رواية عهد الاسود الجزء الثاني 2 الفصل التاسع 9 - بقلم زهرة الربيع
لحسن يشوفونا هجيلك بالليل والله هجيلك بالليل
بس سمعو صوت يعرفوه كويس بيقول من وراهم
تجيلو فين ..ايه الي بيحصل هنا
بصو وراهم بخضه وكان غالب روز خافت جدا وكانت هتقع من طولها من الرعب والكسوف ونديم قال بسرعه وتوتر..ابدا يا غالب.. هيه..هيه معاها درس عيزاني اشرحهولها و...وبقولها مش فاضي دلوقتي فبتقولي هجيلك بالليل
غالب قرب منهم وابتسم ابتسامه جانبيه وقال...امممم ..درس...اااه..طب مش تقول يا رجل..ده احنا اخوات وهفيدك..يلا ربنا يقويكم ولسه هيمشي رجع خطوات وحط ايده على كتفو وقال بهمس في ودنو...انا غالب..مش فارس...يعني ارتقي بكذبك معايا
ومشي وهو بيصفر ببرود
روز بقت نبكي وقالت..انا روحت في داهيه مصدقناش مصدقناش وبقت تبكي جامد
نديم مسك ايدها وقال بحزن ..يا روز اهدي غالب مش هيتكلم و
بس روز دفعت ايده بغضب وقالت...كل ده بسببك قولتلك مية مره بلاش تكلمني في مكان ممكن حد يشوفنا فيه.. بس مبتفهمش مش هترتاح غير لما اتفضح
نديم مسكها من دراعها بغضب وقال بعصبيه..تتفضحي يعني ايه..انا جوزك ..جوزك فاهمه احنا مش بنعمل حاجه حرام انا يحقلي المسك قدام اي حد وفي اي وقت سامعه
روز قالت بدموع...يا نديم انا خايفه بابا يعرف مش هيسامحني انا خايفه اوي وانت وعدتني مش هتخليه يعرف الا لما نقنعه
نديم اتنهد وقال بغضب مكبوت..وانا جبت اخري يا روز...ومش هقدر اكمل في وعدي ليكي..انا بموت من وقت ما اعلن ارتباطك بفارس هتجنن...بكره هتتعمل الحفله وهيكون فيها جمع كبير هطلبك من ابوكي قدام العلن وهترجاه قدام امة لا الاه الا الله كلهم ..لو وافق كان بها..موافقش هعلن جوازنا قدام الكل و الي يحصل يحصل
قال كده ومشي بسرعه وغضب وروز لسه هتروح وراه لقت ليالي جايه مع تاره وبيضحكو فدخلت على اوضتها بسرعه
عند جبران كان راجع هو وحنين على شقتو لما جالو اتصال اسامه رد وقال.. الو
اسامه قال.. جبران الغول ...معاك اسامه الثابت
جبران وقف العربيه بسرعه في نفس اللحظه واتسعت عنيه بزهول وقال بابتسامه مرعبه...يا اهلا بيك...يا اسامه بيه
اسامه قال بغضب مكبوت...يا اهلا يا جبران..انابكلمك لاني عامل حفلو ترحيب بكره في القصر لبنتي وحبيت ادعيك بطريقه خاصه...لانك صاحب غالب الوحيد ودايما بيحكي عنك
جبران استغرب جدا بس قال بسرعه ..اكيد..اكيد هاجي مدام اسامه باشا بنفسو الي دعاني..انا حابب اوي اتعرف عليك...حاسس اننا هنتفاهم اوي ..وكمل بتهديد وقال...يمكن استفاد من خبرات الماضي الي عندك
اسامه فهم انو بيهددو ضحك بسخريه وقال..اكيد ولو حابب تاخد دروس كمان انا جاهز..في انتظارك يا ...يا ابن الغول
بقلم...زهرة الربيع
قال كده وقفل وجبران بقى يبص قدامه بغضب وفضل يفكر يا ترى دعاه ليه
حنين بصتلو وقالت بخوف..مين ده الي قلب ملامحك كده
جبران بصلها من فوق لتحت بتقييم وقال..مش بطاله
قالت باستغراب..هو ايه الي مش بطال
