رواية حكاية زهره الفصل الرابع عشر 14 - بقلم شيماء منير
الفصل الرابع عشر
زهره وصدته بايدها انت اتجننت انت داخل فين اطلع بره
عمار:ورجع لواره
زهره: انت عايز ايه يا بنى ادم متسبني في حالي بقا
عمار:عايز اشوف بنت اخويا دمي ولحمي
زهره بعصبيه جنا مش هنا جنا في الروضه وبعدين عايز ايه مننا دي بنتي وفي حضانتي انا امها
عمار: انا عارف انك ادوزتي البيه الحليوه اللي رايحه وجايه مع ديه
زهره:البيه دا احن عليها منك
عمار:بطلي كلامك الماسخ ديه وبعدين جدها اللي عايزها الحاج جمال الراوي بذات نفسيه
زهره:يلا امشي من هنا وبعدين انا عارفه كويس انت مش عايز جنا حب فيها انت عايز عشان اللي ابوك عايز يدهولها وانا قولتلكم انا مش عايزه حاجه منكم انا عايزه بنتي وبس
عمار:ما انتي اللي وش فجر كان زمان البت اتربت وسطينا انا وانتي
زهره بغضب اكبر:امشي من هنا بقولك واياك تيجي هنا تاني
عمار :انا عايز فلوس اصل الفلوس اللي كانت معايا اهنه خلصت
زهره:انت كمان عايزني اصرف عليك
عمار بمكر:خلاص اروح اجول ل ابويا الحاج جمال الراوي على مكانها اهنه
زهره بعصبيه استني هدخل اجبلك فلوس واياك تتدخل وتتحرك خطوه من مكانك
زهره دخلت جابت فلوس
زهره :خود واياك تيجي هنا تاني
عمار :وبص للفلوس ..ظ العز دا كله وتديني شويه الملليم دي وبعدين اناعرفت من الرجل اللي اسمه خليل اللي جاعد تحت ديه ان البيه غني جووي ومن عيله غنيه جووي
زهره بغضب وتوتر نهارك زف..ت انت اتكلمت مع البواب
داعمار:لا انا سألت على الطاير اكده زود الفلوس دي بجا شويه
زهره:معيش غيرهم غور بقا من هنا الناس اللي طالعه ونازله بتبص علينا
عمار:انتي اكده هتخلني اجيلك تاني
زهره:لا متجيش جوزي لو شافك هنا هيموتك
بااك
فاقت على صوت مازن
مازن:ايه كل دا قهوه
زهره:ثواني حاضر جايه
بعد ساعات في فيلا المنشاوي
كانت جيهان في الطرقه رايحه جايه
تنظر في ساعتها اليديه وكانت الساعه ٣ص ومازن لسه مرجعش
تنهدت بتعب وبضيق
سمعت صوت عربيه
بصت من شباك الطرقه. كان مازن
اتحركت من مكانها
مازن نزل من العربيه وادا مفاتيحها للبواب عشان يجراچها
مازن طلع على اوضته وتفأجا بجيهان اللي قاعده على كرسي في احد اركان الغرفه
مازن:مساء الخير
جيهان قامت واقفت وربعت ايديها وبعصبيه
قصدك صباح الخير
مازن ببرود:صباح الخير
جيهان بغضب ايه البروده اللي انت في دا كنت فين لحد دلوقت
مازن:كنت سهران مع اصحابي
جيهان:صحابك مين اللي لحد دلوقت سهران معاهم
مازن بضيق:في ايه ياماما هو تحقيق والا ايه
جيهان: بوص بقا انا مش هبله ولا نايمه انت اصلا مش عاجني في ايه بالظبط
مازن ابتسم ببرود وضغط على شفايفه
جيهان بغضب انت بتضحك ابوك واخوك تقريبا هنا من الساعه٣العصر وانت جاي وش الصبح ثم ايه حكاية البنت اللي انت تعرفها دي؟؟
وقتها مازن بصلها بصدمه..معقول يكون عمر قال لجيهان حاجه
مازن بذهول:انتي عرفتي منين؟؟
جيهان:سمعتك وانت بتقول لساره انك بتحب واحده مين هي بقا وبنت مين
مازن:بعد فرح حسام هقولك كل حاجه
جيهان: وليه مش دلوقت اعزمها هي واهلها في فرح اخوك ونتعرف عليهم
مازن:لا معلش انا مأجل الموضوع دا دلوقت خليه بعد الفرح
جيهان: ليه لسه هتكون نفسك مثلا وبعدين اوعى تكون فاكر انك هتاخد قرارتك لوحدك واحنا مش هنشاركك فيها لا انا وباباك من حقنا عليك اننا نشاركك قرراتك زي ما بنشارك اخوك فاهم والا لا
مازن:وانا مقولتش حاجه انا قولت لحضرتك بعد فرح حسام
جيهان:ماشي اما اشوف اخرتها معاك يامازن
___________________
تاني يوم عند زهره
