رواية عهد الاسود الجزء الثاني 2 الفصل العاشر 10 - بقلم زهرة الربيع
هدية متابعيني
كانت مش حاسه بالي بيعمله وابتدى يفك الخمار بتاعها ونزلو ولاول مره شاف شعرها من وقت ما كانت طفله ابتسم وهو بيلمسه بايده وقال بدموع..مسبتليش حل تاني يا وعد...انا..انا بعشقك..ايه الي ناقصني علشان تكرهيني كده..ونزلت دموعه وقال .ايه الي ينقصني علشان المسك بالسر
مسح دموعه بالم ومد ايده بتردد وابتدى يفك اذرار بلوزتها
بره كان الكل مشغول باللي عملو نديم
اسد وقف قدامو وقال بصوت واطي وهو بيضغط على اسنانو ... بطل مسخره وانزل... ومسك المايك وقال.. احنا اسفين يا جماعه هو نديم كده هزاره بايخ...زي والدو
الكل بقم يضحكو فاكرينهم بيهزرو واسامه غمض عنيه بحزن شديد
ضرغام بص لاسامه باستغراب بس نديم قال بصوت عالي ودموع..انا...انا مش بهزر انا بحبها..بحبها يا عمي انا..انا كمان ابن خالك زي فارس انا كمان زيو يفرق عني ايه بقولك بحبها وهيه كمان بتحبني وعيزاني انا حتى اسألها
هنا اسد ضربو قلم قوي جدا وقال بغضب... اخرس..انا بناتي متربين ومش بيعملو غير الي اختاره انا
اسامه بصلو بصدمه من الي عملو قدام الناس وملامحو اتحولت لغضب رهيب واتقدم عليهم وهو مش شايف قدامو وضرغام جري وراه بسرعه
عهد كانت مصدومه وماسكه ايد شوق الي كانت دموعها بتنزل بزهول شديد
اما فارس فكان في موقف لا يحسد عليه ابدا غمض عنيه بحزن وفضل مكانو
نديم بص لاسد بدموع وقال برجاء...ارجوك يا عمي ارجوك ...والله انا مش عايز غيرها من الدنيا اوعدك هحطها في عيوني مش هخليها تشكي مني ابدا ارجوك والله هيه كمان عيزاني اسألها اسألها ارجوك
روز كانت واقفه بصالهم بدموع وهتقع من طولها تاره جريت عليها وسندتها وبقت تديها ميه
اسد بص لحالتها وبص لنديم بحده وقال..غور من وشي امشي حالا
نديم لسه هيتكلم وقف اسامه قدامو وقال بغضب...اعتذرلو عن اللي عملتو يا اسد ..اعتذر حالا
اسد بصلو بزهول وقال.لا والله ...هو مين الي يعتذر خلي ابنك بعيد عن بنتي لاني مستحيل اجوزها لواحد انت ابوه يا اسامه لاني عارف تربيتك كويس
هنا اسامه رفع سلاحو في وشة وقال بغضب ...اعتذر يا اسسسسد
الكل اتصدم ونديم مسك ايده وقال بدموع... لا يا بابا بتعمل ايه اهدى ارجوك
بس اسامه التفتلو وضربو قلم قوي جدا وقعو على الارض وقال..الي تهين كرامتك هيه ولا اهلها متستاهلش ضفرك..انت نديم الثابت ابن الاسامه والي ترفضك متستاهلش تراب رجلك ...اقف يلاااا
نديم وقف وهو الارض بتدور بيه حرفيا.. واسامه مسكو من ايده وقال بصوت عالي الحاضر يعلن الغايب...خطوبه ابني انا نديم الثابت الاسبوع الجاي والعروسه عندي لاني ميشرفنيش اناسبك يا اسد..وانت ابقى شوف لبناتك عرسان تفصيل على زوقك.. يلا يا نديم
بقلم... زهرة الربيع
نديم قال بدموع وحزم...احم...انا. ...انا مش هقدر اتجوز يا بابا ..لاني انا مت..