جبران قال بسخريه...بتكلم عنك...اصل انا رايح حفله مهمه ومينفعش شاب كاريزما زيي يروح فاضي كده لازم اخد حاجه حلوه في ايدي
حنين قالت بسرعه....لو عايز حاجه حلوه خد شيكولاته من عند العبد بيعملها جنان من الي بيبقى جواها زي رز مسلوق كده ..انا كنت مره بشتغل عند ناس اكابر وجابو منها و
بس قطعت كلامها لما لقتو بيبصلها بزهول وقالت بارتباك ..في ايه مبتحبهاش
جبران قال بدهشه ...شيكولاته اه...ومن عند العبد...لا بقى منين ده سعره غالي قوي
حنين قالت ببرائه..معاك حق كلها بتقول عنه حراق
جبران ضحك وبصلها وقال بوقاحه ..ده جمالك الي حراق...ويا بخت الي هيبقى سواق
حنين نزلت عنيها بكسوف وجبران ضحك قال...انا لما بقول هاخد حاجه حلوه اكيد مقصدش حلوه بالمعنى الحرفي...انا قصدت اني عايز مزه معايا..وحاليا مفيش امز منك
حنين بصتلو بزهول وقالت ...انت عايز تاخدني انا معاك
جبران ابتسم بسخريه وقال..شوفتي الدنيا...ابسطي هتاكلي تاني شيكولاته محشيه رز مسلوق ...وبصلها بسخريه وقال..بس طبعا هتحتاجي تعديل الاول
في القصر بالليل كانو عهد وروز قاعدين في اوضتهم ومعاهم ليالي وتاره كلهم متجمعين بفرحه برجوع ليالي
ليالي كانت بتبص في البوم صور كبير ليهم وقالت...والله زمان ما اجتمعنا الجمعه الحلوه دي يا سلام عليا وانا هطلق الليله وانا قاعده واثقه في نفسي كده
عهد ضحكت وقالت..اهوز بالله يا بنتي ليه كده
ليالي قالت..يا بت ده انا مطنشه الراجل من ساعه ما جيت وقربنا على نص الليل وسيباه لوحدو مش كفايه عليه اسامه ..ده يا عيني طلع اوضة غالب من المغرب من كتر ما ضايقو
كلهم ضحكو الا روز كانت قاعده بحزن
ليالي بصت لها وقالت..يا بنتي من ساعه ما قعدنا وانتي قاعده زي الي خانقين امك فيه ايه
تاره ضحكت وقالت بسخريه..هيكون فيه ايه...عايزين يجوزوها لتأتأه وشكلو مش عاجبها
روز قالت بضيق..تاره..فارس انسان كويس ومش مسألة انو مش عاجبني
ليالي خبطت كتفها في كتف روز وقالت بمشاكسه..امال مسألة ايه..الحبيب القديم مش كده
تاره ضحكت وقالت..هو فيه غيرو ...حقها بصراحه الواد اخونا ده مز
ليالي كان قدامها الالبوم بتاع الصور وصوره فارس ونديم قصاد بعض قالت... طبعا معاها حق.. وبصت لصورة نديم وقالت..بقى حد يسيب القمر ده...علشان القمر ده قالت جملتها الاخيره لما بصت لصوره فارس الجميله واتنهدت وقالت ...حاجه تحير بصراحه واحد فروله والتاني منجا
تاره قالت بضحك..انا لو مكانها اعمل كوكتيل
ليالي ضحكت ودقو كفهم وروز مسكت المخده وبقت تضربهم التنين بغيظ وضحك
في الاوضه الي جمبهم كانو الشباب مجتمعين في اوضه غالب ..هو غالب وفارس ونديم ومعاهم مرتضى الي كان ماسك تليفونو وقال...صحيح يا فارس سمعت انك هتتجوز بنت اسد والله فرحتلك على الاقل اسد هيبقى حماك..مش زي انا وقعت في اسامه اللي عامل فيها جوز امي
فارس ضحك وغالب ابتسم وقال...ده لانك سايبو يطيح فيك...اسمع مني ومتتساهلش معاه احنا عيله بنحب السك
فارس قال بسرعه وضحك..لا طبعا اوعى تعمل كده هو بس بيحب ليالي زياده و
