رواية الاميرة و المغترب الفصل الحادي والسبعون 71 - بقلم الاء اسماعيل
بارت 71 🔥
اقترب منه خالد يلكمه بغضب : ده لانك حرقت د"مي طول اليوم بسبب مسرحيتك السخيفة دي 😤
ثم احتضنه باكيا و هو يشدد على حضنه: و دي لانك لسة عايش النهاردة اسوأ يوم مر عليا في حياتي 😭
احتضنا بعض بشدة و هو يتذكر قصة مكانهم الآمن كما يسمونه " الملاذ"
فلاش
كان خالد و ياسين في حوالي 14 من العمر وقتها يلهوان بالقرب من بيت الجبل في الغابة الكثيفة و فجأة سرح ياسين كعادته ..
خالد : رجعت للتوهان تاني ؟ هو انت مش بتبطل تفكير خالص !
-لو بطلنا تفكير معناها مت"نا...
-ايه الكلام الغب'ي ده !!
-غبي ليه؟ يعني بذمتك واحد مش بيفكر في أي حاجة بتسميه عايش انت ؟؟ انا من رأيي يروح ينت"حر احسنله 🙄
خالد : يا دي افكارك الفلسفية ... اللي مش بافهم منها حاجة
-لأنك مش بتقرا كتب...ده السبب .
-طب خلينا في موضوعنا..كنت بتفكر في ايه ؟ أكيد حاجة غريبة زي العادة
-كنت بافكر اعمل مكان سري لينا احنا الإثنين بس ...محدش يعرفه غيرنا
خالد : يا سلام فكرة حلوة اوي ☺️.. تجي نصنعه في شجرة البلوط دي بص كبيرة قد ايه ؟؟ هيبقى زي اللي عمله روبنسون كروزو في كرتون فلونا
-فلونا ايه يا ع"بيط ...انا عايز اصنع بيت زي اللي بيعملوه العبط اللي هنا قال يعني يحميهم من اي كارثة ممكن تضرب الارض و تقضي على البشرية تقوم تقولي بيت شجرة؟ شايفنا عيال عندنا 6 سنين يا لودة؟! ما تكبر عقلك معايا ...انا عايز حاجة تشبه الغرفة المحصنة... زي بتاعة جيمس بوند كدة
خالد بتهكم : لاااا انت الظاهر افلام و كتب الاثارة و الجو"سسة لحست دماغك خالص 😮💨...هنعمل غرفة محصنة ازاي انت فاكر الموضوع بجد؟ ده عبط افلام بس !!
ياسين : بس انا ناوي ارجعه حقيقة و هسميه "الملاذ" Sanctuary
خالد: و هنعملها ازاي دي ؟؟
-بمساعدة بابا طبعا
-طب عندك فكرة ؟؟
-ايوة ...فكرت في المكان و مبدئيا عندي فكرة و هنخلي بابا يشوف لنا ناس متخصصة تساعدنا
-مكان ايه ده
-بيت الجبل...بافكر نحفر جوة الجبل اللي وراه اوضة و التقنيات لسة بتتركب في دماغي لما أوصل لفكرة هبقى اقولك
عودة من الفلاش
جلس ياسين ضاحكا بينما يضربه خالد بلكمة على كتفه بتذمر قائلا
يعني انا طول اليوم قلبي هيوقف من قهرتي و انت مستني هنا و بتضحك ولا على بالك !! يا برودك يا شيخ 😓
اجابه ياسين ضاحكا : بس بجد ايه اللي خلاك طولت على ما فهمت !! بصراحة بعد السنين دي كلها اللي قضيناها مع بعض كنت فاكرك بقبت انصح 🤨😉😂
خالد و هو يجلس بجواره و هو يتنهد براحة
-يا اخي هو انت سبتلي حيل عشان افكر !! انا دماغي وقفت أصلا عن التفكير اول ما سمعت الخبر ...ده انا لولا سحر قالت أنه في مكان أمان ما كنتش افتكرت أصلا مكاننا الآمن
-لا يا شيخ !!؛ كل ده و في الاخر سحر هي اللي حلت اللغز مش انت !! لا بجد برااافو عالنباهة ..انا قلت اول ما تشوف عامل الجرافة انطوان هتفتكر
-انطوان !! قصدك اللي حفر لنا البيت في الجبل؟؟..و انا هشوفه فين؟؟
-ماهو اللي كان هناك وقت الحادثة اومال انا اتصلت بيه ليه ؟ ده واخذ مني مبلغ محترم عشان يحكيلهم القصة بشكل مرعب 🙄😂...و طبعا اتوقعت انك اول ما هتلاقبه هناك تجيلي فورا
خالد بضيق : يعني الناس بتقول صديقك عامل حادثة و ما'ت و انا رايح اشوف مين صاحب الجرافة اللي كان شاهد ؟؟
-و الله انا اعرف مقولة بتقول " النباهة تقتضي ان تظل دماغك متيقظة حتى في اشد المواقف صعوبة و احلكها سوادا كي تستطيع إجتياز اي محنة بأمان"
ضربه على كتفه ثانية بضيق و هو يقول :يا اخي بقولك دماغي اتشلت ...تقولي النباهة تقتضي مش عارف ابه؟ مش ناقصني غير تريقتك و درس في العربي دلوقت..و بعدين مين اللي قال المقولة دي ..اوعة تقول لي انا زي عوايدك ..🤨
ياسين بضحك : هيكون مين يعني ؟😂
خالد بتذمر :طب حط نفسك مكاني يعني لو انت كنت في الوضع ده و اتقالك اني متت كنت فهمت انها لعبة !! ياخي ملعون ابو افكارك الز"بالة يا شيخ 😓
ضحك ياسين قائلا: و مين قالك أصلا انها فكرتي !! 😕🙄
خالد بتعجب: لا و الله !! اومال فكرة مين ان شاء الله ؟؟
ياسين بإبتسامة:أم الافكار طبعا : أم أحمد 🙂
في مصر
-ازيك يا حنان
حنان : الحمد لله بخير و انت اخبارك ايه☺️
بدر : الحمد لله ...انا اتصلت أقولك إن أبوكي أتصل بيا من شوية
حنان بحماس : بجد ..يبقى أكيد حددوا معاد الفرح ! 😍
بدر بحزن : لا يا حنان مفيش فرح ولا حاجة..الجو اتلخبط خالص 😮💨
حنان بخوف: ليه ؟؟حصل ايه ؟ 😰
بدر بحزن: جوز بنت خالتك أميرة عمل حادثة النهاردة
-انت بتقول ايه ؟ مسكينة أميرة تلاقيها مفزوعة دلوقت .. طمنني حصله حاجة ؟؟
بدر :المسكين ما"ت في عز شبابه قبل ما يفرح بمراته!
