رواية ضحية عشق الفصل الحادي والثلاثون 31 - بقلم مريم احمد
31
احلام...و انتي مالك و مال بنتي يا صباح ...اييه بتحبيها اوي لدرجة انك مضايقه ان امها رجعت...؟
يونس بزهول...خالتو...؟
قامت صباح وقفت بزهول ان احلام جتلها
قالت صباح بسخريه و حقد
صباح...يا بجحتك ...جيالي لحد بيتي يا احلام ... بصت حواليها للي موجودين و قالت
صباح...عمركوا شوفتوا قلة زوق و بجاحه اكتر من كدا
احلام...قلة الذوق و البجاحه دي يتقالوا ليكي انتي يا صباح على الاقل انا محاولتش اقطـ ـع فرامل عربية اختي عشان اموتها
اتوترت صباح و سكتت
يونس...يعني ايه الكلام دا
بصتله احلام بابتسامه و قالتله
احلام...ولا حاجه ..
بعدين كملت بتساؤل
احلام...انت يونس ولا حسن..؟
ابتسملها يونس و قالها
يونس...لا يونس يا خالتو
ابتسمتله احلام...ربنا يحفظك يا بني
ابتسملها يونس و قالها
يونس...امين
كمل بتساؤل
يونس...بس هو حضرتك كنتي مختفيه ليه كل السنين دي يا خالتو...؟
اتوترت احلام و معرفتش تقول ايه بس الي نجدها من اجابة سؤاله صوت غدير الي جت و قالتلهم
غدير...الغدا جاهز يا صباح هانم
هزت صباح راسها و سجده قالت لخالتها بابستامه
سجده...يلا يا خالتو عشان تتغدي
ابتسمتلها احلام و قالتلها
احلام...حبيبتي تسلمي بس احنا لسه جايين من المطعم ف مش هنقدر نتغدى دلوقتي
زعلت سجده و قالتلها
سجده...طب ليه بس يا خالتو
احلام...معلش يا حبيبتي بليل هنتعشى
هزت سجده راسها بابتسامه و راحوا كلوا
بصت نغم لأمها و قالتلها
نغم...تفتكري بتخطط لخطه جديده يا ماما...؟
احلام...ليه لأ
قالتلها نغم بخوف
نغم...يعني ايه !!!
ابتسمتلها احلام عشان تطمنها و قالتلها
احلام...متقلقيش يا حبيبتي و خليكي ديما فاكره ان مفيش اي حاجه هتحصلنا سواء خير او شر الا و كانت مكتوبه لينا انها تحصل دا قدرنا و نصيبنا يا حبيبتي اهم حاجه بقى الرضا ارضي بـ اللي ربنا كاتبهولنا يا حبيبة ماما
ابتسمتلها نغم و قالتلها
نغم...و نعم بالله
احلام...يلا تعالي بقى احكيلي عملتي طول السنين دي
ضحكت نغم و قالتلها و هما رايحين للجنينه
نغم...تعالي
.......... سبحان الله ..........
في قصر سليمان
كان مراد بيتكلم في التليفون مع مهندس الديكور عشان الفيلا
مراد...ابعتلي كل اشكال التصميمات يا حسام
حسام...حاضر يا مراد بيه
مراد...لو في اي تصميمات مميزه و جديده ابعتهم
حسام...اكيد حالا هتلاقيهم على الواتس
مراد...تمام شكرا يا حسام
و قفل ..سمع صوت امه الي كانت سامعه المكالمه كلها و عارفه انه بيكلم مهندس الديكور عشان الفيلا الي اشتراها لنغم
و بالرغم من انها عارفه و متأكده الا انها برضو سألته
خديجه...ناوي تغير القصر هنا يا مراد...؟
هز راسه يمين و شمال و قالها
مراد...لأ انا عارف انك بتحبي ديكور بيتك و استحاله اغير اي حاجه ف البيت بدون اذنك يا امي
خديجه...اومال بتكلم حسام ليه...؟
اتنهد مراد بقلة حيله من امه و قالها
مراد...حبيبتي انتي عارفه اني بكلمه عشان الفيلا الي جبتها ف ليه بتزعلي نفسك مني و خلاص ...؟
قالتله خديجه بغضب
خديجه...يعني برضو هتسيبنا يا مراد
مراد...ماما اسمعيني
قطعته خديجه لما قالت
خديجه...اسمعني انت يا مراد اخر مره هقولهالك لو خرجت من بيت ابوك يبقى انسى ان ليك ام
قالت كلامها و سابته و خرجت
جيه سليمان لما لاحظ صوت خديجه الي كان عالي و قال لمراد
سليمان...في ايه يابني..؟
مراد...ماما مش قادره تستوعب اني لما اكون هنا هيبقى زيه زي بيت العيله مفيش جديد و زي م نغم اطلقت عشان كانت في نفس البيت الي خالتها فيه احتمال كبير اوي تطلق تاني عشان هتبقى برضو ف نفس البيت الي حماتها موجوده فيه
سليمان...اهدى بس و اسمعني
اتنهدت مراد بحزن و سكت
كمل سليمان و هو بيقول
سليمان...خالة نغم مكنتش بتحبها و دا واضح جدا لكن امك بتحب نغم يابني و اكيد مش هتفضل تزعلها زي م الي اسمها صباح دي كانت بتزعلها و تخليها تعيط
مراد...مقتنع بكلامك دا ...؟ ...دي ماما مش طايقه نغم لمجرد اني هسيب البيت ...مع ان البت قالتلي بلاش مامتك هتزعل بس انا متأكد ان ماما مش هتحبها و عشان ماما تكون مبسوطه انا جبت الفيلا الي جمبكوا هنا و كل يوم هاجي اقعد معاكوا عادي
سليمان....طب م كنت تقولها كدا يابني!!
قاله مراد بزهول
مراد ..و هي ادتني فرصه اقولها دي على طول لاقيتها بتزعق ف وشي
ضحك سليمان و قاله
سليمان...معلش انت عارف من ساعة م اخوك الله يرحمه مات و هي بقت عصبيه و بتضايق من اي حاجه
قاله مراد بحزن
مراد...الله يرحمه
...... لا اله الا الله ......
تاني يوم كانوا كلهم قاعدين بيفطروا على السفره
و نغم كانت قاعده جمب امها و شيرين جمبها
لاحظ يونس سكوت امه و قالها
يونس...مالك يا ماما
بصتله صباح و كان اين عليها الغضب
صباح.... مغيش حاجه
احلام...م تاكلي يا صباح ولا ظلمك للناس مخلي نفسك مسدوده
اتصدموا كلهم من رد احلام و شيرين الي ضحكت غصب عنها
بصتلها نغم بمعنى انها تسكتو شيرين الي قالتلها بصوت واطي
شيرين...اييييه م عمتو معاها حق عمتو صباح دي اصلا ظالمه
نغم...برضو اخرسي
قالتلها شيرين و هي بتحاول متضحكش
شيرين....طيب حاضر
عادت احلام كلامها تاني لما صباخ مردتش و قالت
احلام...ايه يا صباح مردتيش يعني
بصتلها صباح بحقد و قالتلها
صباح...لا يا حبيبتي الكلام دا يتقالك انتي ...انتي الي قبلتي انك تاخدي حق اخواتك ف البيت اي بني ادمه كويسه و عندها دم كانت وزعت الورث على اخواتها كلهم و ادت اخواتها حقهم ووووو
•تابع الفصل التالي "رواية ضحية عشق" اضغط على اسم الرواية
تعليقات
إرسال تعليق