رواية عشق احفاد الجوهري الجزء الثاني 2 الفصل الثاني عشر 12 - بقلم اية المهدي
البارت الثاني عشر
في الشركة
ياسين : مش عارف مين ممكن ينقل اخبارنا للمنافسين
اياد : طب تحب اساعدك في الموضوع ده ممكن كمان يوسف يساعدنا
ياسين : لا بابا قال هو هيتصرف في الموضوع ده
اياد : ياسين انت علاقتك ايه مع اخوك يوسف
ياسين : مالها ما احنا كويسين
إياد : لا مش كويسين يا ياسين الكل ملاحظ انكوا مش بتتكلموا مع بعض في حاجز بينكوا مش زي ما بتتعامل مع اخواتك والحاجز ده طنط حور ياسين دي مامتك وانت كنت طفل صغير مش كل حاجة تشوفها هي الحقيقة ياسين افتكر انه طنط حور بجد تعبت في حياتها عملت كتير علشان تسعد الكل ومع اول موقف جوزها وابوها وأخواتها محدش صدقها متخيل كمية الألم اللي هي فيه والألم الأكبر منك انت ابنها ومش حابب وجودها انا معرفهاش ولا عيشت معاها بس صدقني عندي احساس انها لا يمكن تخون مش كل اللي بتشوفه العين بيبقى حقيقة والا كان الكل وقف ضدها عندك عمك عز وحسام ومالك واحمد وزهرة ومليكة واغلب العيلة واقفة معاها انا بقولك قبل ما تندم انت محتاج ليها انا بشوفك لما بتشوفها من غير ما تاخد بالها في عنيك نظرة اشتياق وعتاب عايز تجري عليها وتقولها ماما دي امك يا ياسين خدها في حضنك محدش عارف هيحصل بكرة ايه
ياسين بحزن عميق:: لا مافيش حاجة صح من اللي قولتها انا مش مشتاق لحد ولا عايز حاجة ويوسف انا مش ببعد عنه بس هو مصمم انه يحط حاجز بيني وبينه وانا مش هاضغط عليه
إياد : يا اخي افهم بقا انت مش كنت بتتعذب من غيرهم وكنت حزين على فراقهم وكل يوم تشتاق ليوسف وياسمين اهو ربنا مخيبش ظنك رجع اخواتك لا وكمان من كرمه رزقك باخين تانين ومامتك طلعت عايشة عوض اللي فات معاهم
ياسين بهدوء: هحاول يا إياد هحاول ممكن بقا تمشي تروح شغلك
إياد : تصدق انا غلطان اني جيتلك بتطردني يا ياسين يخربيت معرفتكوا وانا مالي ومال اخوك ما تولعوا مع بعض اسيب اخوك اللي مش بيرحم هناك تجيلي انت مش عارف طنط حور مستحملة ازاي الله يكون في عونها
ياسين بغضب : يلا يا حيوان برة واقفل الباب وراك ولا تحب ندرب شوية
إياد باستعجال: لا خالص ده انا عندي مواعيد مهمة جدا لازم امشي ورحل إياد سريعا قبل أن يفتك به ياسين من شده الغضب
ياسين بتريقة : مواعيد اه يا جبان
على الناحية الأخرى في مستشفى الجوهري
ذهبت ياسمين لالقاء نظرة على الأطفال وقبل ان تذهب نادي شخص باسمها وذهب إليها
ياسمين : ايوة حضرتك اتفضل
زين : حضرتك الدكتورة ياسمين
ياسمين : ايوة حضرتك اتفضل اقدر اساعدك بايه
زين بجدية : انا بنتي هنا اسمها نور عندها 3سنين وانا بصراحة الكل اجمع على انك أفضل دكتورة هنا وليكي اسمك برة البلد فبطلب من حضرتك انك تمسكي حالة بنتي وتبقى انتي الدكتورة بتاعتها
