رواية ملكت قلبي الفصل الرابع 4 - بقلم ايمان احمد
مليكة بثقة: مش قولتلك انى هاجى... اتأكدت دلوقتي انى بطلت احبك يااسر
آسر بصدمة: مليكة انتى بتقولى ايه!!
مليكة باابتسامة انتصار: زى ماسمعت ياآسر
بص آسر فى عنيها صحيح ان مليكة قدرت تبين لاسر عكس الل فى قلبها الا ان اسر مكنش قادر يصدقها
فضلوا ثوانى يتبادلوا النظرات قرب منهم مالك وقطع الصمت
= ازيك يامليكة
مليكة: الله يسلمك يامالك
مالك وهو بيبص حواليه: اومال فين لمياء هيا مجتش معاكى ولا ايه؟
مليكة: مش عارفة غيرت رأيها وقالت مش هتعرف تيجى
مالك بزعل: اكيد مش عايزة تشوفنى
جت سيلا عليهم بغيرة
سيلا وهيا بتمسك ايد اسر: ايه ياآسورتى مش هنرقص
آسر: ايوا ياحبيبتي يلا نرقص
رقص آسر مع سيلا وكان بيحاول يثير غيرة مليكة بأى طريقة
واحدة من الحضور: طالعين حلوين اوى مع بعض
ردت واحدة تانية: باين عليهم بيحبوا بعض
حست مليكة بنغزة فى قلبها وبصت لاسر وسيلا الل كانوا منجذبين اوى مع بعض ودمعة نزلت من عينها وبسرعة مسحتها
=فى صحتك ياقمر
بصت مليكة للشاب الل كان ماسك فى ايده الكاس
مليكة: لا شكرا مش بشرب
بص الشاب على مليكة بنظرة شهوان*ية وقال: طب تيجى نرقص مع بعض
مليكة بحدة: لا مش بحب الرقص
مسك ايدها وقال: تعالى بس وهخليكى تحبى الرقص يا... اسمك القمر ايه
حاولت مليكة تشد ايدها منه وهيا مضايقة وقالت: لو سمحت سيب ايدى
وقعت عين آسر على الشاب الل بيضغط على مليكة والدم غلى فى عروقه كان لسة هيروح بس سيلا مسكت ايده
سيلا بدلع وهيا بتلف دراعها على رقبته: تعرف ياآسورتى انا اسعد انسانه فى الدنيا
حاول آسر يبعدها عنه ويروح لمليكة الا انها كانت متشبثة بيه بقوة
آسر بضيق: ابعدى شوية ياسيلا
- انت مهز*ق هيا مش قالتلك مش حابة ترقص معاك
ساب الشاب ايد مليكة بغيظ ومشى
مليكة: شكرا ياتارا
تارا بإبتسامة: على ايه ياحبيبتي انا معملتش حاجة بصى انا عارفة انى ضايقتك فى الفترة الاخيرة بس مكنتش اقصد اهينك
مليكة: خلاص انا مش زعلانة منك
تارا وهيا بتقدملها كاس: بجد فرحتينى... انا عارفة انك مش بتشربى فجبتلك عصير اتفضلى
مليكة باابتسامة: تسلمى
عز: العيال كبروا ياظافر وانخطبوا
ظافر وهو بيبص عليهم باابتسامة: بس بتهيألى استعجلوا شوية فى الخطوبة يعنى كانوا استنوا اما يخلصوا جامعتهم حتى
عز: وايه الل هيخليهم يستنوا من ناحية المعرفة فالعيال يعرفوا بعض من وهما صغيرين وبعدين دى خطوة كويسة انهم اعلنوا ارتباطهم بشكل رسمى
ظافر بتأييد: صح معاك حق.... كمل بمزاح: بص بئا يخلصوا جامعتهم من هنا ونجوزهم وابنك آسر ييجى يعيش معانا فى بيتنا انا مش هقدر استغنى عن بنتى الوحيدة سيلا
(ملحوظة: عز والد آسر وظافر والد سيلا والاتنين صحاب وشركاء فى الشغل)