بس قبل ما يكمل سمعو صوت تاره بتصرخ باسم روز بيبصولها اتفاجئو بانها اغمى عليها
عند غالب كان لسه هيقلع لها البلوزه بس بعد بسرعه وهو بيبصلها بدموع وبيفتكر كام مره منعو انو يلمس ايدها مجرد لمسه
جذب شعرها لورا وقال بدموع ..انا بعمل ايه ..لا..لا يا جبان ياحيو،،ان مش معاها لا... .ولبسها الحجاب بتاعها ولسه هيطلع بس وقف مكانو لما جاتلو فكره وقرب على السرير وقلع الحجاب تاني وبهدل هدومها شويه وهو مش بيبصلها وقلع هدومه ونام جمبها
تحت دخل اسد وهو شايل روز وحطها على الكنبه وبقى يفوقها بلهفه وبيقول..روز روز حببتي ردي عليا...روز
نديم كان قلقان قوي عليها وواقف بيبصلها بدموع واسد قال بخوف ..مش بترد مش بترد ليه ليه يا ضرغام حصلها ايه البنت ..حصلها ايه
ضرغام قال بحزن..اهدى يا اسد اهدى يا حبيبي الدكتوره على الطريق
بس اسد كان زي المجنون قال..اهدى ازاي اهدى ازاي دول كل حيلتي في الدنيا انا ودعت الحياه كلها واكتفيت بيهم.. حصلها ايه كانت كويسه
اسامه اتنهد بحزن رغم كل غضبو منو لكن حس بحزن عليه قال..احم...هتكون اتوترت من الي حصل مش اكتر اهدى علشان تعرف تساعدها
في الوقت ده دخل جبران وقال ببرود...انا مشيت الناس الي بره مش هينفع يشوفو اكتر من كده ...دي برضو مسائل عائليه
اسد بصلو بغضب وغمض عنيه بخنقه ...وضرغام بصلو بغضب وقال..وطالما واخد بالك انها عائليه...بتتحشر ليه
جبران ابتسم باستفزاز وقال..ما انا من العيله..انا والعيله اخوات في الرضاعه
ضرغام لسه هيرد اسامه مسك ايده وبصلو بمعني يسكت وبص لجبران وقال..اكيد يا ابن الغول..انت اكيد من العيله انت وكل عيلتك حبايب قدام
جبران قال بغضب مكبوت عارف..وعارف كل المعزه من اولها ..وربنا يديم المحبه يا اسامه بيه..وقعد وحط رجل على رجل وقال.. انا مش هينفع اسيبكم في الظروف دي ابدا... والله لازم استنى اطمن على القموره الصغيره...وبص لحنين وقال...نينا..تعالي على حجري قصدي تعالي جمبي
حنين راحتلو بخوف وقعدت جمبو بتوتر شديد
بعد شويه وصلت الدكتوره وفحصتها وقالت ..متقلقوش يا جماعه ال...
بس قاطعها جبران وقال باستفزاز...في الشهر الكام قولي متتكسفيش
الكل بصولو بغضب والدكتوره بصتلو باستغراب وقالت ...ليه هيه متجوزه
اسد قال بسرعه وغضب...لا يادكتوره هيه انسه مترديش على الاشكال دي وبص لاسامه وقال بقرف ..حتى الي داعيهم مقرفين زيك.. الطيور على اشكالها تقع
اسامه قال بغضب...اللهم طولك يا روح
وشوق بقت ترجاه يسكت وضرغام بصلهم بضيق وقال..يا جماعه خلينا نشوف البنت مالها الاول
جبران بص لحنين وقال..هو انا اتشتمت من شويه علشان مكنتش مركذ
حنين قالت ..يا سيدي فوت هو احنا فاهمين حاجه اصلا
اسد قال ها يادكتوره ارجوكي طمنيني
الدكتوره قالت..اهدى يا اسد بيه...روزان متوتره شويه مش اكتر ...البنت حساسه ومش لازم تضايق انا قولت لحضرتك الكلام ده قبل كده يوم انفصالك عن والدتها
اسد قال بحزن..عارف كان غصب عني وبص لنديم بغضب وقال..محدش عايز يسبني في حالي
نديم اتنهد بحزن وسكت ..والدكتوره كتبت لها على شويه مقويات وادويه ومشيت
اسد اتنهد وقعد جمبها وحط دماغها على رجلو وهو بيبصلها بحزن شديد
نديم كان واقف يبصلو بدموع وقد ايه اتمنى مكانو دلوقتي اتمنى لو يقدر ياخدها في حضنو قدام الكل اسامه حط ايده على كتفو وابتسملو بدعم
نديم اتنهد بحزن وابتسم بالعافيه
في الوقت ده روز فتحت عنيها بتعب وابوها قال بدموع ولهفه..روز حببتي سمعاني
