رواية احببته رغم كبريائي الفصل السابع 7 - بقلم مريم احمد
7
كانت بتكلم اختها عشان تطمن عليها بعد الامتحان
حبيبه...ايه دودو عملتي ايه
جالها صوت اختها الفرحان و هي بتقولها
رضوى....كان كويس بس فب سؤالين تلاتة كدا مش عارفه عملتهم ايه
قالتلها حبيبة بابتسامة
حبيبه...مش مشكلة يا حبيبتي المهم انك مبسوطة و انك عملتي الي عليكي انتي فين دلوقتي
رضوى...انا مروحة اهو انتي هتيجي امتى ؟
حبيبة...الساعة تسعة زي كل مرة م انتي عارفه الشغل
هزت رضوى راسها و قالتلها
رضوى...اه ربنا معاكي يا رب
ابتسمت حبيبة و قالتلها
حبيبة...يا رب يا حبيبتي يلا هقفل بقى عشان اكل قبل المحاضره باي
رضوى...باي
قفلت و جت تمشي لاقيت الي بيقولها
مروان...انصحي نفسك انتي الاول و اعملي الي عليكي و احضري محاضراتك بدل م انتي فالحة تتكلمي على دكتور المادة يا محترمة
رفعت حاجبها بغضب و قالت بكل هدوء
حبيبة...مش عيب يا دكتور انك تتصنت على الناس و هي بتتكلم
هزت راسها يمين و شمال باستنكار و قالت
حبيبة...حقيقي الي انا شايفاه انك متستاهلش لقب دكتور جامعة دا خالص بجد...اصل مفيش دكتور جامعة محترم و المفروض انه قدوة للطلبة يقف يتصنت او مثلا يفكر انه يهين حد او يقلل منه
مروان...مش خايفه بس كلامك دا اشيلك المادة ؟
هز راسها بنفي و قالت
حبيبة...لا دا رأيي و انا بقوله و اختلاف الرأي لا يفسد للود قضية يا دكتور مروان
قالها بضيق
مروان...و انا مش عايز اسمع. رأيك اصلا
هزت راسها يمين و شمال بلامبالاه و قالتله
حبيبة...هاتلي قرار بيمنع الانسان انه يقول رأيه
في نفس الوقت دا تليفونها رن و كانت مايفين
فهمت ان الاكل جهز و قالتله من غير م تسمع رده حتى
حبيبة...عن اذنك
....سبحان الله و بحمده سبحان الله العظيم
كانت قاعده مع صحابها بياكلوا
كارولين...اختك خلصت الامتحان
هزت حبيبة راسها و مايفين قالتلها
مايفين...عملت ايه طيب
حبيبه...بتقول حلت كويس بس في كام سؤال كدا مش متأكده منهم
كارولين...المعم انها حلت كويس
هزت حبيبة راسها و سكتت
كارولين...مالك يا حبيبة
قفلت حواجبها باستغراب و قالتلها
حبيبة..مالي..؟
كارولين...شكلك مضايق هو دكتور مروان زعقلك ولا حاجه؟؟
رفعت حاجبها اليمين باستنكار و مردتش
ضحكت مايفين و قالت
مايفين..خلاص هي اسفه احنا بنطمن عليكي بس
مردتش عليهم و رجعت كملت اكلها تاني
ضحكت كارولين و هي بتقول
كارولين....انا خوفت
هنا ضحكت حبيبة و قالتلهم
حبيبه...ايه يا جماعة هو انتوا شايفني عفريت؟؟؟
مايفين....لا بس لما بترفعي حاجبك بنقلق منك
مردتش عليها بس رفعت حاجبها
مايفين...اوف
ضحكت حبيبة من كل قلبها و كارولين قالتلها و هي بتضحك
كارولين...دا انتي هتربي لعيالك الرعب
ضحكت مايفبن و قالت
مايفين...هتمشيهم زي الألف
كارولين.. دلةقتي بقى في التربية الاجابية
هزت حبيبة راسها و قالتلها
حبيبة...اه قصدك التربية الزفت التربية الي تعلي الضغط
ضحكت كارولين و مايفين و حبيبة كملت كلامعا و هي بتقول
حبيبة...دا انا ايناس بنت اخويا لو مثلا ماشيين ف الشارع و عدينا من قدام محل العاب و حسيت انها هتشبط ف حاجه و تنشف دماغها ببصلها بس بلاقيها سكتت
زعلت مايفين و قالتلها
مايفين...يا روحي ليه كدا يا حبيبة تحرميها من لعبة كان نفسها فيها
حبيبة....مبقولش اننا نحرمهم و نخليهم زعلانين بس في حاجه اسمها اننا نعلمهم ان مش كل طلباتهم مجابة ف نفس اللحظه عشان فيما بعد هتلاقيهم سنة سنتين و بقوا يتعصبوا علينا ف الشارع عادي و يتقال عنهم مش متربيين...
