رواية عشق احفاد الجوهري الجزء الثاني 2 الفصل التاسع 9 - بقلم اية المهدي
البارت التاسع
صباح يوما جديد علي العائلة
على سفرة الإفطار كان الجميع منتظرين نزول ياسمين حفيدة العائلة الغائبة فقال سليم
سليم : هي ياسمين مش نزلت ليه
سراج : هتنزل دلوقتي اهدا انت بس
ريهام بحقد: انا مش عارفة انتوا واثقين ازاي فيهم ما يمكن بيضحكوا عليكوا
احمد بسخرية : لا انا واثق انهم ولاد اختي حور وكمان يزن ومراد عملوا التحليل ليوسف واتاكدوا
زهرة بتأكيد: وكمان ياسمين فيها شبه من سليم وانا متأكدة انها بنت حور وسليم
ريهام بغضب شديد: انتوا حرين انا خارجة
سلمي بهمس لم يسمعه احد غير زوجها: في داهيه
أدهم بضحك : انتي فظيعة
سلمي : أصلها مش تنطاق وأثناء حديثهم رأوا ياسمين تأتي مع شقيقها ياسين
أمال بلهفة : تعالي يا حبيبتي في حضني
وذهبت ياسمين لحضن جدتها فقال قصي
قصي : سبيها بقا يا امال شوية تعالي يا حبيبتي في حضن جدك
حور الصغيرة : هو من لقى احبابه نسي أصحابه ايه يا جدي الحب كله ياسمين
ياسمين بخضة : انا لازم امشي دلوقتي
ياسين : مالك حصل ايه
ياسمين؛ : يزن ويامن سيبتهم في الفندق من امبارح اكيد قلقانين عليا
سلمي : مين دول جوزك وابنك انتي متجوزة يا حبيبتي
ياسمين بجمود : لاء دول اخواتي
الجميع بصدمة : اخواتك
سراج بسخرية : هي الهانم اتجوزت لحقت
مراد الكبير ببرود : اكيد مش هتقعد من غير جواز
ياسمين بغضب لم يراه احد: محدش يتكلم على ماما بكلمة وكمان محدش ليه علاقة بحياتها اتجوزت مش اتجوزت هي حرة اظن سليم باشا اتجوز ومحدش قال حاجة ولا حد اعترض يبقى ليه لا ولا هو حرام على ماما وحلال لسليم باشا ماما كانت لسه صغيرة وحلوة واكيد مش هتعيش لوحدها كان لازم حد يساندها ويقف جمبها
سليم بغضب وحزن شديد : بس خلاص اسكتوا ياسمين روحي هاتي اخواتي وتعالي هنا بيتك موجود وتقعدي في فندق
ياسمين بخبث : لا اصل بابا فهد هيزعل لو عرف اني شفتكوا وكمان اجيب ولاده هنا
الجميع بذهول : بابا
ياسمين ببرآة : ايوة ده جوز ماما وابو يزن ويامن اخواتي وكمان يوسف بيحبه جدا وانا كمان وهو طيب قوي معانا وبيحبنا وأثناء حديثها رن هاتفها برقم والدتها فتوترت ياسمين كثيرا ولاحظ ياسين هذا
ياسين : مالك اتوترتي كده ليه
ياسمين بخوف : ممكن محدش فيكوا يتكلم
الجميع باستغراب: تمام وفتحت ياسمين المكالمة
حور : ازيك يا ياسمين وازاي اخواتك
ياسمين بتردد: كويسين يا ماما
حور : مالك في ايه حصل معاكوا حاجة
ياسمين : لا لا ابدا يا ماما كله تمام ويزن ويامن بيسمعوا الكلام مش متعبين خالص
حور بعدم اقتناع : طيب انا اسبوعين بالكتير وهرجع لندن
ياسمين باطمئنان: توصلي بالسلامة يا ماما خلي بالك من نفسك
حور : يا رب وانتي كمان يا حبيبتي خلي بالك من نفسك ومن اخواتك وانا كمان شوية هاكلمك علشان اكلم اخواتك
ياسمين : حاضر يا ماما في رعاية الله وحفظه
واغلقت ياسمين الهاتف مع والدتها والتفت فرأت من ينظر بغضب ومن ينظر باشتياق وحزن وعتاب فعرف الجميع انها تكلم والدتها حور
أمال باشتياق شديد : ياسمين دي حور مش كده
ياسمين : ايوة
سلمي بلهفة شديدة: عاملة ايه أخبارها ايه قوليلي كل حاجة عنها
ياسمين : طب اهدي يا خالتو هقولك كل حاجة بس لازم اروح الفندق انا خايفة قوي على يزن ويامن دول ميعرفوش حاجة في مصر وبعدها اروح اشوف يوسف
