رواية خفايا القلوب "ليس على القلب سلطان" الفصل السادس عشر 16 - بقلم نور محمد
فالبارت_السادس_عشر
(خفايا_القلوب❤)
وفي الخارج حمدي رن على عماد قبل مايطلع في عربيته وقال:ايوه ياعماد كل حاجه تمام وجميله رجعت مع يوسف كمان وهي كويسه متقلقش
عماد براحه:طيب الحمد لله كل حاجه بقت تمام دلوقتي طيب انت فين ياحمدي؟
حمدي اخرج مفاتيح عربيه من جيبه وفتح الباب العربيه وقال:انا كان عندي شغل وخلصته اهو مسافه السكه وهكون عندكم و
سكت حمدي فجأه لما لقى ثلاث شباب قربوا منه وكانت اجسادهم ضخمه اوي وفي شاب منهم ضربه على رأسه بقوه بعصا كبيره
حمدي حط ايده على رأسه بألم رهيب وهي بتنزف بشده وصرخ من شده الوجع وعلى الجهه الاخرى عماد سمع صوت صرخته فترعب وقال بخوف:حمدي رد عليا انت كويس رد عليا والنبي ياحمدي انت كويس مالك
حمدي لسانه لجم من التعب وحس بسحابه من الظلام بتسحبه وفجأه اغمي عليه وقربوا الشباب منه سحبوه لعربيه تاني كبيره وانطلقوا بسرعه وفون حمدي وقع جنب عربيته وعماد كان لسه على الخط معاه وهو بيصرخ بقوه في الفون من شده رعبه وقلقه على حمدي اخوه
وعلى الجهه الاخرى يوسف كان لسه بجانب جميله ودموعه بتنزل بحزن ووجع عليها وهو بيقول:يارب انا عارف اني غلطت غلط كبير بس ارجوك مش تعاقبني فيها يارب انا مستعد لأي عقاب هتحمله منك بس بلاش جميله مش هقدر اتحمل يجرى لها حاجه بسببي يارب
فضل يدعي ودموعه لسه بتنزل بغزاره وهنا رن فونه ففتح وقال بتعب :الووو
وعلى الناحيه الاخرى رد عماد بقلق وخوف:الوو يايوسف انت فين الحقني ارجوك حمدي اتخطف
يوسف سمعه ووقف بصدمه وقال:انت يتقول ايه اتخطف ازاي وامتي؟
عماد بدموع:انا من شويه بس كنت بكلمه في الفون عادي وقالي جميله معاك وكل حاجه تمام وفجأه سمعته صرخ بقوه وصوته اختفي خالص وبرن عليه مش بيرد عليا ارجوك اتصرف يايوسف شوفه راح فين؟
يوسف توتر اوي من كلام عماد ولان حمدي مكملش ربع ساعه من وقت خروجه من المستشفي فبص على جميله وتهند بقلق وقال:حاضر ياعماد انا هخرج ادور عليه متقلقش ان شاء الله خير
عماد بخوف ودموع:تمام يايوسف واول ماتوصل لحاجه رن عليا فورا طمني
يوسف خرج من الغرفه بقلق وقال:حاضر ياعماد ياله سلام
عماد رد عليه وقفل معاه ويوسف خرج بسرعه من المستشفي لقى عربيه حمدي قدامه فقرب منها بقلق وتوتر وبص على الارض تحته لقي بقعة دم فبلع ريقه ونزل لمستواها علشان يتأكد منها وفعلا تأكد انها بقعه دم لسه حديثه ووقعت عنيه على فون حمدي الموجود بجانب الدم فحمله بقلق وخوف وجرى على المستشفي تاني بسرعه
وطلع يشوف المدير وحكاله اللي حصل فأحضر المدير كاميرات المراقبه وراجع لقطات الكاميرا وهنا يوسف انصدم لما شاف حمدي فيه ثلاث شباب خطفوه فعلا من قدام المشتشفي بس للاسف العربيه مكنتش عليها ارقام فتهند يوسف بخوف وطلب من المدير تسجيلات الكاميرا علشان يقدم بها بلاغ في القسم
