رواية حكاية زهره الفصل الحادي عشر 11 - بقلم شيماء منير
الفصل الحادي عشر
زهره اخدت جنا وخرجت
راحت بيوتي سنتر قررت تقص شعرها
هو ما طلبهاش منها بس طالما هو بيحب كدا هتعمله
اخدت جنا ودخلت
زهره:مساء الخير
:مساء النور اؤمري
زهره:لو سمحتي كانت عايزه اعمل شعري
:اتفضلي ..هتعملي ايه في شعرك
زهره:هقصه قصه تكون صغيره وبسيطه
:تمام
زهره وخلعت حجابها وفردت شعرها
:ماشاء الله شعرك حلو وطويل ليه عايزه تقصيه
زهره بحرج:جوزي هو اللي بيحب الشعر القصير
:اممم انا كدا ماشي بس شكلك بتحبيه اووي
ابتسمت زهره بخجل وسكت
بعد كدا فرجتها كذا قصه مناسبه ليها واخترت اللي تليق على شكلها اكتر
___________________________
في الشركه
عمر وقاعد في مكتبه
الباب خبط وكانت فتون
فتون:صباح الخير
عمر بجديه:صباح النور
فتون:الشغل اللي كنت طالبه مني
عمر واخد الشغل مش المفروض الشغل دا كان يخلص امبارح
فتون:انا خلصته امبارح ..بس جيت هنا كنت انت مشيت
عمر وحس بضيق اكتر لما افتكر شكلها هي ومازن
عمر في نفسه وحس ان حاجه بينهم هو وعمره ماشاف مازن مع واحده ..معقول تطلع فتون
فتون وفضلت باصله مستنياه يتكلم وهو زي مايكون سرحان
عمر ورمى القلم اللي ف ايده على المكتب بزهق طيب روحي وانا هشوفه ولو في حاجه هبعتلك
فتون واستغربت طريقته تمام .. في مشكله؟؟؟
عمر ورجع ظهره لوراه على الكرسي
واتكلم بصيق لا تقدري تتفضلي على شغلك
فتونوخرجت من المكتب بدون كلاام
عمر ومسح على شعره بزهق
فوق ياعمر فووق دي مش اصلا اللي انت راسمها في دماغك دي متنفعكش
____________________________
مازن وخلص شغل في الصاله
ورجع على الفيلا
كانت جيهان قاعده في الايفينج
مازن:مساء الخير
جيهان:مساء النور ياحبيبي
مازن وقرب منها وحط قبله على رأسها وقعد جنبها
جيهان:عامل ايه؟؟
مازن:تمام ..ايه مفيش حد هنا؟؟
جيهان:لا بابا فوق نايم وحسام عند عمك نبيل معزوم على الغداء هناك
مازن بهزار:هو انا كل اما اسأل عليه الاقيه هناك معدتس عايز يقعد معانا هنا
جيهان:هانت مش فاضل كتير وهيتجوزا ويعشيوا هنا معانا..عقبالك اما افرح بيك انت كمان
مازن:احم ...ان شاء الله
جيهان:ياارب اتمنى بجد اشوفك كدا ترتبط ببنت وتكون شبه مريم كدا
مازن ووقف:ربنا يسهل....بقولك ايه انا هطلع ارتاح شويه عشان خارج
جيهان :ماشي..اه صح نسيت اقولك اعمل حسابك طالعين اسبوع الساحل وانت طبعا معانا
مازن وقعد تاني:لا مش هينفع هسيب شغلي اسبوع ازاي
جيهان:ايه المشكله ماهو خالد الي انت جايبه دا يكون مكانك
مازن باعتراض مش هينفع اسبوع كتير
جيهان:كتير ايه؟؟ انا كنت اصلا عايزه اسبوعين بس عشان شغل باباك واخوك وعشان عارفه انك كمان هتعترض عشان شغلك ..بس اعمل حسابك انت هتيجي مفهاش اعتراض
مازن وحس بضيق من جواه خصوصا عشان زهره وجنا
فاق على صوت جيهان مش معقول اصلا كلنا هنمشي ونسيبك هنا
مازن كان هيتكلم
بس جيهان قاطعته انسى هتيجي مش هنروح من غيرك مهما حصل....
