رواية حكاية زهره الفصل السادس 6 - بقلم شيماء منير
الفصل السادس
في مكتب مصطفى
مصطفى:اهدي بس وفهميني ايه اللي حصل
فتون بضيق:ياعمو دا انسان مش كويس ومش محترم
مصطفى:هو مين؟؟
فتون:اللي اسمه عمر الصاوي دا
مصطفى بدهشه عمر!! ليه؟عمل ايه معاكي
فتون :مش عاجبه شغلي وبيقولي انه كل غلط. وبعدين بص في الورق ثواني لحق عرف انه غلط منين
مصطفى:طيب اهدي اولا عمر شخص كويس جدا ومحترم وكمان بيفهم في شغله جدا دا انا ممسكه الاداراه الماليه كلها لانه امين وشاطر
فتون:دا مستحيل
مصطفى:ياحبيبتي اسمعي بس انا ممكن اعرفه صلة القرابه وهو هيفهمك الشغل براحه
فتون:لا مش عايزه حد يعرفني
مصطفى:طيب انتي عايزاه ايه دلوقت
فتون:عايزك تشوف شغلي وتعرفه ان هو اللي غلط
مصطفى ولبس نظارة القراءه ومسك الورق وبص فيه شويه ايوه يافتون في حاجات كتير غلط
فتون بصتله بضيق وسكتت
مصطفى:قوليلي يافتون انتي جايه تضيعي وقت والا تتعلمي الشغل وتستفيدي
فتون:لا طبعا اتعلم واستفيد
مصطفى:خلاص يبقا عليك وعمر هو هيعلمك الشغل وياستي عشان تتعملي وتفهمي كويس
___________________________
بصت في الساعه كانت٤:٤٥
فركت في ايدها بتوتر فاضل ربع ساعه
مسكت موبيلها واتاكدت انه مش معلق عشان لو رن
فاقت على صوت جنا:ماما انا جعانه
زهره: خلاص ياحبيبتي عمو مازن زمانه على وصول عشان هو كلمني وقال هنتغدا معه
جنا:انا فرحانه اووي اننا هنخرج معه
ربتت زهره على كتف ابنتها بحنان بتحبيه ياجنا
جنا ببراءه اووي ياماما انا نفسي يبقا هو بابا
ايتسمت زهره بفتور وسكتت
الموبيل رن وكان مازن
زهره ومسكت الموبيل وردت
زهره:الو
مازن:ايوه برن بقالي ١٠دقايق بيدني مغلق
زهره:انا ماسكه من بدري ممكن يكون شبكه
مازن:طيب ماشي جاهزه؟؟
زهره:ايوه
مازن:وجوجو؟
زهره:ايوه جاهزين
مازن:طيب انا في العربيه تحت منتظركم
زهره:ماشي خلاص هننزل على طول
زهره قفلت مع مازن
وقفت قدام المرايه الطويله الموجوده جمب باب الشقه
كانت ترتدي فستان من اللون الازرق وطرحه من اللون السيمون وشوز من نفس اللون
اخدتها حقيبتها اليديه وكانت من اللون السيمون ولكن بدرجه مختلفه قليلا
زهره وافتكرت ازاي اشترت الطقم دا على كم مره من المرتب عشان تبقا تخرج بيه ولكنها مخرجتش ودي كانت اول مره تخرج بيه
اخدت جنا ونزلت ل مازن اللي كان مستنيهم في العربيه
اول ما الاسانسير اتفتح
كان هو ساند على العربيه وبيبوص في الموبيل
زهره اول ماشافته قلبها كان هيقف من التوتر
كان شكله جذاب بالقمص الاسود والبنطلون الجينز
اتحركت بخطوات بطيئه واخدت بالها عن العربيه مختلفه التانيه كانت بيضه دي لونها احمر وشكلها شبابي شويه
هو شافهم اتعدل وبصلهم
جنا اول ماشافته جريت عليه وحضنته وهو شالها وحضنها
بس هو عيونه كانت في حتة تانيه
كانت على اللي جايه بهدوء وجننت عقله ..معقول هي خطفت قلبه كده وقال جواه (والله وقعت يابن المنشاوي)