عز وهو بيضحك: ودى تيجى برضو ياظافر.. وبعدين مانت عارف ابنى آسر بيحب الاستقرار ده انا اشك انه هيقعد معايا فى نفس البيت
ظافر بدموع وهو بيبص على بنته : المهم العيال يكونوا مبسطوين تعرف اول مرة اشوف بنتى سيلا مبسوطه اوى كدة من بعد مامتها ماتت
عز بشفقة: ربنا يرحمها
🌟🌟🌟🌟🌟🌟🌟🌟🌟🌟🌟
اختك اتأخرت اوى يامى اتصلى عليها
مى: كلمتها كتير ياماما مبتردش
مديحة بقلق: كدة يامليكة يابنتى يعنى لما غلطانة الل خليتها تروح لوحدها
مى: طب روحى نامى انتى ياماما ولما تيجى هصحيكى
مديحة: وانا هيجيلى نوم ازاى والحلوة اختك لسة مرجعتش البيت لحد دلوقتي ده لو ابوكى شم خبر هينكد علينا
فى الوقت ده الباب خبط
مى بفرحة: الحمد اديها جت
وراحت فتحت الباب بسرعة
مى: كويس انك جيت......... بابا
على: ايه يابت يامى مش هتسلمى عليا
مى باارتباك وهيا بتحضنه: حمدالله على سلامتك يابابا
مديحة جت جرى عشان تزعق لبنتها بس انصدمت هيا كمان اما لقيته جوزها
على بااستغراب: هو فى ايه انتوا كل الل يشوفنى ينصدم
مديحة باارتباك: اصل اصلك مقولتش انك جاى النهارده
على باابتسامة طفيفة: مانا قولت اعملهالكم مفاجأة بس الظاهر ان المفاجأة معجتكوش
مى باابتسامة مصطنعة: لا طبعا يابابا عجبتنا
كملت فى سرها: ده احنا هيتنكد علينا النهاردة
على: اومال فين البت مليكة
بصوا لبعض بتوتر
على: فى ايه مبتردوش ليه؟ مليكة فين؟
مديحة بخوف: اصل.. اصل
بدأ الشك يدخل قلب على وقال وهو بيحاول يتحكم فى اعصابه: اصل ايه؟ انطقى
مديحة بخوف: مليكة قالتلى انها هتحضر خطوبة صاحبتها وجاية علطول بس معرفش ايه الل اخرها
على بعصبي*ة: متعرفيش اومااااال انا الل اعرف ياهانم
مى بخوف من والدها: بابا اهدى بس هيا زمانها جاية
على بعصبية: اتصلواا على البت دى
جربت مى تتصل عليها تانى بس مكنتش بترد
🌟🌟🌟🌟🌟🌟🌟🌟🌟
استنتوا متلبسوش الدبل
آسر بصدمة: مليكة
قربت مليكة عليهم كان باين عليها انها مش فى وعيها
عز: انتى مين يابنتى
مليكة بدوخة: انا مليكة ياعمو وانت مين!!
عز بااستغراب وهو بيبص لآسر
عز: فى حاجة يابنتى عايزة تقوليها
مليكة وهيا بتشاور على آسر كانت بتتكلم بصعوبة وبدون وعى: عايز.. ة اقو.. ل حاج.. ة للزبا*لة الل واقف ده
عز: انت تعرفها يااسر
حس آسر بتوتر لمليكة تفضح*ه قدام والده والكل
فقرب من مليكة خدها على جمب
آسر بتحذير: مليكة انتى شكلك مش فى وعيك اهدى كدة وخدى بالك من كلامك
ظافر: هو فى ايه ياعز مين البنت دى وبتتكلم كدة ازاى مع آسر
سيلا بدموع وحق*د: دى جاية تبوظلى حفلة خطوبتى
تارا: اهدى بس ياسيلا ياحبيبتي
مليكة وهيا بتزق اسر: مش هتعرف باباك عليا
عز بتعجب: فى ايه يااسر انا مش فاهم حاجة
سيلا بجنو*ن: بابى خلى الامن يطلعوها برة والا...