___________________________
في المساء
مازن اخد عربيته وراح عند زهره
بص في الساعه كانت ٨
رن الجرس وجنا فتحت الباب
جنا بفرحه بابا
مازن وشالها وحضنها قلبي اللي وحشتني
جنا:وانت كمان وحشتني اووي
مازن وقفل الباب برجله ماما فين؟؟
جنا:ماما في الحمام بتاخد دوش
مازن:تمام..عامله ايه في الروضه
جنا:كويسه ..اتعلمت حاجات كتير اووي وكمان بقيت برسم حاجات كتير استني هوريك
جنا ودخلت بسرعه وجابت اسكتش رسم
وفضلت تفرج مازن عليها
بعد شويه
زهره خرجت من الاوضه
كانت لابسه برموده كب لونها اسود
زهره :يلا ياجوجو عشان هجهز العشاء
زهره وقفت مكانها بصدمه لما لاقت مازن قاعد مع جنا وبيرسم ويرسم ويلون معها
مازن كمان اتفاجاء من شكلها ومن شعرها اللي قصته
مازن ووقف وبصلها بإعجاب وكان على وشه ابتسامه
فاق على صوت جنا
جنا :شوف يابابا ماما قصت شعرها ازاي عملت كده علشانك
زهره بإحراج وبتبص لجنا بتحذير جناااا عيب كدا
مازن وقرب منها ايه القمر دا
زهره بإحراج ووشها بقى ميت لون
ردت بخفوت شكرا
مازن بصلها كان نفسه ياخدها ويضمها لحضنه
جنا :يلا ياماما عشان نأكل وبابا معانا
زهره:حاضر
زهره حضرت العشاء
وقعدوا يتعشوا
جنا وكانت قاعده على رجل مازن
زهره:جنا اقعدي على كرسي لوحدك
مازن:عادي سبيها انا مرتاح كدا
زهره:بس مينفعش انت تقريبا طول الوقت شايلها
مازن:طالما هي مبسوطه خلاص
زهره واكتفت بابتسامه وسكتت
بس من جواه حمدت ربنا انها اتجوزت واحد بيحب بنتها كدا
خلصوا عشاء
وفضلوا سهرانين مع بعض
__________________
في بيت نبيل
عمر:وبابا وافق على سفر مريم؟؟
سوزي:ايوه موافق والا انت معندكش ثقه في حسام
عمر:مش بالظبط ياماما ..انا كنت شايف انه افضل بلاش المره دي
سوزي:هي بردوه مراته
عمر:على الورق ياماما مش جواز فعلى..بس عموما انا عارف دماغ حسام وعارف بيخاف على مريم قد ايه
سوزي :مالك ياعمر حاسه انك مش مرتاح في حاجه مضايقك
عمر وبيحاول يبتسم لا ابدا ياماما مفيش حاجه انا بس عايز ارتاح عشان شغل الشركه هيبقا كله عليا الاسبوع الجاي دا
_________________________
عند زهره ومازن في وقت متاخر من الليل
كانوا في غرفتهم بيتكلموا مع بعض
مازن:هنسافر على بعد يومين كده
زهره ابتسمت بفتور:ماشي تروحوا وتيجوا بالسلامه
مازن:هما مين انتي جايه معايا انتي وجوجو مش هروح من غيركم
زهره:بس انت بتقول ان مامتك وبابك واخوك
مازن:ايه المشكله انا هسافر قبلك انتي وجنا بيوم وهجهز ليكوا مكان تكونوا فيه وهستقبلكم اما تيجوا
زهره:بس انا مش عايزه اسببلك مشكله لو جيت انا وجنا مش لازم نيجي
مازن ولف ايده حولين رقبتها وقربها ليه
اولا انا مفيش اي مشاكل
ثانيا :مش هقدر ابعد عنكم اسبوع كله اموت انا والله
مازن ووضع قبله خفيفه على شفاتيها
زهره وابتسمت بخفه
مازن انا هكلم الروضه واعرفهم ان جنا مش هتيجي اسبوع
زهره بخفوت تمام...
