رواية نياط القلب الفصل الحادي عشر 11 - بقلم حور طه
البارت 11 من رواية نياط القلب
_____________________
جواد ينظر لوتين وقبل ان يوجه لها اي كلمه يغمى عليها وتقع بين ايديه يحملها على ذراعي ويصعد بها الى شقته والى ان وصل فتحت لهم بيسان بصـ ـدمه اول ما تشوف وتين على هذا الحال بقلق قائله:: في ايه يا ابيه؟ وتين مالها،،،
جواد يدخل بها الى غرفه بيسان ويضعها على السرير برفق يحاول ان يفوقها تسترد وعيها قائل:: وتين، حبيبتي فوقي
لم تستجيب له....؟!
بيسان قائله:: شمامها من البرفان ده يا بيه،،
جواد ياخذ منها البرفان ويضعه على يده ثم يشممها،، الى ان استردت وعيها مره ثانيه وتتمتم قائله ::جواد....جواد؟!
جواد بحنان يغطي شعرها بالطرحه قائل ::انا جنبك
وتين تستمع الى صوت جابر بالخارج وهو يزعق باصوات مخيفه ارعبتها لتنكمش بيد جواد ويضع يده على يدها باطمئنان قائل:: انا معاكي ما تخافيش ما حدش هيقدر يلمسك طول ما انا موجود.... اهدي!!
ثم يوجه كلامه لبيسان قائل:: بيسان خليكي جنب وتين وما حدش فيكوا يخرج بره... فاهمين؟!
وبعد ذلك يخرج لجابر وينظر له بغضب قائل ::لما تكون واقف في بيتي توطي صوتك ....تقدر تفهمني ايه اللي كنت ناوي تعمله مع وتين ده؟!
جابر بانفعال ينظر لفريال قائل:: ادخلي هاتي بنتك
جواد قائل ::بنتك مش هتنزل من هنا ولا هتروح في اي حته.. وخلي عمتي على جنب !!وخلي كلامك معايا ...كنت وخد وتين علي فين غصب عنها...؟!
جابر بعصبيه قائل:: انت مالك يا بني ادم ...اخدها اوديها
امـ ـوتها اولـ ـع فيها انا حر يا اخي ايه هتتحكم فيا وفي بنتي؟!
جواد يمسكه من يائه قميصه بتحذير كله غضب قائل::انت بس لو فكرت انك تـ ـؤذي شعره منها،،انا مش هرحمك،، واحمد ربنا ان انا ساكت عليك علشان خاطر عمتي..
فريال تحاول تخلص جابر من ايدين جواد برجاء قائله:: خلاص يا ابني سيبه ...عشان خاطري سيبه
جواد بنظرات حاده قائل ::حاضر يا عمتي هسيبه،، بس يا ريت تاخديه من قدامي، علشان ما اخليهوش يترحم على اللي فاضل من كرامته...
جابر بغضب ياكل من الداخل ويريد ان يقتل جواد اذا استطاع ليتجه نحو الباب ولكن جواد يوقفه قائل:: جابر
جابر يلتفت عليه قائل ::جابر كده حاف؟!
جواد يقترب عليه قائل:: لما تكون مش قادر تحترم اهل بيتك، تبقى جابر ...اسمع الكلمتين دول، وحطهم قدام عينيك ،،لو اتعرضت لوتين باي اذى ثاني هتلاقيني في وشك،وساعتها صدقني مش هعمل حساب لاي حد ،حتى لعمتي اللي واقفه جنبك دي ،،وهتصرف معاك بالطريقه اللي تفهمها.... شرفت وانست يا جوز عمتي...
