رواية مأساة حوريه الفصل الثاني و الثلاثون 32 - بقلم فريده احمد
مأساة_حورية
كان بياكلها بعنيه مكانش قادر يشيل عينه من عليها وبمجرد ما اختفت عن عينه. بص ل كامل وقاله... انا عاوز الحته دي
كامل اصتنع الغباء وقال... عاوزها ازاي مش فاهم
موسي... جري ايه يا كامل متستغباش . ما انت عارف انا اقصد ايه .عاوزها. ايه هي محتاجة شرح
كامل ... بس. دي دي متجوزة
و لان معروف عن موسي ان اي واحدة بتعجبه وبتدخل مزاجه بياخدها و ماحدش بيقدر يقف قصاده. وبعد مابياخد منها اللي عاوزه بيسيبها تاني يوم، وده كان مخوف كامل جدا وقلقه علي حورية
: دا حقيقي ولا بتقول كده،، عشان لو طلعت بتكدب..
قاطعه كامل وقال بسرعة... لا لا هي فعلا متجوزة
بصله بشك لثواني بعدين قالو بتهديد صريح... عارف يا كامل لو طلعت بتكدب هتزعل مني اوي يا كامل اووي
كامل بلع ريقه بخوف لكن قال....صدقني ياموسي بيه. البنت متجوزة
ليرد موسي ويقول...هنشوف اذا كان حقيقي ولا لا.و هتاكد بنفسي ياكامل
................
: انتي ياسهي!!!
قالتها نورا بزهول والصدمة ملجماها لكن سرعان ما تحولت للجنون لتصرخ بها وتقول ... انتي اللي خطفتيه ياخطافة الرجاالة.. فضلتي وراه لحد ما خطفتيه يازبا، له يابنت الكلب.
بقت تبصلها بشر وتوعد وتقول...بس وحياات امي لندمك
هنا سهي قاطعتها وقالت... بس بس.. هو انتي مصدقة نفسك. شوفي مين فينا ياماما اللي خطافة رجالة. انا ولا انتي
كانت نورا بتبصلها بغضب شديد وهي بتتنفس بعنف. كان هاين عليها تنط في كرشها
لتتابع سهي وتقول.... فاكرة انك الضحية صح. الزوجة اللي مغدور بيها ياحرام. واني طبعا ندلة وواطية واخدت منك جوزك .. لا فوقي انا مخدتوش منك . عماد في الاساس من حقي انا. انتي اللي خطفتيه زمان مني ولا نسيتي يابنت خالتي
نورا... انا مخطفتوش منك. احنا متجوزناش غير بعد ما سيبته. يعني مخنتـ كيش
: لا خونتيني
قالتها سهي بانفعال ووجع شديد
كملت وهي بتفتكر قد ايه اتوجعت منها،كانت بتعتربها اكتر من اختها، بصتلها باستحقار وقالت بالم... لما تستغلي مشاكله مع بابا و تروحي تلفي عليه وتتجوزيه وانتي عارفه اني لسه بحبه واني بتعذب كل يوم بعد ما ابويا فك خطوبتي منه بالاجبار.. تبقي ايه يابنت خالتي. دي متبقاش خيانة.
نورا.. احنا متجوزناش غير بعد ما انتي اتخطبتي ل واحد غيره علي فكرة.
سهي... كنتي عارفة اني مغصوبة واني لسه بحب عماد . ومع ذالك لفيتي عليه واتجوزتيه بعد ما فضلتي تبخي سمك في ودانه. وروحتي تقنعيه اني مادام اتخطبت لغيره يبقي مكانش يستاهلني واني مش بحبه. برغم انك كنتي اكتر واحدة عارفة قد ايه انا كنت مجبرة علي اللي حصل .. قوليلي مين فينا بقا اللي خطافة رجالة
نورا سكتت وسهي اتنهدت وقالت... عموما عماد بقي جوزي دلوقتي. واحمدي ربنا اني وافقت تفضلي علي ذمته عشان خاطر عيالك
.................
في بيت قدرية
كانو كلهم متجمعين علي السفرة
قدرية... كل دي غيبة يا امجد
امجد... غصب عني ياست الكل. كنت مشغول
كريم.... ايوا ياعم مين قدك. مشغول في القرية السياحية الجديدة..
