رواية ضحية عشق الفصل التاسع والعشرون 29 - بقلم مريم احمد
29
مراد.... اخص عليكي يا نغم كدا سايبه طنط احلام قاعده بره عند هبه دا انتي ندله يا شيخه!!!!!
بصت نغم بسرعه لسجده الي كانت مزهوله من كلام مراد
قالت سجده لنغم بزهول و هي بتعيد كلمة مراد تاني
سجده...طنط احلام..؟
و بعدين كملت بعدم استعاب
سجده...هي الي كانت هنا دي تبقى خالتو..؟؟؟!!!!
دمعت عيون نغم بخوف على امها و قالت لسجده
نغم...ايه الي انتي بتقوليه دا يا سجده بس ..دا..دا مجرد تشابه اسماء بس مش اكتر
ابتسمتلها سجده و قالت
سجده...طب ازاي يا نغم مش خالتو المفروض انها مـ.ـاتت بسبب حادثة العربيه من 22 سنه...؟؟؟
زاد توتر نغم و خوفها على امها اكتر و دا خلاها تتعصب
نغم بعصبيه....يووووه يا سجده م قولتلك تشابه اسماء!!!
اتحرجت سجده من زعيق نغم ليها بالذات ان مراد كان موجود
قالتلها سجده بزعل حاولت تخفيه
سجده...طيب يا نغم ...عن اذنك انا لازم امشي دلوقتي
كانت لسه نغم هتعتذرلها و تقولها انها مكنش قصدها تزعقلها بس ملحقتش لأن سجده قالت جملتها و خرجت من المكتب على طول
مراد...انا مكنتش اعرف انها هنا !!
نزلت دموع نغم بخوف كبير على امها و من كتر توترها ان سجده تعرف صباح بإن امها عايشه رمت كل الحاجه على المكتب بعصبيه على الارض
........سبحان الله و بحمده سبحان الله العظيم.............
كانت احلام قاعده مع هبه الي قالتلها
هبه ..هو حضرتك مامة نغم هانم...؟
اتنهدت احلام بقلق و قالتلها
احلام...ايوا
ابتسمت هبه و قالتلها
هبه...بصراحه نغم هانم فيها شبه كبير اوي من حضرتك دا لو اي حد مش عارف انك مامتها هيعرف من الشبه
كانت لسه احلام هترد عليها بس قاطعها صوت سجده الي جت قعدت جمبها و قالتلها
سجده...عامله ايه يا خالتو
بصتلها احلام بدهشه و من كتر صدمتها معرفتش ترد عليها حتى
كملت سجده كلامها لما لاقت احلام ساكته
سجده...هو حضرتك مش عايزه تردي عليا ليه..؟
هزت احلام راسها يمين و شمال برفض و قالتلها
احلام...لأ يا حبيبتي مش كدا بس اصل يعني...
قاطعتها سجده لما قالتلها
سجده...معلش يا خالتو هو مادام حضرتك كل دا كنتي عايشه ليه كنتي سايبه نغم لماما تبهدلها و تظلمها و تطردها من البيت و تطلقها من حسن ليه بجد...؟
قالتلها احلام بدهشه و غضب من الكلام الي بتسمعه
احلام...هي امك عملت كل دا لـ بنتي!!!!!
ابتسمت سجده بسخريه و قالتلها
سجده...انا مضطره امشي دلوقتي لأن الظاهر ان نغم مكنتش حابه تعرفني ان حضرتك عايشه بس نصيحه مني بلاش تسيبي نغم تاني عن اذنك
قالت كلامها و مشيت و احلام الي دخلت المكتب لنغم على طول
............استغفر الله العظيم و اتوب اليه...............
كانت قاعده على كرسي المكتب و هي حاطه وشها بين ايديها و دموعها بتنزل بحزن و خوف و مراد الي كان قاعد على الكرسي الي قدام المكتب و هو مضابق انه قال اسم مامتها قدام سجده
اتفتح باب المكتب بقوه و دخلت احلام الي كان وشها مليان بالعصبيه و دا خلى نغم تتنفض من مكانها و هي شايفه امها متعصبه بالمنظر دا
قامت و راحت لأمها بقلق و هي مش عرفه سبب غضبها ايه
و احلام الي مسكت دراعها جامد و قالتلها بزعيق
احلام...خالتك كانت بتضايقك يا نغمممم....؟؟؟!
دمعت عيون نغم لما افتكرت كل الي صباح عملته ليها لحد اخر حاجه امبارح لما هددتتها انها هتـ.ـقتلها
زعقت احلام بعصبيه اكبر و هي بتقول
احلام...رديــــــــــــييي عـــلـــيـــــــا!!!!!