مازن :حاسك عايزه تقولي حاجه
زهره :مش بالظبط بس ..
مازن:بس ايه؟؟؟
زهره:في حاجات كتير بتعملها لجنا كتير مش عايزاك تكون ويعني تكون حمل عليك
مازن:بوصي يازهره عشان الموضوع دا ميتفتحش تاني ونتكلم فيه كتير اي حاجه بعملها مع جنا كنت هعملها معها سواء كنا اتجوزنا او لا ..بجد انا بعتبر جنا بنتي مش مجرد كلام وخلاص وياريت متفتحش كلام في الموضوع دا تاني
زهره حركت دماغها بالايجاب حاضر
مازن بمرح وهو يقرص خدها مطيعه وقمر
زهره وابتسمت ابتسامه واسعه
مازن وهو بيحرك ايده في شعرها بخفه وكمان عندها احلى ضحكه في الدنيا دي كلها
مازن:عارفه احلى حاجه انك انتي محجبه لو كنتي مش محجبه مكنتش هخليكي تخرجي بشعرك دا واحلى حاجه ان محدش هيشوفه غير انا وبس
زهره ابتسمت بخفه ودقات قلبها بتزيد حاسه انها طايره في السماء ..بيغير عليها كمان!!! بجد انا مش عايزه اكتر من كده ..انا حاسه اني بحلم ..
صحيح هو مش بيخلها تنزل تركب جنا ومنع البواب يطلع هنا بس كانت مفكره دا تحفظ
هي
فاقت على مازن سرحتي في ايه؟؟
زهره:حاسه اني في حلم مش عايزه افوق منه
مازن وقرب وشها ليه وبصوت هامس تحبي تشوفي دا حلم والا واقع
زهره وابتسمت بخجل....
🙈🙈🙈🙈🙈🙈🙈🙈🙈🙈
بعد يومين
مازن سافر الساحل وكان هو مصطفى وجيهان وحسام ومريم وكمان ساره
مازن كان مضايقةنوعا ما من وجود ساره على الرغم انها بعيده عنه الفتره الاخيره
قعدوا في الشليه الخاص بيهم
مازن بعدها خرج وكان بيرتب الامور عشان زهره وجنا
رتب كل حاجه
وبعد كدا راح قضى باقى اليوم مع اهله
تاني يوم استقبلهم في المطار
واخدهم على المكان اللي هيقعدو فيه
كان عباره عن شقه صغيره مكونه من عدة غرف ومطبخ وحمام وقدمها جنينه صغيره
مازن ولف ايده حولين كتف زهره المكان عجبك؟؟
زهره بابتسامه خجله جميل اووي
مازن وهو ينظر في عيونها انتي اللي عيونك جميله بس
زهره ابتسمت بخجل وبتهرب من عيونه وبدور على جنا
زهره:هي جنا فين؟؟
الاتنين بصوا وكانت نايمه على احد المقاعد الموجوده
زهره:اصلها منامتش كويس طول الليل قلقانه ومش مصدقه اننا هنسافر
مازن ابتسم بخفه وقرب من جنا طيب انا هنيمها جو في اوضتها
واخدها ودخل احد الغرف
الجرس رن
زهره استغربت
مازن وخرج من الاوضه
زهره بتوتر:الجرس رن على فكره
مازن:سامع ..متوتره ليه دا اكيد الاكل انا طالبه
زهره تمتم بخفه ماشي تمام
مازن فتح الباب واخد الاكل وحاسب
وقفل الباب
دخل كانت زهره لسه واقفه مكانها
مازن وحط الاكل على تربيزه موجوده في الصاله
مازن:ايه هتفضلي واقفه كده مش هتغيري
زهره واتحركت من مكانها ماشي حاضر
دخلت الاوضه وغيرت لبسها
ولبست فستان بيتي كب لونه احمر وفيه نقط سوده وكانت فارده شعرها القصير
خرجت من الاوضه مازن كان واقف في الشباك اللي بيطل على الجنينه
حس بحركتها
دور وشه وبص ابتسم من جمالها
مازن قرب منها وشدها لحضنه
وهمس بهدوء وحشتني
زهره بخجل وانت كمان
مازن بهمس كل يوم بتحلوي في عيوني يازهرتي
زهره وابتسمت بخجل وجواه فرح كبير انه بينسب اسمها ليه
مازن ورفع وشها ليه وعيونهم اتقابلت بشوق وحب .......
