رواية ازاي اطفش عروسة بابا الفصل الثالث والعشرون 23 - بقلم اليا

 رواية ازاي اطفش عروسة بابا الفصل الثالث والعشرون 23 - بقلم اليا

 

الفصل الثالث و العشرون

   نسـرين فلت الكلام من بقها ، من غير ما تقصد _ " مراتك عايشه و مخبي على بنتك .. " 

اتلفت ملهوف يشيك على ردة فعل غفـران لسا هيبررلها لقاها بتنام على نفـسها قاعده بتحرك ايدها بس مش واعيه خالص سند راسها للي كان هتوقع على كتفه ، شالها بص لنسـرين بنظرته جمدت الدم في عروقها ..

  عمـر بلع ريقه ، بيحاول يملي صوته حنية _ " غفران يا بابا فوقي متناميش من غير عشا .. " 

ضايقتها بوساته على خدها ، بتحشر وشها في رقبته مزعوجه بس مفتحتش ، مقدرش يضغط عليها زياده طلعها ، على سريرها حطها اتشعبطت فيه أول ما حست بيه بيتسحب من جنبها ..

   غفـران متمسكه بقميصه _" همـم .. " 

رافضه تسيبه حتى حشرت ذراعه تحت راسها عشان تضمن يفضل معاها بس صحيت في الـيوم للي بعده ملقـتهوش جنبها لسا بتقوم تدور عليها لقته بيشيلها ..

   عمـر ضحك على منظر شعـرها المنكوش _ " صباح الخير يا روح بابا قايمه تمشي بعيون نص مفتحه مش خايفه تقـعي مبتشبعيش نوم يا وردتي .. " 

   غفـران مطت شفايفـها _ " .. " 

   عمـر بينقر ع حواجبها المعقـوده _ " فكي التكشيره ديه الضحكه بتطلع عليكي أحلى ، يلا يا بابا نغسل وشنـا ، نغير هدومنا و نمشط شعرنا عشان منتأخرش .. " 

   غفـران شاورتله على شنطة المدرسة _ " .. " 

   عمـر اتنهد بثقل _ " عايزه ترجي المدرسه مليتي من روحه معايا على الشركه بالسـرعه ديه ، مليت من بابا يا صغنن ، خلاص هحول ورقك لمدرسه ثانيه .. "

   غفـران اعترضت _ " .. " 

   عمـر بيفكر قبل ما ينطق _ " غفـران من رأيي نغير المدرسه مش  بسببك بس بابا مبقـاش بيحبها و مش مطمن يسيب بنتـه مع ناس معرفتش تاخد بالـها منها .. "

مرضيتش تسمـع منه ، أصرت اصرار مش طبيعي ترجع تدرس في نفس المدرسه لا و عايزه تمشي اليوم محاولاته الفاشله خلته يلجأ لدكتورها يستأذنه ، مغـصوب لم شنطة المدرسه و نزلـها على تحت بعدما سرح شعرها ..

   غفـران بتفطر فجأة سابت الأكل من ايدها ، افتركت نسـرين للي اثرها مختفي  _ " .. " 

   عمـر فهم عليها _ " مالك يا بابا مبتاكليش ليه مشيت متشغليش بالك بيها ، مش هتشوفي وشـها تاني وعد من بابا .. " 

ابتسمت له ، بعدما خلصت فطورها شالها ركبها العربية ، ساق لغاية ما ركنـها قدام المدرسه ..

   عمـر بقاله أكثر من خمس دقايق راكن بس قلقـان ، ايدها صغيره  اتحطت على ذراعه بتطمنه _ " غفـران ، أنا بقول نرجع و نجي غير يوم .. " 

   غفـران هزت راسها يمـين و شمال _ " .. " 

   عمـر بزعل _ " نت هتوحشيني أوي هتقلقيني عليكي في غيابك اتعودت أخدت معايا على الشركه كل ما أحس إني تعـبان أبص في وشك .. " 

   غفـران طلعت دفتر ملاحظات صغـير و قلم بتكب كلمات اتشوق عمر ليقراها _ " متتصرفش زي العـيال الصغيره .. " 

   عمـر برق _ " يعني ايه ، كده يا أستاذه غفـران تصرفاتي مبقـتش عجباكي .. " 

   غفـران رجعت كتبتله ، بتضحك _ " نت بقيت شبه غفـران .. " 

   عمـر شد خدها _ " جننتيني بس صراحه حلو دور غفران استني  ازعل ، يلا راضيني ، اتصرفي .. " 

   غفـران ضحكها تقليد ابوها لف وشه الناحيه التانيه مبوز _ " بابا بحبك .. " 

   عمـر قرأ الكلمتين عيونه دمعت _ " يا روح بابا ، و أنا بحبك .. " 

   غفـران كشرت _ " بسحب كلمتي نت مش غفـران أنا مبتراضاش بالسرعه ديه .. " 

مجرد كلمات بتتكتب على ورقه بس بيقراها بصوتها ، الموضوع ده خلاها مبسوط قلل من خوفه عليها ، بس حتى و هو ماشي بعد ما وصى الآنسه عليها قلقه مختفاش ..

   غفـران في طريقها على الكرسي للي بتعـقد فيه اتفاجات بوجود يونس ، اتجاهلته قعدت جنبه _ " .. "

   يونـس بلهفه _ " غفـران نت جيتي و أخيرا انا استنيتك كثير انا آسف لـو زعلتك ، مكنش ينفـع ، أقول حاجات تزعلك ، فكرتك مش هتجي تاني .. " 

   غفـران باصه الناحيه التانيه مبتردش عليه _ " .. " 

   يونـس بتردد _ " ممكن تبقى ماما هي مامتك و نبقـى أخوات أنا معنديش مانع .. " 

   غفـران زعقت _ " مش عايزاها ..

يتبـع ..

  •تابع الفصل التالي "رواية ازاي اطفش عروسة بابا" اضغط على اسم الرواية