ياسين : انا هاجي معاكي الفندق تجيبي اخواتك وحاجتكوا وتيجوا هنا القصر واسع وياخد ناس كتير
ياسمين برفض : لا مش جاية هنا تاني اولا انا كذبت على ماما بس غصب عني كان في عملية في مصر طلبوني فيها وانا مقدرتش امنع نفسي واقول لاء ده واجبي اني اساعد المرضى يتخطوا الألم وانا عارفة ماما رافضة فكرة نزولنا مصر وهي سابت يوسف ينزل بالعافية
سليم وقد فاض بيه غضبه: ليه الهانم كانت ناوية تخبيكوا لامته انا كنت بموت كل يوم على فراق ولادي وكنت محمل نفسي الذنب والهانم عايشة حياتها اتجوزت وخلفت ومعيشاني في وهم انه ولادي راحو مني ما هي اتعودت على الكذب والخداع
ياسمين بصوت عالي : كفاية بقا انا استحمل اي حاجة الا انه حد يغلط في أمي ماما دي احسن واحده في الدنيا هي اللي تعبت علينا وخلتنا نوصل لده كله يوسف بقا ظابط ناجح والكل بيعمل ليه الف حساب وانا بقيت من أنجح الدكاترة ويزن ويامن بدأوا طريقهم بتفوق ماما تعبت قوي علينا ومسمحس لحد يتكلم عنها بالطريقة دي وانا مش هقعد هنا انا عندي هنا شغل ولما يخلص هرجع بيتنا مش محتاجة حاجة من حد خصوصا منكوا وذهبت ياسمين يغضب شديد وحزن هؤلاء هم عائلتنا فأنا اشتقت لهم كثيرا وكنت أود أن اعوض ما خسرته معهم ولكن لا فلن ارحم احد اذا تجرأ ومس امي بسوء فأمي هي عائلتي وهي أماني
على الناحية الأخرى في الفندق
كان يزن يتحرك كثيرا في الغرفة ويامن يراقبه
يامن : ما تقعد بقا يا ابني خيالتني
يزن : تصدق انك بارد ياسمين لسه برة مجتش من امبارح
يامن : ما انت عارف يا يزن انه ياسمين احيانا بتاخد شفت بالليل
يزن : بس بتتصل تقول وبعدين ده مكان جديد عليها على طول كده تاخد شغل لحد بالليل انا خايف عليها ما تيجي نروح ليها المستشفى طيب
يامن : ايوة علشان تزعل مننا وتقول اننا خرجنا من غير ما نقولها
يزن : طب هنعمل ايه هنفضل قاعدين كده
يامن : اصبر شوية ولو اتاخرت هنروح ليها
على الناحية الأخرى
الامبراطورة بغضب: يعني ايه اضرب بالرصاص وفي المستشفى
المجهول : ده اللي حصل يا فندم
الامبراطورة : ساعتين وتعرفلي مين اللي عمل كده ومصلحته ايه
المجهول : تحت امرك ورحل لوجهته سريعا
على الناحية الأخرى نذهب لمكان اخر
بداخل شركة من الشركات المنافسة لشركات الجوهري
انور بغضب: يا غبي قولتلك ياسين ابنه مش تروح تضرب واحد تاني
الشخص : حضرتك ما هو الشاب اللي خرج شبه فأنا فكرته ابنه
انور : انا اعتمدت على واحد غبي انا عارف الشاب اللي انت ضربت عليه نار حصله حاجة
الشخص بخوف : لا لسه عايش بس بيقولوا الإصابة خطيرة واللي عرفته انه الشاب ده ظابط
انور باطمئنان قليلا : انت تختفي خالص اليومين دول لحد ما الأمور تهدي وانا هابقي اكلمك
الشخص : تمام وذهب سريعا قبل أن يفتك به انور
وظل يفكر انور كيف يتخلص من هذه الورطة قبل أن يكتشف احد
على الناحية الأخرى في مكان ما في قصر عائلة الجوهري
ريهام بخوف : بقولك عايشة هي وولادها اكيد الماضي هينكشف وهنروح في داهيه اتصرف اعمل اي حاجة قبل ما حور توصل هنا والكل هيعرف وانا وقتها هقول كل اللي عندي وعليا وعلى اعدائي
المجهول بشر: اهدي واعقلي كده واذا كنتي خايفة من حور والعيلة فلازم تترعبي مني انا انا معنديش عزيز ولا غالي فاعقلي كده يا حبيبتي قبل ما تقولي اي حاجة لحد والا نهايتك على أيدي انتي فاهمة
بقلم آية المهدي......