_____________________
في شيله مصطفى المنشاوي
الكل كان متجمع
مصطفى:مازن فين من الصبح مش باين
حسام :هيكون فين اكيد بيلف
جيهان بعتاب خفيف: متقولش على اخوك كدا ايه بيلف دي ..اكيد قابل حد من اصحابه وانشغل معها
حسام:ههههههههه ممكن بردوه
ساره متدخله في الكلام ماترن عليه يا ابيه يجي يقضي معانا اليوم
جيهان:,انا هرن عليه ..احنا جايين نقضي هنا الوقت مع بعض مش يخرج كدا ويسبنا
جيهان مسكت الموبيل ورنت عليه كتير لكن هو مردش
جيهان :مش بيرد
حسام :ريحي دماغك ياماما مش هيرد عليكي وفجاءه هتلاقيه جاي على هنا
_________________________
زهره فاقت فتحت عيونها كان مازن نايم جمبها
مسكت الموبيل اللي كان جمبها وكان موبيل مازن لاقت الساعه٨ م
استغربت انها نامت كل دا
بصت على خلفية الموبيل وكانت صورة مازن وجيهان
فضلت تتأمل فيهم ووتتأمل في صورة مازن واتمنت انها تتصور جمبه كدا برغم انه جوزها بس هي تتكسف تمسكه كدا او تطلب تتصور معه
لحظت ان في مكالمات كتير وهو عامل الموبيل سايلنت
وقالت في نفسها اكيد دول اهله ..دا ضايقها نوعا ما ولد شعور غريب جواه
فاقت على صوت مازن ايه الصوره عاجباكي
زهره ابتسمت بتوتر:احم كنت بشوف الساعه كام
مازن وشدها وقربها ليه وبص في عيونها يعني الصوره مش عاجباكي؟؟؟
زهره اتوترت وبتتجنب انها تبوص في عيونها
زهره بشفايف مرتعشه مش بالظبط ا...
مازن قاطعها وحط ابهامه على شفايفها ولسه بيبوص في عيونها عاجبكي واكيد حابه انا وانتي نتصور زيها صح؟؟
زهره توترها زاد وشكت انها كانت بتفكر بصوت عالى
انقدها من الموقف والرد صوت جنا
جنا من خارج الغرفه ماما
زهره وقامت بسرعه دي جنا صحيت
زهره ولبست الروب بتاعها وخرجت من الاوضه
مازن ابتسم بخفه وقام هو كمان
زهره وحضنت جنا كل دا نوم
جنا:انا جعانه .. هو بابا مشي؟؟
وقتها خرج مازن من الاوضه انا اقدر امشي واسيب القمر
جنا جريت عليه وحضنته
بعد كدا قعدوا يأكلوا وبعد كدا كل واحد اخد شاور وجهزوا عشان يخرجوا
جنا كانت لابسه فستان لونه ازرق وشوز ابيض وسايبه شعرها اللي بيتميز انه طويل ودي حاجه هي واخدها من زهره
مازن اول ما شافها حاضنها اووي
مازن:ايه القمر دا ياقلب بابا
جنا حضنته بسعاده وفرح
زهره خرجت وكانت لابسه كاردجان ابيض في اسود وتحت بيزك اسود وطرحه اوف وايت وشوز اسود
كان شكلها جذاب
مازن لجنا وبعدين يابنتي في ماما القمر دي هنخرج معها ازاي...