صرخت حنان دون شعور : يبقى عملها دانياااال الگلب !! 😱
بدر بدهشة: بقولك عامل حادثة لوحده يعني قضاء ربنا ايه اللي جاب سيرة الگلب ده 😤
فكرت حنان ثم قالت بلا تردد: لا يا بدر ...ده ترتيب الگلب دانيال ...مش هو كان عايز أميرة بأي ثمن؟؟ متأكدة ان هو اللي عملها.. الوا'طي ده مش بيسيب انتقامه من حد أبدا حتى لو فيها قط"ع رقبته ..انا عارفاه كويس
بدر بغيرة جنونية و هو يتذكر علاقتها به : طب سكي عالسيرة دي خلاص 😤 يا ريتني ما اتصلت 😒
شعرت بالإحراج حين راجعت كلامها فقالت : بدر انا آسفة مكانش قصدي
-قلت خلاااااص 😡😤...ودي التلفون لسلمى ..سلام
قبل أن يقفل قاطعته : بدر استنى !!!
نفخ بضيق : اووفف ..ايه تاااني !!! 😮💨
حنان : انا عايزة كوارع 🥺
بدر بضيق: معاكي فلوس ابقي خلي ابوي يجيبلك من هناك و اطلبي من أمي تطبخهملك
كان سبقفل حين قاطعته ثانية : بس انا مش عايزة الكوارع اللي بتطبخها امك😓 ...انا عايزاها جاهزة من عند المطعم اللي عند الكوبري اللي جبتلنا من عنده مرة مش فاكرة قلت اسمه ايه 😥
بدر بتفكر : مطعم الحج شعبان؟ 🤨🤔
حنان بفرحة: ايوة هو ده .. 😋 حاطط فيها بهار غريب كدة
بدر بآلية : خلاص ..خلاص ...هابقى اجيبلك معاي لما تجي نوبتك 🙄..يالا دلوق...
كان سيقفل حين قاطعته المرة الثالثة :اوووف يعني لسة هاستنى ثلاث ايام !!بقولك نفسي هفتني على الكوااااااارع 😓
فكر بدر ثم قال بمكر: خلاص هأكلم ابوي اخليه يجي بكرة يشتريلك من عند عمي ش ...
قاطعته بلهفة قبل ان يكمل جملته: لااااا
ثم انتبهت لنبرتها فتراجعت قائلة: قصدي . ..مش حلوة نتعب عمي على حاجة هايفة زي دي..و كمان .. باتكسف منه 😰
ابتسم على لهفتها و نسي ضيقه قائلا : خلاص ..بكرة اول ما اخلص شغل هأشتريلك كيلو و اجيبهولك ..حلو كدة؟ 🤨
حنان بفرحة: ااااوي 🥰...قصدي ..تمام 😌 .. براحتك 🙄
-طب يالا مع السلامة🙂..
كانت ستقفل حين فاجأها بقبلة في الهاتف و هو يهمس
-في شفايفك العسل يا نونة 😋
امسكت الهاتف و وضعته بالقرب من قلبها الذي كان يخفق بشدة
دخلت سلمى في تلك اللحظة و رأتها هائمة و قد اخذتها تلك القبلة في عالم اخر
وضعت سلمى يدها على خدها تتابعها الى أن انتبهت الى وجودها و هي تقول : اللي واخذ عقلك يا عينيا
-سلمى ! انتي دخلتي امتى ؟ 😥😕
سلمى بتهكم : لما كنتي غرقانة في العسل ...هاتي بقى كان بيقولك ايه خلاكي غرقتي كدة ؟ حاكم انا عارفة اخوي قليل أدب 😁
حنان بحدة -جرى ايه يا بت انتي !! هيقولي ايه يعني ؟ و بعدين انتي مالك وحدة و جوزها ! 🙄😏
- اااه قلتيلي جوزك !! طب هاتي التلفون بتاعي لو خلصتي وصلتك الرومنسية انتي و هو و تاني مرة قوليله يجيبلك تلفون ما دمت انا العذول ما بينكم 😤
اخذت هاتفها كانت تهم بالذهاب و هي تتدعي الزعل فقالت حنان في محاولة ان تراضيها : استني استني .. رايحة فين هو انتي على طول قموصة كدة؟؟
التفتت سلمى قائلة بتصنع الجمود : اديني استنيت ...فيه ايه؟🙄
فقالت حنان بحبور : جاي بكرة 🥰
سلمى بدهشة: يا بنت الجنية!! عملتيها ازاي دي😱 !!!ده قرب يسكن عندنا من لما جيتي ..بعدما كان كل فين و فين على ما يشق!! ،
حنان بتصنع البراءة: قلتله عايزة كوارع 🙄
-يا سلام !!و ده سبب يخليه يجي من الزرقا لرأس البر عشانه 🤔؟؟ ماكان ابوي يجيبلك من هنا و خلاص
-بس أنا عايزاهم من مطعم هناك
جلست سلمى :اوعي يا جااامدة !! ده انتي طلعتي أستاذة بقى ...😁
ضحكت حنان على كلامها
-على فكرة خلي بالك من سنية اصل غضبها وحش...مش عارفة ايه اللي ممكن تعمله لو استفزتيها اكثر من كدة
-ليه بقى ؟ ماهو جوزي زي ما هو جوزها 🙄
- أيوة جوزك بس في نوبتك مش في نوبتهم !