في المستشفى آفاق يوسف بتعب شديد وينظر حوله باستغراب
يوسف : انا ايه اللي جابني هنا وحاول القيام ولكن تآلم كثيرا بسبب جرحه وأثناء هذا الوقت دخل الطبيب للغرفة
الطبيب : حمد الله على سلامتك يا يوسف
يوسف بآلم : الله يسلمك يا دكتور انا مين اللي جابني هنا
الطبيب : انت في مستشفى الجوهري وعيلة الجوهري اللي جابتك هنا وكانت حالتك صعبه جدا لكن الحمد لله انت بخير
يوسف : طب اقدر اخرج أمته انا مبحبش قعدة المستشفيات
الطبيب بعملية : لا طبعا انت لازم على الاقل تقعد أسبوع في المستشفى وفي البيت لازم راحة برضو ممنوع الحركة والاجهاد حضرتك ظابط وطبعا انا عارف طبيعة شغلكوا
يوسف بتعب : لا انا مش هقدر اقعد انا عايز امشي
الطبيب : طيب ممكن تاخد الدوا وبعدها انا هاخرجك
يوسف : طيب واعطي الطبيب الدوا ليوسف وبعدها بدقائق ذهب يوسف بنوم عميق خرج الطبيب من الغرفة وذهب لمكتبه وطلب سليم الجوهري ليخبره ما حدث
في قصر عائلة الجوهري
كان الجميع مصدومين مما يحدث لم يصدق البعض جواز حور والبعض يشعر بالغضب
سليم : ياسين روح ورا اختك واعرف هي قاعدة في فندق ايه وتجيبها هي وأخواتها حتى لو غصب
ياسين باعتراض: بابا ياسمين عنيدة ومش هتيجي بالغصب لازم نتكلم معاها بهدوء انا هروحلها الفندق هحاول اقنعها وذهب ياسين لوجهته
فجاء اتصال لسليم من المستشفى رد سليم سريعا بقلق
سليم : الووو
الطبيب : سليم باشا انا حابب اقولك انه ابن حضرتك فاق بس كان مصمم يمشي وحضرتك لازم تيجي تقنعه لانه كده غلط عليه هو حاليا واخد الدوا ونايم لكن اكيد لما يصحا هيحاول يمشي
سليم : طيب انا جاي حالا وأغلق سليم المكالمة
قصي : في ايه يا سليم مين كلمك
سليم : يوسف فاق وكان مصمم يمشي وده غلط على صحته ولازم يهدا وميتهورش
والدة سليم : طب يا ابني ابعت اخوه وولاد عمه يفضلوا معاه
سليم : لا يا أمي أنا لازم اروح بنفسي وقبل ان يذهب جاء له اتصال هاتفي
المجهول : سليم باشا احنا عرفنا مين عمل كده
سليم بجمود : مين
المجهول : انور باشا ومكانش يقصد يوسف كان يقصد ياسين
سليم بغضب : انا هاعرفه ازاي يلعب معايا او يقرب لحد من ولادي خليك مراقبه لحد ما اقولك تعمل ايه
وأغلق سليم المكالمة وكان في أعلى مراحل غضبه تكاد تحرق من يقف امامه
سيف بتوتر : سليم مالك مين كلمك
سليم : اللي ضرب نار على يوسف انور السيوفي وكان قاصد ياسين مش يوسف
سراج بغضب : هي وصلت لكده لازم نتصرف معاه ونعرفه هو وقف قصاد مين ويتحاسب على اللي عمله
سيف: روح انت يا سليم لابنك يوسف واحنا هنا هنتصرف وهنتستنا ياسين يرجع هو وياسمين واخواتها
سليم : تمام وذهب سليم للمستشفى لرؤية ابنه الاخر
في فندق الماسة ذهبت ياسمين سريعا للاطمئنان على أخواتها وتدعي بداخلها ان يكونوا بخير