نزل جنا اللي كان شايلها
زهره قربت
زهره:مساء الخير
مازن بابتسامه جذابه مساء النور
فتح لها باب العربيه
جنا بسرعه دخلت
وبطفوله:انا هقعد جمبك قدام😂😂😂
ابتسمت زهره بحرج
مازن:طيب ايه رايك ياجوجو تقعدي على رجلي وتسوقي معايا العربيه
جنا بفرح هيييه موافقه
جنا نزلت
مازن ركب زهره وقفل باب العربيه
واخد جنا وركبوا في مقعد القياده
مازن وركب جنا على رجليه
مازن:مبسوطه ياجوجو؟؟
جنا:ايوه انا مبسوطه عشان احنا خارجين
مازن:ياسلام يعني مش مبسوطه انك شوفتني
جنا ببراءه:لا ومبسوطه اني شفتك انا لسه قايله لماما اني بحبك
مازن وهو بيدور العربيه
بجد طيب ليه قولتلها كده
جنا ببراءه هي سألتني بحبك
مازن :وانتي قولتلها ايه ؟
جنا : قولتلها بحبك ونفسي تكون انت بابا
مازن:ما انا بابا ياجوجو..ايه رايك تقوليلي بابا
جنا بفرح طفولي ماشي يابابا
مازن ووضع قبله على خد جنا قلبي ياجوجو
مازن بص على زهره وكانت ساكته وباصه من الشباك وواضح انها محرجه ومتوتره
زهره كانت حاسه بالاحراج من كلام بنتها وبسخونه طالعه من وشها وخصوصا لما مازن بصلها ومكنتش عارفه تقول ايه وخايفه تكون بنتها بتفرض نفسها عليه
فضلت باصه من الشباك ومبصتش ناحيته
مازن ابتسم واكتفى بعدها بالصمت
وصلوا المكان اللي كان من اختيار مازن
نزلوا من العربيه وخلوا المكان
كان عباره عن مطعم وفيه مكان كبير للاطفال بيلعبو فيه
جنا اول ماشافت المكان فرحت وكانت عايزه تلعب بس مازن قالها هناكل الاول
طلبوا اكل وكمان زهره طلبت لجنا
الاكل جيه وبدواء ياكلوا
جنا كانت قاعده بتبوص للاكل مش بتاكل وزي ما تكون قرفانه وبين تبادل نظرات بينها وبين زهره اللي كانت متابعه بنتها ويتحاول متضحكش
مازن ولاحظ ان جنا مش بتاكل
مازن:ايه ياجوجو مش بتاكلي ليه؟؟
جنا بصتله واكتفت بالصمت
مازن اخد الشوكه بتاعتها واخد قطعة سمك من طبقها ويقربها من بقها
جنا حطت ايدها قدام الشوكه وبقرف لااا
مازن:في ايه ياجوجو مالك؟؟
زهره وهي بتحاول متضحكش اصلها مش بتحب السمكه
مازن :بتهزري ...ومقولتيش ليه؟؟
زهره:كنت حابها تجرب وتنوع شويه
مازن بضيق خفيف:لا تجربي وتنوع دي في البيت انما مش هبوظلها خروجه عشان خاطر اكله
وقام من مكانه ثواني وجاي
مازن وراح جاب بنفسه اكل تاني لجنا
وجنا فرحت واكلت
بعد الاكل طلبوا
كل واحد طلب المشروب اللي هو عاوزه
مازن كالعاده طلب قهوه
زهره وطلبت عصير مانجا
جنا وكانت عايزه عصير فروله عشان بتحبه
جنا خلصت العصير
مازن:مبسوطه ياجوجو
جنا:ايوه يابابا مبسوطه
مازن:طيب ايه رايك تروحي تلعبي في الالعاب اللي هناك دي
جنا بفرح ماشي
جنا واتحركت وراحت عند الالعاب
زهره بداءت تحس بالتوتر بس حاولت تبين عكس كده
مازن:الموبيل عاجبك؟؟
زهره:هو كويس بس انا مستخدمتوش
مازن:ليه؟؟
زهره:الخط عايز يتقص فمعرفتش احطه
مازن:نسيت دي فعلا ..خلاص واحنا راجعين نعمله
زهره بخفوت:تمام
