رواية امال ضائعه الفصل الرابع عشر 14 - بقلم ايه احمد
ــ آمال أول ما دخلت علىٰ مها الأوضة إتجمدت مكانها وقعدت تبكي من جمال مها في الدريس والطرح😳🥺!!!.
آمال: مها !!🥺، إيه الجمال دا يا مها ؟، الله بجد كنت دائمًا بشوفك جميلة بس دلوقتي بقيتي مميزة أوي وأكنك حورية في اللبس الواسع والطرحة يا مها، أنا أول مرة أشوفك ب حجاب !..
ــ مها دمعت من كلام آمال وجريت عليها تحضنها وقالت: لو إنتي مكنتيش معايا مكنتش هعرف أخد الخطوه دي دلوقت يا آمال.
آمال: أخيرًا ربنا إستجاب لدعائي يوميًا ليكي في قيام الليل إنك تتحجبي ويردك إليه ويبرد قلبك قريبًا بإذن الله ، هي دي الهدية والبداية اللي بجد يا مها، أجمل حاجة عملتيها في عيد ميلادك،أكنك إتولدتي من جديد وتكون بدايه جديده ليكي.🥺، بس إنتي هتنزلي معايا كده صح! مش مجرد إنك بتجربيه بس صح؟!.
مها: أيوه يا لولو أكيد هنزل معاكي كده يا عُمري..
آمال: طيب يلا يا ست البنات يا ملكة جمال القاهرة ، يلا ننزل بقا عشان هيكون أجمل يوم النهارده.
مها: يلا يا لولو .
ــ آمال و مها نزلوا الكافية وشكلهم حلو أوي ، ومها عماله تمدح في شكل آمال قد ايه جميل في الأبيض.
ــ آمال مستنيه أكرم مش عاوز يجي ومرة واحده النور قطع في الكافية وسمعوا صوت فرقعة جامد ، صرخوا وقاموا وقفوا من مكانهم ، لكن اول م قاموا وإتخضوا ، لقوا أكرم فرقع ورق الزينة عليهم وداخل بالتورتة وولعوا النور .
ــ مها واقفه مش مصدقه نفسها ولا مصدقة إن أكرم عمل كده ، خصوصًا بعد ما قالها كلام خارج وكانت زعلانه جدًا منه كل الزعل داب في اللحظة دي ، وهو أكرم داخل عليها بالتورتة والشمع ومعاه خلود و هدىٰ أكتر بنتين مها بتحبهم وبيحبوها وعمالين يغنولها Happy birthday to you 🎉🥳🥰، والكافية شغلوا ليها أغاني وكل اللي في المكان قعدوا يغنولها ويحتفلوا بها .
ــ المكان كله إحتفل ب مها وطفوا الشمع وقطعوا التورتة ، وكلهم قاعدين وطلعوا الهدايا بتاعهم ل مها ، الهدايا كلها عجب مها جدًا ، لكن لفت نظرها هدية أكرم.
مها: إيه الجمال دا يا أكرم، مكنتش أعرف إنك زوقك حلو أوي كده ، وكمان الحاجات قريبه من زوقي جدًا، وبعدين أنت عرفت إن أنا هنا إزاي؟! .
ــ ردوا خلود و هدىٰ وقالوا : آمال اللي عزمتنا وقالتلنا نستنىٰ هنا ، وجينا لقينا أكرم وهو قالنا ندارى ونطلع نفاجئك بس إنتي اللي فجئتينا ب جمالك يا مها وجمال الحجاب عليكي ، انا اول مرة أشوفك بيرفكت اوي كده ،بجد من جمالك عاوزه نأكلك إنتي بدل الجاتو .
ــ مها فرحانه جدًا إن كله فرح بشكلها وفرحت والمفاجأة وقالت: دا أحلىٰ عيد ميلاد عدىٰ عليا بجد ، وأجمل ذكرىٰ ممكن تكون حصلتلي قبل ما أخلص الكلية، طب وأنت يا أكرم عرفت إزاي بقا ، وكمان أنت اللي داخل بالتورتة.
ــ آمال ردت هي وسبقت أكرم وقالت: ما هو أكرم إللي عاملك المفاجأة يروحي ، وهو اللي حابب يفرحك وقالي وأنا عزمت هدىٰ و خلود عشان انتي بتحبيهم .
ــ أكرم إتحرج من كلام آمال وزوقها وعمال يبصلها نظرات كلها حُب ويتأمل جمالها بالأبيض وبيقول أه لو تكوني ليا يا آمال، أه لو تلبسي الأبيض ليا أنا فقط ، بجد مشوفتش في جمالك يا آمال ، وبص ل مها وعمال يفكر إن قد إيه البنت بتكون جميلة بالحجاب وهي مستورة وبتخلي أي ولد يشوفها خط أحمر ويحترم حجابها ، أكن الحجاب دا شئ مقدس كده بيحافظ علىٰ البنت ، وإن هدية آمال كانت في محلها والدريس بتاع مها شكله جميل وساتر مخليها أميرة ، بس آمال أكيد الملكة إللي مشافتش في جمالها ورقتها ولا هيشوف.