حنان بتصنع اللامبالاة : هتقدر تعمل ايه يعني ؟
-مش عارفة .. بس كل شيء وارد في قاموسها ...
- طب سيبينا منها انا عايزة اطلب منك طلب 😁
- اتفضلي اطلبي على الله بس ميكونش فلوس
- اعمل ايه بالفلوس ؟اصلا بدر مخليلي مبلغ محترم في حال احتجت اي حاجة
-اومال عايزة ايه ؟؟
همست حنان في اذنها فضربتها سلمى لكتفها و غمزت بمكر
-يا قليلة الادب ! 😂 حاضر ...بكرة الصبح هاطلع اشتريلك اللي انتي عايزاه بس بشرط ...لما اتجوز تعلميني كل حركات الدلع بتاع المتجوزات دي 😁
في القصر
استيقظت أميرة بتثاقل و هي تنظر حولها و بينما تمسك رأسها بصداع تحاول أن تتذكر ما حدث و هي بين الصحو و المنام
-هو ايه اللي حصل !!انا فين؟؟ ماماااا ...مااااامااا
دخلت أم أحمد مسرعة : انتي صحيتي يا بنتي!😥
أميرة بتثاقل و هي تحاول فتح عينيها : هي الساعة كام يا ماما ؟
-الساعة عدت احداشر بالليل يا بنتي !! ..نامي يا ضنايا
أميرة بضياع و هي تنظر الى اللاشيء: اومال ياسين فين يا ماما ! 😫 انا ...انا حلمت حلم مرعب اوي ...حلمت أنه 😓..لاا ..مش قادرة 😫😓
جلست أم أحمد معها و احتضتتها بحزن -نامي يا روحي .. نامي و الصباح رباح
تململت في مكانها بسبب ذلك المنوم القوي الذي لا تزال تعاني من اثاره و سرعان ما غطت في النوم ثانية بين احضان أم أحمد التي قالت بحزن : سامحينا يا بنتي ...بس غصب عننا... أكيد هتعذرينا لما تفهمي كل حاجة
توجهت أم أحمد الى غرفتها و تمددت بحزن و هي تسترجع ما دار بينها و بين ياسين قبل الزفاف بيوم
هنرجع بالزمن لورا
حكت ام أحمد لياسين حلم أميرة و هي تسأله
-هو انت ليك أعداء يا ابني ؟
-ايه السؤال ده ! أكيد عندي ...ما انا رجل اعمال !
-لا بس دول أعداء من نوع خاص مش أعداء عمل الحلم ملوش تفسير غير كدة ... فيه اثنين بيتربصولك و كل واحد اكثر شر من الثاني
تنهد ياسين بعمق و قال : ايوة ..فيه اثنين فعلا
-احكيلي يا ابني ...يمكن اقدر اساعدك
فكر ياسين قليلا ثم قرر البوح فهو يثق في بصيرة أم أحمد و افكارها
حاضر هأحكيلك ...الاول يبقى الگلب اللي خطفها قبل كدة و مش هيرتاحله بال غير لما ينتقم مني و ياخذ أميرة تاني
و الثاني ده عدوي الأزلي :ايهاب ابن عمتي...واحد حقود و الغل و السواد مالي قلبه من ناحيتي
-بيكرهك من الباب للطاق كدة !! اكيد فيه سبب بس انت ما تعرفوش!
-لا هو في الواقع انا اعرف السبب.... ابوه و ابوي الله يرحمه
-بمعنى؟
-انتي فاكرة طبعا لما جدي الله يرحمه استشهد في حرب اكتوبر
-الا فاكرة .. الله يرحمه
-و عارفة ان جدتي ما استحملتش و حصلته بعد سنتين
-اايوة ... ربنا يرحمهم جميعا يا ابني
-عمتي وقتها كان عندها 12 ..ابوي صحيح اكبر منها 4 سنين بس كان مسؤول عنها كإنه ابوها بالضبط و كان بيشتغل و بيدرس عشان ميسيبهاش تتلطم بين الاعمام
بس مع آول سنتين جامعة الوضع بقى صعب عليه اوي و مع ضغوطات شديدة من العيلة عشان يجوزوها يا اما تفضل خدامة عند نسوان اعمامهم وافق انها تتجوز و هي عندها 17 و جوزها كان عنده 33 ..واحد قريبنا من بعيد بس مريض نفسي عنده الوسواس و الشك يمكن تكوني سمعتي حاجة زي كدة
أم أحمد : وقتها يا ابني احنا كنا قافلين على نفسنا و ابوي عامل علينا حصار لا كنت عارفة بيحصل ايه و لا مين اتجوز مين و بعدها اتجوزت على طول و جيت هنا مع عمك سليمان يعني مكنتش مهتمة بحكايات الحارة كثير
ياسين :
عمتي حملت فورا و خلفت ابهاب و ابوي رغم انشغلاته الكثيرة كان دايما بيودها و عمره ما أتأخر عنها في حاجة ..
و كان بيحب ابنها كإنه ابنه...بس المشكلة في ابوه ..كان بيكره بابا و لو يقدر يق"تله مش يتأخر...
حاول يبعده عن عمتي بكل الطرق بس علاقتهم كانت أقوى من أن واحد مريض يفرقهم ...
