رواية نور اليونسي الفصل الثاني عشر 12 - بقلم دينا عبد الله
هديه زي ما وعدكم 😉❤
صابر بضيق: يلا وقع يا يونس المأذون مش فاضي عنده جوازه تانيه
بصله يونس بغضب مكتوم بص للعقد شويه بعدين وقع عليه ووقع اتنين شهود
المأذون: الف مبروك
صابر بابتسامة: الله يبارك فيك شكرا
قام المأذون وراح صابر معاه طلعله مبلغ من المال و عطاه للمأذون شكره ومشي و مشيو الاتنين الشهود.... بصت فريده علي يونس وكان فرحتها متتوصفش خلاص بقا ليها... بصلها يونس ببرود... قرب صابر منهم وقال: الف مبروك يا عرسان (كمل بضيف) مع ان كان نفسي افرح ببنتي الوحيده فرحه احسن من كده
فريده بابتسامة: مش مهم يابابا اللي انت بتفكر فيه دا المهم ان انا مبسوطه
صابر: ربنا يسعدك دايما يا بنتي... يونس
بصله يونس بغضب مكتوم فقال صابر: اوعي تزعل بنتي.. اللي يزعل بنتي يزعلني وانا زعلي وحش وانت عارف ده كويس
فريده برجاء: بابا
هز صابر راسه وقال: اسيبكم يا عرسان وابقا اشوفكم بكرا
بعدين سابهم ومشي وقفل الباب وراه... قامت فريده وقعدت جنب يونس... بس يونس قام وبعد عنها بضيق... قامت فريده وقربت منه وقالت بحب: متزعلش من كلام بابا هوا دايما كدا
بصلها يونس بغصب وقال: بتلويني من دراعي اللي بيوجعني يا فريده بتتفقي انتي و ابوكي عليا
فريده ببرائه مصتنعه: صدقني يا يونس انا اول ما قالي بابا علي موضوع الجواز اتفاجأت صدقني انا مكنتش اعرف
رفع يونس حواجبه باستنكار وقال: والله... انتي هتبدأيها بالكدب
فريده بحزن مصتنع: انا بكدب عليك يا يونس طب ليه
يونس: مرفضتيش الجواز ليه وانتي عارفه كويس اني متجوز
فريده بدموع وحزن مصتنع: بابا اجبرني علي كدا.. خلاني اوافق غصب عني
يونس: مكنش باين من شويه انه غصب عنك
قربت منه ومسكت ياقة قميصه برقه وقالت بحب: انسي كل حاجه حصلت خلينا نبدا مع بعض حياة جديده
قربت منه اوي وكانت لسه هـ تبو*سه رجع لورا وقال ببرود: مفيش حاجه هتحصل بينا
بصتله فريده بصدمه وقالت: يعني ايه
يونس ببرود: يعني اللي في بالك مش هيحصل
فريده: بس احنا دلوقتي متجوزين ودا من حقي ومن حقك
يونس: وانا مش عايز الحق دا
فريده بغضب: بس انا عايزه لانه من حقي
يونس ببرود! جوازنا مجرد شغل مش اكتر
فريده بصدمه: شغل
يونس ببرود: اه شغل.... و لولا اني مضطر مكنتش اتجوزتك يا فريده وانتي عارفه دا كويس
فريده بغضب: يعني ايه
يونس ببرود: ولا حاجه جوازنا هيكون علي الورق بس لا هيحصل تجاوز لا مني ولا منك
فريده بغضب وصوت عالي: وانا مش هسكت علي كدا و هتعمل اللي انا عايزه
مسكها يونس من فكها بقوة وقال بحده: صوتك دا ميعلاش وانتي بتكلميني واللي انا هقوله هوا اللي هتنفذيه والا هتشوفي مني وشك عمرك في حياتك ما شوفتيه
سابها مسكت فريده وشها بألم ودموع بصلها بغضب وقال: لو حد عرف غيرنا بموضوع جوازنا هتندمي عمرك كله
فريده بغضب ودموع: قصدك نور مش كده
يونس: لو عقلك فكر مجرد تفكير ولا شيطانك وزك تعملي حاجه كده ولا كده متلوميش الا نفسك علي اللي هيحصلك
