رواية خفايا القلوب "ليس على القلب سلطان" الفصل الخامس عشر 15 - بقلم نور محمد
البارت_الخامس_عشر
(خـفـايـا_القـلـوب❤)
اما يوسف فكان قاعد على مكتبه في المحل بتاعه وشكله اتغير 180درجه خلال الاسبوع ده من الحزن وألم الفراق عيونه بقت دبلانه وحولها هالات سوده كتير من قله النوم والتعب ولحيته بقت كبيره بشكل مبالغ فيه من الحزن
تهند ومسك صوره جميله اللي قدامه بشتياق وحب وقال:وحشتني والله وحشتيني اوي ياجميله وهموت واشوفك حتي لو مره وحده مر اسبوع كامل وانا مش قادر حتي المح طيفك قدامي يارب ساعدني وتقدر تسامحني انا حياتي ادمرت بدونها يارب
دموعه سبقته ونزلت بغزاره وحضن صورتها بقوه وهو بيتخيلها موجوده في حضنه فعلا وفجأه انصدم بشده لما لقى قدامه وحده دخلت المكتب و شكلها كان مش مظبوط ولبسها ملفت بشكل كبير
قربت منه بدلال ويوسف بعد عنيه عنها وهو بيستغفر ربنا وقال بضيق:اتفضلي يافندم عندك طلب معين
البنت قربت منه اكتر وبقت جنبه بالظبط ونزلت رأسها لمستواه بدلع وقالت:انا عندي شكوة مش طلب يايوسف بيه
يوسف بعد شويه عندها وهو بيحاول يتمالك اعصابه وقال:تمام اتفضلي ايه شكوتك في حد في المحل هنا دايق حضرتك
البنت ابتسمت بخبث وبعدت شعرها عن رقبتها بهدووء وقالت:بص بنفسك يابيه انا جيت هنا من يومين وطلبت حلق دهب وبعد مالبسته ورجعت البيت لونه اتغير وبقى ابيض مش اصفر يعني الدهب صيني مش اصلي وده غش حتي شوفه بعينك اهو
يوسف انصدم منها وبص تجاهها وهنا بقت وجهه قريب اوي من وجهها وهي ابتسمت بمكر وقربت من شفايفه ويوسف كان مصدوم منها ولسه هيبعد عنها بسرعه سمع صوت جميله وهي بتقول بصدمه وزهول:يوسف
يوسف اول ماسمع صوتها دفع البنت دي بقوه وبص تجاه جميله بتوتر وعدم تصديق وقال:جميله انتي انتي هنا؟!
جميله بصتله بدموع وصدمه ولسه يوسف هيجري عليها حست بدوخه قويه ووقعت على الارض اغمي عليها
ويوسف جرى عليها بصدمه وخوف ورفع رأسها عن الارض برعب وقال:جميله جميله ردي عليا ارجوكي فتحي عنيكي ياقلبي
ضرب خدها بخفه عده مرات بدون فايده فحملها بخوف وقلق وخرج من المحل وقلبه هيقف من الخوف عليها
وبعد وقت كان يوسف واقف قدام غرفه الكشف وهو بيدعي ربنا انها تكون بخير دقيقه مرت ولقى حمدي جرى تجاهه بقلق وقال:في ايه يايوسف جميله فين هي كويسه
يوسف بقلق:الدكتور جوه بيكشف عليها وانا اتصلت بيك علشان انا هنا مش قادر اتصرف لوحدي بس اوعي ياحمدي تكون قولت لحد في البيت اللي حصل
حمدي هز رأسه بتفهم وقال:لا مقولتش لحد حاجه المهم دلوقتي اطمن على جميله الاول بعدها ابقى اقولهم
يوسف هز رأسه براحه وقرب من غرفه الكشف والقلق بياكل قلبه عليها مرت عشر دقايق وخرج الدكتور فجرى عليه حمدي ويوسف بقلق وخوف وقال:طمني يادكتور جميله كويسه مش كده
رد الدكتور بحيره:والله يافندم انا فحصتها وعملت لها تحاليل وفحوصات اللازمة وبعد ماتظهر النتيجه هقدر احدد الاغماء ده كان بسبب ايه
يوسف هز رأسه بقلق وحمدي مكنش فاهم حاجه فقال:طيب يادكتور هي هتفوق امتي كده؟
الدكتور:بصراحه مش عارف لاني لسه محددش حالتها بس بعد مااحدد حالتها كويس هقولكم عن ازنكم دلوقتي
حمدي هز راسه بتفهم وقلق ويوسف دخل غرفتها بسرعه وقعد جنبها مسك ايدها بندم وقال:يارب احميها ليا انا سبب ده كله ياريتني ماعملت فيكي كده ياجميله ياريتني انا مكانك ياقلبي
حمدي قعد جنبه بمواساه وقال:قول يارب وان شاء الله خير ربنا معانا يايوسف
يوسف ابتسمله بحزن وفضل جنبها وهو بيدعي لها انها تكون بخير حال
وبعد ساعه الدكتور طلب يشوفهم في مكتبه علشان يقولهم نتيجه التحاليل اللي عملها لجميله