كانت لسة هتقرب على مليكة بس آسر خباها وراه
آسر بانفعا*ل: سيلا اهدى شوية مليكة مش فى وعيها باين انها شاربة
زقت مليكة آسر واتكلمت بصعوبة: مش..... هتعرف باب.. باباك على مليكة حبيبتك
🌟🌟🌟🌟🌟🌟🌟🌟🌟🌟🌟
على وهو بيطلع الحزام: هتنطقى تقولى اختك فين ولا اضربك
مى برع*ب وهيا بتبص للحزام: حزام! طيب يابابا هقولك
وبالفعل قالتله على المكان ولما راح الامن رفضوا يدخلوه فى البداية عشان مش معاه كارت الدعوة بس لما عمل مشكلة اضطردوا يدخلوه بعد ماعرفوا ظافر
ظافر : وده مين كمان
على: انا جاى اخد بنتى مليكة
بصله ظافر بااستحقا*ر وبعدها دخله
فى الوقت ده كان آسر ساند مليكة مخرجها بعد مالحفلة خربت بسببها اول ماعلى شافها معاه راح شدها مابين ايده
آسر بغض*ب: انت بتعمل ايه؟
على بغض*ب هو الاخر: انت الل بتعمل ايه وازاى تتجرأ تمسك بنتى كدة
ظافر: خد بنتك وامشى من هنا بدل ماجبلك الامن
على بصوت عالى: انتوا عملتوا ايه فى بنتى ده انا هوديكم فى داهي*ة
عز: متعليش صوتك الاول وبالنسبة لبنتك هيا الل شربت كتير محدش قرب ناحيتها
آسر: ممكن تهدى ياعمى وانا هفهمك
ظافر: تفهم مين ده باين عليه واحد مش بيفهم فى الزوق انا هجيبله الامن يطردوه برة
آسر: لا ياعمى متجبش الامن..
فضل والد مليكة يزعق معاهم واخر ماظافر جاب اخره خلى الامن يطردوه
سيلا كانت بتبكى بحرقة على الفضيحة الل حصلت بسبب مليكة ووالدها واتوعدت انها هتندمها
🌟🌟🌟🌟🌟🌟🌟🌟🌟🌟🌟🌟🌟
فى الجامعة
كان الكل بيتكلم على الل حصل فى الخطوبة
واحدة من البنات: زى مابقولكم كدة قامت مليكة مهزئة آسر قدام باباه وبعدها باباها جه عمل مشكله وطردوه قدام الكل... بس باين عليهم من عيلة فقيرة
شاب: وعرفتى ازاى ياحبى
البنت بتحليل: يعنى من طريقته فى الكلام ولبسه
الشاب: طب وسيلا ايه الل حصل فيها
البنت: معرفش بئا اول ماطردوا والد مليكة قالولنا الحفلة خلصت
كانت سيلا ماشية هيا وتارا وسمعتهم حست بنار فى قلبها بس اتوعدت بداخلها انها هتاخد حقها من مليكة
مالك بااستغراب: سيلا انتى ايه الل جابك النهاردة
سيلا: ومجيش ليه يامالك!
مالك: مقصدش بس..
