رواية ام بالاجبار الفصل التاسع 9 - بقلم فيروزة

 رواية ام بالاجبار الفصل التاسع 9 - بقلم فيروزة 

ام-بالأجبار ...

اتكلمت بخوف وانا بمسك ايد عمي ..في ايه يا عمي كلكم بتجرو كده ليه طميني ....

عمي بضحك...زهره بتولد يا سما ...

اتكلمت بضحك ونسيت كل الحزن اللي كان جويه ...بجد ده احسن خبر سمعته انا جايه معاكم ...

عمي بضحك...يلا يا حبيبتي...

ركبت انا وعمي عربيته ولسه هيتحرك بالعربيه لقينا ادم بيخبط علي شباك العربيه ...

عمي نزل القزاز ...واتكلم بقلق ...في حاجه ولا ايه يا آدم ..

ادم ...ولا حاجه يا بابا بس هركب معاكم ...

وفتح الباب وركب في الكرسي اللي وراء ...

عمي بضحك...تصدقي يا سما اني حاسس اني بحلم بقي البت المفعوصه دي بتولد دلوقتي والله حاسس ان من يومين كنت بجري وراها علشان بس تاكل او تسرح شعرها اهي دلوقتي هتبقي ام...عقبالك يا حبيبتي...

اتكلمت بكسوف ...بس بقي يا عمي ...وبعدين زهره أن شاء الله هتكون احن ام في الدنيا ...هي كلها انت يا عمي نفس قلبك وحنانك وحبك ...بحسها انت ...

عمي بضحك...بقي انا حلو كده ...

اتكلمت بضحك وانا بقرب من خده وببوسه...انت اجمل راجل في عيني ...وغمزت في اخر كلامي لعمي ...وبعدين طول عمري بتمني اتجوز واحد نسخه منك ...هو انا اطول اعيش مع القمر ...

عمي بضحك مسك ايدي وبسها... وانتي نور عيني انتي اغلي من عيني ...ابوكي كان توأمي وعمري ما حبيت حد قده غيرك ...انتي بنت قلبي ...

اتكلمت بضحك ووسط ضحكي دمعه نزلت غصب عني...انت لو تطلب عمري هيبقي شويه عليك ...انت الاب والصحاب والاخ الحنين ...

عمي بضحك.... مالك ياادم ساكت كده ليه هو انت متفرج  وبس..

ادم اتكلم بحزن ...ولا حاجه يا بابا سيبكم تحبو في بعض ...

عمي بضحك...امسك واحد غيران من سما ...انا بحبك انت كمان يا سيدي ابسط يا عم ...

ادم اتكلم بهمس ..كان نفس اسمع الكلام ده من سما وهي في حضني ..انا غيران منك يا بابا غيران من حبها ليك ...حاسس بغصه في قلبي ..بتحبك كل الحب ده وانا مجهول بالنسبه ليه ...

ادم بصوت مسموع ....انا بس قلقان علي زهره ...

عمي بضحك...متقلقش يا حبيبي أن شاء الله هتكون بخير ...

صحيح يا سما فكرتي ...

اتكلمت بهمس ...ايوه ...

عمي بابتسامه....وايه رادك هنفرح قريب ...

ادم اتكلم بحزن ماكنش عايز يسمع ردي كان خايف...ركز في الطريق يا بابا وبعدين نتكلم ...

عمي بضحك...جمد قلبك يا واد...

وصلنا المستشفى كانت زهره طلعت من اوضه العمليات ....

دخلنا علي طول اوضتها لاقينها نايمه وجنبها النونو ...

قربت من السرير ومديت ايدي وشلت النونو وقربته مني وشميت ريحته كأنها الجنه وحسست بايدي علي وشه وحضنته لقلبي ...عمي قعد جنبي واتكلم بهمس وحنان ..أن شاء الله هتشيلي ابنك قريب وتحسي انك بقيتي ام وياااه 

علي معني كلمه ام وإحساس الام جنه ربنا علي الله...

دمعه نزلت من عيني وحضنت عمي ورديت عليه بهمس ..

نفسي ...

مرات عمي بضحك...امسك اتنين حبيبه هو في ايه انتي ضرتي في كل مكان مسكه الراجل تحبي فيه ...

اتكلمت بضحك وانا بغمض عيني وانا في حضنه ...ايوه ضرتك عندك مانع ...