بس غالب قاطعو وقال بسخريه...ايوه اسمع من فارس ده استاذ في اللف والدوران وهيظبطك
فارس بصلو باستغراب ولسه هيرد نديم قال بغضب..لا وتافه ومعندوش مبدأ وجبان كمان
فارس بقى يبصلهم بزهول وقال..فيه ايه يا نديم طب غالب ودي طبيعتو.. انت ايه الي جرالك بقالك يومين مش بتتكلم معايا كويس خالص
نديم مردش وبقى يطلع هدوم ومتجاهلو.. وغالب ابتسم بسخريه وقال..معلش اعزره اصل دماغو مشغوله.. بيدي دروس اليومين دول ربنا يعينه
نديم بصلو بضيق وسكت وفارس لسه هيسأل مرتضى نفخ بغيظ وقال..يلا بقى اااوف
غالب قال..فيه اايه يلا كل شويه تنفخ هتحرقنا
مرتضى قال..ليالي بقالها ٣ سعات في اوضه البنات ونسياني خالص...انا هتجنن حتى مبعتتش رساله
غالب ضحك جامد وقال رساله..يا حنين ..هو انت ازاي سايبها كل ده على راحتها يعني
مرتضى قال.. هعمل ايه يعني بقولك مع البنات هروح اخبط عليهم يعني منظري هيبقى وحش.. لو مكاني هتعملها
بصلو بدهشه ونديم ضحك على جملتو
وغالب قال ..انا لو مكانك هروح اكسر الباب مش اخبط عليه...وبعدين اشدها من ايدها قدامهم كلهم... وبعدين ارقعها بوسه تنسيها اسمها برضو قدامهم علشان تخلي عندها دم...وبعدين اجرجرها من شعرها على اوضتنا..وبعدين بقى... وغمز وقال لو عايز تعرف الي بعد كده ادخل على اللينك
الكل ضحك ونديم قال بضحك..يخرب عقلك..ده طلع اسد معاه حق يخاف على وعد منك
غالب اختفت ابتسامتو وبص لفارس بغضب وقال..لا هو مش بيخاف عليها ولا حاجه هو عايز يلاقيلها نسخه من فارس بيه الي عاجبه قوي
نديم بص لفارس بغضب وقال..معاك حق..ابقى فكرنا ناخدو ننسخهولو يمكن ينبسط
فارس اتنهد بخنقه وقال... تصبحو على خير
وراح ينام بضيق شديد ومرتضى اتنهد وقال بهمس حرام عليكم والله
في صباح يوم جديد كان العمال ومهندسين الديكور بيجهزو للحفله واسامه بيشرف عليهم وقال بدهشه ..مين الي قالكم تعملو الواجه المقرفه دي
العامل قال ..اسد باشا يا فندم
اسامه قال ..يا حبيبي حد يسمع كلام محاسن برضو روح شيل يا بني انا عندي الضغط
اسد سمعه وقال بعند ..والله ما يتشال يا اسامه لاقلعلك ملط في قلب الحفله وابوظهالك
ضرغام ضحك واسامه قال ...وعلى ايه سبهالو يا ابني الاخرين ذمبهم ايه يشوفو المنظر ده...بدل ما نجبلهم رقاصه تقلعلهم ده حسن الضياعه برضو
اسد قال بسخريه..وتجيب رقاصه ليه وانت موجود دي تيجي
اسامه لسه هيرد ضرغام قال... سيبك من اسد تعالى عايزك
اسامه مشي معاه وضرغام قال...ها هيجي مش كده
اسامه قال كلمتو امبارح وجاي المهم تعمل زي ما قولتلك بالظبط عايزين غالب ميطقش يبص في وشو من غير ما يقرب لها ابدا متنساش انو عمها ..ومش لازم يعرف انها بنت اسد علشان يحاول يعاكسها تمام ..وخد بالك ابنك مجنون يعني تعرف توقفو قبل ما يصور قتيل
ضرغام قال..متقلقش دي عندي وربنا يستر
بالليل كان جبران جاب هدوم ومكياج وكل المستلزمات لحنين وواقف مستنيها بره وبيشرب وبيسمع ميوزك