وفعلا اخدها وجرى على القسم وقدم بلاغ وبعدها رجع عند جميله ورن على عماد وطمنه انه بلغ عن خطف حمدي وجاري البحث عنه وهو كمان كلم رجالته وامرهم بالبحث في كل مكان عن حمدي وفضل جنب جميله
وكلم الدكتور اللي قاله انها ممكن تفوق بعد 24ساعه وكتبله على العلاج المطلوب ومعاده وحظره ان العلاج لازم يكون في معاده المظبوط كل يوم والتأخير في المعاده المحدد ده هيأثر على نسبه الشفاء بسرعه فرد عليه يوسف بتفهم وطاعه ورجع لغرفه جميله وحملها برفق وخرج من المستشفي كلها وقلبه هيقف من القلق والخوف على حمدي ابن عمه
اما حمدي المسكين فأخير فتح عنيه وفاق لقى نفسه مربوط بقوه على كرسي حديد فنصدم بشده
وتجول بعنيه في المكان مخزن قديم وقذر وكله تراب وحشرات مقرفة بشده
حمدي بتعب وخوف:مين هنا حد يرد عليا مين جابني هنا؟
فضل ينادي بدون فايده وحس بألم رهيب في دماغه وغمض عنيه بتعب وهنا سمع صوت خطوات شخص بتقرب منه ففتح عنيه بصدمه وقال:ابو زيد انت اللي خطفتني؟!
ضحك ابو زيد وقرب منه بشماته وقال:ايوه انا اللي خطفتك يابن الزهيري ولسه الفلم مبدأش
حمدي بتوتر وقلق:ابو زيد انت كده بتغلط فكني فورا خليني امشي انت عارف انك مش قدنا
ابو زيد بغل وحقد:عارف يابن مصطفي بس في حق قدام هخلصه معاك الاول وكمان هاخد حقي كله منكم
حمدي بعدم فهم:انت بتقول ايه حق ايه ده انت طول عمرك بتغار مننا بدون سبب احنا عملنا لك ايه يااخي
قرب ابو زيد منه بغضب ومسك فكه بقوه وقال:انتو معملتوش حاجه بس اهلكم عملوا زمان واولهم صديق عمي مصطفي الزهيري ابوك صديق عمري اللي كان عارف اني بحب زهره امك زميلتي في الجامعه وكنت علطول احكيله قد ايه بحبها وبحلم بيها بس هو عمل ايه عجبته فلف عليها لغايه ماوقعها وبعدها اجوزها ومفكرش حتي في صديق عمره حاله هتبقى ازاي؟
حمدي سمعه بصدمه وزهول وقال:لا مستحيل انا بابا مستحيل يعمل كده ابدا انت اكيد كذاب
ابو زيد بصله بشفقه وبعد عنه وقال:انا كنت متوقع انك مش هتصدقني بس مش مهم انا صحيح الموت اخده ابوك مني قبل مااخد حقي الاول منه بس ابنه قدامي وتحت ايدي وهاخد حقي منك انت ياحمدي
حمدي بلع ريقه بخوف من نظره ابو زيد التي لا تبشر بالخير ابدا وقال:انت انت قصدك ايه؟
ضحك ابو زيد على خوف حمدي قدامه وقال:الصبر حلو ياحوحو خلاص الدكتور يوصل
حمدي اول ماسمع اسم الدكتور توتر اوي وميه سيناريو مر على عقله وقال بخوف:دكتور.. دكتور ايه انت هتعمل فيا ايه؟
ابو زيد قعد ومردش عليه وهو مستمتع بشكل الخوف المتجمع في عيون حمدي قدامه وده زاد من خوف حمدي اكتر وبقى يفكر ياترى ابو زيد هيعمل فيه ايه دلوقتي
وفجأه فاق من افكاره على صوت ابو زيد اللي قال بخبث:اتفضل يادكتور ادخل شوف شغلك
دخل دكتور ومعاك حقيبته الطبيه وخلفه شابين ضخام اوي دول شغالين معاه وقرب من حمدي بشر ووو
•تابع الفصل التالي "رواية خفايا القلوب" اضغط على اسم الرواية
تعليقات
إرسال تعليق