عمي بضحك...بس محديش يكلم حبيبتي...

مرات عمي بضحك...قومها من حضن ابوك يا يونس ...

يونس بضحك...ده يوم المني ..

وقرب من سما ومسك أيدها وقومها ...

سما بابتسامه...سيبني يابني ...النونو هيقع ...

يونس بابتسامه....فدكي يا قمر ...

سما بضحك ...عمي انا لاقيت نسختك ...

عمي بضحك...كده علي بركه الله نجوزك ليونس ....

يونس بضحك مسك ايدي ...ابوس ايدك دلوقتي احج...

سما بضحك ...سيب ايدي يابني ...

ادم بغضب ...هو ده وقت اللي بتعملوا ده ...

يونس بضحك...عندك حق تعالي يا سما تحت لحد زهره ما تفوق ...

اتكلمت بهدوء...يلا ...

حطيت النونو ...ونزلت انا ويونس ...اول ما طلعنا من الاوضه يونس مسك ايدي واتكلم ...سما كنت محتاج اتكلم معاكي شويه....

اتكلمت بقلق ...مالك يا يونس اول مره تتكلم جد ...

يونس بهدوء ...لانه موضوع مهم ...

نزلت انا ويونس نتمشي وفضل مسك ايدي ...

اتكلمت بهدوء...احكيلي يا صديقي ...

يونس بابتسامه...انا بحب وعايزك تساعديني ...

اتكلمت بفرحه ...بجد ده انا اساعدك بعيوني ...

يونس بضحك...تسلميلي ...

اتكلمت بضحك...هااااا ايه الخدمه ...

يونس بضحك....عايزك تقنعي بابا ....

اتكلمت بجديه ...طيب متقوله انت مباشر ...

يونس بكسوف ...انا انا بحبها اوي بس هي يعني عندها ظروف خاصه ...

اتكلمت بهدوء...اخيرا شوفتك بتحب وبعدين قولي ظروف ايه فهمني ...

يونس بحزن...هي في نظري كامله مفيش فيها أي عيب بس ...

اتكلمت بهدوء...بس ايه بقولك ماتيله نشوفها...احسن ...

يونس بابتسامه...بجد عايزه تشوفيها ...

قربت منه وطبطبت عليه ...اكيد دي هتبقي مرات اخويه ..

يونس بضحك...الله الكلمه طلعه منك زي العسل مرررات اخويه لحن يا اخوتي ...

ضحكت من قلبي ...بس يا بكش هو انا بحبك من شويه ...

بتحبيه ...

لفيت لادم ..وساكت ...

يونس حط ايدو علي كتفي واتكلم ...امال يا باشا دي عروستي يلا يا حبيبتي علشان هنتاخر ...

ادم سحب يونس من ايدو واتكلم بغضب ...انت اتجنيت ولا

ايه يا زفت ...

اتكلمت بهدوء...يلا يونس خلينا نيجي بسرعه علشان نقاعد مع زهره ...

يونس بضحك...يلا ...

ادم بغضب ...هو انا هواء ولا ايه يا هانم ...

اتكلمت بغضب ...انت عايز مني ايه ...

ومشيت مع يونس وسبنا ادم وقف ...

ركبنا العربيه ويونس رن عليها وقال لها تستنا في الحديقه ..

يونس بابتسامه...عايز انصحك ...

اتكلمت بضحك...اتفضل ...

يونس بابتسامه....ادم بيحبك اوي يا سما علشاني اديله فرصه اتجوزيه بقي الواد عنس ...

اتكلمت بحزن...انا هكون صريحه معاك يا يونس انا بحب سند ...وفضلت سنين بتمني الزمن يرجع بيه علشان بس اشوفه أو اتكلم معه ..

دمعه نزلت من عيني ومسحتها بسرعه ...

يونس بحزن..معني كده انك موفقه تتجوزيه...

اتكلمت بحزن... مش عارفه كل اللي حاسه بيه اني نفسي اهرب نفسي اجري وافضل لوحدي لساعات وسنين ..

يونس بحزن...طيب ما تجربي تدي لادم فرصه ...

اتكلمت بحزن...انت وادم واخواتي مش قادره اتخيلكم غير 

كده ...سامحني...