هاله بضيق:انتي غلطانه يازهره كنتي اتصلتي بجوزك وقت ماجالك وكان وقفه عند حده
زهره:انا مش عايزه ادخل جوزي في الموضوع دا هو مش ناقص كمان مشاكلي انا وبنتي كفايه اللي بيعملوا علشانا
هاله:يابنتي كفايه بقا عمار دا بقاله كام سنه بياخد منك فلوسه عشان ميقولش ل جد جنا على مكانها زمان كنتي لوحدك دلوقت مازن موجود
زهره:لا بردوه وبعدين فرح اخوه قرب وهيبقا مشغول مش عايزه اشغله معايا
_________________
في فيلا مصطفى المنشاوي
مصطفى هو وجيهان على السفره بيفطروا
جيهان:هو حسام مش نازل والا ايه؟؟
مصطفى:لا مش هيروح الشغل النهارده هو ومازن تقريبا هيخرجوا يشتروا شوية حاجات
جيهان:يبقا اكيد مازن كمان مش هيروح الشغل اهي مره يتغدى معانا
مصطفى:دي انا معرفهاش انتي بقا اللي تعرفيها
جيهان بضيق :هو انا بقيت عارفه حاجه خالص
مصطفى: ليه بس في ايه؟؟
جيهان:انت شيلت ايدك من حورات مازن خالص
مصطفى:يعني عايزين اتخانق معه كل شويه
جيهان:مش كده يامصطفى
سكتت شويه واتنهدت بضيق مش عاجبني مش مرتاحه
مصطفى:ايه بس في ايه قلقتني؟؟
جيهان:مش قلق ..بيرجع كل يوم متأخر
مصطفى:وايه الجديد ماهو على طول كدا
جيهان:بس الاول كان بيرد عليا وبكلمه كذا مره ..دلوقت بقيت ارن عليه يكنسل عليا ويقفل الموبيل وميفتحوش غير وهو داخل الفيلا ولما اجي اكلمه يقولي انا مش عيل صغير وكل شويه ترن عليا
مصطفى: وهو فعلا كدا بقا راجل المفروض يفتح بيت بقا يبقا مسؤول
جيهان:بيقول بيحب واحده وهيعرفنا عليها بعد فرح حسام
مصطفي :طيب كويس قلقانه انتي بقا ليه
جيهان بتردد مصطفى انا خايفه وهو راجع مش بيقا شكله مش مريحني
مصطفى:مش فاهم بيرجع شارب حاجه او سكران مثلا
جيهان:لالا خالص بالعكس بيرجع كدا ريحته حلوه وبيرفيم وكأنه لسه واخد شاور وجاي
انفجر مصطفى في الضحك
جيهان بضيق:انت بتضحك انا بتكلم جد ..انا خايفه تكون واحده مش كويسه ضاحكه عليه من وقت ما بيخرج من الساعه١٠الصبح ل ٣و٤ الفجر وهو بره
مصطفى:استهدي بالله كدا ومتخليش الشيطان يصورلك حاجات غرييه وبعدين واحده ايه اللي تضحك عليه هو صغير
جيهان:استغفرالله العظيم
مصطفى:وبعدين انتي مش بتقولي في حياته حب مايمكن مهتم بنفسه عشانها
جيهان:لا مش طبعه انا عارفاه كويسه مش بيلبس عشان حد وثقته في نفسه عاليه
ثم اكملت بحيره لو حسام مكتش الفرح قرب كنت خليته يتكلم معه بس انا مش عايزه اشغل دماغ حسام باي مواضيعه
مصطفى:متكبريش المواضيع وبعدين قالك يعرفنا عليها بعد الفرح اهوه فاضل اسبوعين ونشوفها واكيد مفيش حاجه زي مافي دماغك كدا
جيهان :يااارب
______________________
في غرفة مازن
موبيله رن
مازن ومسك الموبيل بص فيه كانت زهره
مازن ورد بصوت متشحرج من اثر النوم
:الو
زهره:صباح الخير
مازن:صباح الورد عامله ايه؟؟
زهره:كويسه ..شكلي صحيتك من النوم
مازن وقام قعد لا عادي انا كدا كدا كنت هقوم
زهره:انا كنت هخرج انا وجنا مع هاله صاحبتي هنشتري شوية حاجات
مازن وولع سيجاره هتروحوا فين؟؟؟
زهره:نروح كذا محل كدا هجيب حاجات ليا انا وجنا
مازن:والحاجات دي متنفعش تستني لحد اما اكون معاكم
زهره:اصل هاله كمان هتشتري حاجات وعايزه تاخدي راي فقولت لو هنزل ابقى اجيب حاجتي انا وجنا بالمره يعني
مازن:اممم تمام بس متتاخروش ..هتخرجوا امتى؟؟
زهره:بعد ساعه كدا
مازن وبص في ساعة ايديه كانت الساعه ١٠
مازن:تمام.. الساعه واحده اتصل بيكي تكون في الشقه
زهره:تمام ..حاضر
مازن كان هيتكلم بس حسام فتح الباب
حسام:ايه يابني كل دا نووم الساعه١٠