ياسمين : تمام انا موافقة بس بطلب منك انت ووالدتها انكوا تفضلوا جمبها وتحسسوها انها كويسة وأنكو جمبها هي طفلة ومش فاهمة حاجة بس اكيد متعلقة بيكوا وهتستغرب بوجود ناس حواليها
زين بحزن : نوران ماتت وهي بتولد نور
ياسمين باسف: انا اسفة لحضرتك جدا مكنتش اعرف ربنا يصبرك خليك قوي علشان بنتك محتاجلك
زين : علشان كده عايزاها تتعالج مش عايزاها تروح مني كمان مش هقدر اتحمل
ياسمين : خليك قوي علشانها وعلشان تقويها
زين : تمام شكرا يا دكتورة اخدت من وقتك كتير
ياسمين بابتسامة ساحرة: ولا يهمك عادي ده شغلي وان شاء الله نور هتبقى كويسة وانا هاتابع حالتها بنفسي عن اذنك وذهبت ياسمين لقسم الأطفال وزين يتابعها بابتسامة
استوب كده
زين شمس الدين المنياوي عمره 33 عاما أرمل توفت زوجته وهي تلد ابنتهم الصغيرة ورفض الزواج من أخرى فكان يحب زوجته كثيرا ولم يقبل بأخرى في حياته
نور ابنة زين : عمرها 3سنوات طفلة جميلة للغاية تشبه والدها زين كثيرا من يراها يقع في حبها سريعا
نرجع بقا للرواية
في قصر الجوهري
كان الجميع يتحدث بمواضيع مختلفة لحين وصول الشباب فلم يأتي يوسف وياسين ويزن الي الآن والبنات على قدم وساق لتحضير العشاء حتى سمعوا صوت صراخ الممرضة من الأعلى ذهب الجميع للأعلى بخضة
الممرضة : الحقوني اطلبوا الدكتور بسرعة
ياسمين : في ايه اوعي كده خليني اشوفه
سليم بقلق : ياسمين حصل ايه
ياسمين : كله يخرج برة واتصلوا بالدكتور وانا هاعمل اللازم
حور : لا يا بنتي انا هافضل جمبه مش هاسيبه
سلمي : تعالي يا حور برة خلي ياسمين تشوف شغلها جدو هيبقى كويس وذهبوا الجميع للخارج بحزن وقلق وخوف وبعد مرور عشر دقائق لم تخرج ياسمين من الغرفة والجميع قلق وفي لحظات معدودة دق جرس القصر معلنا وصول احد ما
قصي : يامن روح شوف يا حبيبي لو كان الدكتور
يامن : حاضر يا جدو ذهب يامن للأسفل ورأي الطبيب يسأل الخادمة عن الجميع ذهب له يامن وطلب منه الصعود لاعلي
يحيى : كنت فين يا عادل ده انت بيتك جمب بيتنا
الطبيب عادل : معلشي يا يحيى كنت برة بس قريب من البيت واول ما جالي التليفون جييت بسرعة المهم متخافوش عمي هيبقى كويس
شهاب : ادخل يا عادل ياسمين بنت سليم جوه بس لسه مخرجتش ولا طمنتنا ارجوك طمنا
عادل : متخافوش يا جماعة عمي هيبقى كويس انتوا اهدوا بس ياسمين كانت معايا على التليفون وقولتلها تتصرف ازاي والحمد لله عمي كويس دلوقتي وكمان هيفوق في اي وقت
باسل بفرح : بجد يا عادل بابا هيفوق
قصي : الحمد لله يا رب الحمد لله
آمال بدموع : ده احلى خبر نسمعه في حياتنا
عادل بضحك : طب اكلوني بقا انا جييت من عزومة ملحقتش اكل حاجة
يحيى بضحك : لسه زي ما انت يا عادل مشكلة
عادل : اكيد يا صاحبي انت اكتر واحد عارفني المهم حمد الله على سلامة عمي والفضل لربنا ثم بنتك يا سليم اتصرفت بشكل صح من غير توتر وقلق