يونس بحزن....جربي تنسي اللي فات يمكن تحبيه ...

اتكلمت بهدوء...صعب ...

وصلنا وقبلتنا بنت في منتهى الجمال حتي اسمها رقيق شبهه..

يونس بضحك مسك ايد البنت ....اقدملك رحيق يا سما ...

اتكلمت بابتسامه...اسمك جميل اوي ...انا سما بنت عم يونس...

رحيق بكسوف ...ده من ذوقك...

اتكلمت بضحك...والله يا يونس انت محظوظ العروسه حلوه

ومادبه وكمان بتتكسف رغم انك بجح....وده العجيب أنها لسه مكمله معاك...

يونس بضحك...اخص عليكي بدل ما تقول يونس ده كنز اوعك تسبيه...

اتكلمت بضحك...اكدب ...ممكن اسالك ...

رحيق بهدوء ...اتفضلي ...

اتكلمت بابتسامه...اتعرفتي علي الاستاذ ده فين ...

رحيق بحزن ...هحكيلك...

يونس بحزن...انا هقولك

.

.

.

وانا مشي في يوم المطر كان نازل فيه بشده سمعت صوت بكاء جي من الظلمه جريت لمصدر الصوت لقيت بنت وخده وضع الجنين وبتبكي بصوت عالي ...وكأنها بتحرب الحياه و

المطر نازل عليه وهي مش مهتمه قربت منها واتكلمت ...

يونس بقلق ...مالك يا انسه ...

ابعد عني ...

يونس بقلق ...طيب روحي هتتعبي من المطر ومينفعش تفضلي هنا ...

خلاص اللي ينفع واللي مينفعش ضاعوا وانا معهم ...

يونس بحزن....طيب قومي معايا ...

اتكلمت بدموع ....معدش عندي اللي تعوزه ابعد بقي ...

يونس بحزن قلع الجاكيت وحطو عليها ....وقرب منها بحزر 

وحاول يقومها لاكنها ماكنتش عايزه تقوم وبمعني أصح مش 

قادره تقف ....يونس قرب منها وشالها وهي كنت بتقومه ببقي قوتها اللي راحت ....

وصلوا بيت يونس ودخلوا ويونس حطها علي اقرب كنبه واول ما نزلها شاف منظر غريب البنت هدومها مقطعه وبتنزف من كل حته ...

يونس اتكلم بقلق وخوف ....مالك مين اللي عمل فيكي كده ...

ارجوك سيبني انام انا تعبت من الدنيا اتمني يكون ده اخر يوم ليه فيها ...

ونامت وانا دخلت جبت غطاء من جوه وحطيته عليها ...بعد كم دقيقه فضلت تصرخ وهي نائمه ...حولت اقومه كتير لحد 

ما فاقت واول حاجه عملتها اول ما شفتني حضنتني وده خاله قلبي يقف حسيت اني مبسوط ...بس 

يونس بقلق ...طمنيني عليكي...

اتكلمت بحزن ودموع ....انا ضعت انا لازم امو ت نفسي ..

وحاولت تاخد السكينه اللي قدمها علي الطربيزه بس يونس مسكها جامد ...

يونس بحزن...اهدي انا معاكي ...

هتسيني ...

يونس بحزن علي حاله ....عمري ...

.

.

وفضلت رحيق مع يونس ومع مرور الأيام يونس حبها وقرار يتجاوزها لأنها ملهاش ذنب في أي حاجه حصلت لها بس خايف من ردت فعل أهله...

.

.

اول يونس ماخلاص كلمه حضنتها جامد ....واتكلمت بحزن ....

احنا معاكي وبعدين الواد يونس يطول أنه ياخد القمر دي ...

رحيق بدموع ....هو يستهل واحده احسن مني وانا قولتله كتير بس هو صعب...

يونس بحزن....عمري ما هسيبك انا معاكي ...

اتكلمت بجديه....هو انت لازم تقول لهم دي حياتك انت.. وطلم انت قابل ليك كامل الحريه ملوش لازمه تفتح الموضوع ده تاني مع اي حد ده جرح يا يونس ...اتجوزها وسركم لنفسكم وانا كاني مسمعتش حاجه ...

رحيق حضنت سما ....شكرا انك فهمتيني...

يونس بدموع ....اول ما نوصل النهارده هاافتح بابا في الموضوع وهتقدملك علي طول ...

