رواية نور اليونسي الفصل التاسع عشر 19 - بقلم دينا عبد الله
نور: اتصلت ب بسمه و قالتلي وهيا دلوقتي في المستشفى معاه
يونس: عارف
سمحت دموعها وقالت: وانت عارف منين
يونس: ما انا اللي ضربت نار علي حمزه
بصتله نور بصدمه وقالت: انت بتقول ايه... انت اللي...
يونس: اه انا مش انتي قولتي عايزه ترجعيهم لبعض
نور: ارجعهم لبعض مش افرقهم العمر كله... انت مستوعب انت عملت ايه دا حمزه ممكن يموت
يونس: متقلقيش مش هيموت
نور: وانت اي اللي مخليك متأكد كده دي الرصاصه دخلت في صدره
يونس: في صدره مش في قلبه وبعدين متقلقيش في دكتور شاطر جدا هيطلع له الرصاصه وهيبقي كويس
نور: وانت عارف منين انه اللي استلم حالته دكتور شاطر
يونس: منا متفق معاه علي كل حاجه ف اطمني
بصتله نور بشده بعدين قالت: طيب افرض نقلوه لمستشفي غير اللي متفق عليها
يونس: مفيش مستشفى غيرها هنا
نور: انا بقيت اخاف اطلب منك حاجه تانيه بعد كده
ضحك يونس وقال: ليه
نور: طلبت منك اني عايزه اشوف بسمه بعت رجالتك خطفوها والبنت كانت هتموت من الخوف قولتلك عايزه ارجعهم لبعض قومت ضربت عليهم نار كنت هتموتهم.... انت بلطجي علي فكره
يونس: بلطجي
نور: اه دا شغل بطلجيه معندك طرق تانيه غير دي
طلع يونس المسدس وطلع الرصاص منه وهوا بيقول: لا معنديش غير كده
بصت نور علي المسدس بخوف وصدمه وقالت: اي كل الرصاص دا انت كنت ناوي تفرتكهم ولا اي
يونس: والله كنت ناوي اخلص علي اسمه ماجد دا ونخلص بس غيرت الخطه
نور بصدمه: كنت هتقتله
بصلها وضحك وقال: متخفيش انا مش مجرم يعني دي كانت مجرد فكره
نور: المسدس اللي في ايدك دا مرخص ولا شغل بلطجه برضو
بصلها وقال: شغل بطلجه... في اي يا نور كأني مجرم قدامك
نور: طيب بعدو عني
ضحك وقال: ماشي
نور: طيب ازاي كده هيرجعو لبعض
يونس: بصي هما دلوقتي كلهم كانو في المكان والاتنين حمزه و يوسف قدام ماجد مين بقا اللي مخفش علي نفسه وضحى بحياته عشان اخته.... حمزه برغم ان يوسف كان جنبها بس معملش كدا.... فكرة بقا ان حمزه انقذ حياة بسمه اللي هيا اخته الوحيده اللي كان من الممكن انه يخسرها في اللحظه دي بس لولا حمزه اللي نقذها.... حمزه هيكبر في نظر ماجد
نور بتفكير: طيب افرض مكبرش في نظره واللي عمله ولا حاجه.