فتحت ياسمين باب الغرفة وقفلته مرة أخرى رات نظر الجميع عليها
ياسمين : في ايه يا جماعة جدو بقا كويس وهيفوق في اي وقت
حور بدموع : بجد يا ياسمين جدو هيبقى كويس
ياسمين بفرح : طبعا يا ماما متخافش جدو قوي جدا
سليم بفخر : انا فخور بيكي قوي يا بنتي
فرح : انا هاطلع دكتورة زي ياسمين
سليم الصغير بضحك : انتي عايزة تطلعي ظابط ولا محامية ولا دكتورة اختاري حاجة واحدة
فرح : انا هابقي زي عمتو حور وياسمين
حور بضحك : وهتبقى احلى كمان يا قلبي
وفجأة دخل ياسين ويوسف ويزن وهم يلتهان من الركض
يوسف : ماما حصل ايه جدو كويس
ياسين : ردي يا ماما
حور : انت قلت ايه ماما
ياسين بتوتر : انا كنت بقول لماما ريهام
ريهام بانتصار: لا يا حبيبي جدك كويس
ريهام بهمس لحور: شوفتي ابنك بيكرهك ازاي ولسه كمان هيحصل اكتر من كده
حور : متفرحيش قوي كده ده انتي دورك جاي قريب قوي وابقى سلميلي على حبيب القلب
ريهام بخوف : قصدك مين
حور بخبث: قصدي اللي اتفقتي معاه عليا واه صح متنسيش تقوليلو حور بتلسم عليك يا زوز وذهبت حور وهي تتوعد لها بالعذاب الشديد
ريهام بخوف : لا اكيد متعرفش شكلها بتخوفني بس هي قالت زوز يبقى تعرفه اكيد لو كل حاجة اتكشفت هروح في داهية وسليم مش هيرحمني لا لا مش لازم اخاف بس انا لازم اقوله كل حاجة ذهبت ريهام لمحادثة الشخص المجهول ولم ترى من يراقبها بابتسامة
حور : نهايتك قربت يا ريهام وذهبت حور وهي تبتسم
كان الجميع في الغرفة منتظرين ان يفيق الجد
آفاق الجد وظل ينظر حوله بترقب وحاول القيام ولكن لم يقدر فساعده ولده قصي ووليد
الجد : قصي وليد ايه اللي حصل يا ابني انا فاكر اني وقعت في مركز الشرطة
الدكتور عادل : فعلا يا عمي بس انت دخلت في غيبوبة
الجد بتعجب : عادل انت كبرت كده ازاي وباسل هو انا قعدت قد ايه في الغيبوبة
عادل : 20 سنة بقالك 20سنة في غيبوبة يا عمي
الجد : 20 سنة ولسه عايش
شهاب : بعد الشر عليك يا بابا ربنا يديك طولة العمر
الجد : اكيد الولاد كبروا دلوقتي هما فين
عز : دول كبروا وهيتجوزوا كمان يا جدي
الجد : بجد شكلي طولت قوي في الغيبوبة ونظر الجد لمليكة وتذكر حفيدته الغالية حور مسح دمعته سريعا قبل أن يراه احد
الجد : مليكة تعالي يا حبيبتي في حضن جدك وانتوا كمان يا بنات هو جدكوا مش وحشكوا
البنات بدموع : جدو ذهبوا البنات سريعا بفرح فهما مدلالاته
رؤى : حمد الله على سلامتك يا جدو واحشتنا قوي
الجد بضحك : يا قردة انتي انا واحشتك برضو
أسيل : طبعا يا جدو ده احنا كنا بنتمني اليوم ده بفارغ الصبر
زهرة وسلمي : حمد الله على سلامتك يا جدو الحمد لله انك بخير
الجد بحب : الله يسلمكوا يا حبايبي اكيد اتجوزتي انتي وادهم يا سلمى الولد ده بيعاملك كويس ولا لاء
أدهم : يا جدي الولاد واقفين الله
