رواية اسيرتي البريئة الفصل السابع 7 - بقلم نور محمد
ياناااس الحقونا الظابط بيخطف بنت اختي من قدام القسم
الناس في دقيقه كانت متجمعه على صوت خالتي اللي ملئ المكان كله
وقال واحد منهم بتعجب
انت بتعمل ايه ياباشا سيب البنت حرام عليك
ردت ست بتأكيد على كلام الراجل قبلها
ايوه انت علشان ظابط كبير في الشرطه هتخطف بنات الناس كده عيني عينك
صرخ حازم فيهم بضيق وقال
ياجماعه دي مراتي مراتي وهي زعلانه مني شويه بس وفي البيت هصالحها
رديت على كلامه بسرعه وغضب
كذاب انا مش مراته الحقيني ياخالتي عاوز يخطفني بالعافيه
تقدمت خالتي وقالت بتوعد
ابعد عن بنت اختي احسن والله اجرى على القسم وابلغ عنك وفي شهود كمان
تهند حازم بضيق وسابني وانا جريت على خالتي هدى حضنتها بقوه وخوف وقولت
ياله ياخالتي نمشي من هنا انا تعبانه اوي
اخدني خالتي معاها وقالت
حاضر ياقلب خالتك يالا بينا ياحبيبتي
بصيت على حازم اللي كان باين عليه الغيظ اوي وركبت مع خالتي التاكسي وقبل مانمشي طلعت رأسي لحازم من العربيه وغمزت ليه بعيني بسرعه والتاكسي تحرك بينا
حازم صرخ بغيط
ماشي يامريم انا هفرجك ازاي تعصي كلامي ان ماجبتك زي الكلبه في شقتي وحبستك فيها ليا لوحدي مبقاش اسمي حازم الموجي
وبعد وقت وصلنا اخير لحارتي الحبيبه اللي وحشتني اوي نزلت انا وخالتي من التاكسي وقربنا من البيت لقينا الناس ملمومه زي النمل عند بيتنا
قربت علشان اشوف بيحصل ايه لقيت العساكر بتجروا شهد واحمد بالقوه وشهد بتصرخ بخوف كبير
سبوني انا معملتش حاجه هو اللي غلطان وكان يستاهل ابعدوووو عني
قربت منها قبل ماتطلع عربيه الشرطه واول ماشهد شافني قدامها صرخت بقوه
كله منك انتي وابوكي الخاين ياعقربه واكيد هتبقى زييه في الاخر خاينه برضو بس بدعي ربنا تموتي موته ابشع من موتت ابوكي يامريم
نزلت دموعي من كلامها قدامي وانا مش مصدقه انها نفسها اختي شهد اللي كنت مش بعز حاجه عنها كل ماكان بابا يجبلي لعبه اروح وعطيها ليها علشان متزعلش عمرى ماقولت لها لا في حياتي لاني كنت فرحانه اوي بوجودها هي واحمد اخويا معايا رغم اني كنت عارفه بكرها ليا من غيرتها مني بس عمري ماقدرت اكرها ابدا ربنا يسامحك ياشهد
وبعد ماشرطه اخدتهم ومشوا من الحاره كلها طلعت مع خالتي للبيت فتحت الباب ولقيت امي على الكنبه ودماغها ملفوفه بشاش ابيض فجريت عليها بقلق وخوف وقولت
ماما انتي كويسه ياحبيبتي مين عمل فيكي كده؟
ماما بصت عليا بدموع وشوق وحضنتني بقوه وقالت
حمدله على سلامتك ياقلبي انا فرحانه اوي علشان انتي هنا قدامي يامريم
رديت عليا بفرحه كبير
وانا كمان فرحانه علشان رجعت ليكي تاني ياماما
تمام اقعدي يابنتي انتي وشك اصفر وانا هحضر لكي الاكل فورا
قولت باعتراض
لا ياماما انا مش جعانه بس عاوزه اقعد اتكلم معاكي ممكن
ردت امي بحزن
عارفه يامريم انتي عاوزه تعرفي ايه وهحكيلك ياحبيبتي كل حاجه
وفعلا ماما حكتلي كل حاجه حصلت وانا كنت بسمع بصدمه كبيره ازاي بابا يعمل كده في ماما ده كان بيحبها اوي اوي
طبطبت عليها بمواساه وحزن
خلاص ياماما اهدى اللي حصل حصل وانا معاكي مش هسيبك ياقلبي ابدا بس متعيطيش ارجوكي
دمعت عين ماما بدموع حارقه وقالت
انا قلبي واجعني يامريم انصدمت في ابوكي واخواتك اللي تحولوا لمجرمين وبقى القتل سهل عندهم كده حتي انا حاولوا يخلصوا مني
نزلت دموعي على حالتها وقولت
منهم لله ياماما متزعليش نفسك انا معاكي
ربنا يخليكي ليا يامريم يارب
رديت ببسمه
اللهم امين ياقلبي طيب انا هدخل احضر لنا الاكل لاني بجد جعانه اوي
تمام يامريم
وفي الليل قعدت طاوله الاكل مع ماما وكمان خالتي هدى اجت قعدت معانا وكنا بنهزر ونضحك سوى بس فجأه سمعت صوت جرس الباب وقلبي دق بخوف معرفش ليه
قالت امي بقلق
قومي يامريم افتحي الباب ياحبيبتي شوفي مين؟
هزيت رأسي بطاعه وقولت
احم حاضر ياماما
توجهت للباب وفتحته وانا قلبي بيدق بسرعه رفعت عيني قدامي بتوتر وخوف وانصدمت لما لقيت حازم قدامي ومعاه اتنين عساكر وقولت بصدمه
حازم انت انت بتعمل ايه هنا؟!!
