رواية دواء الروح الفصل الاول 1 - بقلم اماني سيد

 رواية دواء الروح (كاملة جميع الفصول) حصريا عبر كوكب الروايات بقلم اماني سيد

رواية دواء الروح الفصل الاول 1 - بقلم اماني سيد

ـ ماما انتى بتقولى إيه عايزانى اتجوز مين نداء  اكيد بتهزرى ملاقتيش غير دى عشان تجوزهالى دى مافيهاش حاجه عدله لا جسم ولا شكل ولا إسم ولا حاجه ولابسه نضاره واكله وشها ، وفوق ده كله انتى عارفه انى بحب بنت تانيه ووعدتها أنى هتجوزها 

ـ عشان تعرف إنك خايب وبتبص تحت رجلك 

عارف أشمعنى البنت دى اللى مصممه انى اجوزهالك وهجوزهالك غصب عنك 

ـ لا 

ـ البت ابوها ما*ت من شهرين لا ليها أب ولا ام ولا خال ولا عم مقطوعه من شجرة عمرنا ماسمعنا حاجه عنهم وفوق كده الشقه اللى قاعده فيها ابوها كتبها باسمها عشان يأمن مستقبلها غير انها دكتوره يعنى مرتبها كويس وبتاخد فلوس من كل عمليه ، بص من الاخر كده يعنى البت  يتيمه ومعاها شقه وفلوس واحنا يا حسره قاعدين فى شقه إيجار معاش أبوك كله بنحطه فيها وفوق كده الراجل عايز يزود الإيجار تانى 

ـ طيب وانا مالى بده كله وحتى لو انا  وافقت على كلامك  اعمل ايه مع رنا  اللى واقف حالها معايا بقالى سنتين دى اعمل معاها ايه قوليلى 

ـ هقولك مالك واللى هتعمله ده هيخليك تتجوز فى ظرف ٦ شهور ولما تحكى لرنا هتساعدك وتفرح كمان 

ـ إزاى بقى 

ـ بص يا خايب البت دى انا قربت منها بعد وفاة أبوها وعرفت منها حاجات كتير وفضلت اكلمها عنك ياما وحسيت كده من كلامها إنها معجبه بيه 

ـ وانتى قولتلها عنى إيه 

ـ قولتلها انك شغال محاسب كبير فى شركه سياحه 

ـ بس انا مش كده انا موظف حجز 

ـ وهى ليها حد يدور وراك وبعدين اللى يشوفك يقول إنك صاحب شركه السياحه مش بس محاسب .

ـ طيب برضو مقولتليش لما اتنيل ارتبط بيها أنا هكسب ايه 

ـ تمضيها على بيع الشقه انا هتصرف يوم كتب الكتاب واحطه فى الورق اللى هتمضى عليه وبعدين انت واحده واحده كده تعيش عليها دور الرومانسيه وتاخد كل فلوسها 

ـ واعملها إزاى دى بقى 

ـ هقولك فى وقتها وبكره هتدعيلى المهم دلوقتي انت انزل هات أى حاجة من تحت وانا هنادي عليها تقعد معايا شويه بحجه انها تقيسلى الضغط وانت تيجى تقعد معانا وأنا هقوم أعمل شاى او أى حاجة واسيبكم تتكلموا مع بعض وانت بقى عايزاك تجلفها تطلعها سابع سما انت فاهم يا طه 

ـ ماشى لما نشوف اخرتها بس لو محلصش اللى قولتى عليه وقتها هيكونلى كلام تانى 

ـ أسمع كلامى وانت تكسب يا طه 

ـ حاضر يا امو طه انا نازل 

ـ هتنزل كده 

ـ منا بنزل كده إيه الجديد 

ـ هنعيده تاتى انا بقولك خلى البت تموت فيك اهتم بنفسك خش البس حاجه شيك كده وظبط نفسك قبل قابلها 

ـ حاضر

دخل طه ولبس و اتشيك وحط برفان ونزل يشترى شويه طلبات  وقامت زينب اتصلت على نداء عشان تجلها وتبدأ في تنفيذ خطتها 

