رواية ملكت قلبي الفصل الثاني عشر 12 - بقلم ايمان احمد
كل حاجه انا الل اعملها دى بقت عيشة تقر...
بصت مليكة بصدمة اما شافت آسر وعيلته
مليكة بدهشة: انتم... آسر
بصوا لبعض بتعجب
والدة آسر بمرح: ايه ياعروسة مش هتقوللنا ندخل
بصتلهم مليكة بعدم فهم اما آسر فكان بيبتسم بمكر وهو بيفكر فى فكرة ما
قال قاسم بصوت واطى لامه
=ماما مش دى العروسة اختها
وشاورلها بعينه على مى الل كانت لابسة ومتشيكة اما مليكة فاافتكرت الماسك الل حاطاه على وشها ودخلت جرى تغسل وشها
بعد لحظات كانت والدة مليكة وصلت ودخلت تستقبل آسر وعيلته واتكلموا شوية بعدها
والدة آسر قالت بزوق: احنا كنا جايين نخطب بنتك...
= وانا مش موافقة
قالتها مليكة بحدة وهيا بتخرج فالكل بصلها بااستغراب
كملت مليكة بشجاعه: انا مش موافقة انى اجوزك ياآسر وقولتلك ميت مرة بطل محاولة لانى مستحيل ارجعلك
مى بااحراج: مليكة انتى بتقولى ايه؟
مليكة بحدة: زى ماسمعتوا انا مش هجوز الل اسمه آسر ده انا مش عارفة مفروض افهمك كام مرة انى بطلت احبك جايب عيلتك وجاى فاكر بالطريقة دى هتقدر تجبر*نى اوافق عليك و...
آسر بمكر: الظاهر ان فيه سوء تفاهم يامليكة
مليكة بعدم فهم: ايه!
والدة مليكة بااحراج: الجماعه جايين يتقدموا لمى اختك مش ليكى
بصت مليكة بصدمة وبعدين قالت باانفعال
= آسر عايز يخطب اختى مى ازاى وهو خاطب سيلا
والدة آسر بصوت واطى: ايه حكاية البنت دى انا مش فاهمة حاجة ياقاسم يابنى
قاسم بصوت منخفض: اصبرى بس ياماما الظاهر ان آسر ومليكة يعرفوا بعض
بصت مديحة لبنتها مليكة بحدة وقالت
= قاسم الل جاى يخطب اختك مى يامليكة
حست مليكة بااحراج شديد خصوصا اما شافت نظرات الشما*تة فى عين آسر
فدخلت مليكة اوضتها بسرعة وهيا مش فاهمه حاجة
مليكة بتفكير: قاسم جاى يخطب مى اختى طب ازاى ومحدش عرفنى ليه
بعدها بشوية كان آسر وعيلته مشيوا لما مليكة حست بهدوء وعرفت انهم مشيوا طلعت تفهم ايه الل بيحصل واتفقوا على ايه
وقبل مامليكة تنطق بحرف قالت مى باانفعال
=انتى اتجنن*تى ياست مليكة احرجتينا قدام قاسم وعيلته
مليكة بانفعال هى الاخرى: انا برضو الل احرجتك انتى الل احرجتينا اصلا ازاى ييجوا من غير ميعاد ايه قلة الزوق بتاعتهم دى
مى: ومين قال انهم جايين من غير ميعاد ماما كانت عارفة وانا عارفة
بصت مليكة لامها بدهشة فردت مديحة
=ايوا انا كنت عارفة انهم جايين يخطبوا اختك
مليكة: وليه محدش عرفنى بتعاملونى معاملة الغريب
مى: وانا بشوف وشك انتى اما فى الجامعه او ماسكة الكتاب وبتذاكرى محسسانى انك هتبقى سميرة موسى
مليكة بزعل: برضو كنتو عرفتونى بدل الموقف المحرج الل انا اتحطيت فيه ده.... انا مش فاهمه حاجة
وانتو بقى وافقتوا على قاسم؟
مديحة: هنستنى ناخد رأى ابوكى
🌟🌟🌟🌟🌟🌟🌟🌟🌟🌟🌟🌟🌟🌟
=ايه يافهد يابني مش هتقولي ايه الل شاغل بالك كدة
فهد باابتسامة: ولا حاجة ياماما
والدته بمرح: يعنى مش ناوى تقولى مين الل خطفت قلبك ياحبيبى
فهد بهدوء: لا ياماما مفيش حد انتى عارفة انى مش بفكر فى الحب
والدته بحنية: انا اكتر واحدة فى الدنيا يابنى بتفهمك ومتأكدة ان فى واحدة ملكت قلب ابنى حبيب قلبى
ابتسم فهد وهو بيفتكر مليكة وقال بهدوء