فريده بغضب ودموع: هيجي يوم والكل يعرف اننا متجوزين
يونس بحده: محدش هيعرف
بعدين سابها وكان طالع من البيت بصتله فريده بغضب وقالت: انت رايح فين وسايبني
مردش عليها وسابها وطلع وقفل الباب وراه... ضربت فريده الارض برجليها بغضب شديد وقالت: ماشي يا يونس
************
رجع يونس البيت بص وانصدم لما لقي نور نازله وكانت لبسه فستان زهري طويل بـ حمالات وشعرها ملفوف بطريقه عشوائيه... كان بيبصلها بدهشه و ذهول من جمالها
بصتله نور بابتسامة وقالت: متأخرتش النهارده يعني
قرب يونس منها وكان تايه في جمالها اللي يسحر وقال: خلصت شغل بدري
خجلت نور من نظراته ليها... ابتسم علي خجلها وقال بتوهان فيها: علي فكره انتي حلوه اوى
ابتسمت بكسوف وخجل شديد وقالت: النهارده بس حلوه
يونس: انتي دايما حلوه بس النهارده حلاوتك ذايده اووووي
رجعت نور خصله من شعرها لورا بخجل مفرط وقالت: طيب اي مش هناكل
مسكته من ايده وسحبته علي السفره وقعدته... صقفت بايديها جات الخدامه وحطت الاكل ومشيت بصلها يونس باستغراب.... بصتله نور بابتسامة وبدأت تغرف له الاكل وقالت برقه: انا اللي طبخت النهارده دوق و قولي رايك
يونس بدهشه: بجد
نور بابتسامة: امم دوق بقا
بدأ يونس يدوق الاكل وكانت نور متوتره... بصلها وقال: عايزه الصراحه
نور بزعل: يبقا وحش
ضحك وقال: انا مقولتش كده بالعكس الاكل يجنن تسلم ايدك
نور بفرحه: بجد عجبك ولا بتجامل بس
يونس: لا والله الاكل ممتاز
قعدت وبدأت تاكل هيا كمان وكانت فرحانه ان طبخها عجبه
نور: عملت ايه مع حمزه
يونس: هقابله بكرا واشوف
نور: ان شاء الله هيعجبك وهيشتغل معاك
يونس: ان شاء الله
خلصو اكل وكل واحد طلع علي اوضته وقفت نور قدام الباب و يونس فتح الباب وكان هيدخل بس وقف لما شاف نور واقفه بصلها وقال: اي مالك
نور بخجل: بصراحه مش عايزه انام دلوقتي... وانت
كانت عايزه تقضي وقت طويل معاه بقت تحب وجوده معاها وكلامه بصلها بابتسامة وقال: اممم وانا كمان اي رايك نذاكر شويه بما انك مذكرتيش النهارده وكنتي مشغوله في الطبخ
هزت راسها بابتسامة وقالت: ماشي
قفل بابا اوضته وراح دخل معاها اوضتها... قعدت علي مكتبها وفتحت الكتاب سحب يونس الكرسي وقعد جنبها... اخد الكتاب وقال: هسألك شويه في الدروس اللي اخدتيها
هزت راسها بابتسامة وحماس.... بدأ يسألها وهيا كانت بتجاوب بمهاره لحد ما جي سؤال وسكتت وهيا بتفكر في الاجابه بصلها وقال: اي مش عارفه
نور بتفكير: استني شويه انا والله عارفه الاجابه بس نسياها
يونس: هديكي دقيقه تفكري
سكتت نور وهيا بتفكر... زفرت بضيق لما مقدرتش تفتكر الاجابه بصلها يونس وقال: اممم يبقا مش عارفه
اتفاجأت لما لقيته قرصها من ودنها وقال: المره الجايه تركذي اكتر ماشي
سابها حطت اديها علي ودنها اللي بقا لونها احمر وقالت بطريقه طفوليه: ااه وجعتني
ضحك علي شكلها وقال: عشان تركذي والمره الجايه هجيب عصايا معايا و هضربك بيها
نور بدهشة: عصايا
ضحك وقال: اه مش في المدرسه لما تغلطو بتتضربو علي ايديكم هعمل كده معاكي