       *****************

فى بيت هادى كانت نداء قاعده لحدها بتتفرج على برنامج طبى على الفيس بوك وهى مركز فى البرنامج تليفونها رن وكانت زينب جارتها ردت عليها بود فمن وقت مو*ت ابوها وعلى طول زينب بتزورها ومش بتسيبها غير وقت نبطشيتها مكنتش بتضايق زينب منها ابدا بالعكس كانت شايفها ست طيبه وبتقف جمبها فى محنتها وصراحه "زينب كانت محترفه فى تمثيل دور الأم بجدارة "

ردت عائشه على التليفون 

ـ سلام عليكم ازيك يا طنط عامله ايه 

ـ انا تعبانه أوى يا عايشه حاسه إن ضغطى واطى وطه خرج ونسى التليفون وانا نفسي تقل كده 

ـ طيب افتحى الباب أنا جيالك حالا

لبست نداء الاسدال وراحت لشقه زينب ومعاها جهاز الضغط فتحتىها زينب وهى بتمثل الدوخه وقاستلها عائشه الضغط وجدته طبيعى 

ـ الضغط الحمد لله طبيعى يا طنط 

ـ منا كلت مخلل كتير عشان ارفعه بس لسه مزغلله برضو 

ـ ألف سلامة عليكى يا طنط كويس انك كالتى حاجه حادقه طيب تحبى اعملك حاجه تكليها او اساعدك بحاجة 

ـ لا يا حبيبتى تسلميلى يارب انا زمانه جاى وهو بيساعدنى فى كل حاجه اصله حنين عليه أوى 

ـ ربنا يخليهولك يارب تحبى اعملك حاجه طيب قبل مامشى 

ـ لا خليكى معايا شويه انتى فاضلك ٤ ساعات لسه صح

ـ عشان ترتاحى بس 

ـ وجودك جمبى راحه 

وهما بيتكلموا خبط طه على الباب واستاذن ودخل ومثل إنه تفاجئ بوجود عائشه 

ـ معاكى حد

ـ تعالى يا طه متتكسفش دى عائشه انت عارفها انا كلمتك عنها كتير 

ـ أه أهلا ازيك يا نداء ماما بتحبك ازى ودايما بتتكلم عنك بالخير كانت بتتمنى تجيب بنت زيك

ـ لا يا طه انا بطلت اتمنى هى خلاص بقت بنتى 

حست عائشه بمشاعر حلوه وسطهم وفرحه حست إن فعلاً ربنا عوضها عن عيلتها 

كملت زينب كلام 

ـ جبتلنا ايه معاك انا عارف مابتدخش عليا ايدك فاضيه 

ـ جبتلك بسبوسه اللى بتحبيها 

ـ طيب خليكوا قاعدين على ما اروح احطلنا حتتين فى طبق واعملنا كوبايتين شاى 

ـ طيب خليكى انتى يا ماما واعمل أنا 

ـ والنبى اقعد هو انت شايك ده يتشرب 

دخلت زينب المطبخ عشان تدى مجال لابنها يحاول يتقرب من عائشه 

عند طه بدأ فى الكلام 

ـ ازيك يا دكتوره عامله ايه 

ـ بخير الحمدلله 

ـ صحيح انتى دكتوره ايه 

ـ انا دكتوره جراحه 

ـ بجد ما شاء الله انا بشتعل محاسب فى شركة*****

ـ دى شركه كبيره ما شاء الله 

ـ شغلك صعب طبعا يا دكتوره 

ـ هو اه صعب بس انا بحبه آمال مامتك أتأخرت ممكن يكون تعبت 

ـ لا لا هى دخلت التواليت بس 

ـ تمام ممكن تستعجلها عشان متاخرش 

ـ ايه ده انتى ذهقتى منى انا اسف مقصدش 

ـ لا والله أبدا بص مايصحش 

ـ حاضر يا ستى هدخل اناديها 

دخل طه ونادى مامته اللى جت باطباق البسبوسه والشاى واكلت معاهم نداء وبعد كده مشيت عشان تروح المستشفى 