كمل بحب وقالو... الف مبروك ياخويا
امجد... الله يبارك فيك ياحبيبي
قدرية... يجعلها فتحة خير عليك ياحبيبي
امجد... اللهم آمين ياست الكل
كريم ... كده بقا ضمنا نصيف ببلاش
امجد بضحك... وانت كنت بتصيف بفلوس الاول يعني
كريم... لا بس تختلف. الاول كان الفندق بس اللي تبعك. دلوقتي القرية كلها. تفرق بردو
امجد... بسرعة عملتها ملكي
كمل بضحك.. دانا لو بعت العيال وبعتك فوقيهم مش هتجيبو تمن القرية...ما انت عارف معايا اكتر من شريك فيها ياكريم
كريم... بس بردو هندلع علي حسك
امجد... انت تيجي تنور في اي وقت
هنا بحماس... طب ما يلا نطلع اسبوع يا كريم.
كريم... نطلع فين ياهبلة احنا في الشتا
كان محمد بياكل وهو بيبص ل امجد بحقد وغل مخفي
بسبب انه دايما بيشوف امجد ناجح وربنا كارمه في شغله
بصله وقال بغل ... ولما انتا كنت محتاج شركا مقولتش ليه. مش كنا اولي من الغرب
امجد... لو اعرف انك حابب تدخل في المجال بتاعنا اكيد كنت هعرض عليك. بس انا معنديش علم انك كنت عاوز
بس لو حابب مفيش مشكلة اتصرف وادخلك بنسبة
رشا بصت لابنها وهي بتقول بعصبيه... ما تاكل ياحبيبي وبطل لعب بالاكل
و كانت هي كمان بتبص علي امجد بغضب بسبب اللي عرفته
: بابا انت مش بتفضل معانا ليه.. علطول بتسافر و بتوحشنا كتييير اوي
قالتها بنته الصغيرة اللي كان شايلها علي رجله وبياكلها
وقبل ما يرد ردت رشا وهي بتبصله بغضب
وقالت.... مش فاضيلكم ياحبيبتي. فاضي بس ل بنته الكبيرة. الست منار اللي مديها كل وقته اما ولاده بيشوفوه كل فين وفين
بصلها امجد بغضب
لكن هي مهماش وكملت بنفس طريقتها وقالت...اظن مقولتش حاجه غلط مش ده بردو اللي بيحصل. ااه صح الهانم مبقتش زي بنتك ولا اختك دلوقتي. لا دي بقت حاجة تانيه
قدرية... مالك يابت فيه ايه
رشا.... اقولك فيه ايه
زعقت وقالت.... البيه المحترم اتجوز عليااا.. عرفتي بقا فيه ايه يا خالتي
كلهم اتصدمو بما فيهم امجد اللي اتفاجأ بانها عارفة و مكانش عارف هي عرفت ازاي وامتا
قدرية... انتي بتخرفي بتقولي ايه يابت يارشا
قامت رشا وقفت وقالت .. لا انا مش بخرف انا بقول اللي لسه عارفاه من شوية واتاكدت منه كمان
شاورت علي امجد وبصوت عالي و بغضب قالت ... البيه ابنك طلع متجوز مقصوفة الرقبة. لا ومن سنتين كمان وانا هنا مختوم علي قفايا. سايبني انا وعياله و عايش حيااته هناااك. جمب الهااانم
طبعا رشا عرفت من ابن عم منار اللي فضل لحد ما وصل لنمرة تليفونها وقالها ظنا منه ان امجد هيطلق منار وبكده يعرف ياخدها ويتجوزها
قدرية بصت ل امجد ... صحيح الكلام ده يا امجد.. انت متجوز البت دي.. ردد
امجد... ايوا
لتنصدم قدرية بشدة وتقول... ليه يابني. وهي مراتك قصرت في ايه. علشان تروح تتجوز عليها
امجد... الموضوع مش زي ما انتو فاكرين..دي مجرد ورقة.. البنت ابوها كان خايف عليها عشان كده طلب مني اكتب عليها . انا رفضت في الاول بس الراجل كان بيمو، ت. طلب تكون علي اسمي بس علشان تبقي في حمايتي مكتنش اقدر اتخلي عنه خصوصا وهو بين الحياة والمو، ت،، اتجوزتها. بس علي الورق..وكده كده هطلقها في الوقت المناسب
بص ل رشا وقال.. صدقيني ده مش جواز زي ما انتي فاهمة
رشا.....دا مش مبرر انك تتجوزها. لو فاكر ان الكلام ده هيدخل عليا تبقي غلطان انا مش عبيطة . قول ان البت حليت في عينك. قول كلام غير ده وانا اصدقك
امجد...طيب دي الحقيقة. عاوزة تصدقيها انتي حرة. مش عاوزة اخبطي راسك في الحيط
رشا بصوت عالي وزعيق.... ماهو البجح بجح. عامل عملتلك ولا هامك.. طلقني يازبا، لة يا حقير يا..
