رواية يوم زفافي الفصل السابع 7 - بقلم مريم الشهاوي

 رواية يوم زفافي الفصل السابع 7 - بقلم مريم الشهاوي 

 البارت السابع

قلق وفتح الأوضة مرة واحدة بس فرح مكنتش موجودة!!

 

يامن بصوت عالي :"فرححح."

فرح طلعت من الحمام وهي بتنشف وشها:"فيه إيه؟؟"

يامن هدي:"إفتكرتك مشيتي."

فرح ابتسمت بسماجة:"طب إيه... يلا ؟"

يامن:"أه يلا ."

فرح نزلت هي ويامن ركبوا العربية وفرح طول الطريق ساكتة 

يامن حب يفتح كلام ويسألها عن عماد:"هو أنتِ مش شاكة إن عماد وراه حاجة؟"

فرح استغربت:"وراه حاجة زي إيه؟"

يامن:"زي إنه بيتاجر في البنات مثلا أيًا كانت التجارة بس بيستغلهم."

فرح:"أنا معرفش حاجة عنه... حكيتلك إنه قابلني مرة ولا إتنين بس ومكنتش أعرف ده مين ولا بيشتغل إيه كل البي أعرفه إنه غني وعنده أراضي وارثها من أبوه."

يامن:"تمام."

 

فرح بصتله :"بعد ما نخلص تحقيقي وأتطلق من عماد أنا همشي وكل واحد يروح لحاله."

يامن بذهول:"تمشي... تمشي فين؟؟"

فرح:"أظن بعد ما عماد يتنازل عن المحضر اللي مقدمه عنك مش هتعوز مني حاجة وهطلعك من التدبيسة دي وأريحك مني خالص."

يامن بذهول:"إيه اللي بتقوليه ده!!قولتلك إنك مينفعش تمشي عشان جرو حك."

فرح:"أنا كويسة وبقف على رجلي أهو وأنا قادرة إني أعالج نفسي في مستشفى ومش محتاجالك أصلا وبحمد ربنا إنها آخر مرة هشوفك."

يامن زود بنزين العربيه بغضب ومشي ساكت متكلمش

 وصل هو وفرح القسم ودخلوا على اللواء سامح

سامح:"مستنيكم.. اتفضلوا."

فرح قعدت قدام سامح وسامح إتكلم:"عرفيني بنفسك."

فرح:"إسمي فرح عاصي محمود عندي22 سنة من محافظة بورسعيد في كلية علوم إسكندرية."

سامح:"يعني أنت مش من هنا ."

فرح:"أيوة... وقاعدة طول فترة الدراسة في سكن الطالبات."

سامح بص للمحامي اللي معاه:"أقدملكوا ماجد المحامي اللي هيمسك القضية ها يا فرح ابدأي إحكي للمحامي بتاعك وهو هيسألك شوية أسئلة عشان يعرف تفاصيل منك أكتر و يعرف يساعدك."

 

المحامي(ماجد) اتكلم :"المتهم رافع عليكِ قضية إنك هر بانة أنتِ وعشيقك يامن سليمان محمد."

فرح :"يامن مش عشيقي ولا هر بانين سوا دي أقوال خاطئة... أنا طلبت مساعدة من الظابط يامن لإن جوزي كان بيضر بني واتعرضت لعنف شديد منه ليلة الدخلة فاستنجدت بالظابط يامن هو لحقني ساعتها وأخته الدكتورة نورا داوتلي جرو حي المصا بة والظابط يامن أخدني ومشينا من الشقة عشان كان في خطر عليا من عماد جوزي."

 

المحامي:"إيه سبب عن فه ليكِ ليلة الدخلة."

فرح أخدت نفسها وكملت:"أنا متجوزاه منغير ما أعرف... أهلي جوزهوني غصب واكتشفت ده بعد ما نزلت أجازة الإمتحانات."

المحامي:"برضو إيه اللي خلاه يتجنن ويضر بك؟؟"

فرح:"موافقتش إنه يلمسني."