ــ قطع تفكير أكرم بنت جايا تسلم عليه في وسط الجميع وهما قاعدين سوى وعاوزه تقرب منه وتحضنه ، وآمال للحظة حست إنها متعصبة من البنت ومن تصرفاتها .
ــ أكرم بيبعد عن البنت وبيسلم في الحدود ، لكن البنت بردو عماله تتكلم بطريقة مايصة وبتقوله قد إيه رائحه العطر بتاعه جايب اخر مكان وعرفته منه ، وقد إيه اللون الأبيض شكله شيك على جسمه الرياضي.
ــ آمال عماله تبص بطريقة رخمه للبنت ووشها كله سخن وأحمر من العصبية لكن حاولت تتلخم في حاجة تانيه ومتركزش .
آمال: بقولك إيه يا لولو يلا يروحي نطلب اكل عشان نأكل ونطلع فوق عشان منتأخرش أوي.
مها: تمام يروحي بس إستني ننادي أكرم عشان نطلب كلنا سوىٰ ، بس نادي إنتي عليه يا آمال لأن أنا بصراحه لسه حاسه إن مجروحه أتكلم معاه بعد الكلام اللي قاله، على الرغم معنتش زعلانه وفرحت جدا أن عمل كده عشاني وأكيد عشان يصلح غلطه معايا ويصالحني بس بردو حاسه إن لسه مجروحه خصوصا أن لسه متكلمش معايا خالص يعتبر من وقت ما جينا ، هو قالي كل سنه وإنتي طيبه يا ميمو بس .
آمال: طيب أنا هتحرج أنادي عليه عشان واقف مع بنت ، بس مين دي صحيح يا مها .
مها: والله يا آمال ما أعرف ، أكرم معجبينه كتير عادي متركزيش هههههه.
آمال: لأ والله مش مركزه بس شكلها مايصة وكانت عاوزه تحضنه من شوية .
مها: أها أخدت بالي ،بس بصراحه أكرم محترم ملهوش في الجو دا وانتي شيفاه إن بِعد عنها مقربش منها وكلامه في الحدود .
ــ أكرم خلص كلام وجيه ،وطلبوا الأكل .
أكرم: بس إيه القمر اللي أنا شايفة دا يا ميمو !!، دا إنتي كنتِ برنسيسة والحجاب خلاكي في حتة تانيه خالص يا مها ، جمالك ميتوصفش ، إحنا حبينا نفاجئك لكن انتي اللي فجئتينا والله ، وكانت أجمل مفاجأة في الدنيا بجد، قمر يا أجمل أخت في الدنيا ، وأنا أسف على أي حاجه زعلتك مني ، وإن شاء الله هكلمك أول ما تروحي أوضحلك كل حاجة، بس حقيقي مكنتش مستوعب إللي بقوله وإنتي أختي يا مها..
ــ مها فرحت جدًا من كلام أكرم وقالت: ولا يهمك يا أكرم أنت أخويا وبحبك جدًا ربنا يعلم أكرم حمدي دا عندي معزته عامله إزاي ، بس إن شاء الله بردو لما نطلع نتكلم .
ــ ( الأكل جيه وأكلوا ومشيوا ، لكن آمال نسيت تلفونها جوا فى الكافية ورجعت تجيبه والبنات واقفه مستنيه بره ، وأكرم واقف لسه قدام الكافية).
أكرم: خدي يا مسطولة قبل ما تدخلي ، تلفونك أهو ، يبنتي هو إنتي عقلك دا فين بجد !!.
ــ آمال ضحكت وقالت: والله مش عارفه نسيته إزاي ، بس لأن فعلًا التلفون مش في دماغي وفي الطبيعي مش بمسكه كتير ف نسيته، وكمان بصراحه اليوم كان حلو جدًا ومميز في كل حاجه يا أكرم ،شكرًا بجد إنك لبيت طلبي وفرحت مها ، لأن هي غلبانة أوي وقلبها نضيف مش بتشيل من حد، وياريت بجد تساعدها تجيب حقها بقا .
أكرم: إن شاء الله يا آمال أنا مستحيل أتخلىٰ عنها، بس قوليلي إيه الجمال دا يبنتي ، دا إنتي حكاية في كل الألوان لكن في الأبيض مخصوص حكاية تانية يا آمال .
آمال قلبها بيدق بسرعة وإتوترت وقالت: أنت كمان جميل في الأبيض يا أكرم، أنا الأبيض أصلًا لوني المُفضل .
أكرم كرر كلام آمال عشان ينكشها: إممممم أنت كمان جميل في الأبيض يا أكرم!! ، جميل أوي يعني ولا نصف نصف🤔😂.