ياسمين : يزن يامن انتوا فين
خرج يزن ويامن ورآوا شقيقتهم بخير فتنهدوا باطمئنان
يامن : ياسمين كنتي فين قلقتيني عليكي قوي
ياسمين بهدوء: هقولكوا بس توعدوني ماما متعرفش اي حاجة عن الموضوع
يزن ويامن : صدقيني مش هنقول حاجة نوعدك
ياسمين : انا شوفت بابا وياسين والعيلة كلها
يزن ويامن : نعم شوفتي بابا وابيه ياسين
ياسمين : انا كنت في المستشفى وخلصت العملية وكنت خارجة مروحة سمعت اتنين بيتكلموا عن شاب اضرب بالنار واسمه يوسف وظابط انا وقتها اتصدمت وخوفت يكون اخويا فسألت موظفة الاستقبال وطلع هو يوسف وكمان بابا عرف اننا عايشين بس ميعرفش انكوا ولاده هما اتكلموا عن ماما بطريقة مش حلوة هما مفكرين انه ماما اتجوزت غير بابا لانه محدش كان يعرف انها حامل غيرها فأنا مشيت معاهم وقولتلهم اه انها اتجوزت وجوزها اسمه فهد وانتوا ولاده ودلوقتي انا متأكدة انهم هيبعتوا حد ورايا علشان عايزاني ارجع القصر وانتوا معايا بس انا رفضت بس لما حد منهم يجي انتوا كمان ترفضوا وانا في الاخر هوافق وهنروح معاهم ماما راجعة خلال اسبوعين هنحاول في الأسبوعين دول نثبت براءة ماما وبعدها محدش هيقدر يقول حرف عليها وبعد ما نخلص هنرجع لندن تاني ونعيش زي ما كنا انا اكتشفت اننا مش محتاجين حد غير ماما في حياتنا لما شفت كرههم ليها انا كمان كرهتهم لازم نثبت براءة ماما على الاقل علشان ياسين ماما بتتعذب من غيره وهنعاقب الشخص ده مين ما كان يكون انتوا موافقين معايا
يزن ويامن : طبعا موافقين ومعاكي في اي حاجة
ياسمين بفرح : تمام هقوم بقا نطلب اي حاجة ناكلها انتوا اكيد مش أكلتوا وذهبت ياسمين لطلب الطعام لها ولاخواتها
على الجهة الأخرى مستشفي الجوهري
وصل سليم للمستشفى وقابل الطبيب المسئول عن حالة ابنه
الطبيب: اهلا سليم بيه المستشفى نورت
سليم : يوسف صحي ولا لسه
الطبيب::لا لسه بس عايز حضرتك تقنعه انه يفضل اسبوع هنا معانا على الاقل حضرتك في خطر على حياته لو خرج دلوقتي جرحه لسه جديد
سليم بتفكير : طيب لو اخدته البيت ووفرنا ليه كل العناية مافيش خطر وقتها
الطبيب بعمليه : لا مافيش خطر انا كل اللي عايزه منه الراحة بس مافيش مجهود ولا شغل لو تقدروا تعملوا كده تمام يقدر يخرج انهاردة وهابعتلك ممرض يفضل معاه لحد ما يبقى بصحة كويسة
سليم : متشكر يا دكتور وذهب سليم باتجاه غرفة يوسف للاطمئنان عليه وظل يتأمل ابنه كثيرا فيوسف يشبه لحد كبير وملحوظ ظل على هذا الوضع حتى لاحظ تلملم يوسف بتعب آفاق يوسف وهو ينظر حوله فرآي والده أمامه فنظر له بلا مبالاة
سليم : حمد الله على سلامتك يا يوسف
يوسف ببرود : الله يسلمك فين الدكتور انا عايز اخرج من هنا