الجد : بس يا حيوان بطمن على حفيدتي
سلمي بضحك : اطمن يا جدو ميقدرش يزعلني
رؤى : ايوة يا مسيطر انت
زهرة : ايوة كده يا سلمى هتنتهي بدال رؤى اتكلمت
الجد : بس خلاص يا بنات بطلوا معاندة في بعض
الجد : مالك يا مليكة يا حبيبتي انتي مش فرحانة انه جدك رجع بصحة كويسة وسعل الجد كثيرا
فمدت حور يديها بكأس الماء واخذها الجد دون أن ينتبه لها فكانت حور تختبئ خلف أخواتها خائفة من ردة فعل جدها
الجد : شكرا يا بنتي ونظر بذهول لها ونظر لمليكة مرة أخرى
الجد بذهول : حور انتي هنا يا بنتي ولا انا بحلم
حور ببكاء: لا انا هنا يا جدي
الجد بفرح : يا قلب جدك انتي تعالي في حضني ذهبت حور لاحتضان جدها وظلت تبكي بقهر على ما حدث لها فكانت تتمنى وجوده بجانبها وتركها الجد تفرغ ما في قلبها من كتمان
نظر لها البعض بحزن على حالها والبعض الآخر لا يصدق بكائها نظر لها قصي بحزن بداخله تمني لو أخذها بين احضانه فهذه ابنته ولكن نفي هذا الشعور سريعا
الجد بهدوء: كله يخرج برة مش عايز غيري انا وحور
سليم : بس يا جدي
الجد : سمعت قلت ايه انا عايز اقعد مع حفيدتي لوحدنا خرج الجميع بهدوء من الغرفة
الجد : الكل خرج يا حبيبتي احكيلي كل حاجة حصلت معاكي وانا اوعدك هرجع كل حاجة لمكانها يمكن مقدرش اتحرك زي الاول لانه جدك بقا عجوز قوي بس انا لسه قوي زي ما انا
حور بضحك ودموع : اكيد جدو مافيش منه اتنين
الجد بحزن : انا عارف يا بنتي انك زعلانة مني بس صدقيني انا مصدقتش اللي حصل يومها انا كنت عارف انه مافيش حاجة صح في الموضوع يمكن قسيت في الأول بس انا متأكد من براءتك ومتاكد من تربية محمد ليكي انتي عملتي حاجات كتير قوي علشانا قبل ما تعرفي اننا عيلتك الحقيقة وعارف انه سليم غلط معاكي وسراج ومراد كلهم غلطوا في حقك بس انا وانتي هنربيهم سوا
حور : صدقني يا جدو انا مش خاينة ده كله لعبة من ريهام وفي شخص كمان معاها
الجد : ريهام بنت خالة سليم
حور : بقت مراته يا جدو وخلفوا ولد
الجد بصدمة : سليم اتجوز ريهام ازاي يعمل كده
حور بلا مبالاة : مش فارق معايا انا اللي فارق معايا اني اثبت للكل اني مش كده وكمان ياسين ابني بقا بيكرهني يا جدو كله بسببها هي
الجد ::بس يا حبيبتي جدك معاكي ومش هيسيبك وهنحاسب كل اللي غلط اهدي انتي بس عايزاك لما تخرجي ليهم واتصرفي عادي معاهم
حور : تمام يا جدو اسيبك بقا ترتاح
الجد : حور هما ولادك كويسين ياسمين ويوسف
حور بابتسامة : كويسين وزادو فردين كمان
الجد باستغراب : فردين ازاي ياسمين اتجوزت او يوسف
حور : لا انا جبت ولدين تؤام
الجد بصدمة : انتي اتجوزتي يا حور
حور : لا يا جدي دول ولادي انا وسليم انا كنت حامل في الوقت اللي طلعت من القصر مقولتش لحد كنت عايزاها مفاجأة للكل بس دلوقتي الكل عرف واسمهم يزن ويامن
الجد : هاتي ولادك يا بنتي عايز اشوفهم
