رواية ازاي اطفش عروسة بابا الفصل السادس والعشرون 26 - بقلم اليا

  رواية ازاي اطفش عروسة بابا الفصل السادس والعشرون 26 - بقلم اليا

الفصل السادس و العشرون

   غفـران ابتسمت ابتسامه عبيطة بريئة بتداري الأفكار الشيطانية للي مليانه دماغها ، كتبت له _ " بحط تنت طبيعي .. " 

هرى عمر خدودها بوس مسبهاش غـير و كل حته متلونه أحمر من ضغط بوساته ، حطلها تنت مليان حب ، هـو زاي قادر يخلقلها حب من العدم بالشكل ده بتستغل أصغـر تفصيل ليخلق مواقف تبسطها

   غفـران بزراير القميص بتلعب بعـدما سندت على صدره ، مترددة خايفه تندم بس طبطبته الحنينه على راسها شجعتها أكـثر _ " بابا بحبك .. "  

   عمـر الزمن وقف عـنده مبرق ، مش بس إيده تجمدت جسمه كله اتخشب ، فضل كم دقيقه على الحال ده بصعوبه لقـدر ينطق بكلمه مفهومه _ " ءءء .. نت ندهتيلي بابا .. " 

   غفـران هزت راسـها جامد بتأكد له ، شوفتها لدموعه ذكرتـها بكل للي مرت فيه عيطت غصب عنـها _ " بابا .. " 

   عمـر بيمسح دمعـها _ " شووو .. متعيطيش .. " 

هو يقلها متعيطيش ، و هي تردهاله بس محدش منهم رد ع التاني  زعل ممزوج بفـرحه ، راحه و اطمئنـان ، بقالهم فترة ميعرفوش قد ايه على نفـس الحال ضامين بعض جامد ..

   عمـر بيبص في وشها ، ضحك _ " هتفضلي ساكته كـثير .. " 

   غفـران مطت شفايفها _ " هقـول ايه ؟.. " 

   عمـر اتنهد _ " معرفش عايز أفضل أسمع صوتك بيرن في وذاني متسكتيش ارغي معرفش قولي للي يخطر على بالك مش هسكتك تاني .. " 

   غفـران سبلت عيونـها _ " بابا .. " 

   عمـر ابتسـم _ " واحد بابا كمـان .. " 

   غفـران ضحكت _ " بابا .. " 

   عمـر شوقه مبيخلصش ، مبيشبعش منـها _ " مره ثانيه .. "  

   غفـران بتلحنـها _ " بابا .. " 

مبيملش من سماع صوتـها مبيترددش يطلب منها تندهله مره بقت عشره و عشرين جننها .. 

   غفـران زهقت ، بتنفخ خدودها _ " بس بقـا يا بابا .. " 

   عمـر بزعل _ " مبسش سمعـيني تاني .. " 

   غفـران وطت راسـها ، بتلعب بصوابعـها من التوتر _ " هقلك على حاجة بس متزعلش مني صدقني كنت خايفـه أوي مكنتش عارفه انطق حتى و أنا قادره .. " 

   عمـر بحنية _ " يا روحي ، نت فاهمه المـوضوع غلط ده جزء من تعبك قادره تحكي بس خايفـه هي غلطتي اني معـرفتش أحسسك بالأمان .. " 

   غفـران بطفولية _ " نت الأمان كله .. " 

   عمـر شد خدها _ " يا ربي على اللسان للي بينقط عسل ده هرجع  اسمـع من بقك صباح الخير يا بابا ، تصبح على خـير يا بابا ، بحبك يا بابا .. " 

   غفـران مكشره _ " المفـروض تبص على الناحيه الوحشه هترجع تسمع جوعانه يا بابا ، تعـبانه يا بابا ، شيلني يا بابا ، بابا العب معايا  و هجننك بشقاوتي .. " 

   عمـر ضحك _ " ادلـعي براحتك .. " 

قضى ياقي اليوم و هو بيستغل الفـرص ليخليها تتكلم لأطول مدة ممكنة مبتسمه بيسمـع بقلبه مش بعقله ، بعـد ما فضلت تتذمـر من المعكرونه المعجنه للي طبخـها على العشا ، أهـي نايمه على السرير في حضنه بيلعب في شعـرها ..

   غفـران متحمسه  _ " يلا دلوقتي هتحكيلي قصه .. " 

   عمـر ضرب بطرف صباعـه على مناخيرها _ " الحدوته المـره ديه عليكي نفسي أفضل اسمع صوتك لغاية أما أنام .. " 

   غفـران _ " طب هتنام و تسبني .. " 

   عمـر حط إيدها على راسه بيطلب منها تطبطب عليه _ " أنا أقدر  أنام و أسيبك متخافيش .. " 

   غفـران بطفولية _ " همم .. في مدينة بعـيده كان في طفلة .. " 

   عمـر قاطعها _ " اسمها غفـران .. " 

   غفـران بزهق _ " لا مسمهاش غفـران .. " 

   عمـر بمشاكسه _ " طب اسمـها ايه ؟.. " 

   غفـران بغيظ _ " اسمها سلحفه .. " 

   عمـر كاتم ضحكته _ " مفـيش بنت اسمـها سلحفه .. " 

   غفـران كشرت _ " في الحدوته بتاعتي اسمـها سلحفه ، متبقاش تقاطعـني هبطل احكيلك ، سلحفة عايشه مبسـوطه في بيت كـبير مع باباها .. " 

   عمـر قاطعها متعمد يضايقها _ " عمـر باباها اسمه عمـر .. " 

   غفـران أخدت نفـس بصت له بطرف عينـها كملت _ " عايشه في بيت كبير مع باباها يعقـوب ، في يوم و هي رايحه المدرسه .. " 

   عمـر عامل نفسه مركز معاها _ " هي أخدت معاها اللانش بوكس بتاعها ، حاطة فيه ايه ؟.. " 

يتبـع ..

  •تابع الفصل التالي "رواية ازاي اطفش عروسة بابا" اضغط على اسم الرواية