سليم ببرود مماثل لابنه: مافيش دكتور ودلوقتي عربية مجهزة من المستشفى هتاخدك ونطلع على القصر لحد ما تتحسن
يوسف : مش رايح القصر انا عندي مهمة ومش فاضي
سليم : مهمة ايه اللواء عرف باللي حصلك وقال انه معاد المهمة بعد شهر يعني انت مش مطلوب منك تجهد نفسك وولاد عمك هيبلغوك باللي بيحصل
يوسف بصبر : برضو مش عايز اروح القصر عايز ارجع شقتي
سليم بخبث: ولو قولتلك اختك هي كمان هتقعد معانا هي وأخواتها مش اسمهم يزن ويامن برضو
يوسف بذهول : ياسمين هي جت هنا ازاي ايه اللي بيحصل
سليم : اهدا كده علشان مكان العملية ياسمين اتصلوا بيها من مصر علشان عمليه وبما انها دكتورة مشهورة كلهم رشحوها وهي مقالتش لوالدتك حاجة وجابت أخواتها معاها بس ازاي يعني زوج والدتك سمح لولاده ينزلوا مصر
يوسف بتفكير : زوج والدتي هي ماما اتجوزت أمته شكلهم مفكرين ماما اتجوزت لا اكيد في حاجة لازم اعرفها وانا هادخل القصر ده واشوف ايه كل المستخبي جواه
يوسف : تمام انا موافق ارجع معاك القصر
سليم : طيب انا هاكلم الدكتور يجهز كل حاجة علشان نطلع
في فندق الماسة
انهت ياسمين طعامها هي وأخواتها وظلوا منتظرين وصول احدهم كما قالت ياسمين حتى رن هاتف الجناح فقال لها احد موظفين الاستقبال انه هناك من ينتظرها في الأسفل واسمه ياسين الجوهري فطلبت منه ياسمين ان يعطيه رقم الجناح ويذهب للأعلى مرت ثواني حتي اتي ياسين ودق باب الجناح واستقبلته ياسمين بهدوء
ياسين : ازيك يا ياسمين امال فين اخواتك
ياسمين : واخواتك انت كمان على فكرة نادت ياسمين شقيقيها يزن ويامن
ياسمين : يزن يامن ده ابيه ياسين اخوكم الكبير
يزن ويامن بفرحة لرؤية اخيهم الاكبر: اهلا يا ابيه نورت
ياسين ببرود: اهلا بيكوا ياسمين ممكن اتكلم معاكي في موضوع
ياسمين : اتفضل
ياسين : ياسمين لازم تيجي تقعدي في القصر هنا خطر عليكي قريب كل الناس هتعرف بوجودك انتي ويوسف مينفعش تفضلوا بعاد عننا هيبقى في خطر كبير وكمان على اخواتك
ياسمين برفض مزيف::لا انا مرتاحة هنا وكمان هناك مش هاستحمل حد يقول كلمة على ماما
يزن ويامن : واحنا كمان مش موافقين
ياسين بهدوء: طيب انا اوعدكوا انه محدش هيتكلم ولا يقول حاجة بس لازم تيجوا معايا
يامن بتمثيل: خلاص يا ياسمين ابيه وعدنا
ياسمين برفض : لا انا برضو مش موافقة
يزن : خلاص بقا يا ياسمين علي الاقل محدش هيتعرض لينا هنا وهنبقي هناك في الأمان اكتر
ياسمين : طيب خلاص وافقت هقوم اجهز الشنط
يزن ويامن بفرحة : تمام هنقوم نساعدك وظل ياسين ينتظرهم قرابة ساعة كاملة وخرجت ياسمين وهي تسحب الشنط فاخد منها ياسين الشنط ونزل أمامهم وحمل يامن ويزن باقي الشنط ونزلوا وراءه وركبوا بالسيارة واتجهوا للقصر
على الناحية الأخرى توقفت السيارة المجهزة ليوسف امام القصر وجاء اياد وسراج واحمد لمساعدة يوسف النزول