حور برفض : ارتاح يا جدو دلوقتي انت صحيت من غيبوبة مده طويلة انت محتاج للراحة ابقا شوفهم بعدين
الجد : طيب يا بنتي بس لما افوق عايز اشوف احفادي كلهم حواليا
حور : حاضر يا جدو بس ارتاح وانا اللي هاعملك الاكل بأيدي
في الأسفل
عز بهمس لحسام : تفتكر جدي عايز حور ليه
حسام : مش عارف بس اكيد عايز يسألها ازاي نجت من الحادثة
عز باقتناع : وارد برضو
إيمان : آمال احنا لازم نعمل حفلة بمناسبة رجوع صحة عمي بالسلامة
نهى : اه يا طنط عندك حق جدو هيفرح قوي
عز بمرح : سامع حد بيقول حفلة احنا هنخربها بقا
حسام : اعقل يا ابني بقا انت لسه صغير
احمد : لو عقل ميبقاش عز اللي نعرفه
ياسمين : انا بقول بلاش الحفلة دلوقتي صحيح جدي فاق بس لسه صحته مش كويسة لازم راحة ومش عايزين إجهاد لصحته اكتر
عادل : ياسمين عندها حق بلاش حفلات دلوقتي
نزلت حور للأسفل وهي فرحة برجوع جدها من الغيبوبة رأي الجميع حور تنزل بابتسامة تعالت دقات قلب سليم لرؤيتها تبتسم
أدهم : حور جدي كويس كان عايزاك في ايه
حور : كويس بس دلوقتي بيرتاح كنا بنتكلم في حاجات كتير بنفتكر الحاجات الحلوة ولما اخدت مكان مليكة وعرفتكوا حبيتكوا كلكوا كنت بحس انكو عيلتي ولما عرفت الحقيقة اتصدمت مكنتش متوقعة انه حياتي اللي عايشها مزيفة بس اتقبلت الواقع واتقبلت عيلتي وكنا بنفتكر مقالبي انا وعز وانه القصر ده مكانش بيبطل ضحك حاجات كتيرة قوي يا أدهم
محمد والد حور واحمد وسلمي : وانا يا بنتي هافضل دايما جمبك وابوكي اللي رباكي ومش هاسمح لحد يآذيكي وكفاية انه شخص واحد يحبك
عز : مين ده يا عمي انا بحبها طبعا
حسام : وانا كمان
أدهم واحمد : واحنا كمان بنحبك
مالك : يعني هي جات عليا انا وانا كمان بحبك يا احلى حور في العيلة
البنات : وانتوا نسيتونا احنا كمان عايزين حضن ابعدوا كده عنها وذهبت البنات لاحتضان حور بحب فضحك الجميع عليهم برغم مرور السنوات ما زالو مثل الأطفال
آمال : انهاردة يوم مش عادي انا هادخل اعمل كل الاكل اللي بيحبه عمي
حور برفض؛ : لا ماما استني جدو عايز ياكل من ايدي انا اللي هاعمل الاكل انهاردة
رؤي : اوه هناكل من تحت ايد الشيف حور
ياسمين : اتفرجي بس يا خالتو ماما ولا اجدعها شيف في مصر ولندن كلها
حور بمرح : بعد كلامك ده انتي طمنتيهم يعني
ياسمين : طبعا يا ماما يا حبيبتي انتي حد. يقدر ينافسك
حور : طيب يلا البنات الحلوين فين اللي هيساعدوا عمتهم
البنات : احنا موافقين هنساعدك وهنعمل تورتة بالمناسبة الحلوة دي
مراد الصغير : عمتو حور شكلها هتدلعنا انهاردة
إياد بهمس لياسين: شايف يا ياسين الفرح اللي على وش والدتك عايزاك تفكر كويس واتمنى ترجع لحضنها تشاركها فرحتها زي اخواتك
ياسين بهمس : يا ترى الايام دي مخبية ايه ليا ولعيلتي
بقلم أية المهدي .......