خرجت من الاوضه واول ما سمع خطواتها بالكعب ابتسم وبصلها واتجمد مكانو من جمالها الي كان مدفون في البس البالي المتبهدل
كانت لابسه دريس سواريه لامع شويه باللون الاسود ومفتوح على كتف واحد ولابسه عليه طقم الماظ على رقبتها الجميله ورافعه شعرها مع مكياج هادي وطله نجنن
فضل باصص لها شويه وقال..احم..البت حنين جهزت ولا ايه
ضحكت ونزلت عنيها بكسوف وجبران مسك ايدها ولفها وهو بيبصلها باعجاب وقال...تحيه للمصنع وكل الي شغلو واي حد اشترك في المنتج الجامد ده
حنين ابتسمت وقالت...انت كمان ..احم..انت كمان كاريزما اوي
ابتسم ابتسامه جانبيه وقال..عارف..وقرب عليها وسحب دبوس الشعر ونزل شعرها على كتفها وجبران جابو على الكتف المكشوف وقال...خليه كده..مكنتش اعرف ان الفستان لما يتلبس هيبقى ملفت اوي كده
..يلا
ومسكها من ايدها ونزل بيها
في القصر كانت الحفله ابتدت من زمان والجميع وصل وضرغام كل شويه يبص لساعته بزهق وقال...شكلو مش هيجي
اسامه شرب الكاس بتاعو وقال بسخريه متقلقش هيجي بس بيتقل عايزنا نستناه.. المهم كل حاجه جاهزه
اسامه قال جاهزه متقلقش
في الحفله كانت روز هتموت وتكلم نديم وتمنعو من الي عايز يعملو ومش عارفه تقابلو خالص وكل ما تيجي تكلمو يكون معاه حد كانت هتتجنن من القلق
وتاره كانت لابسه فستان قصير وبترقص عادي مع اي حد يطلب الرقص معاها وفارس كان بيبصلها من بعيد بضيق شديد وغيره اشد
اما غالب فكان مشغول بملاكه الي قاعده على زاويه مع ستات كبار مش من سنها كلهم صحبات عهد وشوق وبتضحك معاهم وغالب كان متابعها بعنيه بابتسامه
اما نديم فكان مصر على الي في دماغو
وليالي طبعا بترقص مع مرتضى بفرحه وبيضحكو سوا وكانت دي اجواء البدايه لليله كارثيه حرفيا
اسامه كان واقف مع شوق وبيهمس لها وبيضحك لما دخل جبران وسلم على ضرغام بابتسامه مستفزه
ضرغام سلم عليه بضيق وقال بصوت عالي اسامه...ضيفك وصل
اسامه التفتلو وفضل يبصلو وهو واقف مكانو كان فيه شيئ غريب في الشاب ده لفت انتباهو زي ما يكون يعرفو او شافو قبل كده ارتبك شويه وقرب عليه وقال..انت جبران
جبران قال ..احم..اه..اه اهلا..انا..انا شوفتك قبل كده
اسامه اندهش لان ده نفس الي هو فكر فيه وقال ..مش عارف...بس معتقدش مع ان فعلا وشك مألوف عندي
جبران ابتسم وقال..فرصه سعيده
اسامه بص لحنين وقال...مش تعرفنا على الجانب المشرق
جبران ابتسم وقال..حنين..صديقه
اسامه مد ايده وحنين سلمت عليه وقالت..اهلا بيك يا بيه مباركه رجعة الهانم ..ربنا يعمرها باذن الله
جبران بصلها بزهول وقال بهمس.. لا مهي مش بنت خالتك.. ايه
حنين بصتلو باستغراب واسامه ضحك وقال...يا اهلا بيكي ..ثانيه واحده اعرفك بحد هتحبيه...ونادى لشوق
شوق جات وسلمت عليهم واسامه قالها بهمس..واحده بلدياتك خديها عرفيها على البنات
شوق اخدت حنين ودخلت
واسامه فضل مع ضرغام وجيه غالب واتفاجأ بجبران وقرب عليه وحضنه وقال..جبران اذيك بقالي مده مش عارف اوصلك