روز بصتلو بدموع وقالت.. بابا ...واترمت في حضنو وبقت تبكي
اسد بقى يطبطب عليها وقال.بس ياقلبي بس..اهدي مفيش حاجه لكل ده محصلش حاجه
روز طلعت من حضنو وبصت لنديم بحزن من الي حصلو ونديم ابتسم لها وسط دموعه عايز يهديها
اسد قال الحمد لله انك بخير اطلعي ريحي في اوضتك انتي واختك و
بس قطع كلامو لما خد بالو انو مشافش وعد من اول الحفله رغم كل الي حصل ده بصلهم بصدمه كان الكل موجود الا هيا وطبعا غالب قال بقلق...روز اختك فين
روز قالت ...كانت دايخه شويه وطلعت اوضتها
اسد جري على اوضة وعد بسرعه
وضرغام طلع وراه جري وهو بيقول.. فيه ايه تاني يا اسد
اسامه اتنهد وقعد وقال..فيه ايه غير اتجنن نبقى نجبلو عرسان بالمتر بقى يفصل لبناتو براحتو...حاجه تقرف
جبران وقف وقفل بدلتو وقال...الحق يتقال العيب على ابنك ...وبص لنديم وقال..البنت الي تتعالى عليك..مكانها تحت رجليك
اسامه قال بسرعه..انا بقولو كده برضو و
بس خد بالو انو بيكلم جبران قال..احم..فعلا
جبران ابتسم بسخريه وقال..على العموم كانت حفله لطيفه جدا يا اسامه بيه ..شكرا على الدعوه لحضور المهرجان ده ..ومع اني كنت في قلب الحدث لكن بروضو هسمع الأعاده في التلفذيون .. يلا يا نينا
حنين قامت معاه وهو سلم على اسامه الي كان بيبصلو بتحدي وقال..على العموم انا انبسطت بمعرفتك واكيد هيكون لينا لقائات تانيه
جبران ابتسم بسخريه وقال...اكيد انت من ريحة الغوالي يا اسامه بيه ولسه هيطاع اسامه قال بسرعه..انت عندك كام سنه يا جبران
جبران قال بسخريه..ليه عندك عروسه وبص لتاره وكان لبسها قصير وهيه جميله وقال بمعاكسه...انا بشيل كل جامد وتقيل
اسامه لسه هيرد فارس قال بغضب شديد واندفاع ..ما تحترم نفسك يا حيو،،ان انت..ايه السفاله دي
تاره ضحكت وقالت..انت اخيرا نطقت
بصلها بغيظ وقال..ادخلي جوه يا تاره
تاره كانت عايزه تضحك وفضلت مكانها وفارس اتعصب ولسه هيتقدم عليها اسامه قال..فارس يا حبيبي..اهدي على نفسك شويه وبص لجبران وقال..ده مش بيعاكس يا حبيبي..ده مريض وليس على المريض حرج ها بقى يا بابا مقولتليش عندك كام سنه
جبران ضحك وقال ٣٢ يا باشا.. اتنين وتلااااتيييين
اسامه لسه هيتكلم سمعو صوت ضرغام عالي جدا وبيقول..يا حيووو،،اااااان يت سا،،فل يا بن السا،،فل يا وس،،خ *****...هقتلك يا****
رواية عهد الأسود الجزء الثاني بقلم زهرة الربيع
الكل اترعبو وطلعولو بسرعه وجبران قال...مش هنخلص بقى الليله دي
ولسه هيطلع وراهم مسكتو حنين وقالت..احنا مالنا يلا نمشي يلا سيبهم
جبران اتنهد وقال..معاكي حق دي عيله عايزه الحرق ولسه هيمشي سمع ضرغام بيقول هقتلك يا غالب الك،،لب هموتك ياو،،اطي
اتسعت عنيه بشده وقال ...غالب ...وطلع جري على فوق
في اوضة غالب دخل اسامه وهو مخضوض من صوت ضرغام واتصدم لما شاف اسد قاعد على الارض والدموع متعلقه في عنيه ومش بينطق
ووعد على السرير وهدومها متبهدله وفاقده الوعي وضرغام بيضرب في غالب بشده لحد ما قرب يموت في ايده ووووووو
لكل القمرات الي دعموني والي بعتو عايزين بارت تاني ميغلاش عليكم غالي حبايبي تسلمولي واحده واحده انا ببص على الكومنتات وبتعجبني جدا صحيح مش بعرف كل واحده حطت قد ايه بالظبط حتى اتفاجأت بقمر حاطة 200كمنت بجد يسلملي قلبها الغاليه ❤..انا دايما بحب اشوف جمال كلامكم ودعمكم الجميل شكرااااااا واتمنى تستمرو😘😘😍
•تابع الفصل التالي "رواية عهد الاسود الجزء الثاني 2" اضغط على اسم الرواية
تعليقات
إرسال تعليق