آمال ضحكت وإتحرجت وقالت: طيب سلام بقا هتكل أنا على الله عشان محاضرات بكره وشكرًا على كل حاجة يا أكرم عملتها عشان تفرح مها ، وشكرًا بردو علىٰ التلفون😂.
أكرم:العفو يا لولو....أقصد يا آمال ، بقولك ايه عملت ماتشي معاكي هااا😉.
آمال: هههههههه أخدت بالي😉😂.
____♜#الـڪَـاتِـبَـة_آيَـة_أحـمَـد_أبـوُداعـوُس♜_______
أكرم سرح في ضحكت آمال وفعلًا حس إنه بيحبها وإن دي البنت إللي عاوز يكمل حياته معاها .
( طلعوا فوق وأكرم رن علىٰ مها عشان يعتزرلها وفهمها اللي حصل وإنه كان شارب ومش في وعيه لأن كان بيعدي بفترة وحشة جدًا بس الحمد لله عدت على خير وإتغير في حاجات كتير، وإن هيساعدها ترجع حقها بس الإمتحانات تخلص عشان عاوزها تركز في دراستها وتجيب درجات حلوه عشاان تتخرج بتقدير )
مها: أنا بردو قولت إزاي أكرم يقولي أنا كده !! ، وواضح فعلا وقتها إنك كنت شارب ، بس بجد معزتك عندي متغيرتش يا أكرم، وشكرًا إنك قدراتي وفرحتني والهدايا كانت حلوه اوي.
أكرم: انا أسف يا مها بجد إنتي أختي واكتر حد بعزه في الدفعة، وانتي عارفه إن مش بكلم بنات بس إنتي البنت الوحيدة إللي بتعامل معاها لأنك حد جميل ونضيف يا مها ، وبالنسبه للهدايا ودا كله زوق آمال هي اللي ساعدتني لأن كنت عاوز أصالحك ، وهي إللي ظبطت كل حاجه وكانت عامله نفسها ناسية عيد ميلادك عشان تفاجئك.
ــ مها وهي متأثرة ومتفاجأة باللي آمال عملته عشانها: آمال!!! ، يعني آمال هي اللي رتبت كل دا عشاني!؟
أكرم: أيوه يا مها، آمال هي بتحبك أوي وكانت متعصبه مني أوي عشانك وبتخاف عليكي،إوعي تخسريها يا مها ، آمال دي جوهرة نادرة في الزمن دا متتعوضش ،وخدي بالك منها لان بردو على قد ما هي واعية وعارفه ربنا ، بس بردو لسه صغيره ممكن متقدرتش تفهم الناس من اول مره أوي ، وفي ناس كتير وحشه حواليها وهي آمال تحسي إنها لسه ببرائتها وطفولتها .
مها: كلامك مظبوط يا أكرم آمال فعلًا جميلة ، وبخاف عليها والله ، هي اختي الصغيره على الرغم إن عقلها كبير بحس إن أنا الصغيره قدامها ، بس في بنت اسمها بسملة هي مصحباها لكن بصراحه مش برتاح ليها وحذرتها منها قريب .
أكرم: بالظبط يا مها ، بسملة دي مش كويسة ومش سالكة ل آمال ، حاولي بجد تخليها بعيده عنها على قد ما تقدري وخدي بالك منها ومن نفسك .
مها: حاضر ، بس ليه إيه عرفك انها مش سالكة؟!.
ــ أكرم إتلبك لكن حاول يداري السبب الأساسي لأن مينفعش يقولها إنهم كانوا متفقين على آمال سوىٰ إنهم يكسروها ، لكن قطع صمته وقالها: يبنتي انا مش صغير، انا بفهم في الناس كويس ، وآمال مش شبه بسملة خاااالص ، وشكلها كده مش سالك، عشان كده بقولك خدي بالك من آمال وإنصحيها .
مها: أهااا ماشى يا عم أكرم يا حنين😉، خايف أنت أوي على آمال هااااا، لا وكنت عامل ماتشي معاها النهارده هلال😉😂 .
ــ أكرم ضحكت وقال: هههههه يبنتي عادي والله زي أختي وحوار الماتشينج صدفة علفكرة .
مها: أيوه أيوه صدفة أنت هتقولي😉😂.
أكرم: طيب يلا سلام يا غلباوية ، نامي بقا عشان تقومي الصبح فايقة ل محاضراتك وركزي اليومين دول في المذاكرة وقربي من ربنا أكتر ، وبإذن الله فترة الامتحانات دي تعدي وصدقيني حقك هيرجعلك وأنا المسؤول زي ما قولتلك ، بس ركزي في دراستك يا ست البنات وقربي من ربنا ، متخليش حاجه تعكر مزاجك ولا تعطلك ، وخليكي قريبه من آمال هي بنت كويسة وحافظوا على بعض .
مها: حاضر يا أكرم ، خد بالك من نفسك.
•تابع الفصل التالي "رواية امال ضائعه" اضغط على اسم الرواية
تعليقات
إرسال تعليق