اتكلمت بضحك....جدع عايزن الأمور تمشي اسرع ....

رحيق بهدوء....ربنا عالم بحالي واني مظلومه...

يونس بابتسامه....خلاص بقي يا حبيبتي...

اتكلمت بهدوء....يلا بقي يا يونس علشان اشوف زهره ...

رجعنا المستشفي تاني لاقين ادم وقف قدم باب الاوضه واول ما وصلنا ومسكني من ايدي جامد واتكلم بحزن....سما ابعدي عن يونس ...

اتكلمت بهدوء....سيب ايدي ودخلت من غير ولا كلمه ...

اول ما دخلنا لاقينا زهره قاعده وعلي رجليها بنت حلوه اوي 

اتكلمت بابتسامه....القمر جابت شمس ...حمدالله على سلامتك يا قلبي....

وقربت منها وحضنتها...

زهره بابتسامه....الله يسلمك يا حبيبتي..حلو اسم شمس ...

اتكلمت بضحك....هتسميها شمس بجد..

زهره بابتسامه....ايوه اسم حلو ....طمنيني عليكي...

اتكلمت بابتسامه....انتي اللي طمنيني عليكي...

زهره بابتسامه...انا بخير ...

بعد مده روحت البيت انا وعمي وادم ويونس...وفضلت مرات عمي معها ....

طلعت علي اوضتي علي طول...اول ما دخلت سمعت صوت رنه التليفون افتكرت اني نسيته ....قربت منه واخدته لقيت اكتر من ميه رنه من نور ...رنيت عليها بسرعه ....

اتكلمت بهدوء....نور ...

نور بحزن مزيف....في ايه استنيتك كتير وقلقت عليكي ...

اتكلمت بهدوء....حصلت ظروف ومعرفتش اجاي خلينا ناجل المعاد لبكره...

نور بحزن مزيف....بكره انا مش فاضيه ...هستنكي كمان نص 

ساعه في الكافيه ...

اتكلمت بهدوء...حاضر ...

قفلت معها وغيرت وحضنت تميمه ونزلت في الصاله لاقيت يونس بينط من السعاده ...

اتكلمت بفرحه ....الف مبروك ...

يونس بفرحه ....الله يبارك فيكي عقبالك....

عمي بضحك.... كنتي عارفه قبلي انا كده زعلت ...

اتكلمت بسرعه .... منقدرش علي زعلك ...

يونس بضحك....هروح لهم يا سما ...

اتكلمت بهدوء....عقبال الفرح ....انا هخرج شويه يا عمي ...

ادم اتكلم بسرعه ....هوصلها يا بابا ...

عمي بحنان....سيبها يابني روحي ياقلبي...

خرجت في الهواء كنت حاسه بكتمه....

فكرت في الموضوع كتير لحد ما قررت...اني اسكت...

وصلت لمكان المقابله وبعد شويه ودخلت قعدت مع نور ...

نور بحزن....انتي هتوفقي...

اتكلمت بحزن....لا مستحيل اخد واحد من مراته....

نور بابتسامه....شكرا ....

وقمت علشان امشي ومره واحده ماحسيتش بنفسي ...بعد مده فتحت عيني لاقيت

البارت انتهاء بس الحكايه لسه واللي جاي اغرب من اللي فات....

الحب ممكن يخليك مش عايز من حبيبك غير الطمأنينة ودي لوحدها موده ورحمه بالمحب....

خليك مع قلبك حاسسه بالأمان ....

 

(دق قلب عاشق فلا مفر من الحب إلا إليه)

(غريب الحب عمره ماكان بالوقت ولا المعاد بيجيلك في لحظه وقتها بتحس بانك ملكت الدنيا بحبيبك مهما كنت عيوبه انت مستحيل تشوفها انت بس شايفه الجنه وفي عنيه والنعيم في قربه كانك مسحور هو ده الحب) 

هستنه رايكم في الحكايه...

رايكم يهمني....

بقرا كل التعليقات وبفرح بيها جدن بس للاسف التفاعل مع الروايه ضعيف ....

تفاعل معها علشان اكملها اسرع....

لو الحكايه بقت ممله انا ممكن أوقفه ...

  •تابع الفصل التالي "رواية ام بالاجبار" اضغط على اسم الرواية