 

المحامي:"أنتِ مش عارفة إن دي حقوق الزوج وفي الحالة دي لا يثبت إنه على خطأ؟؟"

يامن:"يا أستاذ إزاي.... هو اتجوزها غصب منغير ما تعرف أكيد مش هتخليه يقربلها."

سامح قال بحزم:"يااامن... سيب المحامي يكمل شغله."

فرح:"جوازي منه باطل أنا مكنتش موافقة."

المحامي:"أنتِ عرفتيه منين شوفتيه قبل كده قبل الجواز؟"

 

فرح:"أيوة شوفته."

حكيتله القصة كلها من البداية لحد ما خبطت على باب 

يامن

المحامي بثبات إنفعالي رهيب:"بأي حق بقى بتقولي إن جوازك باطل؟"

فرح :"لإنه تم بغير موافقتي."

يامن:"وبعدين ده عايزها لغرض ما واتجوزها للغرض ده."

سامح:"يامن باشا... المحامي بيناقش مع البنت ياريت متدخلش تاني."

المحامي:"الله أعلم... ممكن يكون تاب وعرف غلطته ودخل البيت من بابه."

 

فرح:"أيًا كان جوازي منه أنا مكنتش موافقة عليه."

المحامي:"بس تم بموافقة الأب... مما يعني إنه ليس باطلا."

يامن بعصبية:"إزاي و أبوها غصبها ومخدش رأيها؟؟"

 

سامح زعق:"يااامن... المرة الجايه هتخرج برا."

المحامي بيثبت حقايق عن كلامه:"إن لأبيها خاصة أن يزوجها بغير إذنها لأنه أعلم بمصالحها."

فرح اتصدمت :"يعني مش هتطلقوني منه؟؟"

المحامي بيحاول بفهمها براحة:"أنتِ عايزة تطلقي منه ليه؟"

فرح بصريخ:"لإنه أذاني أذاني في شرفي قدام عيلتي وكان عايز ينام معايا بالغصب كان عاوز يغت صبني."

المحامي:"ليس مسماه إغت صاب وإنما هذه حقوقه الشرعية يحق للزوج ضرب زوجته إن لم تطعه في الفراش."

فرح الدموع إتجمعت في عينها ويامن هيتجنن مش مصدق اللي سامعه .

 

ودخل عسكري من برا :"المدعوين للتحقيق وصلوا ."

سامح:"دخلهم."

عماد دخل هو وعاصي

فرح أول ما شافت عاصي وعماد دورت وشها الناحية التانية وبقت بتتوجع.

عاصي:"أنا والد فرح."

 

عماد :"وانا زوجها."

المحامي:"من كان شاهد على زواج فرح بعماد ومن موكلها؟"

عاصي:"كانوا اعمامها وأنا موكلها."

 

عماد:"أنا كل اللي عايزه إني آخد مراتي وأروح. "

فرح بعياط:"مش هرجعلك يا عماد."

 

سامح بص لعماد:"بتتهمك بعنفك ليها ."

عماد باستنكار :"عنف إيه؟!"

 

سامح:"الجرو ح اللي في وشها والتسجيل ده موضح طريقة عنفك ليها ليلة الدخلة."

عماد أول ما شاف التسجيل فهم منى كانت داخلة الأوضة تعمل إيه ووصلت ليامن إيه وقال في سره :"والله ما هرحمك يا منى."

عماد:"عشان هي رفضتني... مكنتش عاوزاني أقربلها وده حقي وبتقولي الجواز باطل... وأخرتها تهر ب مع عشيقها."

سامح:"ده مش عشيقها... يامن باشا ظابط معانا هنا ومكانش يعرف الحكاية وهر بها لإنه كان خايف تضر بها ميعرفش إنك ضر بتها عشان كده."

 

المحامي:"جوازكوا ليس باطلا حقيقي شرعا وقانونا."

عماد:"طب فهمها بقى( بص لسامح) معنديش مشكلة اشيل المحضر عن يامن بس مراتي تروح معايا ."

المحامي:"أعتقد إن لو المشكله اتحلت بالود هيكون أحسن."

يامن اتعصب ومسك المحامي من بدلته:"أنت إيه البرود اللي أنت فيه ده ها... فرح مش هترجعله أنت فاهم."