مازن لزهره هكلمك اما خلاص سلام
زهره :ماشي مع السلامه
حسام :اممم حاسس في حورات كدا
مازن:بقولك ايه ركز انت في حالك وفرحك اللي بعد اسبوعين دا
حسام:طيب يلا قوم بقا
مازن:اديني بس عشر دقايق هاخد شاور والبس وانزل
حسام:تمام هستناك نفطر سوا
مازن:ماشي
حسام نزل ومازن قام واخد شاور ونزل
كان حسام وجيهان على السفره
حسام:عمر جاي معانا
جيهان:ايه المشكله
حسام:مش عارف رد فعل مازن ايه انتي عارفه هو ومازن مش بيتقفوا نهائي
جيهان:انا عارفه متقولش وفجاءه
حسام : ما انا هعمل كدا
مازن قرب ليهم فهما فسكتوا
خ
مازن :ايه سكتوا ليه سر
جيهان:دي صباح الخير اللي بتقولها
مازن وقرب منها وحط قبله على راسها صباح الخير يا احلى جيجي في الدنيا
جيهان وربتت على ايده صباح النور ياحبيبي
مازن قعد جمب جيهان وبدوا يافطروا
كل
مازن:ليه مش بتأكلي ياماما
ع،غ نعرف ظ
جيهان:انا فطرت مع بابا
حسام بمرح:ايه يابني انت عايزاها تسيب البشمهندس مصطفى يفطر لوحده
جيهان:اه طبعا عمري ما اسيبه يفطر لوحده
مازن بمرح: اه الحب الاسطوري
جيهان ،:والله؟؟ ايوه حب دا انا مش بحبه بس دا انا بعشقه من اول يوم شوفته فيه
مازن:ترارارا
جيهان وضربته بخفه على كتفه بس يا واد
فجاء دخل ساره وعبير عمتهم
عبير:صباح الخير
جيها ن وقامت بسعاده صباح الفل حمدلله على السلامه
عبير:الله يسلمك
جيهان:ساره حبيبتي عامله ايه
ساره:كويسه ياطنط
عبير وسلمت على حسام الف مبرووك ياحبيبي
حسام :الله يبارك فيكي ياعمتو
عبير وسلمت على مازن عقبالك ياحبيبي
مازن :شكرا ياعمتو
عبير:احنا جينا بقا عشان الفرح
مازن بهمس وهو وواقف جمب جيهان دا لسه اسبوعين
جيهان وضربته بكوعها بخفه
جيهان بابتسامه تنوروا ياحبيبتي
مازن:انا هسبقاك على العربيه ياحسام
حسام:تمام انا جاي وراك
مازن خرج
حسام :بعد اذنكم بقا عشان هنروح نشتري شوية حاجات كدا
عبير :ربنا يتمم بخير ياحبيبي
جيهان وحسام:اللهم امين ياارب
حسام خرج لمازن اللي كان مستنيه في العربيه
ومشيوا على طول
________________
عند زهره
هاله:ايه رايك دا والا دا ؟؟
زهره:الموف احلى وارق
هاله:تمام
زهره:فاضل حاجه تاني
هاله:لا خلاص كدا
زهره:طيب يلا عشان نروح
هاله:يابنتي نقعد في مكان نشرب حاجه
زهره:لا مش هينفع المفروض الساعه واحده اكون في الشقه
هاله:الساعه لسه١٢.٣٠ نقعد بس ربع ساعه
زهره:لا تعالي نشرب عندي هناك ومتقلقيش مازن اصلا مش فاضي يجي
هاله :ماشي خلاص زي ما تحبي
_________________
عند حسام ومازن
حسام :بس اركن هنا بقا عشان عمر مستنينا هناك
مازن بتفاجاء هو عمر جاي معانا
حسام :ايوه انا كلمته وطلبت منه يجي معانا
مازن:بس انت مقولتش انه جاي
حسام:عادي يعني فيه مشكله انه يجي معنا
مازن:لا عادي بس كنت عرفني
مازن وقف قصاد عربية عمر
نزل حسام وسلم على عمر
مازن كمان نزل وقفل العربيه
سلم على عمر
حسام اتفأجاء انهم سلموو عادي
دخلوو مووول وبدوا يختاروا حاجات وبياخدوا راي بعض التلاته
_____________
زهره ركبت تاكسي هي وهاله وجنا
رايحين على الشفه
وصلوا العماره وركبوا الاسانسير
الاسانيير اتفتحت
اتفاجئو بعمار واقف مستنيهم قدام الشقه
زهره بصت لهاله برعب وبصت على جنا
زهره فتحت باب الشقه
زهره:هاله خودي جنا وادخلي
هاله بصتلها بتردد
زهره:خلصي يا هاله
هاله ومسكت جنا تعالي ياجوجو يلا
دخلوا وزهره قفلت الباب
زهره:انت ايه اللي جابك هنا تاني...
عمار..
ونكمل بكره
توقعاتكم
بقلمي
شيماء منير
•تابع الفصل التالي "رواية حكاية زهره" اضغط على اسم الرواية
تعليقات
إرسال تعليق