قاطعها لما قام وقف بغضب وزق الكرسي برجله وقعه في الارض
بلعت ريقها برعب . وكلهم قامو
كريم.. امجد اهدي
قدريه.. يابني هي اكيد ما تقصدش
لكن امجد مهتمش ليهم... قرب عليها بطربقه مرعبة وهو بيقول..انتي بتشتميني انا يابت
رشا بزعيق شوحت بإديها وقالت ...هو انا لسه قولت حاجة دانا لسه هقول واقول
و
نزل علي وشها بكف شديد وقال بغضب... انا لولا مقدر صدمتك .اقسم بالله ماكان حد هيعرف يرحمك من ايدي
وزقها وخرج بغضب
بصت لقدرية بغضب وهي حاطة ايدها علي خدها وقالت...شوفتي ابنك الخاين الزبا، لة ليه عين يضر، بني كمان
قدرية ... ماتلمي لسانك بقا. ماهي طولت لسانك دي اللي بتخليه يمد ايه عليكي
......
: هنعمل ايه ياماما.. انا بفكر اقول ل ياسر
ردت عليها امها بسرعة وقالت... لا. انتي اتخبلتي.. عاوزة اخوكي يودي نفسه في داهية علشان فاجرة زي دي
: امال ايه هنسيبه كده . بعدين هو اصلا شاكك فيها كده كده..
كملت بحسم.. انا هقوله اني عرفت مين هو اللي بتخو، نه معاه مش هسيب اخويا الشك بياكل فيه اكتر من كده
.........
مساءا
فتح امجد باب شقته ودخل. مسح علي وشه بتعب واتحرك ناحية الاوضة. كانت رشا قاعدة في السرير بغضب، قرب عليها بهدوء وقعدت قدامها. باس راسها ومسك ايديها وقال...حقك تزعلي.. بس صدقيني انا مخونتكيش. دي مجرد ورقة ملهاش اي قيمة عندي.. عمري ما سمحت لنفسي اخونك يارشا
رشا بصتله وقالت بجمود... طلقني
..........
في اخر الليل
كان محمد في المعرض بتاعه فارد نصف جسمه السفلي علي الكنبة وفي ايده ازازة خمر، ة بيشرب منها وهو شارد بيفكر في حورية اللي بقي خلاص فقد الامل انه يعرف يرجعها تاني
فضل لحد ما نام مكانه وهو مش دريان، فاق تاني يوم لقي نفسه لسه مكانه والازازة في ايده. حدفها في الحيطة بغضب وقام وهو بيمسح علي وشه بضيق.. مسك تليفونه وبدون وعي منه لقي نفسه بيبعت ل رشا وبيطلب منها تروحله شقه الزمالك اللي هي معاها مفتاحها لانهم اوقات كانو بيتقابلو فيها
بعتلها تستناه هناك
كانت رشا في شقتها راحة جاية بغضب بعد ما امجد نزل وهي بتتوعدلو لحد ما قطعها تليفونها لما وصلها اشعار بالمسدچ.. شافتها مكانتش مصدقه نفسها. ردت عليه بسرعة وبعتتله
"انت بتتكلم بجد"
محمد رد عليها بكلمة واحدة
"عايزك"
رشا في نفسها بحيرة قالت.. طب وامجد. دا هنا. يعني مجاش يهفك الشوق تعوزني غير وهو هنا. منا كنت قدامك وهو مسافر
لكن هي بردو بمجرد ماشافت رسالته اصلا نسيت غضبها من امجد نسيت انو اتجوز عليها من الاساس وكان كلها لهفة تتقابل هي ومحمد
بصت قدامها وقالت في نفسها بغل... امجد يستاهل اني اخو، نه
ف مفكرتش كتير ولا احتارت
وبعتتله علطول
" هجيلك انت اساسا واحشني"
وقامت ظبطت نفسها ونزلت بعد ماسابت ولادها مع قدرية وقالتلها انها هتشتري حاجة وراجعة علطول
وبعد وقت كانت في الشقة مستنياه
....
عند حورية كانت في شقتها قاعدة بتقلب في تليفونها بملل لحد ما جالها فضول تفتح اكونت محمد اللي كانت مهكراه وبالصدفة فتحته لتنصدم بالرسايل اللي بينهم
لتشهق بدهشة وعدم تصديق وتقول... يانهاركو اسود. هو انتو لسه مكملين في وساختكم
قامت وهي بتقول في نفسها بحيرة ... اعمل ايه. اقول ل امجد ولا اعمل ايه
وفضلت راحة جاية بحيرة
يتبع.....
بقلم_فريدة_احمد
توضيح : ياسر جوز رباب اللي ظهرت مع محمد البارت اللي فات
•تابع الفصل التالي "رواية مأساة حوريه" اضغط على اسم الرواية
تعليقات
إرسال تعليق