مر اليوم سريعا على الجميع في هدوء وسعادة
نزلت حور للاسفل للاستعداد ليومها
يزن : ماما انتي مستعجلة كده ليه مش هتفطري معانا
حور : لا يا حبيبي مش هقدر عندي شغل مهم
ياسمين بهدوء: ماما مينفعش تخرجي من غير فطار
آمال : خلاص يا ولاد هي هتقعد تفطر معانا دلوقتي اقعدي يا حور يا حبيبتي افطري
حور باستعجال: لا يا ماما عندي مشوار ضروري وهاكل على الطريق اي حاجة يلا سلام
عز : استني يا بنتي مالك حور حور
أدهم : خلاص يا عز هي مشيت ومش هتقدر تقنعها بدال مستعجلة.
احمد : متخافش هي هتهتم بنفسها
على الناحية الأخرى في شركات الجوهري
ياسين : الووو راشد ابعتلي مدير الحسابات دلوقتي
راشد : تمام يا فندم وبعد قليل اتي موظف الحسابات
ايمن : تحت امر حضرتك يا فندم
ياسين : الحسابات فيها لخبطة ليه يا ايمن
ايمن : يا فندم انا حساباتي مظبوطة
ياسين ببرود: بجد طب تحب تتكلم هنا بالادب ولا نروح قسم الشرطة
آيمن بخوف : يا فندم انا معملتش حاجة هما هددوني بولادي كان غصب عني
ياسين : تحكيلي كل حاجة وانا اوعدك محدش هيقربلك خالص
ايمن باطمئنان : حاضر وحكي آيمن كل ما حدث لياسين وطلب ياسين منه الخروج وعدم التحدث مع احد في هذا الموضوع
ياسين : انا لازم ارجع البيت دلوقتي
على الناحية الأخرى في المستشفي
كانت تمر ياسمين علي الحالات فرات الطفلة نور وهي تلعب بالعابها فخطفت قلبها سريعا ذهبت ياسمين ناحيتها
ياسمين : ممكن العب معاكي
نور ببرأة وطفوليه: اه تعالي الحبي محايا
ياسمين بضحك : يا خرابي على الجمال عايزة تتاكلي
نور : انتي اسمك ايه
ياسمين : انا اسمي ياسمين وانتي
نور : انا نور انتي حوة قوي
ياسمين بضحك : انتي اللي حلوة يا روحي اخذتها ياسمين بين احضانها وهي تشعر بالحب ناحيتها بشدة وآثناء هذا الوقت كان يراقبهم زين بابتسامة
نور : انا ممكن اقولك ماما
ياسمين بحزن : يا قلبي انتي طب ممكن نستآذن بابا الأول يمكن يزعل
نور برفض : لا بابا مش حيزعل من نور حو بيحب نور
ياسمين : طبعا يا روحي هو في حد يكره القمر ده ايه رايك ننزل الجنينة شوية
نور بفرح : يلا ننزل وسحبت نور ياسمين ورائها ولم تنتبه لهذا الذي يراقبهم
على الناحية الأخرى في القصر
في غرفة ريهام
ريهام : بقولك حور كشفت كل حاجة وشكلها عارفاك اتصرف يا حازم اعمل اي حاجة قبل ما نروح في داهية ما هو مش بعد ده كله اخسر كل حاجة لا يبقى عليا وعلى أعدائي مش انا بس اللي هروح في داهية يا حازم انت كمان هتبقى معايا وابقى قول لسليم بقا انك انت اللي خدرت مراته وجبت واحد جمبها وخليت الموضوع كانه خيانة حقيقة انا معايا كل الادلة صح انه انا ساعدتك بس ابقا اثبت بقا فلازم تتصرف قبل ما اتصرف انا