الدكتور قرأ الورق قدامه بتركيز وحزن وقال:للاسف ياجماعه النتيجه غير مبشرة بالخير بصراحه الظاهر معايا هنا في نتيجه التحاليل ان المريضه عندها مشكله في القلب وده كان سبب الاغماء اللي حصل لها وحالتها للاسف صعبه بس الشئ المبشر بالخير هنا ان الحاله مش محتاجه لعمليه لان المرض في اوله بس محتاجه راحه نفسيه وعلاج مكثف بنتظام وبأذن الله هتخف منه
يوسف وحمدي وقعت عليهم الاخبار دي.. زي الصاعقه كأن شخص سكب دلو ماء مثلج في عز الشتاء عليهم وبقت نظراتهم كلها صدمه ورعب وعدم تصديق
ويوسف بلع ريقه بصعوبه من الصدمه وقال بصوت متقطع:يعني يعني يادكتور جميله ممكن تمو*ت بسبب المرض ده
الدكتور بحزن:يافندم الاعمار بيد الله وحده وانا قولتلك ان المرض لسه في اوله ونسبه علاجه كبيره بس اهم شئ هي الحاله النفسيه للمريضه يعني اول حاجه لازم المريض ميعرفش بمرضه ده لان ده هيأثر على نسبه الشفاء عنده وكمان اهم شئ بعد الحاله النفسيه هو الحمل لان الحمل في الوقت ده خطر اوي على المريضه وعلى الجنين كمان بس بعد فتره العلاج هتتحسن وتقدر تحمل براحتها بس اهم شئ في الوقت ده الحمل ميحصلش ابدا حضرتك فاهمني طبعا
يوسف تهند بتفهم وحزن كبير ودموعه لمعت في عنيه وحمدي حط ايده على كتفه بحزن مماثل ودموع وقال:ربنا يصبرك ويصبرنا معاك يايوسف اهدي وان شاء الله جميله هتخف وترجع احسن من الاول كمان انا واثق في ربنا انه مش هيخذلنا ابدا
يوسف هز رأسه بحزن وتعب وقال:ان شاء الله خير انا هعمل كل اللي اقدر عليه والباقي على ربنا وانا ثقتي في ربنا كبيره اوي وان شاء الله هحارب مع جميله المرض ده لغايه ماتشفي منه
حمدي ابتسمله بمتنان واخده وخرج من غرفه الدكتور وقال:انا لازم امشي دلوقتي علشان البيت كله زمانه قلقان على جميله هرن على عماد بعد مااخرج وهقوله ان جميله هترجع معاك لان الوحيد اللي هتقدر تساعدها وتاخد بالك منها في الوقت ده يايوسف انا واثق فيك يابن عمي
يوسف ببسمه حزن وتفهم:تمام ثق في ربنا وبعده فيا وانا هفضل احارب معاها لغايه ماربنا يشفيها ليا
حمدي حضنه بمتنان وشكرا وقال:ربنا يخليك ليها ولينا يايوسف ومايحرمنا منك
يوسف بحب اخوي:ويخليك لينا وليها كمان ياحمدي ربنا يحميك دايما يابن عمي
حمدي بعد عنه وابتسمله بحب وودعه وخرج من المستشفي ويوسف توجه لغرفه جميله وقعد جمبها ومسك ايدها بتملك وهو بيدعي ربنا يديم وجودها في حياته ومايحرمه منها ابدا
وفي الخارج حمدي رن على عماد قبل مايطلع في عربيته وقال:ايوه ياعماد كل حاجه تمام وجميله رجعت مع يوسف كمان وهي كويسه متقلقش
عماد براحه:طيب الحمد لله كل حاجه بقت تمام دلوقتي طيب انت فين ياحمدي؟
حمدي اخرج مفاتيح عربيه من جيبه وفتح الباب العربيه وقال:انا كان عندي شغل وخلصته اهو مسافه السكه وهكون عندكم و
سكت حمدي فجأه لما لقى ثلاث شباب قربوا منه وكانت اجسادهم ضخمه اوي وفي شاب منهم ضربه على رأسه بقوه بعصا كبيره
حمدي حط ايده على رأسه بألم رهيب وهي بتنزف بشده وصرخ من شده الوجع وعلى الجهه الاخرى عماد سمع صوت صرخته فترعب وقال بخوف:حمدي رد عليا انت كويس رد عليا والنبي ياحمدي انت كويس مالك
حمدي لسانه لجم من التعب وحس بسحابه من الظلام بتسحبه وفجأه اغمي عليه وقربوا الشباب منه سحبوه لعربيه تاني كبيره وانطلقوا بسرعه وفون حمدي وقع جنب عربيته وعماد كان لسه على الخط معاه وهو بيصرخ بقوه في الفون من شده رعبه وقلقه على حمدي اخوه ووو
•تابع الفصل التالي "رواية خفايا القلوب" اضغط على اسم الرواية
تعليقات
إرسال تعليق