فرح حطت إيديها على وشها وإنهارت من العياط

يامن بزعيق:"مش هترجعله."

 

سامح:"يا عساكر... طلعوه برا."

يامن بزعيق:"مش هترجعلك... مش هسمحلك تاخدها."

 

عماد ابتسم:"إذن أقدر آخد مراتي وأمشي؟"

المحامي:"دي مشاكل بينكوا تقدروا تحلوها في البيت."

 

سامح:"تمضي هنا على تنازلك عن المحضر بتاع يامن."

عماد مضى وجيه يمسك فرح من إيديها 

فرح شدت ايدها وبتصوت:"أنا مش هرجعلك."

 

عماد نزل على ركبه:"حقك عليا يا حبيبتي... مش هعمل كده تاني."

 وطى باس إيديها وفرح سحبت إيديها وإدته بالقلم على وشه 

عماد  كز على سنانه ومط شفايفه وهمس :"حسابك معايا في البيت."

فرح استنجدت بأبوها ووطت علأرض تبوس رجله:"بابا ونبي متسيبنيش ليه... بابا كفاية عذاب فيا لحد كده سامحني على أي حاجة عملتها بس متسيبنيش ليه."

 

عاصي كان واقف ثابت ومتكلمش وعماد شدها من دراعها قومها وفرح بتصرخ بوجع :"بابااااا ."

يامن واقف وقلبه بيتقطع على صريخها :"فرح."

 

فرح مسكت إيده مسابتهاش :"أنا دلوقتي بطلب المساعدة منك أرجوك يا يامن متسيبنيش ليه... ياامن."

يامن مسك إيديها جامد :"مش هسيبك."

عماد:"ما خلاص يا باشا شيلت القضية اللي كانت زعجاك وطلعت مراتي حقيقي ملكش شوق فيها بقى ده أنت لسه عارفها إمبارح."

يامن ضر ب عماد بالبوكس جامد وعماد ساب فرح ومسك بوقه اللي نزل د م ويامن شد فرح وقفها وراه:"محدش هيقربلها طول مانا موجود."

سامح طلع :"يامن اللي بتعمله ده غلط سيب مراته هو هيروح بيها ."

يامن:"أنا متخيلتش إن حضرتك تكون متساهل مع القضية بالشكل ده... موقفتش جنب الغلبانة وواقفين جنبه هو ."

سامح:"أنا مش بقف مع حد أنا بقف مع القانون القانون بيقول إنها ترجع بيت جوزها الحكاية مش مستدعية للطلاق سيب فرح يا يامن."

 

يامن:"والله ما هسيبها ."

سامح شاور العساكر ومسكوه وعماد أخد فرح من إيديها يمشيها وفرح ماسكة في إيد يامن مش راضية تسيبها ولا هو راضي يسيبها وعماد بيشد من جهة والعساكر بيشدوا من جهة لحد ما قدروا يفكوا إيديهم عن بعض وعماد طلع على عربيته وركب فرح ورا وعاصي جنبه .

عاصي صعبان عليه حالة بنته أوي بس مش مبين ده وفرح بتبكي طول الطريق .

يامن بزعيق:"سيبوني."

 

سامح:"في إيه يا يامن.... مالك؟؟"

يامن:"أنت هتسيبها ليه؟"

سامح بزعيق:"دي مراته."

يامن:"هي مش عايزاه يبقى تطلقوها منه لإنه بيإذيها مش ترجعوها ليه تاني وتمو ت بين إيديه المرة دي هو ده القانون؟؟"

 

سامح:"إحنا عملنا اللي مذكور في القانون ومخالفناش حاجة.. أنت مش قابل بده دي حاجة ترجعلك... غير كده ملكش حق إنك تبعده عن مراته وتضر به وتاخدها إحمد ربنا إنه اتنازل عن المحضر أنت عاوز منها إيه تاني... دي مجرد بنت لسه عارفها إمبارح عاوز منها إيه بقى القضية اللي دبستك فيها اتحلت وحصل تنازل من جوزها وأخد مراته و روح أنت إيه مشكلتك ."

