رواية اختياري الوحيد الفصل الثاني 2 - بقلم زهرة الربيع

 رواية اختياري الوحيد الفصل الثاني 2 - بقلم زهرة الربيع 

الثاني هتختارني انا لو مش علشاني يبقى علشان ابنك اللي في بطني

عامر لسه هيتكلم سمع خبطه على الارض التفت وراه ولقى سلمى مغمى عليها جري عليها بسرعه وهو بيقول ..سلمى سلمى حبيبتي قومي ردي عليا سلمى 

وبص لغاده بغضب وقال ...انت كنتي شايفاها صح كنت شايفاها اصلا علشان كده بتقولي الكلام البايخ ده

غاده ابتسمت بسخريه وقالت.... انت ليه بتظلمني كده طبعا كنت شايفاها... وضحكت بسخريه وراحت على اوضتها

 عامرقال بصوت عالي قاصد يسمعها ....واحده حقوده بجد منك لله ....وشال سلمى وجري بيها على اوضته وحطها على السرير بحزن 

مسك ايدها وقال بدموع.... سلمى قومي يا حبيبتي قومي كل ده كذب انا مش عايز غيرك من الدنيا يا سلمى انتي اهم عندي من نفسي ونام جنبها وشدها لحضنه بتعب شديد و راح في نوم عميق وهي بين ايديه

 بعد شويه سلمى فاقت وهيه بتفرك جبينها بتعب ولسه هتتحرك لقيته حاضنها بقوه بصت له وابتسمت بدموع بس اختفت ابتسامتها لما افتكرت كلام غاده اللي قالته قعدت بزهول ودموع وقالت ببكا .....انت يا بني ادم انت قوم روحني انا عايزه امشي قوووم

 عامر قعد بلهفه لما سمع صوتها وقال بسعاده حبيبتي انتي كويسه... احسن دلوقتي 

سلمى قالت بغضب وزعيق.... لا مش كويسه ومش هبقى كويسه ابدا عايزه اروح هترجعني البيت ولا اروح لوحدي

عامر اتنهد بحزن ومسك ايدها وقال.... سلمى انتي عارفه انا مستحيل اخسرك تاني مستحيل يا سلمى

سلمى سحبت ايدها بغضب وقالت.... ليه مستحيل ما انت اتجوزت عليا ومراتك حامل كمان عايز ايه اكتر من كده و احنا ما بقلناش اسبوعين متجوزين ازاي تعمل فيا كده

عامر مسح على وشه بضيق وقال ....طب يا سلمى اعقليها اسبوعين متجوزين وهتجوز عليكي وتحمل كمان يعني بتصدقيها معقوله.... اول حاجه غاده مش حامل لاني ما لمستهاش اصلا

سلمى ا تسعت عينيها وهي بتبصله بدهشه وهو قال.... دي الحقيقه... ثاني حاجه بقى انا متجوزها من شهور واتجوزتك انتي عليها لما انا وانتي اتجوزها كانت اصلا مراتي

سلمى اتصدمت بشده ووقفت بزهول شديد وقالت.... لا والله لا بجد انت فاكر انك بتهديني كده يعني... يعني انت كنت متجوز قبلي وضحكت عليا واتجوزتني من غير ما تقولي

عامر اتنهد ووقف وقرب منها قوي وقال ...يمكن اكون في الورق متجوز بس وحياه عيونك بالنسبه لي وبالنسبه لقلبي انت وبس مراتي انتي و بس اللي حبيبتي اللي اتمنيتها مش عايز غيرك من الدنيا كلها صدقيني يا سلمى ..انتي عارفه انا بحبك قد ايه 

بقلم...زهرةالربيع

سلمى دفعته بغضب شديد وقالت.... خليك بعيد عني اياك تلمسني انا مش مصدقه انا مش قادره اصدق ابدا انت ازاي بالوساخه دي ازاي قدرت تضحك عليا وتفهمني انك بتحبني وتتجوزني وانت اساسا متجوز ومراتك حامل

عامر اتنهد بضيق شديد وقعد على السرير وقال... يا سلمى قولت لك هيه مش حامل وانا ملمستهاش اصلا هيه شافتك جايه وعلشان كده قالت كده 

سلمى حاولت تهدى وتاخد نفسها وقالت ....طيب انا هاصدق اللي انت قولته ده ...بس انت كمان صدق الكلمتين دول واحفظهم كويس ...انا بكرهك قوي ومش طايقاك ولا طايقه اسمع صوتك عايزه اتطلق من غير مشاكل بدل ما هرفع عليك قضيه وكده كده هتطلق منك بس بفضايح وقلة قيمه

ولسه هتمشي مسك ايدها وبصلها والدموع بتلمع في عيونه وقال ... سلمى انتي كده بتقتليني كلامك ده بيدبحني معقول اهون عليكي للدرجه دي

سلمى غمضت عيونها بالم ووجع وقلبها حرفيا بينزف وقالت زي ما انا هنت عليك تعمل فيا كده 

ومشيت بغضب بس سبقها وقفل الباب واتنهد وقال بحزم ....تمام حتى لو مش عايزه تقعدي معايا انتي مراتي ومش هسيبك تمشي مش بمزاجك

 سلمى بصتلو بغضب شديد وقالت ....افتح الباب يا عامر وبطل الجنان اللي بتعمله ده مش هيفيدك بحاجه انت كده بتعقد الامور اكتر 