بدأ يضايق عمتي بتصرفاته و كل ما كان يزورها ابوي كان بيسود عيشتها بعدها... اتحملت عمتي ظلمه و شكه و كان ابوي دايما بيصبرها اكمنه كان قليل حيلة وقتها لا عنده شغل ثابت و لا مكان ثابت
و عدت السنين و بقى جوز عمتي ينقل كرهه و حقده لابنه
اللي بدأ يتغير مع ابوي ... وعلى قد ما كان ابوي بيحاول يقرب منه و يحبه كان هو بيبعد و بيكرهه اكثر ..لحد ما ابوي اتجوز و خلفني ..ايهاب وقتها كان عنده 12
ابوي كان بياخذني كثير عند عمتي اللي كانت بتحبني اوي ...بس للأسف والد ايهاب كان دايما مفهمه انها بتحبني انا اكثر منه لاني ابن الغالي ..و بتكرهه هو لانها بتكره ابوه و الفكرة اتزرعت في دماغه جدا
لما بلغت خمس سنين ابوي خاف عليا من شرهم هو و ابوه و قرر اننا نبعد خالص و صفى كل الشغل في مصر و جينا هنا. .بس ده ما يمنعش اننا كنا بنتقابل في الاجازات
كنت كل ما باكبر حقده ليا و كرهه بيزيد و خصوصا مع المقارنات اللي كانت بتتعمل ما بيني و بين ولاد العيلة ...لاني كنت متميز عنهم ...و من لما كان عندي يجي 5 سنين و انا مش بالعب مع الولاد اللي من سني .. و مصاحب ولاد اكبر مني بكثير و باتفوق عليهم في كل حاجة و ده كان مجنن ابهاب ..و مجنن ابوه اكثر منه ... كان بيعاقبه بابشع عقوبات كل ما حصل مني موقف او فكرة و الناس اعجبت بيها...و عقابه ليه بيزيد كل ما مديح الناس ليا بيزيد ...كان محمله فوق طاقته و عايزه احسن مني و متفوق عليا بالغصب عندا في ابوي مع أنه أكبر مني بمراحل و المفروض مفيش مجال للمقارنة ما بيننا !
ام أحمد : يا ساتر !! هو فيه ناس كدة ؟؟
-قلتلك كان مريض نفسي و اهله مش راضيين يعترفوا بكدة و يعالجوه ..خايفين للناس تقول عن ابنهم مجنون
-اكبد عمتك المسكينة عانت كثير منه
-أيوة ...بس ربنا ريحها منه ...لأنه ق"تل نفسه
-اه بالحق انا سمعت حاجة زي كدة بس مش عارفة التفاصيل !
-كان وصل مرض الوسواس عنده لمرحلة متاخرة و فاكر عمتي بتخو"نه و وصلت بيه أنه اشترى مسدس و جيه و في دماغه أنه يمسكهم هو و هي متلبسين
دخل البيت بطريقة ارعبتها و هو ماسك السلاح و بيصرخ باسمها قامت هي من خوفها استخبت في الدولاب
دخل اوضة النوم ما لقاش حد كان هيطلع شاف نفسه في المراية و اتهيئله أنه ابوي قام مصوب السلاح ناحية المراية و ضرب نار و هو بيقول : محموووود ...كنت عارف انها بتخو"ني معاك ...كنت عارف ان حبك ليها فيه إن مش حب اخوات يا گلب
الرصاصة كسرت المراية اللي أرتد ازازها عليه و دخل جزء منها في دماغه.. وقع وسط الازاز و هو بينزف من كل مكان
اهله الطماعين كانوا عارفين ان اخوها معاه فلوس كثير
قاموا اتهموا عمتي وقتها انها قت"لته عشان تخلص منه و طالبوها بتعويض كبير لولا ستر ربنا و فضله...
- ازاي ؟
-اتاريه كان حاطط كاميرا في الاوضة عشان يراقبها و التسجيل التقى و الكل عرف أنه ق"تل نفسه
ايهاب من بعد الحكاية دي تقريبا اتجنن و بقت تظهر عليه اعراض مرض ابوه ...بس عمتي اخذته على دكتور نفسي
صحيح اتحسن عن الاول بس كرهه ليا ما اتغيرش ...لسة عايز يثبت للكل إنه احسن مني في كل حاجة ..و كمان لسة فاكر ان عمتي بتحبني انا و عمرها ما حبته
و عشان تكمل معايا اكثر ..اتخيلي إتجوز مين ؟؟
نظرت اليه ام أحمد بتساؤل فأجاب بسخرية: سما المصري نظرت إليه أم أحمد تنتظر التكملة فقال بتعب: اخت سيدرا
تساءلت ام أحمد بدهشة: اخت سيدرا؟
ياسين :انا ما حكيتلكيش بعض التفاصيل في حكاية سيدرا
الوا'طي اللي اتجوز خالتي و نصب عليها اسمه فؤاد المصري ابوه مصري و امه تركية ...طبعا واحد زي فؤاد ده أكيد مكانش هيخطف طفلة عندها سنتين من. امها لو مكانتش معاه ست تساعده في تربيتها! !! دي كانت حبيبته : عبير
اول ما وافقت خالتي تعمله توكيل اخذ كل حاجة و سافروا هوما الثلاثة ... عبير حملت على طول و خلفت منه سما
و لما سيدرا كبرت و حصل اللي حصل عبير و سما رجعوا مصر و سابوه في تركيا ..و كانت على اتصال دايما باختها
ام أحمد ؛ طب و بعدين ؟؟
-يا ستي سما من لما ما"تت اختها و هي محملاني ذنبها و مصممة تنتقم مني ..فضلت سنين تخطط و تفكر و في الاخر ما لقتش حد بيكر"هني اكثر من ايهاب عشان يساعدها في كدة قامت اعترضت طريقه و خلته يحبها و يتجوزها و بكدة اتحد الشيطا"نين و بقوم كتلة شر وحدة ...و مش هيهنى لهم بال غير لما امو"ت 😓
خصوصا بعد اللي حصل لإيهاب من ثلاث سنين ....بقى عندهم هدف تاني غير الانتقام : هو الفلوس
ام أحمد : و ايه اللي حصل له؟؟
ياسين : يا ستي سما دي وحدة طماعة مع أنه دكتور و مرتبه حلو اوي بس مكانش مكفيها ...كانت منتفة ريشه بطلباتها اللي مش بتخلص لدرجة أنه بقى بيشتغل في اعمال مشبو"هة و بيعمل عمليات ممنوعة في شقة كان مأجرها بشكل سري ده غير أنه دخل في شغل مع عص"ابات تجارة الاع"ضاء عشان يلحق على مصاريفها
أم أحمد : يا خبر !! هي الحقا'رة وصلت معاه لكدة!