جنا ببراءه مش عارفه
زهره ابتسمت بخفه عليهم
خرجوا من البيت وراكبوا العربيه اللي كان مازن جابهم بيها من المطار
ودي عربيه من العربيات اللي هما سايبنها في الشليه عشان لما يجوا هنا يركبوها
كانت لونها اسود
وكالعاده جنا ركبت على رجل مازن قدام وزهره جمبه
راحوا مكانه
مازن طلبلهم عصير وطلب لنفسه قهوه وفضلوا قاعدين
المكان كان فيه مشروبات مختلفه
وكان فيه ناس بتشرب انواع من الخمور وشيشه كمان
زهره كانت بتبوص حواليها وخصوصا ان فيه بنات كانت بتشرب شيشه هي عارفه ان فيه بنات بتشربها عادي بس عمرها ما شافت بنفسها هي كانت تسمع كدا من هاله صاحبتها لانها اشتغلت في اماكن زي دي
فاقت على صوت مازن اللي لاحظ انها بتبص عليهم ومركزه اووي ايه اول مره تعرفي ان في بنات بتشرب شيشه؟؟
زهره:لا عارفه
مازن بجديه مصطنعه تحبي تجربي؟؟
زهره باندفاع لا طبعا
مازن:هههههههههه انا بهزر انتي متخيله اني هخلي مراتي تشيش وانا قاعد معها كمان
زهره:انا اصلا شايفها حاجه مش حلوه سواء للبنات او الشباب
مازن :على فكره انا جربت كل دا وانا في الكليه وانا في اولي كليه يعني تقريبا من وقت ما فتحت الصاله وانا بطلت كل دا اللي السجاير دا مش عارف ابطلها والحقيقي مش ناوي ابطلها
زهره :بس على فكره دا غلط عليك وعلى وصدرك وجهازك التنفسي
مازن بمكر انا اكتر وحده عارفه صحة جهاز التنفسي ايه رايك السجاير مأثره عليه؟؟؟
زهره وفهمت هو بيرمي ل ايه ووشها بقا ميت لون ومردتش
مازن وهو بيضحك ايه بقيتي ميت لون كدا ليه دا سؤال عادي
جنا:بابا عايزه غزل بنات وايس كريم
مازن:حاضر ياجوجو
زهره:بلاش غزل بنات ياجوجو عشان الحاجات بتعملك حساسيه كفايه ايس كريم
مازن:خلاص ناكل كلنا ايس كريم ماشي ياجوجو؟؟
جنا:ماشي يابابا
مازن :خلاص هقوم اجيب انا
جنا :هاجي معاك يابابا
مازن:تمام تعالي ياقلبي
مازن لزهره:مش هتأخر عليكي
مشي هو وجنا
زهره فضلت قاعده منتظرهم
بعد شويه مازن جاب هو وجنا الايس كريم وجاب لكل واحد الطعم اللي بيحبه
قرب من التربيزه اللي زهره كانت قاعده عليها بس لاحظ ان في شاب واقف جمبها وبيحاول يمسك ايدها غصب عنها
مازن بسرعه وصل عندها ومسك الولد من هدومه من واره ودور وشه له ولكمه بقوه
الشاب وقع على الارض ومازن فوقه ولكمه اكتر من مره في وشه
مجموعه من الناس بتحاول تبعد مازن عنه بس مازن مش راضي يسيبه وتقريبا ايده كله بقت دم من وش الشاب وكمان الامن اللي موجودين في المكان مش قادرين عليه...
انتهت الحلقه
احب اسمع رأيكم
•تابع الفصل التالي "رواية حكاية زهره" اضغط على اسم الرواية
تعليقات
إرسال تعليق