مازن:,احم ممكن نتكلم شويه في موضوعنا
زهره وابتسمت بخفه على وصفه
تمام نتكلم
مازن:مبدئيا كده انا بعيد طلبي عليكي تاني اني عايز اتجوزك بس قبل ما تفكري او تردي سواء بالرفض او بالقبول حابب اعرفك على نفسي انتي تقريبا ماتعرفيش عني حاجات كتير
زهره بصتله بانتباه
انا مازن مصطفى المنشاوي عندي ٢٦سنه متخرج من كلية تجاره انجلش عايش مع والدي ووالدتي وعندي اخ واحد اكبر مني
بابا مهندس وعنده شركة هندسه واخويا كمان مهندس وبيشتغل معه وماما دكتوره لكن مش بتمارس المهنه يعني كانت حصلت قبل كده ظروف ووالدي تعب وهو مريض قلب فقررت انها تقعد جمبه وماتسبوش انا بقا عندي صاله رياضيه حاجه شبه الجيم بس اعلى شويه موجوده فيها مكان للسباحه والتنس والطاوله وكرة القدم يعني وكل فتره بدخل فيها نشاط جديد دا شغلي خاص بيا يعني يعتبر مشروعي الخاص
زهره كانت بتسمعه وجواها دهشه وبداءت تسأل جواه واحده زيه في مستواه دا واللي بيحكي عنه ليه يتجوزني
فاقت على سؤاله
تحبي تسألي عن حاجه؟؟
زهره ممكن اسالك سؤال؟
مازن:طبعا اسألي اللي انتي عايزاه؟؟
زهره:انت قولت ل اهلك على جوزانا ده؟؟
مازن وكان متوقع سؤالها دا
مازن:بوصي يا زهره انا لسه مفتحتش اهلى في الموضوع دا وانا مش هفاتحهم على طول كده وهوصلهم الموضوع بطريقتي ..بس مش معنى كده اني مش عايز اعرفهم او عايز الموضوع يكون سري بالعكس احنا هنكتب الكتاب عند مأذون وهيكون في شهود كمان
بس طبعا انتي فاهمه الاهل بيقوا راسمين لولادهم حياه بشكل معين في دماغهم ..وبعدين انا باخد قرراتي من نفسي. بعمل زي ما احب وبصراحه انا عايز اخلي علاقتي بيكي انتي وجنا واضحه عشانك قبل مايكون عشاني ولو انتي حابه نكتب الكتاب بس ويكون زواج على ورق لحد ما اقول ل بابا وماما مفيش مشكله عايزاني نتمم الجواز عادي وانا كده كده هقولهم والوضع دا مش هيطول كتير
زهره كانت بتسمع منه وبتفكر في كلامه اول مره تحس انها مش عارفه تفكر ..هي حاسه انها متقبله اي كلمه يقولها هي مش عايزه اكتر من اللي هي فيه دلوقت
فاقت على صوت مازن
مازن:ومن حقك تاخدي الوقت اللي تفكري فيه براحتك
زهره بهدوء انا موافقه
مازن بابتسامه تمام
زهره:بس يكون على ورق لحد ماتقول ل اهلك
مازن:تمام انا موافق
مازن موبيله رن
مازن وبص في الساعه اللي في ايده كانت ٧.٣٠
الوقت فات بسرعه
كانت جيهان بترن عليه
مازن وفتح الخط
مازن:الوو
جيهان:ايوه يامازن انت فين الساعه٧.٣٠ والمفروض نكون هناك الساعه٨
مازن:ماشي تمام انا هكون موجود
جيهان باعتراض ازاي انت على ماتيجي البيت وترجع هنا هيكون الوقت عدى
مازن :ماما انا مش هرجع الفيلا انا هروح على بيت انكل نبيل
جيهان :تمام متتأخرش مينفعش متكونش جمب اخوك في يوم زي دا
مازن:تمام ..هخلص واجي على طوول المكان اللي انا فيه قريب من بيت انكل نبيل
زهره كانت قاعده ومركزه معه
مازن خلص مكالمته مع جيهان.
