رواية ام بالاجبار الفصل التاسع عشر 19 - بقلم فيروزة

 رواية ام بالاجبار الفصل التاسع عشر 19 - بقلم فيروزة 

ام-بالأجبار...

ادم اتكلم بضحك و صوته باين عليه الحزن....وانا كمان هنام

وقام وقرب مني وحضني واتكلم بهمس...حبيني خالي ده يحبني كان بيتكلم وهو بيشاور علي قلبي 

اتكلمت بحزن...هعمل كل اللي اقدار عليه علشان احبك وده يدق ليك

كنت بتكلم وانا بشاور علي قلبي 

ادم ضمني اوي ليه واتكلم بهمس....انتي امنيتي من الدنيا حبك هدفي من الحياه 

مسك ايدي وحطها علي قلبه واتكلم بهمس وهو لسه ماسك ايدي... ده قلب بينبض بحبك وعلشانك 

ورفع ايدو وحطها علي قلبي وهو لسه ماسك ايدي واتكلم بهمس...وده قلب عايزه ينبض بحبي وعلشاني 

ساب ايدي وبعد عني خطوه واتكلم بحزن... تصبحي علي خير انا اوضتي جنب اوضتك نامي برحتك انا عمري ما هقرب منك غير برضكي ولما انتي اللي تطلبي قربي وتحبي حضني ودف قربي منك وتبقي عايزني جنبك زي ماأنا عايزك وقتها بس هعرف انك حبتيني وعايزني في حياتك وقلبك 

 ...انتي عارفتي دلوقتي هتعملي ايه او ما تحسي بده أنه بينبض بصوت مسموع لعاقلك قبل قلبك...هستنكي للابد ...

كان بيتكلم وهو بيشاور علي قلبي...

اول ما طلع من الاوضه انا قعدت في الأرض وحطيت ايدي علي قلبي اللي كان بينبض بجنون وكإني كنت في معاركه

لما سحب ايدي وحطها علي قلبو حسيت بيه بينبض بجنون 

وحسيت بالدف في قربه وكأنه مكاني المفضل ..

غمضت عيني وانا بحاول انسا قربه مني ...حضنت نفسي وانا قاعده في مكاني وكنت بحاول انسا الماضي وانسا خوفي وانسا نفسي ....في سني ده مش عايزه حاجه غير الهدوء لقلبي وشويه حب يروي قلبي من عطش وخوف سنين... كلامه كل مره بيلمس جزء محرم من قلبي جزء مكتوب عليه ممنوع ممنوع 

سبت نفسي لعالم الاحلام وهاجرت بي اقرب سفينه وأبحرت بخيالي للنجوم وكإني خرجت من جسمي وقلبي لعالم الحب حتي ارا الحب في قلب السماء الصافيه ياااااه انا مش شايفه غير لمعه عيون ادم وهو بيكلمني وكياني بيختلف في قربه كأن روحي هي اللي موجوده في حضنه لاقيت نفسي في حضنه وحسيت بالطمأنينة والسكينه والررراحه يااااااه فعلا انا بحلم بالنعيم في حضن الاحلام الصامته بدون كلام ولا همس فقط النبض بالحب والخوف من الحاضر....

صحيت من احلامي ونزلت لأرض الوقع علي صوت ادم وهو بيخبط علي الباب ...

ادم اتكلم بهدوء وهو بيخبط ...سما تعالي ماما وبابا بره وعايزن يشوفكي ممكن ادخل علشان نتكلم ...

اتكلمت بهدوء... ادخل...

قومت من مكاني وهو قرب مني وحضني واتكلم بهمس...

سما اي حاجه بينا فاهي بينا مستحيل تخرج بره حضني 

قدام اي حد ربنا خلقه احنا أسعد اتنين انا عايز اكون انا بس اللي اشوف لمعت عنيكي واكون اقرب من نفسك ليكي عايز اكون امانك اكون الشاط بعد موجه عاليه اكون البر وسط زحمه صيف انا بنيت كل حياتي علي اللحظه اللي هتكوني فيها في حضني إستنيت ايام وشهور وسنين علشان لحظه 

...انتي كنتي حلم بعيد واخيرنا بين إيدي وضامك بين ضلوعي انا خايف اطلعك من حضني تتبخري وكإنك حلم انا طول الليل خايف اكون بحلم وأصح علي واقع وأرض قاسيه بور من غيرك ..لما بحضنك بحس بالأنتماء إحساس غريب وصعب الايام إللي فاتت كانت شتاء قاسي والتلج كان علي الابواب بس اول ما حضنتك حسيت بالربيع والورود في كل مكان في قلبي كل مكان كان ميت من الحزن رجع بالزهور بقوه ..عارف اني بضغط عليكي بس والله ده حب ...انا عايز اشوف لمعت عنيكي...

وانا في حضنه حاسه بالحنان والأمان وكلامه بيرن في قلبي قبل وداني والوقت في حضنه ثواني اول ما ساكت حسيت بالحزن ببقي عايزه يفضل يتكلم علشان احس بالدف الموجود في صوته محواط قلبي اكتر كلامه ليه طوق نجاه من غرق مواكد بسبب جرح قديم ...

ادم اتكلم بهدوء...ساكته ليه ...

اتكلمت بكسوف وانا بدفن راسي في حضنه اكتر ...بسمعك بقلبي ...

ادم اتكلم بصدمه ... بقلبك ...

اتكلمت بابتسامه...كلامك لحن لطيف بيرن هناك ...