" نظاء دكتوره جراحه بتشتغل في مستشفى خاص بشرتها باهته وبها بواقى حبوب جسمها لا لا تخين ولا رفيع متناسق لكن بتلبس اشياء لا تناسبها بتعطيها حجم زيادة" 

دخلت نداء المستشفى وبعظين راحت عشان تبدل هدومها وراحت الاستقبال عشان تستعلم عن الحالات الجديدة 

ـ صباح الخير يا دكتوره نداء 

ـ صباح الخير يا منى الحاله رقم **** والحالة رقم ***** عاملين ايه 

ـ حالتهم اتحسنت ودكتور رفيق كتبلهم خروج 

ـ طيب كويس ، فى جديد 

ـ اه دكتور وفيق سأل عليكى  هو فى اجتماع فى  مكتبه دلوقتي وقدامه نص  ساعه ويخلص الاجتماع ادخليله بعدها

ـ تمام هعدى على حالات المرضى وبعدين اروحله هى دكتوره نيفين جت 

ـ أه جت فى غرفه الأطباء 

مرت نداء سريعاً للاطمئنان على المرضى وبعدها راحت غرفه الأطباء ووحدت نيفين تعمل على ملف لحاله عندها 

ـ ايه يا نوفا مركزه اوى كده فى ايه 

ـ المريض ده الورم انتشر فى جسمه والمفروض إنه كان داخل عمليه 

ـ بس كده العمليه مش هتفيده ماينفعش يدخل لازم الاول ياخد كيماوى واشعاع يحجموا الورم عشان نقدر نشيله 

ـ يعنى ابعته للجنه اورام صح كده 

ـ اه ده انسب حل 

ـ عندك حق ، شكلك فى حاجة عايزه تقوليها قولى 

ـ فاكره جارتى اللى كلمتك عنها زينب 

ـ اه اللى قولتلك انا مش مرتاحلها 

ـ لا دى طيبه جدا هى وابنها بس انا حاسه بحاجه غريبه كده تجاه 

سابت نيفين الملف من اديها وبصت لنداء بتركيز 

ـ ماله ابنها 

ـ اسمه طه مش عارفه بحسه بيحاول يقرب منى يفتح معايا كلام حتى انهارده مامته سابتنا لوحدنا عشان نتكلم ودخلت بحجه انهت تجيبلنا بسبوسه كان شكلها باين اوى 

ـ وانتى عملتى ايه

ـ ولا حاجه كلمته شويه وطلبته يناظى مامته عشان مايصحش نقعد لوحدنا 

ـ برافو إنك عملتى كده حرصى منهم يا نداء 

ـ ماتقلقيش عليه 

ـ مش قلقانه عليكى بس نفسى تسمعى كلامى تعالى نخرج نروح مركز تجميل اشتركى فى جيم بلاش الحبسه دى 

ـ أنا اتعودت على كده صعب اغير طبعى مش ، بابا كان محافظ أوى ودايما يقولى حافظى على فلوسك بلاش ترمى فلوسك فى شويه هلاهيل ، عارفه يا نوفا بقيت اتكسف اروح مراكز التجميل زى أى بنت حتى اللبس معنديش ذوق فيه بجيب من النت وللاسف مش بيكون شبهه الحقيقة 

ـ انا معاكى يا نداء هساعدك بس انتى اخرجى بره الدايره اللى ابوكى حاطك فيها 

ـ حاولت حاولت مش عارفه جربت لقتنى خايفه مقدرتش لما اجى اصرف فلوس بشوف بابا قدامى دايما وصدى صوته فى ودانى دايما ، انا عندى فلوس يا نوفا ورثى من بابا ومرتبى وكل حاجه متشاله مش عارفه اصرف ولا استمتع بيهم بقيت احسن إن اللبس والميكب وكل الحاجات دى مش من حقى كماليات بس 

ـ ربنا يهديكى يمكن اللى جاى يغيرك يا نداء بس انتى محتاجه تتغيرى 

ـ هحاول انا هروح دلوقتي لدكتور رفيق عشان كان طالبنى 

ـ تمام روحى وانا هروح ابلغ المريض وعيلته إن ماينفعش عمليه 

  راحت نداء لدكتور رفيق المكتب ودخلتها السكرتيره بمجرد وصولها 

ـ دكتور رفيق حضرتك طلبتنى 

ـ اهلاً بكِ يا دكتورة نداء، اتفضلي. كنت عايز أشكرك على عمليه اللى عملتيها لمريض غرفه ٣٠١  بصراحه عديتى كل التوقعات 