يعني هي لما بتبقى عايزه تشتري لعبة او حاجة حلوة او ايا كان و مثلا امها و خالاتها او امها و انا و كدا ماشيين تروح قايلالها حاضر و احنا راجعين هجبهالك ساعتها ايناس بتقولها اوكية و تسكت و فعلا كاميليا بتجبلها اكتر كمان من الي هي طلبته لكن انا اقول لبنتي و احنا راجعين هجبلك الي انتي عايزاه و ف الاخر تروح معيطه ف الشارع و صوتها يبقى ف الشارع قد كدا يبقى لأ دي كدا مش متربية
هزت كارولين راسها و قالتلها
كارولين...ايوا فعلا معاكي حق
قالت مايفين باعتراض
مايفين...بس انتي كدا بتدمري شخصيتها و لما تكبر مش هيبقى ليها اي شخصية يا حبيبة
حبيبة...اخليها تمشي كلامها عليا و انا امها و على كل الي اكبر منها و فيما بعد هتبتدي انها تعلي صوتها على كل الي اكبر منها و على امها شخصيا بحكم اني كدا ببنيلها شخصيتها ؟؟ ...شخصية الطفل بتتبني بحاجات كتير جدا اولهم انه يتعلم الحب و الاحترام و انه يحترم غيره مش بس يحترم الي اكبر منه و في حاجه اسمها ان لما الطفل يغلط يبقى يتعاقب مش اسيبه يكرر ف غلطه لحد م يبقى منبوذ من كل الي حواليه و الكل بيكرهه عشان صوته عالي ولا بيعيط كتير على اي حاجه عشان يمشي رأيه و و و
قالت كارولين لمايفين
كارولين...بصراحه كلامها صح
هزت مايفين راسها بالايجاب و قالت بعد م اقتنعت
مايفين...ايوا فعلا
بصت حبيبة ف ساعة تليفونها و قالتلهم
حبيبة...طيب يلا بقى عشان المحاضرة هتبدأ
و بالفعل راحوا للمدرج
....استغفر الله العلي العظيم الذي لا اله الا هو الحي القيوم و اتوب اليه
دخلوا المدرج و كانوا راحوا متأخر شوية بس مكنش لسه دكتور المادة دخل
نقلت حبيبة نظرها على كل المدرج تشوف مكان عشان يقعدوا و بالفعل لاقيت مكان
حبيبة...في مكان هناك اهو تعالو
جم يمشوا راحت رودينا اتكلمت و هي بتقول لحبيبة بكل غضب و دا خلا كل الي ف المدرج ينتبه
رودينا...انتي يا بنتي مش شايفاني موجوده مش تسلمي عليا؟
ردت عليها حبيبة و هي ماشية من غير م تبصلها
حبيبة...انا فعلا مش شايفاكي
قالت جملتها و كل الي ف المدرج ضحك و دا خلا رودينا تتعصب جدا و تقولها
رودينا...انتي مش محترمة
جاوبتها حبيبة بكل هدوء و هي بتقول
حبيبة...و انتي عندك عقدة نقص روحي اتعالجي
و لتاني مرة يضحك كل الي ف المحاضرة
كانت لسه رودينا هتروح تتخانق معاها بس الي منعها دخول دكتور المادة الي على طول بدأ المحاضرة
....لا اله الا الله وحده لا شريك له له الملك و له الحمد يحيي و يميت و هو على كل شئ قدير
خلصت المحاضرة و كانوا ماشيين خارجين من الكلية لاقت حبيبة اسلام بيرن عليها
حبيبة...استنوا اخويا بيرن عليا
قالولها ماشي و هي ردت عليه
حبيبه...ايه يا سلوم ازيك
رد عليها اسلام و هو مركز ف الطريق
اسلام...الحمدلله يا حبيبتي انتي عامله ايه
حبيبة...الحمدلله
اسلام...انتي فين روحتي؟
هزت راسها بنفي و قالتله
حبيبة...لا لسه هخرج من الكلية اهو
ابتسم و قالها
اسلام...طيب كويس انا اقل خمس دقايق و هكون عندك
حبيبة...حاضر
اسلام...يلا سلام
حبيبة...سلام
قفلت المكالمة و راحت لصحابها تاني
مايفين...في حاجه ولا ايه ؟
حبيبة...لا دا اسلام بيقولي انه برا شكله كان ف مشوار قريب و قال يعدي ع الكلية يروحني بالمره
هزت مايفين راسها و قالت
مايفين...اوكيه
حبيبة...يلا احسن زمانه وصل
خرجوا من الكلية و بالفعل لاقيت عربية اخوها و لاقيت اخوها واقف ساند ضهره على العربية و مستنيها
سلمت على صحابها و راحتله على طول عشان متتأخرش و يضايق
حبيبة...عامل ايه يا اسلام
ابتسملها و قالها
اسلام...الحمدلله انتي عامله ايه
هزت راسها و قالتله
حبيبة...الحمدلله
اسلام...ديما يا رب
ابتسمت حبيبة و سكتت
قالها اسلام
اسلام... يلا ؟
كانت لسه هترد عليه سمع صوت بيناديله بصت تشوف مين و كانت الصدمة بالنسبالها لما لاقيت مروان بيسلم على اخوها و بيبتسم ولا كأنه عارفه بقاله عشر سنين مثلا
مروان...عامل ايه يا اسلام و ايناس و نوح و كلكه عاملين ايه؟ ووووو
يتبععععع
أحببته رغم كبريائي
البارت السابع
بقلمي مريم أحمد
شكرا على التفاعل السكر و انا وفيت بوعدي اهو و نزلت بارت طويل عابزه اشوف تفاعل حلو بقى عشان بارت بكره يبقى طويل برضو 💙💙🦋
•تابع الفصل التالي "رواية احببته رغم كبريائي" اضغط على اسم الرواية
تعليقات
إرسال تعليق