حكت ودنها بغيظ وقالت: وجعتني بجد
ضحك عليها وهيا بتبصله بغيظ بعدين تاهت في وسامته وضحكته اللي خطفت قلبها... بصلها هوا كمان وتاه في جمالها و انوثتها و رقتها
ابتسم وقال بغمزه: ما تجيبي بوسه
بصتله نور بصدمه وقالت: اي
ضحك وقال: هاتي بوووسه
بحلقت عينيها بصدمه وقامت وقالت: قليل الادب
فطس من الضحك عليها اتغاظت وقالت: قوم اطلع بره عايزه انام
يونس بضحك: منتي من شويه قولتي مش عايزه انام
نور بغيظ: انا دلوقتي عايزه انام
سحبته من ايده وطلعته برا وهوا عمال يضحك عليها قفلت الباب وهيا حاسه نفسها هتموت من الخجل... وقف علي الباب وقال: كدا ماشي يا نور.... طيب مفيش تصبح على خير
نور: تصبح على خير
ابتسم وقال: وانتي من اهل الخير ياقلبي
ابتسمت نور بل بخجل شديد... حس بيها انها خجلت ضحك بعدين سابها وراح علي اوضته.... راحت نور نامت علي السرير وكانت مبسوطه اوي وكل ما تفتكر وهوا بيطلب منها بوسه تتكسف اوي حضنت المخده جامد ونامت
دخل يونس اوضته وكان مبسوط ومش عايزه اللحظات الحلوه دي تنتهي... قعد علي طرف السرير جاتله رساله على تليفونه.... فتحها وكانت من فريده وبتقول
"في عريس يسيب عروسته ليلة دخلتهم.... انا سكت النهارده بس الوضع ده مش هيستمر كتيرر يا يونس "
رمى التلفون بغضب.... رجع شعره لورا بضيق وهوا بيفكر في نور لو عرفت هتعمل ايه هوا عارف ان اللي عمله غلط بس مكنش قدامه حل تاني... مش هيقدر يتحمل يشوف نور بتتوجع او تنجرح خصوصا لو كان هوا السبب..... بس كل دا لفتره مؤقته بس لحد ما يخلص الشغل مع يعقوب ويحصل اللي هوا عايزه بعدين هيطلق فريده علي طول... هيا بس فتره مؤقته
فاق من شروده علي رنين التليفون كان رقم غريب فتح عليه
يونس ببرود: الو
اتكلم وكان صوت راجل غليظ: ازيك يا يونس عامل ايه
يونس باستغراب: انت مين
الراجل: مش مهم انا مين المهم دلوقتي انا بكلمك ليه
يونس بنفاذ صبر: وبتكلمني ليه
الراجل: اهلك يا يونس
قام يونس اول ما سمع اللي قاله كمل الراجل وقال: اهلك اللي انت بتدور عليهم بقالك سنين انا عارف مكانهم فين وعارف هما مين
سكت يونس وهوا شاكك ان ممكن يكون بيخدعه وقال:من الواضح ان الرقم غلط
ضحك الراجل وقال: لا الرقم صح متقلقش يا يونس انا مش بخدعك طيب اقولك علي حاجه انا عارف كل تحركاتك ومن وانت عندك 3 سنين ولما مامتك سابتك ومشيت.... اي رايك بقاا
كان يونس مصدوم هوا عرف دا منين... فقال الراجل: اي مش مصدقني بردو
يونس: هما فين
ضحك الراجل وقال: مش بالسرعه دي يا يونس
يونس بغضب: انت عايز ايه
الراجل: طلب صغير لو نفذته هقولك مين اهلك
يونس بتفكير: واي هوا الطلب
الراجل: هقولك عليه بس افتكر لو منفذتش الطلب ده عمرك في حياتك ما هتشوف اهلك ولا هتعرف هما مين وهتعيش طول عمرك وانت تتمني تشوفهم
يونس بغضب: خلص عايز ايه
سكت الراجل شويه بعدين قال: تطلق نور........
لو التفاعل برضو كان كويس هنزلكم بارت بالليل 😂❤
•تابع الفصل التالي "رواية نور اليونسي" اضغط على اسم الرواية
تعليقات
إرسال تعليق