ـ العفو يا دكتور، ده واجبي. بس في حاجة كنت عايزة أبلغ حضرتك بيها، حالة المريض اللي كنا بنتابعها دلوقتي، اللي حضرتك طلبت إجراء عملية عاجلة ليها 

ـ أيوه، في حاجة حصلت؟

ـ للأسف، بعد ما عملنا كل الفحوصات اللازمة، اتضح إن حالة المريضة مش مستقرة زي ما كنا متوقعين. في مضاعفات كتير ممكن تحصل لو أجرينا العملية دلوقتي، والمخاطرة كبيرة جداً.

ـ انا برضه فكرت فى كده قلبها مش هيستحنل العمليه لازم تمشي على ادويه تساعد في تقوية القلب الاول ؟

نداء: للأسف، ده الحل الأنسب في الوقت الحالي هى لسه خارجه من عمليه اسطره . محتاجين ندي للمريضة فرصة إنها تستعيد قوتها قبل أي تدخل جراحي.

ـ أنا شايف إنكِ على حق. ده قرار صعب، بس هو الأفضل للمريضة في النهاية.

ـ بالظبط، أنا هروح دلوقتي أبلغ أهل المريضة بالقرار.

ـ  تمام، وبلغينى  بأي جديد.

خرجت نداء من مكتب الدكتور رفيق وهي تشعر بالأسف الشديد على حالت المريضه. ذهبت إلى غرفة المريضة وأخبرت عائلتها بالقرار.

ابنها  بس يا دكتورة، احنا كنا متأملين في العملية دي جداً وانتوا قولتوا انها هتتعمل فى أقرب وقت 

ـ أنا آسفة جداً، بس ده في مصلحة المريضة. لو عملنا العملية دلوقتي، ممكن تحصل مضاعفات خطيرة وممكن القلب يقف مننا .

الابن:  طب هنعمل إيه دلوقتي؟

ـ هنبدأ علاج جديد للمريضة، وهنعمل لها متابعة دورية. وزي ما قلتلكم، هنأجل العملية لحد ما حالتها تستقر تماماً ويفضل لو جبتلها ممرضه تقيم معاها هيبقى عندها خبره اكتر 

ـ ماشي يا دكتورة، هنعمل كل اللي حضرتك بتقوليه. ينفع حضرتك تيجى البيت تتابعيها بنفسك 

ـ اكيد بإذن الله انا هظيك رقمى ولو فى أى حاجة كلمنى فى أى وقت انا هكتبلك دلوقتي على خروج 

كتبتله نداء تصريح خروج وكتبتله رشته بالعلاج 

ـ تمام يا دكتوره شكرا 

خرجت نداء من غرفة المريضة وهي تشعر بحمل ثقيل على قلبها. قررت أن تبذل قصارى جهدها لمساعدة المريضة على التعافي 

طوال الوقت كانت نداء بتمر على المرضى وتباشر حالتهم بنفسها الى ان انتهى اليوم 

روحت نداء بيتها وهى طالعه السلم قابلت طه قدامها 

ـ نداء صباح الخير 

ـ صباح النور 

ـ انتى لسه راجعه 

ـ أه 

ـ شكلك مرهق جدا

ـ طبيعى الشغل بيكون كتير عن اذنك 

ـ استنى 

ـ خير هى طنط زينب كويسه 

ـ بصراحه يا نداء انا كنت عايز اكلمك فى موضوع ضرورى ينفع نقعد نتكلم شويه فى مكان 

ـ أنا اسفه مش بخرج مع حد غريب بس ممكن اديك رقمى وتكلمنى 

ـ طيب هاتيه وانا هكلمك وانا رايح الشغل دلوقتي 

ـ اتفضل 

اديته ندار رقم التليفون واتصل بيها طه 

•تابع الفصل التالي "رواية دواء الروح" اضغط على اسم الرواية