ياسين : و اكثرر...المهم اتعرف الموضوع و اتسحبت منه رخصة الطب و اتشطب اسمه من نقابة الاطباء من 3 سنين...بس المشكلة أنه دافع فلوس كثير عشان الموضوع ده ما يوصلش لحد و بالخصوص ليا ...و عامل نفسه مكمل كطبيب عادي و بيسافر مؤتمرات و غيرها و كله عالفاضي 🙄 بس هو عمليا عاطل من 3 سنين و عايش عالمرتب اللي ببعثه لعمتي و عشان كدة عاوزين مو"تي باسرع وقت عشان يورثوا
.
فكرت أم احمد في كلامه قليلا ثم قالت : طب و ماله ؟؟ نديهم اللي هوما عاوزينه !!
ياسين بعدم فهم: افندم!!
-مادمت متأكد انهم مش هيتطمنو و يبطلوا شر ولا هيرتاحلهم باب غير لما انت تمو"ت يبقى انت لازم تمو"ت !
-ايوة ليه ؟؟
- انت مش هتقدر تكشف لعبتهم غير بكدة
ياسين بقلق :ازاي !؟؟
ام أحمد : انا اخذت عن ابن عمتك فكرة هقولك رأيي و انت فكر فيه براحتك
اعطته اقتراحها ففكر ياسين قليلا ثم قال : و الله فكرة جنونية ...بس حلوة اوي و معاكي حق في كل كلمة قلتيها عن ايهاب ..بس فيه مشكلة وحدة !
-مشكلة ايه
ياسين : أميرة و عمتي !!
-انت و اميرة طريقكم واحد يعني ده قدرها يا ابني زي ما هو قدرك ...لو بتحبك بجد فهي لازم تضحي التضحية دي عشانك
ياسين : تضحية ايه دي ممكن تروح فيها ؟؟ ما نقولها عاللعبة عشان تبقى عاملة حسابها
ام احمد بتفكير : ما ينفعش
ياسين بضيق : يعني عايزاني احر"ق قلبها من تاني يوم جواز يا ماما؟
-يا ابني افهم ! مادمت بتقول انهم كتلة شر ...يبقى أكيد هوما اذكياء بنفس قدر ذكاءك و ييفهموها و هي طايرة مش كدة؟
-ايوة حصل ...كلامك مضبوط ! 🤨🤔
-يبقى أكيد حذرهم هيسبق مكرهم و هيراقبوا تصرفاتنا كلنا و أولهم اقرب الناس ليك: مراتك و عمتك ...عشان كدة حزنهم لازم يبان حقيقي ... تخيل وحدة يموت جوزها بعد تاني يوم جواز و هي قاعدة صابرة و متحملة عادي !! ولا عمتك !وحدة مريضة قلب و بتحبك اكثر من نفسها.. ...لو ما دخلتش الإثنين في صدمة يبقى الموضوع كله مشكوك فيه و مش هتعرف نخليهم يقتنعوا بجد بمو"تك ولا هتخليهم يعترفوا فاهم !!
-كلامك منطقي يا خالتي بس خايف ما تقدرش تستحمل الصدمة لا هي ولا عمتي !!
-اميرة قوية ...هتعدي الازمة...للأسف دي ضريبة لازم تدفعها
مش سهل انها تتجوز ميلياردير و عنده أعداء بالخطورة دي
لازم هي كمان تقدم تضحيتها .. و عمتك ربنا يسترها معاها و تعدي الازمة على خير
عودة الى الحاضر
ام أحمد : ان شاء الله بس ما يطولش الموضوع ...يا رب تنكشف الحقيقة بسرعة عشان الغلبانة اللي راقدة جوة دي 😔
عند خالد و ياسين
خالد بصدمة : انت بتقول ايه !! أم أحمد اقترحت عليك الفكرة المهببة دي ؟
-صبرك عليا ما تبقاش متصربع ..خليني اشرحلك الاول
خالد: اتفضل سامعك.🤨
حكى ياسين كل شيء بالتفصيل بخصوص ايهاب و دانيال و مخططاتهما و محادثته مع أم أحمد
شهق خالد بصدمة : يااااه !! ده الموضوع طلع كبير اوي !!
ياسين : هو كبير فعلا ...على الله تنجح فكرة ام أحمد بس
خالد بتوتر : بصراحة مش عارف اقولك ايه .. 😰
ياسين : مالك ؟؟ ايه اللي مش عارف !