يونس: لا انا واثق ان تفكير ماجد هيتغير..... دا غير يوسف اللي اول ما يعرف ان بسمه وحمزه كانو بيحبو بعض وبعد اللي عملو حمزه مش هيقدر يكمل مع بسمه... وبكدا هيرجعوا لبعض
سكتت نور بتجمع الاحداث وتفكر فيها بعدين قالت: عندك حق.... مع ان الموضوع خطر على حمزه بس برافو عليك ذكي
ضحك يونس: مش سهل انا هااا
ضحكت نور بعدين قالت: انت مش بترد علي تليفونك ليه اتصلت بيك كتير مش بترد بعدين بقا مغلق
يونس: يبقا انتي اللي كنتي بترني عليا هوا كان شغال بس فصل شحن... المهم البسي عشان نروح لصحبتك
نور بفرحه: بجد هنروح
هز يونس راسه وقام وقال: يلا متتأخريش
وطلع من الاوضه قامت نور بسرعه تغير هدومها... دخل يونس اوضته وحط تليفونه علي الشاحن وطلع من غير ما يفتحه
************
يوسف: وانتي ازاي متقوليش ليا علي حاجه زي دي
بسمه بدموع وحزن: ككنت هتفهم الموضوع وقتها غلط... انا اسفه يا يوسف بس مش هقدر اكمل معاك انت شاب كويس و محترم واي بنت تتمناك... اسفه بس مش هقدر
يوسف بحزن: عارف وانا مش هقدر اجبرك انك تكملي معايا
بص يوسف علي ماجد اللي واقف سامعهم وساكت وقال له: ماجد انا عايزك تعرف وتتأكد ان حمزه شاب كويس ومحترم مش زي منتا فاكر وهوا عمره ما يفكر يخدع اي بنت عشان خاطر الفلوس.... صاحب عمري وانا عارفه كويس هوا زعلت عشان مش هنكمل انا وبسمه بس مبسوط لـ صاحبي انه يرجع للبنت اللي بيحبها صدقني يا ماجد مش هتلاقي احسن منه لـ اختك بسمه
سكت ماجد وهوا بيفكر في كلام يوسف ليه وبيفتكر حمزه لما انقذ اخته وخد الطلقه في صدره... خرج الدكتور جريت بسمه عليه وقالت بدموع: طمنا يا دكتور
الدكتور: متقلقوش هوا كويس احمدو ربنا انها مجتش في القلب والا حالته بقت شبه مستحيل انه يعيش
بعدين سابهم ومشي... حطت بسمه ايديها علي قلبها وهيا مطمنه عليه... شافت نور جريت عليها وحضنتها وهيا بتعيط جامد بصت نور ليونس بغيظ لانه السبب في عيطاها وخوفها علي حمزه ابتسم يونس وسابهم وقرب من يوسف و ماجد وقال بهدوء: الف سلامه علي حمزه
يوسف بدهشه: مش مصدق مش انت......
قاطعه يونس وقال بهدوء: اه انا
بص يوسف علي ماجد اللي كان مندهش من وجود يونس
ماجد: بس انت تعرف حمزه منين
يونس: حمزه بيشتغل معايا
انصدم ماجد و يوسف فقال يوسف: حمزه شغال في مطعم
يونس: بيشتغل في المطعم لما بياخد اجازه من عندي... هوا عامل ايه دلوقتي
يوسف: كويس لسه خارج الدكتور و طمنا عليه
هز يونس راسه بهدوء وبص علي نور اللي بتواسي بسمه وبتحاول تهديها
********
كان قاعد صابر قدام اوضة العمليات وهوا خايف جدا علي بنته وبيدعي ربه انها تبقي بخير... خرج الدكتور قام صابر وقال بلهفه وخوف: بنتي عامله ايه
الدكتور: مش هقدر اقول لك علي اي حاجه دلوقتي حالتها حرجه جدا ادعي لها
وسابه الدكتور ومشي... قعد صابر علي الارض قدام باب الاوضه و دموعه بتنزل وهوا حاسس انه خلاص هيخسر بنته
صابر بدموع وحزن: ليه يا فريده ليه مسمعتيش كلامي يا بنتي و رجعتي لييييه