يامن:"أنا كنت متوقع إنك هتجيب حقها."

 

سامح:"فين حقها ده .... هي اللي رفضت تدي جوزها حقوقه... أنت حاسبها إزاي."

يامن مش عارف يفكر حس إن الطرق كلها اتسدت فضل ساكت 

سامح :"عساكر سيبوه... روح يا يامن... روح ريح واعتبر النهاردة ليك اجازة هدي أعصابك مفيش شغل ليك النهاردة وأنت في الحالة دي."

يامن بص للمحامي:"منك لله حسبي الله ونعم الوكيل فيك أنت محامي دفاع... دافعينلك كام هااا... أكيد دافعينله... مهو مفيش محامي بيقعد بارد كده قصاد اللي فرح كانت بتحكيه ده حتى اللواااء سامح باشا اتأثر وأنت كنت قاعد كإنك سمعت الحدوتة دي قبل كده."

المحامي مشي من قدامه بسكوت

سامح:"امشي يا يامن امشييي."

يامن طلع برا القسم وهو مخنوق حاسس إن الدنيا اديقت أوي بيه إفتكر إستنجاد فرح بيه وإنه معرفش يساعدها ساعتها ضر ب إيده على كبوت العربية وهو متنرفز وركب عربيته ومشي.

هشام رن عليه

يامن:"أيوة يا هشام."

هشام:"صباح الخير."

 

يامن:"صباح الزفت."

 

هشام:"خير في إيه؟؟"

يامن:"فرح رجعت لعماد جوزها."

هشام بصدمة:"إيه!  إزاي؟ "

يامن:"هحكيلك بعدين يا هشام خير متصل ليه نورا كويسة؟"

هشام:"نورا كويسة بس كنت عاوز أقولك على اللي حصل معايا إمبارح."

يامن:"خير."

هشام:"إمبارح وأنا مروح شقتي لقيت عماد رافع المسد س على عم منعم و....... 

حكى ليامن اللي حصل وإنه ودّا عم منعم شقته .

يامن بقلق:"ياربي على ده بني آدم.... تخيل لو مكنتش جيت كان ذنب منى بنته بقى في رقبتي دلوقتي... لازم نأمنلهم مكان عماد ميعرفش يوصله."

هشام:"لازم تبلغ عن جرايم عماد وإنه معاه سلا ح مش مرخص."

 

يامن مرة واحدة وقف بالعربية وافتكر حديثه مع سامح بليل وإنه لو أثبت عن عماد التهمه هيترمي في السجن ويطلق فرح.

 

يامن بسرعة:"طب إقفل يا هشام دلوقتي هكلمك بعدين خليهم في شقتك مؤقتًا لحد ما اشوفلهم مكان كويس يعيشوا فيه."

لف العربية ورجع للقسم تاني

________________________

هشام قفل معاه وقام أخد دش 

فريدة فتحت الباب بشويش:"تعالي يا إبتسام."

إبتسام بفرحة:"هو هنا يا خالتي؟"

 

فريدة:"أيوة بياخد دش ."

دخلت إبتسام وفريدة طلعتلها فستان قصير مفتوح من أماكن كتير أشبه بقميص النوم :"خدي البسي ده."

فريده شهقت:"لا يا خالتي ده مكشوف أوي دنا أبويا يموتني."

فريدة:"يا بت متخافيش دي لعبة صغيرة... مراته تشوفك باللبس ده معاه هتطلب الطلاق وتتجوزيه أنت يعني اللي هيشوفه ده حلال في المستقبل أنا وعداكي إنك هتتجوزيه يابت."

إبتسام :"بس يا خالتي هتيجي إزاي إيش عرفك إنها جاية؟"

 

فريدة:"هشام قالي أول ما صحي إنها جاية."

 

إبتسام اقتنعت وفعلا لبست الفستان واتكسفت تخرج بيه فضلت في الأوضة. 

_______________________

نورا نازلة من بيت ناهد

ناهد:"هتروحي علمستشفى علطول؟"

نورا:"لا هعدي على مامت هشام أسلّم عليها عشان متقولش إني مش عايزة أشوفها وتعمل فيلم وأخده معايا نروح عالمستشفى سوا."