=حتى ياماما لو كنت بحبها مش هتفرق
والدته بلهفة: ليه يابنى بتقول كدة
فهد بتنهيدة: لان قلبها مع حد غيرى.... اهم حاجة بالنسبالى سعادتها انا مش عايز افرض نفسى عليها
والدته بزعل: طب مايمكن يابنى متكونش بتحبه وانت الل فاهم غلط بلاش تخسر حبك عشان اوهام فى دماغك
باس فهد راس امه بحنية وقال
=معاكى حق ياماما
بعدها تليفونه رن فرد
فهد بسرعة: تمام انا جاى حالا ربع الساعة بالكتير واكون عندك
التفت فهد لوالدته وقال
=ماما انا همشى دلوقتي خلى بالك من نفسك
رفعت والدة فهد ايدها وفضلت تدعيله ان ربنا يوفقه ويفرح قلبه
تانى يوم
فى الجامعه
حضرت مليكة محاضراتها بس مكنش فهد موجود فحست مليكة بالملل وكانت مضايقة انها مشافتش فهد
وهيا خارجة من المدرج سيلا زقتها بتعمد فكانت مليكة هتقع بس آسر مسك ايدها
سيلا بمحن: ماتحاسبى انتى عام*ية
شدت مليكة ايدها من ايد آسر وقالت بحدة
=اياك تفكر تمسك ايدى تانى.... وانتى شكل الكف الل خدتيه المرة الل فاتت مكانش كافى محتاجة كمان واحد
سيلا بحقد: انا هندمك على الكف ده يامليكة
سابتها مليكة ومشيت
كانت مليكة شاردة وهيا حاسة بالضياع وخايفة على اختها مش عارفة اذا كان مفروض تدعمها ولا قاسم هيكون زى اخوه آسر لحد ماقطع افكارها اما شافت البنات وهما بيبصولها ويضحكوا
بصتلهم مليكة بااستغراب لحد ماهما قربوا منها
بنت منهم بسخرية
=مش دى انتى يامليكة الل فى الفيديو ده
بصت مليكة على الفيديو و دموعها نزلت
مليكة بدموع: جبتوا الفيديو ده منين؟
قرب آسر وسيلا ومعاهم تارا وكانوا كلهم بيبصوا بشما*تة
ففهمت مليكة اما شافتهم ان دى لعبة منهم عشان يهينوها
سيلا بسخرية
= مكنش فى داعى تمثلى انك بنت ناس محترمة وانتى بتشتغلى خدامة فى بيت آسر
شهاب بخبث(واحد زميلهم): بقولك يامليكة احنا محتاجين خدامة فى بيتنا تعالى اشتغلى عندنا وانا هديلكم مرتب هيعحبك اووى
وضحكوا كلهم
حس آسر بالضيق وكان هيدافع عن مليكة بس سيلا مسكت ايده
فى الوقت ده كان فهد جه وشاف وسمع وهما عاملين يتنمروا على مليكة ويهينوا فيها فقرب فهد واول مالكل شافه بنظرته وهيئته خافوا وبلعوا ريقهم
فهد ببرود: كنتوا بتقولوا ايه؟؟
بصوا لبعضهم بخوف ومحدش اتجرأ يتكلم
قرب فهد من مليكة الل كانت دموعها نازلة وخد منها التليفون شاف الفيديو والل كان بيظهر فيه ومليكة بتقدم الاكل
ابتسم آسر بمكر وقال فى عقله
= كدة فهد هيبعد عن مليكة اما يشوف الفيديو ويعرف انها مش مناسبة ليه وبالطريقة دى هرجع مليكة حبيبتى ليا
رمى فهد التليفون بقوة فجت صاحبة التليفون تجرى وهيا بتميل على الارض تاخده بصدمة
فهد بتحذير: ده عشان انتى ضايقتى مليكة.... اسمعونى كلكم الل هيكلم مليكة بعد كدة او يفكر يضايقها كأنه ضايقنى وانا الل يضايقنى هيزعل جامد واظن انكم عارفين ده كويس
وبص لشهاب بنظرات قاتلة فبلع شهاب ريقه بخوف
اما آسر فقال بغيرة
= انت ملكش الحق انك تدافع عن مليكة لان مليكة حبيبتي
بصت سيلا بصدمة وكذلك الجميع
ابتسم فهد ببرود ومسك ايد مليكة وقال وهو بيبص فى عيون مليكة
= لا انت غلطان مليكة تبقى....
•تابع الفصل التالي "رواية ملكت قلبي" اضغط على اسم الرواية
تعليقات
إرسال تعليق