقي نور واقفه وعينيها مليانه دموع وقالت بحزن شديد: بابا اتقتل....
قصة وسيم و نورهان للاسف ممكن مكملهاش مبقاش عندي شغف ليها ❤️🩹
•تابع الفصل التالي "رواية نور اليونسي" اضغط على اسم الرواية
تعليقات
إرسال تعليق