جبران بادلو الحضن وهو بيبص لاسامه بنظره مستفزه وقال...انا اسف معلش كنت مشغول اوي
اسامه بصلهم بضيق وقال لضرغام بهمس...ده انت الي ابوه مش بتوحشو كده
ضرغام بصلو بغيظ وسكت
غالب فضل يتكلم معاه شويه وجيه اسد وقال..ضرغام حد فيكم هيطلع يرحب بالناس
ضرغام قال.. روح انت يا اسد انت هتشاور
جبران التفتلو بسرعه وقال..اسد نعمان الغول
اسد استغرب واسامه قال ..احم..اسد ده يبقى جبران الغول..ابن صفوان عمك يمكن متقابلتوش قبل كده
اسد استغرب وجودو ومد ايده وقال بضيق ..اهلا بيك..معاك اسد الثابت
جبران ضحك بسخريه وقال..يا اهلابيك..يا ابن عمي
اسد ابتسم بضيق ومشي فورا وهما فضلو يتكلمو
غالب استغرب طريقتهم وليه اسد قال كده بس ملحقش يسأل لما شاف وعد داخله القصر شرب كاسو بسرعه وراح وراها وهو بيحاول ميخليش حد يشوفه
اما نديم طلع على المسرح ومسك المايك وقال..مساء الخير جميعا
بقلم...زهرة الربيع
الكل التفتلو واسامه قال..ده ابني الوحيد نديم
جبران قال باستغراب مش شبهك خالص
اسامه قال اه..فعلا اولادي كلهم طالعين لامهم من حبي فيها..معاده تاره بنتي الصغيره تشبهني شويه
بس نديم ازهل الحضور لما قال..يا جماعه انا...انا قدامكم كلكم..بطلب ايد روزان بنت ابن عمتي اسد الثابت واتمنى ميخزلنيش
اسد اتصدم واسامه وضرعام بصو لبعض بزهول وجبران بص لاشكالهم ومسك كاسو وقال بابتسامه...شكلنا هنتسلى قوي
اسد بصلو بغضب رهيب وطلع على المسرح وضرغام جري عليه والكل كان مصدوم وروز كانت هتقع من طولها
اما غالب راح ورا وعد وبمجرد ما دخلت القصر نادالها وقال..وعد
وعد وقفت بضيق وقالت..نعم..أمر
غالب بصلها بدموع وقال..وعد..انا..انا بحبك اوي ..اوي يا وعد مش..مش حب طبيعي ابدا انا مجنون بيكي ..ارجوكي حاولي عشاني ..الحقي اخر جزء ممكن يكون طيب فيا..حاولي ..متخلنيش اكره نفسي
وعد اتنهدت وقالت..انا قولتلك يا غالب قبل كده اشغل نفسك مع اي واحده هتنساني انا لو كنت قادره اتقبل انك تبقى جزء من حياتي كنت حاولت صدقني ولسه هتمشي مسك ايدها وقال بغضب..ده اخر كلام يا وعد
وعد شدت ايدها وقالت بضيق..لو سمحت قولتلك متلمسنيش
غالب ابتسم وقال..طيب اسف..شوفي جبتلك برفن من فرنسا جنان بعت جبتهولك مخصوص...شوفي كده وطلع العلبه وحطها قدامها وقبل ما تتكلم رشها منها وهو مثبت دماغها
وعد بقت تبصلو ولسانها تقل في ثواني وبقت شيفاه ومش قادره تنطق
غالب شالها بسرعه وراح اوضتو وحطها على السرير بدموع وقال..اسف يا وعد اسف..مسبتليش خيار تاني وقلع القميص بتاعو وقرب وابتدي يفكلها الخمار ووووو
😈😈😳😳💣💣💣 البارت ده بالذات مش هستغنى عن اللفين تفاعل😂👿 يلا انتو مكملتوش بتاع البارت الي فات بس نزلت علشان القمرات الي بيتفاعلو يلا عوضوه بقى عايزه منكم اجمد واروع تفاااااعل علشان الي جاي مش طبيعي حرفيا ضرب ناااااااااار ومشاركات هلى قد ما تقدرو يا صديقاتي الحلوين 💣💣💣💣
•تابع الفصل التالي "رواية عهد الاسود الجزء الثاني 2" اضغط على اسم الرواية
تعليقات
إرسال تعليق