سيلا بمقاطعة: كان لازم اجى النهاردة
= ايه الل انتو عاملتوه ده
مالك: لمياء
تارا بملل: وصاحبتها جت اكيد عرفت بالل حصل وجاية تدينا محاضرة فى الاخلاق
لمياء بغضب: انتو ازاى تهينوا مليكة ووالدها بالشكل ده
غمضت سيلا عنيها وهيا بتحاول تهدى عشان مطلعش غضبها على لمياء
سيلا: بقولك ايه يالمياء ياحبيبتى روحى من قدامى احسن وافهمى الل حصل الاول صاحبتك الل خربتلى خطوبتى وخلت سيرتى انا وبابى على كل لسان وعرفيها انى هاخد حقى منها
لمياء: هتعملى ايه يعنى؟
سيلا: وقت ماتيجى هتشوفى بنفسك انا محضرلها مفاجأة زى الل هيا عملتهالى بالظبط انشاء لله هتعحبها ... يلا ياتارا
قرب مالك من لمياء بااشتياق: لمياء انتى وحشتينى اوى ياحبيبتي
لمياء بحدة: مالك انا مش فايقالك
مالك بحزن: انتى ليه بتعاملينى كدة؟
لمياء بدموع: عشان كلكم زى بعض كنت عارف ان صاحبك هيكسر قلب بنت وفضلت برضو تسانده
مالك بخجل: انا عارف انى غلطان بس عرفت غلطتى
لمياء: بعد ايه بعد ماالمسكينة مليكة انكسر قلبها... انا اسفة يامالك مقدرش ارتبط بواحد جبا*ن زيك
🌟🌟🌟🌟🌟🌟🌟🌟🌟🌟🌟
يعنى انا ذنبى ايه بابا يقلب عليا انا كمان انا كنت عملت حاجه
مديحة: يابنتى هو شوية ويهدى انا عارفة ابوكى
على: بت يامى
مى باابتسامة مصطنعة: نعم يابابا ياحبيبي
على: تيجبى كل ارقام المدرسين بتوعك النهاردة
مى وهى بتبلع ريقها: ليه كدة ياحج ماحنا كنا كويسين
على بحدة: انتى هتهزرى
مى: اقصد يعنى اول مرة تاخد ارقام المدرسين
على: عشان اتابع مع المدرسين واعرف مستواكى الزف*ت وصل لفين دلوقتي.. انا هربيكم من اول وجديد
فى غرفة مليكة
كانت مليكة حاسة بصداع شديد وكمان افتكرت الل حصل فضلت تعيط
- عملتلك كوباية قهوة اشربيها عشان الصداع يروح
مليكة:استنى ياماما.... ماما انا آسفة على الل حصل
مديحة بحزن: ليه يامليكة يابنتى تعملى كدة تشربى وتسهرى انا ربيتك على كدة
مليكة بااندفاع: والله ياماما ماشربت انا مستحيل اشرب مش فاهمة اصلا ازارى حصلى كدة
مديحة: يابنتى انا قولتلك كذا مرة العيال الل انتى مصحباهم دول لا من مستوانا ولا شبهنا احنا مش كدة يامليكة
مليكة بخجل: معاكى حق ياماما اوعدك ان الل حصل مش هيتكرر تانى
مديحة: طيب انا هروح دلوقتي احاول اقنع ابوكى يخليكى تروحي الجامعة
كان على بيشرب كوباية الشاى شاف مديحة جاية عليه
على: شكلك عايزة تقولى حاجة
مديحة: ياعلى سيب البنت تروح جامعتها بئا
على: انا قولت لا يعنى لا
مديحة بزعل: حرام عليك ياعلى البنت غلطت وقالت مش هتعيد غلطتها تانى كانت عايزة تيجى تعتذرك بس خايفة
على بحدة: انا بقول كفاية تعليم لحد كدة على البنات واحدة وبتشيلى كل سنة ملحق والتانية رايحة الجامعة عشان تصيع انا كدة هرجعكم البلد التانى بلا تعليم بلا زف*ت
