رواية فاطم (كاملة جميع الفصول) حصريا عبر كوكب الروايات للقراءة و التحميل بقلم فاطمه الدمرداش
رواية فاطم الفصل الاول 1 - بقلم فاطمه الدمرداش
واقفه ع البحر كالعاده وباخد نفسي بعد يوم طويل من المعاناة فالشغل
وفجاة جه صوت مليان كله غضب
والله بنات اخر زمن فـ وحده محترمه تقف ع البحر لوحدها
لقيت نفسي تلقائيا بقولك والله علشان وقفت اشم شوية هواء ابقا خلاص مش محترمه مين ادلك الحق انك تقول كده
هو: امال في منتقبه تقف كده مش عيب ياست الشيخه
اه نسيت اعرفكم بنفسي أنا فاطم طبعا هتقولوا فاطمه زي باقي الناس لايسكاكر فاطم بس
عندي 20سنه لبست النقاب من حوالي سنه دايما الناس بتنتقدني وبعترض لمواقف كفيلة تخليني مكتئبه العمر كله
لكن ثقتي بربنا ولاني عارفه اني معملتش حاجه لاعيب ولا حرام فمكمله لان النقاب ده حلم حياتي اصلا
اوووف طولت عليكم
:-حضرتك النقاب مزعلك فـ حاجه انا بشر ومن حقي اعمل الي انا عايزاه طالما مش هأذيك يبقا حاجه متخصكش ولا اي
حليم: المفروض تكوني ملتزمه يا استاذة
فاطم: لا إله إلا الله بجد فـ اي انت بدخل اي حاجه ف اي حاجه وخلاص مالك ف اي
مدخل النقاب ف كل حاجه كأنه عائق
حليم: بزعيق ايوه عائق كفايه انه مكبرك وكمان....
فجاة لقيت كم من الناس بيتفرج علينا
وواحد منهم قال والله مازادها إلا جمالا فوق جمالها
جريت من غير ما أعرف هو مين اصلا ولا ارفع وشي حتي كفايه الي حصل بجد انا تعبت نفسيا من حليم
حليم اخويا فالرضاعه اصغر مني بكام شهر بس مقدرش اقول أنه وحش بس حقيقي من وقت مالبسته وهو واقفلي ف كل حاجه كان دايما بيكلمني ويشاركني كل حاجه لكن الي حصل بقا
رجعت البيت والدموع بتنزل من عيوني زي الشلال
مكدبش عليكم بس كلامه ف كل مره بيحسسني اني شخص وحش اوى
اي الي بقوله ده ضربت نفسي قلم بخفه وفضلت اضحك ع الهبل الي انا فيه
قومت علطول اتوضيت وصليت ركعتين شكر لله وفضل ادعي أن ربنا يثبتني ويجعل كل المعاناة دي فـ ميزان حسناتي
ودايما بصبر نفسي بأن أكيد ربنا هيجبر بخاطري ويعوضني لان المريت بيه من انا وطفله مكنش سهل بس عندي يقين ان دى كلها اختبارات ليا عشان ربنا يشوف هصبر ولا لا والي خلاني صابرة هو أن كل البيحصل أكيد فيه خير حتي لو الابتلاء اشتد عليا
طلعت من الاوضه اشوف ماما اساعدها لقيتها نايمه وكالعاده ست الكل مخلصه كل حاجه ربنا يحفظها
دخل حليم وبص عليا عاجبك الي حصل كله منك ومن الزفت اللي أنتِ لابسها
بصيت عليه ببرود قصدك النقاب اسمه نقاب
برق عليا وعيونه كانت بطلع شرار
دخلت اوضتي وكنت حاسه أن قلبي هيقف من الخوف اصل بصته مرعبه اوى
صليت فرضي وبدأت اقرئ قرآن محستش بنفسي غير ماما بتقولي قومي العشا جاهز
صحيت بصعوبه حاضر يـ مامتي
الام: يحضرلك كل خير يـ غاليه
اكلنا وماما كل مرة بتبهرنا بالاكل حتي لو أكلنا نفس الحاجه مية مرة ليها نفس مميز فالأكل
حليم خالتو: انا عايز أتكلم معاكِ فموضوع وبصلي بطرف عينه وهو بيجز علي اسنانه
فهمت أنه هيتكلم للمرة المليون عشان النقاب
قطعت الصمت ده وقولت طيب يجماعه انا نفسي اتسدت خلاص
ماما: نعم ياختي اكله طبقيت بشاميل اد كده وفراخ ونفسك مسدوده امال لو كانت مفتوحه كنتِ عاملتي اي ياضنايا
عاملت نفسي زعلانه وقولت طيب انا مش مكملة اكلي واخدت طبق المكرونه بالبشامل التالت
ورايحه ادخل الاوضه
ضحك حليم وقال لماما بنتك مشكله بجد
بصيت عليه وقولت المنتقبات برضو دمهم خفيف وعسل بس ناس كتير شايفه أننا اتخلقنا للعقد والتشدد بس قولت كده وانا قاصده كل حرف علشان افهم حليم وكان وقتها نفسي امسك ميكرفون واقول كلام كتير من ده لحليم وغيره
حليم: انا عايزك دلوقتي خالتو
الام: طيب يا بني روح اقعد فالبلكونه وهعمل فنجانين قهوة وهاجي وراك
وبصت عليا بمعني ادخلي اوضتك
دخلتي اوضتى فتحت الفون اتسلي شويه عشان اغير من مودى
فلقيت فـ وشي
هتعدي؟
= مش ڪل إللِـ فات عدى؟ شايل هم الجاي ليه !!
﴿لَا تَدْرِي لَعَلَّ اللَّهَ يُحْدِثُ بَعْدَ ذَٰلِكَ أَمْرًا﴾
ابتسمت وحمدت ربنا ع كل حاجه عدت بلطفه ورحمته ليا وحقيقي ربنا رحيم اوى بينا كلنا
وان البوست ده اشارة ليا وكل حاجه هتبقا تمام
دخلت ماما ومتكلمتش خالص
ماما حليم زعلان مني صح
الأم: فـ خبر مش كويس
فاطم: ان شاءلله خير ممكن اعرف حليم قالك اي
الام: ماهو بخصوص حليم انا بتكلم
حليم عايز يمشي يا فاطم قلبي واجعني اوى عايز يروح عند ابوه
ابوه ميعرفش حاجه عنه انا حليم ربيته وهو زي مابيقولوا فالفه امه ماتت هي وبتولده وانا الي ربيته الفترة دى معاملته اتغيرت خالص معايا بجد بيقولي يخالتي مش يماما كلامه محدود وكأن فـ حاجه معاه
وياريت عايز يمشي بس ده بيخيرني يا أما أنتِ تقلعي النقاب يا هو يمشي الله يرضا عنك اعملي حاجه حليم بيضيع مني فـ حاجه غلط بتحصل معاه انا مدركها لحد دلوقتي
فاطم لو حليم مشي هتبقي أنتِ السبب
يتبع......
فاطم
بقلم فاطمه الدمرداش
•تابع الفصل التالي "رواية فاطم" اضغط على اسم الرواية
تعليقات
إرسال تعليق