قام مراد و قال لأحلام
مراد...اهدي يا طنط
سابت احلام ايد نغم بقوه و قالتلها
احلام...سيبتيها تظلمك يا نغم و تاخد بيتك !!! سيبتيها تطردك من بيتك!!!
كملت بزعيق اكبر
احلام....ســيــبــتــي حــقــك!!!!!
خرج مراد من المكتب عشان ميسببش احراج لنغم اكتر من كدا من ان امها بتزعقلها قدامه
نزلت دموع نغم و قالتلها
نغم...م انتي زمان سبتي حقك يا ماما... انتي زعلانه عشان معرفتش اجيب حقي ...؟؟ طب م انتي سيبتي حقك زمان كان ممكن تبلغي عنها انها هي الي كانت عايزه تقتلك بس انتي ضيعتي حقك
نزلت دموع احلام و هي بتقول لنغم
احلام...انا سيبت حقي زمان عشانك
قالتلها نغم برفض...لأ!!
مسحت دموعها و كملت و هي تقول
نغم...كنتي هتبلغي عنها و كنا هنعيش من غيرها و من غير اذيتها و شرها ....صح ولا لأ...؟؟
هزت احلام راسها بتأكيد و. قالتلها
احلام...انا فعلا غلطت لما ضيعت حقي بس عشان كدا مش عايزاكي تغلطي نفس غلطتي دا بيتك انتي و انتي الي تقولي مين يقعد في البيت و مين لأ مش هي الي تطردك
نغم...ماما دا ورثكوا كلكوا مش ورثك انتي بس و عشان كل الحقد و القرف دا يخلص خلي كل واحد ياخد نصيبه في البيت و نرتاح
هزت احلام راسها برفض و قالتلها
احلام...انتي مش فاهمه حاجه
نغم...طيب ..اتفضلي فهميني بقى ؟؟؟
احلام...بعدين يا نغم يلا نمشي دلوقتي
هزت نغم راسها و مشيوا
..............لا اله الا الله وحده لا شريك له...........
بعد وقت
في القصر دخلت سجده و هي مصدومه ان خالتها لسه عايشه
اتخضت من صوت امها الي كانت بتقولها بصرامه
صباح... كنتي فين يا سجده...؟
استغربت سجده من سؤال امها و قالتلها
سجده... ليه يعني...؟
صباح... لما اسألك السؤال تردي بإجابه مش بسؤال
استغربت سجده من كلام امها و زعيقها
سجده... مالك يا ماما..؟؟
صباح... روحتي لنغم الشركه ليه يا سجده
سجده... طب مادام حضرتك عارفه اني كنت ف الشركه بتسأليني كنت فين ليه
زعقت صباح بعصبيه و غضب و هي بتقول
صباح...اتــكــلـــمــي عـــدل يــا ســـجـــده !!!
سجده... انا مش فاهمه انتي ايه مشكلتك معاها
صباح... نعممم يا حبيبتي...؟؟؟
اتنهدت سجده بحزن و سكتت
صباح... البت دي انا استحملت وجودها في بيتي كتير اوي و كنت بصرف عليها و على دراستها لحد م كبرت و اشتغلت
سجده...ليه مش قادره تستوعبي ان كل جنيه صرفتيه كان من فلوس خالتو !!!!
صباح...ايــا كـــان !!!
قفلت سجده حواجبها و هي مستغربه ايه سبب كرهه امها لنغم كدا
صباح...انا مش قولتلك البت دي بتكرهك و قولتلك عامليها وحش عشان تحس على دمها و تمشي و تسيب البيت؟؟؟
سجده...و انا مش هعاملها بأسلوب وحش تاني يا ماما عشان انا فعلا مشوفتش منها اي حاجه بتدل انها بتكرهني
كملت سجده بزهول
سجده ...انا معرفش ايه كل الكرهه الي بتكرهيهولها دا !!!
صرخت صباح بغضب و عصبيه و هي بتقول
صباح... وجودها ف حياتنا قرفني
بس اتصدمت صباح و حست ان قلبها هيقف من كتر الغضب و العصبيه لما لاقت سجده بتقولها بسخريه
سجده...لو حضرتك مضايقه اوي كدا من وجود نغم معانا ف افرحي ..اصل خالتو احلام طلعت عايشه و اكيد مش هتسيب نغم هنا عشان متفضليش تطرديها من البيت الي هو اصلا بيتها وووو
يتبعععع
لا اله الا الله
ضحية عشق
بقلمي مريم احمد
•تابع الفصل التالي "رواية ضحية عشق" اضغط على اسم الرواية
تعليقات
إرسال تعليق