مديحة بلوم: انت عايز عيالنا يبقوا مش متعملين زى عيال اخواتك وبعدين مليكة بنتنا شاطرة حرام نظلم*ها
حس على ان مديحة معاها حق
على: طيب سبينى افكر
🌟🌟🌟🌟🌟🌟🌟🌟🌟🌟🌟
- احم شكلك بتضور على حاجة؟
رد بغرور: لا
البنت بابتسامة عريضة: لو حابب اى مساعدة تقدر تطلب منى
بصلها فهد بااستهزاء ورد بغرور: امم شكرا
مشيت البنت وراه وقالت بااعجاب: على فكرة النمرة الل انت عملتها عجبتنى انت طلعت هايل
فهد بغرور: عارف
البنت وهيا بتحاول تجذبه ليها بأى طريقة: متأكد انك مش محتاج اى حاجة
بصلها فهد ثوانى وقال: ايواا فى حاجة واحدة عايزة منك
البنت بفرحة كبيرة: اتفضل
فهد بغرور: ياريت متمشيش ورايا وابعدى عن طريقى
مشى فهد وساب البنت تحت صدمتها
البنت بضيق: شاب مغرور... بس قمر
تارا: تعرفى ياسيلا الشاب الل اسمه فهد
سيلا: زميلنا الجديد ده ماله؟
تارا: مفيش انا بسألك لو كنتى تعرفى اى حاجة عنه
سيلا وهيا بتغمزلها: شكله دخل دماغك
تارا باابتسامة: بصراحة ايوا شاب وسيم وعنده ثقة فى نفسه من مستوايا يعنى ميعجبنيش ليه
سيلا: صحيح انه وسيم بس آسورتى حبيبي احلى منه
تارا: تقدري تقولى ان آسورتك حبيبك كان اكتر واحد فى الجامعه البنات هتتجن*ن عليه بس بعد مافهد جه بئا منافس ليه ولا انا غلطانة
سيلا: طبعا غلطانة انا مفيش حد زى حبيبي
🌟🌟🌟🌟🌟🌟🌟🌟🌟🌟🌟
مالك: مليكة بقالها فترة مش بتيجى
آسر بدون اهتمام: واحنا مالنا مش كفاية الل حصل بسببها
مالك: عايز تفهمنى انك مش قلقان عليها
آسر: وهقلق عليها ليه شايفنى بحبها وبعدين انا شايف ان افضلها متجيش الفترة دى لان سيلا على اخرها لو شافتها الله اعلم ايه الل هيحصل
ابتسم مالك
آسر: ايه بتضحك على ايه
مالك: اصلك بتحاول تبين ان مليكة متهمكش بس كل تصرفاتك فاضح*ة مشاعرك اتجاهها
آسر: تصرفات ايه دى!!
مالك بتحليل: يعنى فى الخطوبة اما سيلا اتعصبت ووكانت هتضرب مليكة شوفت فى عينك نظرة الخوف عليها وانت الل انقذتها والمرادى كمان مش عايز مليكة تيجى لحد ماسيلا تهدى وتنسى الل حصل
آسر: كلها اوهام فى دماغك
مالك: انت ممكن تقدر تكذب عليا بس مش هتقدر تكذب على نفسك ياصاحبى
- ازيكم ياشباب
آسر:ازيك ياسيلا اخبارك ايه النهارده ياحبيبتي
سيلا وهيا بتحضنه: انا بخير ياآسورتى
خرجت سيلا بسرعة من حضن آسر اما شافت مليكة جاية
-استنى عندك
مليكة:نعم فى حاجة؟؟
تارا فى عقلها: ده شكلها هتشعلل
آسر: سيلا احنا فى الجامعة ومش عايزين مشاكل
سيلا: لا يابيبى متقلقش مش هعمل مشاكل انا حابة اهدى مليكة هدية صغننة زى الل هيا عاملتهنا
بصتلها مليكة بتعجب وقبل ماتستوعب اى حاجة كانت سيلا صفعتنا بقوة قدام الكل
•تابع الفصل التالي "رواية ملكت قلبي" اضغط على اسم الرواية
تعليقات
إرسال تعليق