حازم بغل : انتي مجنونة يا ريهام بقا بتجمعي أدلة وتصوريني لا يا قلبي انا لو عايز اوديكي في داهية هاعمل كده انتي كنتي معايا خطوة بخطوة وسليم بوم ما يعرف هيرميكي برة رمية الكلام ومش هيعمل حساب لحد حتى ابنك مش هيفتكرك اصلا ما انتي معملتيش حاجة حلوة تفكرهم بيكي فاعقلي كده يا ريهام ومتخلنيش ازعل منك وفي الاخر انتي اللي هتندمي خليني انا اتصرف مع حور وأغلق الهاتف دون سماع اي كلمة منها
ريهام بخوف : لا انا مش هاستنا اكتر من كده حازم ممكن يبعني في اي وقت وانا وقتها هابقي الخسرانة وسليم مش هيرحمني لازم اعمل حاجة وظلت تفكر كثيرا حتى اتت في بالها فكرة ذهبت لتغير ملابسها وذهب سريعا ولم تنتبه لمن يراقبها واستمع لكل ما حدث بصدمة
ياسين بصدمة : يعني ايه ماما بريئة يعني انا ضعيت نفسي في وهم صدقته وفي الاخر انا اللي خسرت خسرت امي وحبها حتى اخواتي كنت مصدق سراب وقلت لامي حاجات محدش يتحملها وهي كانت بكل حزن بتسمع كلامي اكيد مش هتسامحني اتصرف ازاي لازم اشوفها وأثناء ذهابه تقابل مع شقيقته ياسمين
ياسين : ياسمين خرجتي بدري انهاردة
ياسمين : مكانش في حالات كتير وحسيت نفسي تعبانة فرجعت على البيت
ياسين بخوف : اجبلك دكتور تعبانة مالك حاسة بايه
ياسمين :: امال انا بعمل ايه يا ابني والله انا دكتورة محدش مقتنع ليه
ياسين : طيب تمام انتي شوفتي ماما
ياسمين بغباء: ماما مين
ياسين : أمنا يا بنتي ركزي معايا احنا عندنا كام ام
ياسمين : لا انا كل اللي اعرفه انها راحت المحكمة عندها شغل مستعجل
ياسين باستعجال: طيب انا خارج اشوفك لما ارجع
ياسمين : استنا بس رايح فين ياسين ياسين
ذهب ياسين سريعا بسيارته باتجاه المحكمة وهو يفكر كيف سيحادث والدته فهو خائف من رد فعلها فهو سيكون صبورا وسيتقبل منها اي كلام مهما حدث وبعد مرور بعض الوقت وصل ياسين سريعا وهو يبحث عن والدته بلهفة ثم رآها تقف مع أحد الأشخاص ظل ينظر لها بهدوء فكم اشتاق لها واشتاق لاحضانها كاد يبكي من شدة القهر بداخله على ما حدث لها ولم يكن بجانبها تحرك ياسين باتجاهها بخطوات قليلة حتى وقف أمامها وعينه مليئة بالدموع
حور بخضة : ياسين مالك يا ابني حصل ايه الكل كويس في البيت طب انت كويس شكلك تعبان قولي يا حبيبي في ايه انا عارفة انك مش بتحبني بس على الاقل احكيلي
ياسين بدموع : انا اسف اسف ارجوكي سامحيني يا ماما ارجوكي
حور بدموع : قلت ايه ماما ياسين قولها كده تاني
ياسين : انا اسف يا أمي سامحيني
حور : يا قلب ماما انت تعال في حضني يا حبيبي واحشتني قوي يا ياسين
احتضن ياسين والدته ببكاء شديد وهو يعتذر لها مئات المرات