عامر قرب منها وشدها عليه بقوه وبص لعيونها وقال.... ميهمنيش ...كل اللي يهمني انك تفضلي معايا بين ايديا انا ما لحقتش اتهنى بيكي ما لحقتش افرح باعظم انجاز عملته 

سلمى بصتلو بسخريه وقالت... اه طبعا ما هو انجاز لما تتجوزني على مراتك من غير ما اعرف هيبقى فعلا انجاز 

عامر مرر ايده على خدها بخفه وابتسم وقال... لا الانجاز اني اتجوزتك اصلا و فزت بيكي اخيرا ...اني وصلت لحبي وقلبي اللي سرقتيه اخيرا ضميته تاني بين ضلوعي وانتي بين ايديا كده 

سلمى اتملت عيونها بالدموع قصاد صدق كلامهو مش فاهمه ايه اللي بيحصل وقالت بصوت باكي ....ليه كل ده ..انا كمان ما صدقت لقيتك طب ليه عملت فيا كده 

عامر شدها لحضنه وسند دماغها على صدره وقال بدموع ...سامحيني كله غصب عني انت الحاجه الوحيده اللي كانت باختياري... انتي اختياري الوحيد يا سلمى

يلمى بعدت من بين ايديه و قعدت على الكنبه بضيق وقالت ....انت بتضيع وقتك على الفاضي لو متخيل ان الكلام ده ممكن ياثر فيا تبقى غلطان انت ما بقتش تهمني اصلا

عامر اتنهد وقعد على السرير وقال ....مش مصدقك للاسف انا عارف اني اهمك واني لسه في قلبك بس مجروحه مني شويه وانا هطيب الجرح ده سيبيها عليا 

سلمى بصتلو بغيظ شديد ووقفت وقالت بغضب... اسيبها عليك ازاي هتعمل ايه يعني هتقدر تنسيني انك اتجوزتني وانت اساسا متجوز ومن غير ما تعرفني هتقدر تنسيني انك ضحكت عليا كل الوقت ده وفهمتني انك بتحبني هتقدر تنسيني ان مراتك جت ووقفت قدامي في اول شهر من جوازنا وعملت لي فيها فدوى البرنس وقالتلي انا ضرتك يا قلبي 

عامر ضحك بخفه على عصبيتها وقرب منها قوي وقال... اه هنسيكي كل ده وهنسى معاكي لاني هموت وانسى كل الدنيا في قربك

سلمى بصت له باستغراب من كلامه بس قبل ما تسال اي حاجه شدها بقوه بين ايديه وقرب منها في لحظه جميله اشتاق لها قوي معاها

سلمى بقت تحاول تبعدوا عنها بس هو كان مغيب تماما ولسه هيكمل دفعته وقالت بغضب.... انت بتعمل ايه انت خلاص اتجننت... متخيل اني ممكن اسيبك تقرب لي 

عامر قرب منها تاني وقال....ما تسيبنيش ليه هو انا مش جوزك انتي وحشاني قوي

 ولسه هيمسكها جريت ووقفت على السرير وقالت بغيظ.... روح لمراتك الاولى ولا فاكرني هتخانق معاها على ليله مع الباشا روحلها هيه اولى دلوقتي 

عامر ابتسم بحزن وقال.... ما حدش اولى بيا منك

 قال كده وقعد على الكنبه يشرب سيجاره بضيق شديد 

سلمى استغربتو ونزلت و شدت كرسي وقعدت قصاده وقالت ....انت اتجوزتها ليه واتجوزتني انا ليه....لو فيه حاجه انا جاهزه اسمعها 

بقلم..زهرة الربيع

عامر بص لها بحب وقال ...اتجوزتك لاني ما عرفتش الحب غير على ايديكي ولا هحب في حياتي غيرك...واتجوزتها ليه لاني 

بس اتنهد وبعد عيونه عنها بارتباك وقال... نصيب

 سلمى قالت بضيق شديد ...نصيب اه ..يعني مش عايز تتكلم برده ماشي

و راحت مددت على السرير بضيق

عامر بصلها باستغراب وقال ....سلمى هو انت كده سامحتيني 

سلمى قالت من غير ما تبص له ....لا طبعا ما سامحتكش ابدا وهتطلق وهمشي... بس مش هعمل كده غير لما امشيها هيه من البيت.... مش هي قالت لك خليك على جنب انت والتحدي بيني وبينها يا تمشيني يا انا امشيها...تمام وانا قبلت بالتحدي 

عامر ضحك بخفه وراح جنبها وقال .....طب تعالي نامي في حضني انتي وحشاني قوي 

سلمى قالت بضيق.... لا طبعا انا مش عارفه ايه الخيال الواسع اللي عندك ده و

 بس قبل ما اتكمل شدها بقوه عليه بقت بين ايديه وضمها جامد وقال... وحشتيني يا تفاحه.. وحشتني في عيونك الراحه 

سلمى ابتسمت بخفه وبصت لعيونه جامد وقالت.... طب مش هتقول اي حاجه تريح قلب التفاحه...بجد قلبي واجعني قوي 

عامر باس جبينها بحنيه شديده وقال ....هقول ووووو

تفاااااعل جااامد يا حبايب ارفعو الرتش علشان نكمل🏃‍♀️🏃‍♀️

 •تابع الفصل التالي "رواية اخياري الوحيد" اضغط على اسم الرواية