زهره:لو انت مشغول ممكن نروح عشان متتعطلش
مازن:لا مش كده هو لسه شويه
ثم اكمل هو ينظر على جنا
حتى جوجو تلعب شويه
زهره وابتسمت بخفه وعي تنظر الى ابنتها لو فضلت للصبح كده مش هتشبع
مازن :تلعب براحتها
وبعد نص ساعه
خرجوا من المطعم
مازن اخد الخط وقصه لمريم وصمم انه يركب في الموبيل ويشغله
ومريم اخدته
وصلهم لحد العماره
بس زهره طلبت انهم هيطلعوا لوحدهم عشان ميتأخرش على مشوراه لان موبيله مش مبطل رن
على الرغم انها كانت جواه نفسها تعرف هو رايح فين بس طبعا مش هتسأله لانه مقألش
مازن ركبهم الاسانسير وهما طلعوا
مازن واخد عربيته وطلع على بيت نبيل
وصل كانت الساعه٨.١٥
جيهان بصتله بعتاب
لكن هو تعامل كالعاده عادي وقعد جمب اخوه حسام
الكل كان موجود طبعا اسرة مصطفى ومعاهم ساره واسرة نبيل
قرواء الفاتحه واتفقوا انهم هينزلوا يجيبوا الشبكه والخطوبه هتكون اخر الاسبوع
جيهان لمريم:مبروك ياروحي
مريم بابتسامه:الله يبارك فيكي ياخالتو
الكل كان قاعد مبسوط
انتهت الليله بهدوء ومصطفى اخد اسرته وروح
____________________
في فيلا المنشاوي
وخاصة في غرفة جيهان ومصطفى
مصطفى :ربنا يكمل فرحتنا على خير
جيهان بتمنى:ياارب يارب يامصطفى
مصطفى:والله نفسي تبقا الفرحه فرحتين لو مازن ربنا يهديه ويوافق بساره
جيهان بتردد:بوص يامصطفى بصراحه كده مازن رافض خالص والله حاولت معه هو شايفها زي اخته
مصطفى:انا عارف دماغ ابنك عنيد اما نشوف اللي هيجبها هتبقا شكلها ايه
تنهدت جيهان بحيره طيب بس يفكر يخطب في و الا يرتبط دا شكله مش ناوي
مصطفى:ربنا يهديه
جيهان :ياارب
____________________
تاني يوم في شركة المنشاوي
في مكتب عمر
طرقات على الباب
عمر :ادخل
فتون ودخلت صباح الخير
عمر بصلها ورجع بص في الكمبيوتر اللي قدامه صباح النور
فتون ودخلت كانت هتقفل الباب بس رجعت وفتحته
عمر:خير؟؟
فتون بتردد:انا حاولت اظبط شويه في الشغل بس انا مش شايفه فيه غلطات كتير
عمر وبصلها:انتي خريجه من امتى ؟؟؟
فتون:احم بقالي ٥سنين
عمر ورفع حاجبه بتعجب اشتغلتي قبل كده؟؟
فتون:لا
عمر:عمو مصطفى مكلمني وطلب مني ان شغلك يكون معايا وفي الحقيقه عرفني بصلة القرابه
فتون واضيقت شويه ان عمها عمل كدا بس قالت
فتون:تمام
عمر:انتي عارفه دا معنى ايه؟؟
فتون:ايه؟؟؟
عمر:انك هتشتغلي معايا وهتاخدي شغلك مني وانا بردوه اللي هعلق على شغلك
فتون بضيق بتحاول تدرايه امم ماشي
عمر:تمام ..اتفضلي اقعدي...
شيماء منير
ونكمل بكره
توقعاتكم
•تابع الفصل التالي "رواية حكاية زهره" اضغط على اسم الرواية
تعليقات
إرسال تعليق