كمل بغضب ودموع: كل منك يا يونس انت السبب... انت السبب بس هخليك تندم اللي عملته معاك كووم واللي جاي كوم تاني
******
فتح حمزه عينيه تدريجياً لقي بسمه قاعده جنبه بصتله بابتسامه و دموع... رفع ايديه ومسح دموعها و ابتسم بتعب وقال: انا كويس متخافيش
بسمه بعتاب: عملت ليه كده
حمزه: انت عارفه كويس عملت ليه كده
بسمه بدموع: اومال كلامك ليا قبل كده كان اي كدب... كنت حاسه بكده بس كنت بتوجعني اوي
حمزه بندم: سامحني كان غصب عني صدقيني
بسمه بابتسامة و دموع: مسمحاك يا حبيبي
دخل يوسف و معاه ماجد... بص حمزه ليوسف وكان لسه هيتكلم قاطعه يوسف وقال: من غير ما تقول اي حاجه عارف هتقول ايه وحابب اقولك انا وبسمه مش هنكمل مع بعض... و دلوقتي دورك تكمل معاها
بصله ماجد شويه وقال: بشكرك علي اللي انت عملته و انقاذك لاختي.... انا اسف لو غلط في حقك من غير قصد كنت واخد فكره غلط عنك
حمزه: مفيش داعي لتعتذر من حقك تخاف علي اختك انا عاذرك
بص ماجد علي بسمه وقال بندم و دموع: سامحيني
بسمه بدموع و ابتسامه: هوا انت اي نعم قسيت عليا وجيت عليا بس مهما هتعمل مش هزعل منك انت اخويا وسندي الوحيد
ابتسم ماجد وبص لحمزه وقال: قريب هيكون ليكي سند غيري
بصت بسمه لحمزه وهيا مبسوطه اوي... بصلها حمزه وهوا فرحان انهم هيرجعو لبعض تاني
دخل يونس و معاه نور... بصله حمزه بدهشه من وجوده... قربت نور ووقفت جنب بسمه وهيا مبسوطه انها شيفاها فرحانه بصت لحمزه وقالت: حمدالله على سلامتك
حمزه بدهشه: الله يسلمك
بص حمزه ليونس قاله يونس بهدوء: حمدالله على سلامتك يا بطل قوم بقاا عشان عندنا شغل كتير
حمزه: شكرا على وجودك مكنش في داعي تتعب نفسك وتجي لحد هنا
بصت نور علي يونس وهيا كانت عايزه تقول لحمزه ان يونس اللي ضربه بالنار بصلها يونس وغمز بعدين طلع برا... سلمت علي بسمه وطلعت وراه
كان ماشي جريت ووقفت جنبه وقالت: شكرا اووووي انك ساعتهم يرجعو لبعض
بصلها وقال بابتسامة وحب: عشان خاطرك اعمل المستحيل
لمح يونس صابر وهوا واقف في الريسبشن وكان بيتكلم مع الدكتور اللي متابع حالة فريده وكان حزين جدا.... استغرب يونس من وجوده راح قرب عنده و نور وراه.... شافه صابر وبصله بغضب وحقد شديد
صابر بغضب: انت عايز ايه تاني مش كفايه اللي حصل لبنتي فريده بسببك
بصله يونس بشده وقال: وانا عملت ايه و مالها فريده
صابر بغضب: بنتي فوق في العنايه المركذه بسببك انت
انصدم يونس وانصدمت نور كمان وهيا مش فاهمه حاجه اي اللي حصل مع فريده وازاي يونس السبب فيه
بص صابر علي نور وابتسم بسخريه وقال: دي مراتك مش كده
بصت نور ليونس بصلها يونس بعدين بص لصابر وقال: حصل مع فريده ايه وهيا ليه في العنايه المركذه
بص صابر علي نور وقال بسخرية: اقول قدام مراتك عادي ولا خايف علي مشاعرها
كانت نور بتبصله وهيا مش فاهمه حاجه
صابر بمكر: اصل جوزك خايف تعرفي انه كان متجوز
نور بصدمه: متجوز
بص صابر ليونس اللي كان بيبصله بضيق وغضب انه قالها كمل صابر وقال: متجوز بنتي فريده
•تابع الفصل التالي "رواية نور اليونسي" اضغط على اسم الرواية
تعليقات
إرسال تعليق