ناهد:"ماشي يا حبيبتي في رعاية الله."

نورا نزلت وركبت عربيتها وطلعت على بيت حماتها خبطت علباب وفريدة جريت علأوضة اللي فيها إبتسام :"يلا يابت الباب بيخبط وهي اللي بتخبط."

 

إبتسام طلعت بكسوف:"أنا خايفة يا خالتي."

 

فريدة بهمس:"يابت إنجزي هتبوظي الدنيا بهبلك ده."

إبتسام طلعتلها وفتحت الباب نورا بصتلها بصدمة وبصت لفستانها الي مبرز أنوثتها جامد.

 

إبتسام بتوتر:"أهلا يا نورا عاملة إيه. "

نورا مردتش عليها ودخلت الشقة بنرفزة وفتحت الأوضة بتاعت هشام و أول ما فتحت اتصدمت من منظره شافته لافف الفوطة حوالين وسطة وبينشف شعره بصلها :"أهلا يا حبيبتي هلبس أهو وننزل سوا و..."

 شاف ابتسام من بعيد ولمح لبسها وبص لنورا اللي مبرقة ودماغها بتطقطق من كتر الغيرة وشرار طالع منها دموع اتملت في عينها و....... 

________________________

عاصي:"أمشي أنا بقى مراتك عندك أهي خليني أروح زمان مراتي والعيال قلقانين."

عماد إبتسم:" طبعًا بس مش هتشرب حاجة. "

عاصي:"لا لا هروح دلوقتي عشان الحق القطر بدري."

عماد إداله فلوس في إيده وفرح متابعة حوارهم جوا العربيه وبصت لأبوها وهو عماد بيديله الفلوس نظرة عمره ما هينساها أبدا مشي عاصي بالعافية وعماد فتح باب العربية:"إنزلي."

فرح:"مش نازلة. "

عماد:"يابنتي كفاية عند بقى... نفسك تضر بي تاني ولا إيه؟؟"

فرح ساكتة ومش راضية تنزل 

عماد شدها من شعرها ونزلها بالعافية وركبها الأسانسير تحت صويت فرح.

دخل الشقة ورماها علأرض :"بت أنا دماغي صدعت اسكتي."

فرح بصريخ:"طلقنييي.. أنت عاوز مني إيه.. طلقنييي أنا مش عاوزاك."

عماد نزل علأرض:"بس أنا عايزك."

 

وكتف إيديها لفوق:" أنتِ مراتي يا فرح ."

قرب من بوقها عشان يبو سها بس فرح عضته في شفايفه جامد خلت شفايفه تجيب د م.

عماد:"يا بنت ال... تعالي بقى أنا عارف هاخد اللي أنا عايزه إزاي جاب رباط وشالها دخلها الأوضة وهي عمالة تضر ب فيه رماها علسرير وبقى بيربطها في السرير 

فرح بصويت:"حد ينجدني... يا ناااااس.. انجدوني من البني آدم دااااا."

مسك إيد وربطها في السرير

قامت فرح مدياله برجليها في وشه

عماد بعصبية:"يا بنتي اثبتي بقى:"

 

مسك رجليها الإتنين بالعافية ربطهم واتبقت إيد 

عماد:"هانت يا قمر."

 

راح يربط الإيد التانية بس فرح مسكت ڤازة من جنبها علكومود كسرتها على دماغه :"إبعد عنيي."

عماد بوجع وقع علأرض وفرح أخدت حتة إزازة من اللي اتكسرت من الڤازة فكت بيها حبل إيديها المربوطة بسرعة ولسه بتفك حبل رجليها قام عماد بسرعة:"هاخد اللي أنا عاوزه برضو يا فرح مش هتوقفيني المرة دي."

 عماد طلع فوقيها وبقى بيض ربها بالاقلام قلم ورا قلم وفك حزام البنطلون ولسه ه‍ ..... 

فرح غمضت عينيها بوجع ومسكت الإزازة اللي في إيديها قطعت بيها شراينها. 

  •تابع الفصل التالي "رواية يوم زفافي" اضغط على اسم الرواية