حور : مسامحاك يا ابني مسامحاك مافيش ام بتكره ولادها انا كنت بس زعلانة انك بعيد عني وحاسة اني متكتفة مش عارفة اعمل حاجة حاسة بقهر جوايا من كرهك ليا بس لما طلبت اني اسامحك نسيت كل حاجة المهم انك رجعتلي ده المهم عندي انت مش متخيل فرحتي قد ايه
ياسين : انا مش هاسامح نفسي حتى لو سامحتيني انا كرهتك 20سنة ولما شوفتك اتعاملت معاك بقلة ذوق من غير حتى ما افكر انا هافضل اعاقب نفسي على اللي عملته معاكي يا ماما انا اسف
حور : خلاص يا ياسين انا مسامحك يا حبيبي وعمري ما اقدر ازعل منك ولا من اخواتك انا كل املي في الدنيا اشوفكو مبسوطين ومرتاحين في حياتكوا دايما
حور : بس قولي هو ايه اللي حصل خلاك تغير رأيك
ياسين بغضب : سمعت ريهام وهي بتكلم واحد اسمه حازم وتقريبا بعرف بابا وشكله كان عايز ينتقم وعملوا لعبة على الكل خلاهم صدقوا انك خاينة وريهام هي اللي ساعدته انا لو شوفتها قدامي هاقتلها بس انا مسكت اعصابي وقلت لما اشوف هي هتوصل لايه لأنها بتفكر في حاجة بس لو فكرت تاذيكي او تاذي حد من اخواتي مش هارحمها
حور : ياسين اسمع اللي سمعته مش ينقال لحد انا عندي فكرة حلوة هنكشف بيها ريهام وحازم قدام الكل وبما انك عرفت انا هاحتاج مساعدتك المهم خلي عينك على اخواتك وخصوصا فهد لأنها ممكن تستخدم ابنها وسيلة لاي حاجة
ياسين بذهول : معقول تأذي ابنها
حور بتأكيد: اكيد يا ابني اللي زيها مش تعرف يعني ايه امومة دي واحدة معندهاش قلب ممكن تعمل اي حاجة علشان مصلحتها بس نهايتها قربت على أيدي
ياسين : وانا معاكي في اي حاجة ايه المطلوب مني
حور : انهاردة بالليل هتعمل اللي هقولك عليه وسردت حور الخطة لابنها فقد حان الوقت لخروج الافاعي السامة والتخلص منها
ياسين : تمام بس لو حصل اي حاجة تتصلي بيا فورا وخلع ياسين سلساله والبسه لوالدته
ياسين : ماما متخلعيش السلسلة دي خليها معاكي على طول مهما حصل
حور : تمام متخافش هابقي كويسة مافيش حاجة هتآذيني بس المهم عايزاك لما ترجع تحاول تلاقي اي مشكلة وتتخانق معايا
ياسين : ده ليه مش فاهم
حور : ده هيخلي ريهام مبسوطة ومطمنة على الاخر وكمان مش عايزاها تحس انه في حاجة غلط خليها عارفة اللي بنوصلة ليها وبس
ياسين : حاضر انا هارجع القصر بقا وانتي بعدها بشوية ارجعي ورايا علشان محدش يشك
حور : تمام خلي بالك من نفسك ولو حبيت تتواصل معايا بلاش القصر علشان محدش يشك خلينا في مكان تاني
ياسين : تمام وذهب ياسين بسيارته ووبعد فترة من الوقت ذهبت حور للقصر تستعد لما سيحدث ولكن سعيدة برجوع ابنها لها فهذا ما كانت تتمناه فقط تبقى القليل وسترد حور حقها وكرامتها
نكمل البارت الجاي؟؟؟؟؟
يا تري هيحصل ايه مع ريهام؟؟؟؟؟؟
بقلم أية المهدي ......
•تابع الفصل التالي "رواية عشق احفاد الجوهري الجزء الثاني 2" ضغط على اسم الرواية
تعليقات
إرسال تعليق