-انا مش مع أم أحمد في حاجة
-حاجة ايه
-ما اعتقدش أميرة بالقوة دي ...انا بيتهيئلي ان كل الظروف اللي حصلت معاها الفترة اللي فاتت خلتها ضعيفة و ابسط مشكلة هتكسر ظهرها...فما بالك بقى بمو"ت جوزها اللي بتحبه ثاني يوم و هي ما لحقتش حتى تتجوزه بجد!! انا بقول ان الموضوع يفوق قدرتها على التحمل
ياسين بقلق : ربنا يعدلها بقى .. مش عايز افكر في الموضوع ده كثير و ما صدقت نسيته... و انت جاي دلوقت تفكرني فيه !! انا اصلا بيتفتت قلبي من الوجع كلما افتكرت حالتها عاملة ايه...و ارجع و اصبر نفسي بحاجة وحدة
-اللي هي ؟
-اني بثق في أم أحمد و رؤيتها للأمور و الناس ..و مادامت هي متأكدة من كدة يبقى انا متطمن ...المهم ...هي ازيها دلوقت ؟؟
خالد : هي واخذة منوم مش هتفوق بسرعة... ..انت قلت انك كنت مستنيني مش كدة؟؟
ياسين : ايوة ...عندنا شغل كثير...تقدر تسمعني وتفتحلي وذانك ولا اجيبلك كشكول عشان تديه لسحر تذاكرهولك تاني!! 🙄😂
-يا عم بلا هزارك الباي"خ ده دلوقت! ما قلنا مكنتش قادر افكر يا تافه ..مش هتنسى بقى !!😤
ياسين بضحك : خلاص بهزر بس . يالا هافهمك المطلوب منك عشان تلحق تمشي الوقت متأخر اوي دلوقت هيسألوك كنت فين و سين و جيم و هيبتدوا يشكوا
خالد: يشكوا ليه ...صاحبي ما"ت و مقهوو"ور عليه و محتاج اقعد لوحدي عشان احزن براحتي!
ياسين بضحك: ماشي يا عم ... اسمعني كويس
كانت فاتن تترقب في سريرها منتظرة ان يغط صالح في النوم العميق
و أخيرا تاكدت من كونه لن يصحو فتسحبت ببطء و هي تلتفت حولها الى أن خرجت من الغرفة فهمست لنفسها
-بكرة هيبقى فيه زحمة و ناس كثير مش هاعرف اخذ راحتي ... يا رب تضبط الليلة و الاقيه
خرجت من الجناح و هي تنظر هنا و هناك : حلو اوي ..الكل نايم ده الوقت المناسب
صعدت الى الأعلى على أطراف اصابعها الى أن وصلت الى جناح ياسين ...حاولت فتحه لكنه مغلق بالمفتاح
-اكيد عجوز النحس اللي اسمها ام أحمد ...اوووف 😤
عادت ادراجها و هي تتلصص خوفا من ان يصحو احد
و هي تهمس لنفسها
-اعمل ايه دلوقت ؟؟ خايفة ما الاقيش فرصة تانية بعد كدة
نظرت هنا و هناك ثم تذكرت شيئا فقالت لنفسها: هو قال ان كل حاجة هنا اصلية ! يعني كل حاجة تساويلها ملايين!
التفتت لتجد بيضة ذهبية موضوعة على المنضدة الموجودة في الصالة فوضعتها تحت ثيابها و انصرفت الى الغرفة و هي تقول : يالا ..احسن من مفيش على الله بس بكرة الاقي فرصة تانية
ياسين : ها سجلت كل المطلوب منك ؟؟
خالد : تمام ...و هاتحرك من دلوقت
كان يهم بالخروج حين اوقفه ياسين قائلا
-المهمة كلها معتمدة عليك ...ما تنساش ! تفضل تمثل انك حزين على صديقك الوحيد اوعة تخلي حد يشك فيك !!
-عيب عليك ..هو انا ما قلتلكش انهم إستدعوني امثل في فيلم أمريكاني كندي بس انا اعتذرت منهم لاني مش بحب الشهرة🙄؟
-لا ما قلتش.. و يالا بالسلامة مش عايز اعرف 🙄
كان سيذهب لكنه تذكر شيئا
-انت قلتلي المطلوب مني بس ما حكيتلكيش حكايتك ازاي عرفت أن دانيال هيحاول يوقعك من طريق الجبل ؟؟
ياسين : حاضر هاحكيلك بسرعة عشان تغو"ر و تسيبني أنام
في مصر و في مكان نذهب اليه لاول مرة
امراة في اواسط الخمسينات تجهز لنفسها شايا حين رن هاتفها
-الو !
-وحشتيني يا عبير 🥰
-فؤاد ؟
-ايوة فؤاد اللي انتي اتخليتي عنه بعد ما عمل المستحيل عشانك
-عشاني برضو؟؟ يعني انا اللي قلتلك روح اصرف الفلوس حيلتنا على القم"ار و النسوان و الخ"مرة ؟؟ 😏
-لا بس اهملتيني... مبقاش يهمك غير البنات و شغلك و بس !!
-انت سامع انت بتقول ايه ؟؟ ده انا ضحيت باهلي و كل حاجة ليا عشان أهرب معاك...ربيت لك بنتك كأنها بنتي بالضبط و عمري ما فرقتهم عن بعض !! و في الاخر اخذتها مني و بعثتها لكندا عشان تمو"ت و تمو"تني بحسرتي عليها ... ساعدتك تعمل شغل هناك يجيب ذهب و بقيت اسافر من مصر لتركيا و معرضة نفسي لخطر حقيقي و عايشة مع رعب اني ممكن يتقبض عليا في أي سفرية و اتحكم مؤبد و كل ده ليه ؟؟ عشان اجيبلك ارباح ما كنتش تحلم بيها ...و بعد ما ده البيه قاعد مرتاح بيبعزق في تعبي و بخو"نني ؛!! لا و فوق ده كله جاي بكل وقا"حة تحط اللوم عليا كمان !! اما انك بج"ح بصحيح 😤
فؤاد : عموما انا سبت كل ده ورا ظهري مش بافكر في الماضي و مين غلطان و مين لا ...انا عايز ارجع المية لمجاريها ما بينا ...في الاخر انا مليش غيركم انتي و سما
-و احنا مش محتاجينك في حاجة...و عايشين انا و بنتي حياة حلوة و زي الفل و مش ناقصنا حاجة ..ابعد عندنا بس 😤
كانت ستغلق الخط لكنه قاطعها بلهجة حادة
- بس انا اقدر اقلب حياتكم الحلوة دي لج"حيم يا عبير ...و انتي عارفة كدة كويس!