رد عليا حازم ببرود وقال
انا هنا في مهمه شغل
قولتله بصدمه وقلق
مهمه ايه هي انا قتلت حد تاني ظلم والا ايه؟
نادت عليا امي من الداخل بقلق وقالت
في ايه يامريم مين على الباب
رديت عليا بتوتر
ده ده الظابط حازم ياماما اللي في القسم
خرجت امي بتوتر وخوف وقالت بسرعه
ياساتر يارب في حاجه تاني ياباشا حصلت
اجابها حازم بجمود وبرود
اهدي يامدام كل حاجه تمام بس انا هنا في مهمه جوز المدام مريم رفع عليها قضيه في بيت الطاعه ومطلوب احضارها معايا لجوزها فورا
بلعت ريقي بخوف من رد فعل ماما اللي قالت بصدمه
نعم انت بتقول ايه جوز مين وامتي مريم اجوزت ومين جوزها ده
رد حازم ببرود وسخريه
جوزها اسمه حازم الموجي اللي هو انا ياحماتي وجيت في مهمه علشان اخد مراتي اسلمها لجوزها اللي هو انا برضو
بصيت عليه بزهول ووجهت نظري لماما اللي سمعته وبصت عليا بصدمه وزهوول ووووو
يتبع...بقلم نور محمد
#اسيرتي_البريئه
#البارت_السادس
نعم انت بتقول ايه جوز مين وامتي مريم اجوزت ومين جوزها ده
رد حازم ببرود وسخريه
جوزها اسمه حازم الموجي اللي هو انا ياحماتي وجيت في مهمه علشان اخد مراتي اسلمها لجوزها اللي هو انا برضو
بصيت عليه بزهول ووجهت نظري لماما اللي سمعته وبصت عليا بصدمه وزهوول
مريم اللي بيقوله الظابط ده صح يابنتي
رديت بخوف
احم ماما انا هفهمك كل حاجه حصلت انا
نزل كف قوي على وجهي من ماما اللي قالت بصوت عالي
انتي ايه ازاي تعملي كده من ورانا هو الجواز لعبه معاكي يامريم وازاي اصلا اجوزتي وانتي جوه السجن
تقدم حازم وقال
انا هفهمك ياحماتي
قالت ماما
تمام اتفضل ياباشا ادخل
حازم اشار للعساكر بايده وقال
انتو افضلو هنا على الباب لغايه مااخلص
تمام ياباشا
دخل حازم في الصالون وقعد قدام امي اللي قالت
اتفضل ياباشا قول اللي عندك
رد حازم ببرود
انا عاوز اخد مراتي بس ياحماتي وقسيمه الجواز اهه تقدري تتأكدي منها
امي اخدت القسيمه منه ودقيقه وشهقت بصدمه
اييه حسين المصري هو وكيلها؟!!