احمد بفرح : حمد الله على سلامتك يا حبيبي
يوسف بحب لخالو احمد: الله يسلمك يا خالو
سراج: يعني هو خالك وانا لاء
يوسف ببرود: لا طبعا
واسندوا يوسف وذهبوا للداخل فذهب باتجاه سلمي ومليكة والجميع
سلمي : انت كويس يا حبيبي في حاجة بتوجعك تعال قعدوه هنا خليه يرتاح
سليم : لا طلعوه اوضه ياسين لحد ما اوضته هو وأخواته تجهز قبل أن يكمل حديثه
يزن ويامن بصراخ : ابيه وركضوا له بخوف وحب واشتياق
يامن : انت كويس يا ابيه
يزن : في حاجة بتوجعك
ياسمين : اوعي يا ابني انت وهو اكيد بعد صوتكوا العالي ده هيتعب اكتر واحد لسه تعبان وخارج اكيد مرهق وعايز يرتاح
يزن برخامة: وانتي مالك انتي خليكي حالك يا باردة
ياسمين : مين اللي باردة يا معفن انت انا اكبر منك المفروض تحترمني
يامن بمزاح: يا شيخة مش لما صحابك يحترموكي نبقى نحترمك وبعدين مش تعملي دكتورة على يوسف خليكي في المرضى بتوعك
ياسمين ببكاء مصطنطع: شايف يا يوسف اخواتك بيقولوا ايه وكمان مش محترمني
يوسف بنفاذ صبر وتعب: بس بقا انتوا ايه مش بتتعبوا ده مش بيتنا علشان تعملوا الحركات دي وكمان انا لسه مش حاسبتكوا على نزلكوا مصر من غير ما اعرف بقا بتكذبي عليا وعلى ماما يا ياسمين ماما علمتك كده
ياسمين بخجل : يا يوسف لو كنت قولتلها مكانتش هتوافق وده واجبي مكانش ينفع اقول لاء
يوسف : حصل خير انا عايز اطلع ارتاح تعبت
يزن ويامن : احنا هنطلعك يا ابيه
يوسف بحب : لا بقيتوا رجالة ويعتمد عليكوا بس خلوا اياد ومراد يطلعوني وذهب اياد ومراد لمساعدة يوسف للذهاب لغرفة ياسين
وظلوا الجميع ينظروا ليزن ويامن بحب
سلمي : اهلا يا حبايبي مين فيكوا يزن ومين يامن
يزن : انا يزن وهو يامن
آسيل بحب لهؤلاء الصغار: انا خالتكوا أسيل يا حبايبي بنت عم ماما واختها
آمال : تعالوا في حضن تيتا يا ولاد قولولي بقا عندكوا كام سنه
يزن ويامن :19 سنة
آمال بحب : بسم الله ما شاء الله رجالة زي القمر
يامن بمرح : انتي اللي حلوة وقمر يا تيتا وانا اقول حور حلوة لمين ده حتى بابا بيفضل يتغزل في جمالها
يزن بخبث: وبيغير قوي عليها مننا احنا كمان بيحبها حب عقبالي انا كمان
يامن بمزاح: مين دي اللي هترضي بيك
يزن بخبث: الحلوين كتير هتشوف
وظل الجميع يبتسم على هذا التؤام المشاعب فهم دخلوا قلوب الجميع حتى سليم بداخله يشعر بالحب تجاههم وياسين أيضا
بقلم أية المهدي....
فهل ستستمر هذه التمثيليه للنهاية؟؟
وكيف سيعاقب سليم انور علي ما فعله بابنه؟؟؟؟؟؟؟
وهل ستكتشف حور ما يحدث ما أولادها؟؟؟؟؟؟؟
ومن هذا المجهول الغامض؟؟؟؟؟؟
بقلم أية المهدي.......
•تابع الفصل التالي "رواية عشق احفاد الجوهري الجزء الثاني 2" ضغط على اسم الرواية
تعليقات
إرسال تعليق