زمت شفتاها بضيق و قالت : انت عايز مننا ايه تاني ؟! ما كنت غرت ف داهية سنين طويلة ايه اللي رجعك تاني !! عايز مننا ايه ؟؟
-منك انتي ...مش عايز حاجة ...من بنتي حبيبتي ...50 مليون دولار
-يا مصيبتي !! هتتجيبهملك منين دول؟؟
- انتي ناسية انهم هيورثوا قريب اكبر ملياردير في كندا ؟! يعني ده أقل مبلغ ممكن تساعد بيه ابوها الغلبان عشان يشوف حياته
-انت غلبان انت !! ده انت ثعباااان 😡😡
- لما انا ابقى ثعبان امال انتي تبقي ايه يا حبيبتي ؟؟ عموما سيبينا من الكلام العبي'ط ده و فهمي بنتك... تنفذلي طلبي ده و تنسى فكرة الانتقام الغب'ي اللي عمالة بتتكلم عليه ده يا اما هانسى انها بنتي و اعاملها زي ما باعامل اي حد بيهددني ...
اخذ رشفة من مشروبه و اكمل بشر
-و أظن انتي عارفة و فاكرة كويس حصل ايه لزبنب لما هددتني يا اما ارجعلها الفلوس اللي اخذتها منها او تبلغ عننا شرطة السياحة و الآثار !!
-بقولك ايه ؟؟ انا مش زينب اللي ضحكت عليها و لما طلبت حقها و هددتك مو"تتها بعد ما خليت الموضوع يبين سكتة قلبية...انا اقدر اوديك ورا الشمس فاهم !! 😡😤
-انتي بتتكلمي كلام اكبر منك يا عبير
- اعلى ما ف خيلك اركبه يا فؤاد .. انا مش خايفة منك لاني عارفة كل بلاويك و اقدر اتغدى بيك قبل ما تفكر تتعشى بيا
اقفلت الخط فإبتسم بخبث و هو يهمس
-مش خايفة على نفسك.. يبقى خافي على بنتك القطة اللي فاكرة نفسها اذكى من اللي علمها كل ده.. ماشي يا عبير الگلبة ..ان ما وريتكم انتي و بنتك اللعب بيكون ازاي ما ابقاش انا فؤاد المصري
عند ياسين و خالد
-يا سيدي انا كنت عامل حسابي لكل الاحتمالات اللي ممكن يعملها دانيال ...
-ازاي ؟؟
-بص هو صحيح خبيث...بس مش صعب انك تفهم هو بيفكر ازاي يعني ممكن تتكهن بتحركاته بسهولة و ده اللي يخليك تتغلب على خصمك...
-اللي هو ايه
-انك تكون دايما سابقه بخطوة ...يعني احنا زي ما شفت فقسنا رجالته اللي كانت بتحوم حوالينا ..و بالتالي قدرت اعرف عنده ايه معدات و يقدر يعمل ايه ...في أي مكان بيكون فيه
-ايوى يعني ازاي عرفت أنه هيعملك الكمين ده ؟؟
-بص ..دانيال مكانش حاطط خطة محددة لأنه مكانش قادر يعرف تحركاتي و ده معناه أنه كان هيرتجل خطة فورية في أي مكان اروح له ...انا بقى درست كل الاماكن اللي ممكن اروحلها وحطيت كل السيناريوهات و الخطط اللي ممكن يفكر فيها. ..و لقيت ان اسلم خطة تخليني انفذ من مخططه هي بيت الجبل
-ازاي !؟
-هو عنده جهاز اهتزازات و عنده جهاز تشويش و عنده متف"جرات أكيد هيحاول على قد ما يقدر ما يعملش شوشرة و عايز يبين الحادثة طبيعية مش مدبرة
فانا اتوقعت أنه مش هيف"جر العربية ...و لا هيبو"ظ الفرامل لان العربية جديدة أكيد هيعرفوا انها باظت بفعل فاعل
-يعني هو كان عايز يعتمد على خطة تخلي التحقيق يطلع بنتيجة و هي ان الوفاة كانت نتيجة حادثة عارضة مش جر"يمة
-بالضبط ...و انا اتصرفت على الأساس ده يحكم ان المكان الوحيد الأمن ليا هو الملاذ
خالد : طب تفضل حاجة وحدة
ياسين بتذمر : يا بني عينيا ببقفل لوحدها ...عايز ايه تاني ؟
خالد : جاوبني على دي بس و همشي على طول
-اتفضل يا رب يكون بجد ده آخر سؤال
- مين البني أدم الغلبان اللي اتفحم بدالك هناك ؟!
ضحك ياسين قائلا : تصدق كنت مستني انك تسأل السؤال ده اول ما شفتني ! غريبة ازاي خلاك فضولك صبرت كل ده 😂🙄
خالد : ياسين !!! 😡
ياسين : حاضر هقولك ..كارلوس كان قالي مرة ان عدد كبير من المهاجرين اللي مش من فئة الأسر بيتوفوا و بتفضل جثثهم في المشرحة لمدة شهر كأقصى تقدير و لو اهلهم ما دفعوش الرسوم و استلموهم او محدش اتعرف عليهم و فضلت هوياتهم مجهولة تدفنهم ادارة المستشفى بشكل جماعي كل شهر ..فأنا اول ما قالتلي ام أحمد على الفكرة افتكرت الكلام ده و اتصلت بيه فورا عشان يدبرلي ج"ثة واحد....