ادم اتكلم بضحك ...هناك فين ...

اتكلمت بكسوف وهمس...خلاص بقي...

ادم اتكلم بابتسامه...حاضر ...يلا غيري انا هستنيكي بره ... وصحيح بلاش تهزري مع يونس كلامك بحدود معه ...

اتكلمت بضحك وانا ببعد عن حضنه ...هحاول ...

مشيت بسرعه من قدامه ودخلت الحمام ...اخر حاجه سمعتها كان صوت ادم وهو خارج من الاوضه وبيقول ...انا بغير

بعد ما طلعت من الحمام غيرت هدومي وطلعت لاقيت عمي ومرات عمي ويونس اللي اول ما شافني قام بسرعه علشان يحضني بس ادم وقف بينا وحضني هو واتكلم وهو بيضغط علي أسنانه من الغيظ ...انت يابني مش انا لسه قايلك اوعي تقرب من مراتي تقوم بعدها بثانيه عايز تحضنه ...

يونس بضحك...وفيه ايه هاااا هي ليك لوحدك ...

ادم بعد عني وقرب من يونس ومسكه من ودانه وشدها جامد ...ايه هي ليك لوحدك دي انت عبيط ماهي اكيد ليه لوحدي إياك ثم إياك تفكر بس شوف تفكر تقرب منها انت اقرب حاجه بينكم تكون علي بعد متر ...فاهم ..

اتكلمت بضحك...خلاص سيبه يا آدم ...

ادم سابه وقرب مني وحضني....اديني سبته علشانك ..

يونس بضحك...وه من كلمه سبتني ده انتي سرك باتع يا سما  بركاتك..

عمي اتكلم بضحك...بس يابني بس انت ايه اللي جابك معانا ..

يونس اتكلم بضحك...جاي اطمن علي بنت عمي ...

ادم بصله بصدمه ...تطمن عليه ازاي ...

يونس اتكلم بضحك وهو بيغمز لادم...من حاجه كده ولا كده ولا

قبل ما يكمل كلامه آدم كان مسك المخده اللي جنبه وحدفها في يونس واتكلم بغضب ...اطلع بره بدل المره الجايه هتكون بالفازه فاهم ...

وراح ماسكها في أيده ...

يونس قام بسرعه وجري...الجري نص الجدعنه يا عم ...لا  اوعي تمسك فيه يا آدم انا لسه واكل والله يا حبيبي...

وكمل جري وطلع من الشقه كلها ...

ادم اتكلم بهدوء...شايف ابنك ..يا بابا بطل ضحك انت كمان ...

عمي اتكلم بضحك...والله يابني مش قادر حاسس اني بتفرج علي القط والفار ....ابقي فكريني يا آدم لما ابقي زعلان ابقي اجيبهم عندنا علشان نفرفش شويه  ...

ادم اتكلم بغضب ...قوم يا بابا وخد ماما في ايدك وامشي هو انا ارجوز ...

عمي قام وخد مراته ومشو بعد ما حضني وواصه ادم عليه ..

ادم اتكلم بضحك ...طبعا انتي ضحكتي لسنه قادم ...

اتكلمت بضحك...واكتر والله ...

ادم اتكلم بضحك ...لو هتكوني مبسوطه كده هجبالك الواد يونس علي طول علشان اشوفك مبسوطه علي طول ....

اتكلمت بضحك وانا بحضنه ....وجودك جنبي كافيه ..

ادم حضني اكتر ....كلامك بيحيني من تاني 

بعدت عن حضنه وطلعت اجري علي الاوضه وانا مستغرابه نفسي ...وكلامي وقربي منه ..

.

مع مرور الأيام كان وجود ادم باقه أساس مترتب عليه كل حاجه وكل كلمه ..كان طول الوقت جنبي ومعايا وفي كل الأوقات بيحضني وبيقولي كلام بيسعد روحي وبينعش قلبي ..

كلامه بيخترق كياني...حضنه باقي مكاني المفضل وكلامه غلاب اجمل الألحان...وهمسه ترنيمه هاديه بتسحر قلبي...

اتعودت عليه وعايزه طول الوقت جنبي ...

النهارده اول يوم من شهور مع بعض يسافر في مأمورية بعيده قلبي كان خايف وقبل ما يسافر وداني عند عمي علشان مافضلش لوحدي وقبل ما يبعد من قدامي حضنته جامد وهمست ليه 

بس كفايه لحد هنا البارت الجاي الاخير ...

اتمني تكون الروايه خفيفه ولذيذه...

الصبر في الحب نجاه ...

شتاء الحب جنه العاشق ...

كم من حبيب غالبته العاصفه ...

الحب اهوج مغلوب ضعيف في قلوب الجبناء...

جبان في الحب كريم في النصيحه ...

خائف من الحب مكسور من الداخل ...

بحبك كلمه تجمع حروف لها معاني تثير النفس من القلق...

 الحضن محبه وقرب وسر ...

ياريت نحضن الناس اللي بنحبها مجرد حضن بيلخص جميع المشاعر المقدسة...

هستني رايكم في بارت النهارده...انا بكتب فيها من اكتر من اسبوع والأسف كل مره تحصل حاجه واقف عند حته معاينه 

بكره أن شاء الله هنزل البارت الاخير وهكتبه ...

عارفه اني اتاخرت جدا بس كان عندي ظروف...

  •تابع الفصل التالي "رواية ام بالاجبار" اضغط على اسم الرواية