اجابها حازم بهدووء
ايوه عمها حسين المصري كان وكيلها وشاهد على جوازنا كمان
نزلت دموع امي بصدمه وحزن وقالت
طيب ليه تعملي كده يامريم يابنتي ليه توافقي تتجوزي باطريقه دي بدون عملي مش انا امك اللي ربتك العمر ده كله
نزلت دموعي غصب عني بندم وقولت
كنت خايفه ياماما لما مر عليا ثلاث ايام جوه السجن ومحدش سئل عني هناك خوفت اسجن ظلم وانا معملتش حاجه سامحيني ياماما ارجوكي
قربت وحضنتها بقوه وهي بقت تطبط عليا بحنيه وقالت
خلاص ياحبيبتي اهدي واللي اتكسر يصلح
قولت بتعجب
قصدك ايه ياماما
وجهت ماما نظرها لحازم وقالت بهدووء
بص ياباشا اللي عملته مريم ده غلط حتي لو عمها كان شاهد بس هي ليها ام كان لازم تقولي وكمان لسه معاها كليه ومستقبل علشان كده لازم كل حاجه ترجع لاصلها
رد حازم بصدمه
قصدك ايه ياحماتي
اجابته امي ببرود
قصدي ياباشا انت تطلق بنتي دلوقتي بالاصول وكل واحد يشوف حاله
ضحك حازم بسخريه وقال
ههههه انتي بتهزري صح اطلقها ليه دي مراتي وانا عاوزاها
رديت عليه بحده وانفعال
بس انا مش عاوزاك وزي ماقالت ماما طلقني وكل واحد يشوف مستقبله
قالت ماما بدعم
سمعتها ياباشا بودنك هي مش عاوزاك وانت اكيد مش هتقبل على نفسك تفضل مع وحده مش عاوزاك
رد حازم ببرود
لا اقبل عادي يالا يامريم اطلعي قدامي علشان نرجع بيتنا الوقت اتأخر
صرخت فيه بعصبيه
انت ايه البرود اللي عندك ده بقولك مش عاوزاك ايه هتاخدني معاك بالعافيه
اجابني حازم ببرود اعصاب
باظبط كده انا معايا امر من المحكمه لو مقومتيش معايا بازوق هاخدك من هنا باعافيه يالا يامريم اخلصي مش هفضل احايل فيكي انا
قولت بغيظ وبغضب
شوفتي ياماما بيقول ايه قدامك ده بيهددني
ماما ابتسمت بسمه غربيه وقالت ببرود
قومي معاه خلاص يابنتي احنا مش ناقصين مصايب
رديت بعند
لا لا مش همشي معاه على جثتي
وبعد ربع ساعه في عربيه حازم
علفكره انا مشيت معاك علشان خاطر امي بس
عارف عارف طبعا
طيب امتي هطلقتي؟
بعد شهر ابقى افكر لو عاوز اطلقك
نــــــعم؟!!!
صوتك لو بقى عالي تاني قدامي يامريم هقطع لسانك كله وكده تبقى اهدى واحلا
سكتت بضيق ومبصتش عليه حتي وبعد وقت وصلنا الشقه
مريم
مريم مش بكلمك ردي عليا
رديت بضيق
عاوز ايه؟
اجابني بخبث
عاوزك انتي
وانا مش عاوزاك او عاوزاك حتي تلمسني
نعم ياحلوه!!
زي ماسمعت انا مش عاوزاك ايه هتاخدني غصب
رد حازم بحده
لا طبعا انا مستحيل اعمل كده علشان رجولتي متسمحليش اعمل كده بس مش هصبر عليكي كتير يامريم
رديت ببرود وتشفي
يبقى بتحلم انا مش هقبل تلمسني تاني وعاوزه اطلق منك
قرب مني بغضب ومسك زراعي بقوه وقال بحده
مش عاوز اسمع كلمه طلاق دي تاني على لسانك لاني مش هطلقك يامريم
رديت بدموع
يعني هتفضل حابسني هنا بالعافيه
صرخ حازم في وشي بغضب
ايوه هحبسك هنا باعافيه لغايه ماعقلك ده يتقبل الحقيقه انتي صحيح خرجتي من السجن لانك بريئه بس سجن حازم الموجي مفيش خروج منه غير بأمري انا
اترعبت من كلامه قدامي وحازم سابني وتوجه للباب وانا جريت خلفه برعب
لا ياحازم والنبي مش تحبسني هنا ارجوك
هرجع بعد ساعتين يكون الاكل جهز انا جبت كل حاجه جوه في المطبخ ماشي ياقلبي
خلص كلامه وقفل الباب بسرعه بالمفتاح وخرج وانا فضلت اضرب في الباب بخوف بس بدون فايده
وبعد وقت قومت وتوجهت للمطبخ علشان احضر اكل زي ماطلب مني وقولت لما ياجي هحاول اتكلم معاه تاني يمكن يقتنع مني
مرت الساعتين وحازم مرجعش تاني وانا كنت لوحدي خايفه اوي بس فجأه سمعت صوت الباب فجريت عليه بسرعه وانا مفكره انه حازم طبعا
بس تسمرت في مكاني بصدمه لما لقيت شاب تاني دخل البيت وكان طويل اوي ووسيم جدا قربت منه بخوف وقولت
انت انت مين ودخلت هنا ازاي؟
بص عليا بتعجب وصدمه وقال
انتي اللي مين وبتعملي ايه هنا؟!
رديت بتوتر
احم انا مرات حازم بيه صاحب الشقه دي انت اللي مين؟
سمعني وضحك بصوت عالي وانا خوفت منه وتراجعت بسرعه من قدامه وهو قرب مني وبص عليا بسخريه وقال
مراته ياهلا وسهلا يامرات ابويا
ايييه انت بتقول ايه مرات ابوك
كتم ضحكته عليا بصعوبه وقال
اهدي اعرفك على نفسي الاول انا سيف حازم الموجي ابن جوزك وووووو
•تابع الفصل التالي "رواية اسيرتي البريئة" اضغط على اسم الرواية
تعليقات
إرسال تعليق