قبل أن يكمل كلامه قاطعه خالد بغضب : اخص على أخلاقك يا تافه ... و انا اللي كنت فاكرك تعرف ربنا و واخذك مثلي الاعلى! تقوم تعمل عملة مهب"بة زي دي و انت عارف ان اكرام الميت دفنه!
ياسين بضحك : ما تسيبني اكملك مش انت طلبت توضيح ! خليني اشرحلك اوام هبيت فيا !!
خالد : طيب كمل 😤
-انت عارف عدد الهنود اللي بيهاجروا لكندا كام؟؟
خالد بتذمر : مالي بيهم انا ؟
-40 الف مهاجر كل سنة ... و الطلبة اللي بتبعثهم الهند لوحدها عشان يدرسوا هنا بيمثلوا 40 في المئة من اجمالي الطلبة الاجانب ...يعني الجالية الهندية مترتبة في المرتبة رقم اثنين بعد الفيليبين ...و بالتالي مش صعب نلاقي واحد منهم في المشر"حة
-ها و بعدين ؟؟
اتصلت بكارلوس و طلبت منه يدورلي على واحد من اللي بيسيبوا وصايا انهم عايزين يتحر'قوا
- اااه !! من الهندوس يعني !!
- بالضبط كدة ...المهم كارلوس دور في المشر"حة و لقى جث"ة واحد هندي شغال في مواقع البناء اتو"فى المسكين في الشارع بسكتة قلبية وكان فاضل اسبوع و تخلص المهلة و يدفنوه ...
مع العلم ان اصحابه في الموقع بلغوا عن اختفاؤه في كل الاقسام و النقطة اتأخرت على ما وصلت المستشفى ده .. لأنه مش ساكن في تورنتو أصلا و كان جاي لواحد قريبه بس تعب فجأة والناس اللي كانت حاضرة هناك بتقول اول ما وقع جيه واحد حرامي اخذ المحفظة اللي معاه عشان كدة فضلت هويته مجهولة
-ها كمل!!
ياسين بضحك : شايفك مركز اوي مع القصة !
-يا عم كمل بس !! عرفتوه ازاي مادام كان مجهول !
ادارة المستشفى لقت بلاغ بمواصفات الراجل و سألوا في العنوان المكتوب في البلاغ و اتأكدوا أنه هو
و لما دوروا في اوضته عن اي معلومات توصلهم لاهله قبل ما المهلة تخلص ...لقوا ايه ؟؟؟
خالد ببلاهة: ايه ؟؟
-لقوا الراجل مريض قلب أصلا و كاتب وصية بيقول فيها
" انا رافي سينغ اكتب وصيتي في حال حدث لي اي مكروه
بعد وفاة زوجتي لم يبق لي اي أحد في الهند لذلك اوصي إذا مت ان تحر"قوا جث"تي و تنشروا رمادي ليسافر في كل انحاء كندا لعله يصادف رماد زوجتي في الافق البعيد "
نظر الى خالد و قال ببلاهة: شفت بقى انها وصية الراجل ! ماهو انا مش معقول هخالف رغبة الغلبان ده في آخر ايامه !! 😕
ضحك خالد بينما اكمل ياسين
و طبعا المستشفى في الحالات دي بتنفذ الوصايا و زي ما عندهم الدفن الجماعي عندهم كمان الحر"ق الجماعي
-يعني قصدك إن ...
اكمل ياسين : المسكين عمل فيا جميلة حتى و هو ميت !! و النبي تدعيله يا خالد 😁
خالد : بتستعبط عليا دلوقت حضرتك ..و ده ادعيله ربنا يرحمه و لا يحرقه ولا ايه بالضبط ؟؟ خلاص فهمنا الموضوع: هندي من الهندوس ...اومال العربية اتحركت ازاي و هي جواها جث"ة واحد طالب يتحر"ق؟!
ياسين: جرى ايه يا خلودة ؟؟ هو انت من امتى بقيت بليد و فهمك بطيء كدة كنت بتفهمها و هي طايرة !!! يكونش أثر الحب و الجواز !!
-ليه يعني ..كل الموضوع اني مش مركز اوي يعني 🙄
-واضحة اني شغلتها بالريموت ...انت عارف انها آخر إصدار و فيها تطبيقات هتصدمك ...يالا مش خسارة في الوا'طي ايهاب...و دلوقت يالا وريني عرض كتافك بقى
نهض خالد فأكمل ياسين
اه و ما تنساش زي ما اتفقنا اول ما النهار يطلع تروح لكارلوس
خالد : حاضر ...
كان يهم بالمغادرة فتذكر ياسين شيئا
-خالد نسيت اوصيك آخر حاجة !!
-ايه كمان ؟؟
- ابقى فكر كارلوس ما ينساش بعد ما يقفل التابوت يحر"ق الراجل بجد و ينثر رماده...دي وصية يا صاحبي و لازم تتنفذ 🙄
خالد : حاضر ...اي اوامر تانية ؟
ياسين : ايوة ... ما تنساش تدعيله
ضحك خالد بصوت عال: حاضر...
رفع يديه عالية للسماء و هو يقول بتضرع : إلهي ربنا زي ما فرحتني النهاردة يرجعة صاحبي يفرحك انت كمان بجمع رمادك مع رماد مراتك في جبال الروكي يا رافي يا اخويا
غادر مسرعا و ما هي إلا ساعة حتى كان امام باب القصر
دخل بهدوء حتى لا يثير انتباه أحد
كان يهم بدخول الردهة حين لاحظ شيئا مريبا فاختبأ في الممر ينظر بترقب و فجأة صدم صدمة عمره مما رأى !!
يتبع بقلمي آلاء إسماعيل البشري 🔥🔥
•تابع الفصل التالي "رواية الاميرة و المغترب" اضغط على اسم الرواية
تعليقات
إرسال تعليق