جابر يخرج من شقه جواد وفريال خلفه وهو لا ينوي على الخير
⭐⭐⭐⭐⭐في شقة عاصم⭐⭐⭐⭐⭐
يدخل عليها الغرفه والغضـ ـب يفسر كل ملامح وجهه بدقه،، وكانه سيخرج من داخله بـ ـركان من النيـ ـران ينتفض بواجهها وكانها ارتكبت جنـ ـايه،،ويسحبها من يديها بقوه ويخرج من الغرفه ويدخل الى غرفه النوم الخاصه بهم، وتعلى صـ ـرخات الطفل الصغير الذي كانت تطعمه ،ولا يتوقف عن البكاء،،ويرميها على احد الكراسي الموجوده بالغرفه ويقوم بربط رجليها اولا ثم يربط ايديها بالكرسي بانفعال قائله::انت اتجننـ ـت يا عاصم،، انت بتعمل ايه؟!
عاصم وهو يؤكد على الرباط انها لا تفكه قائل:: انا مش قلت لك تخرسي خالص وموضوع اختك انا هحله بتروحي تتكلمي مع نوال هانم،،، يبقى كده انت اللي اتجننتـ ـي
ناديه بانفعال قائله ::انا رحت لها علشان تصلح الغلطه اللي اخوها عملها!!
عاصم قائل:: انت عارفه اللي انت عملتيه ده كان نتيجته ايه؟ ان انا وانت وابنك حياتنا كانت على حافه الهاويه !!
انا قلت لك انت ما تعرفيش ماجد؟
ناديه وهي تحاول تفك نفسها ولكن لا تعرف قائله:: انا هخليه يجي يتقدم لوتين ورجله فوق رقبته،، ولازم يتجوزها ويصلح غلطته..
تنهي كلامها لتجد صفعه تجعلها تنـ ـزف من جنب فمها قائل::انا المسـ ـدس اشتال من على دماغي النهارده بصعوبه ،،من تحت راسك انت واختك،، كان هيقتـ ـلني لانك بس رحت اتكلمت مع اخته،، انت هتفضلي مربوطه هنا لحد ما اتصرف في الموضوع ده،،
ناديه بغضب قائله:: هو ده اللي تقدر عليه يا سيد الرجاله
عاصم يرفع حاجبه بتحذير قائل ::بلاش تستفزيني وقصري لسانك ده!
ناديه قائله ::انت فاكر اللي انت بتعمله ده هو الحل !؟
عاصم وهو يمسح على دقنه بتوتر قائل:: انت هتخرسي خالص ومش هتخرجي من البيت غير بعد ما اخلص الموضوع ده نهائي!!
ناديه تصـ ـرخ بوجهه قائله:: الموضوع ده مش هيخلص غير زي ما انا ما قلت لك!! زي ما اخذت اختي للحيـ ـوان ده، واغتصـ ـبها هتجيبه علشان يتجوزها..
عاصم بغضب يضغط على خديها بيده قائل:: وانت مفكره انها سهله قوي كده! انت عارفه لما طلبت منه انه يتجوزها قال لي ايه..... اخلص منها!!!
ناديه بخوف تهز براسها ليتركها قائله ::انا لو اختي حد فيكوا لمس شعره منها تاني مش هرحمك يا عاصم لا انت ولا الكلـ ـب التاني
عاصم بعدم اهتمام لكلامها قائل::انا هاخد ادهم عند ماما وانت يا ريت عقلك يرجع لك ،،عشان ما تضطرنيش اعمل معاكي حاجه انا مش عايزها،،
ناديه بزعيق قائله ::فكني يا عاصم... بقول لك تعالى هنا ، فكني يا بني ادم ....؟؟!
عاصم ياخذ ابنهم الطفل الصغير الذي لا يتجاوز عمره الاربع سنوات ويخرج من الشقه ويتركها مربوطه في الكرسي ولا يهتم بصـ ـرخاتها؟!!!
ناديه بغضب قائله:: طيب يا عاصم ان خليتك تدفع ثمن كل عمايلك السوداء دي، ما بقاش انا ناديه جابر ؟!
⭐⭐⭐⭐⭐في فيله نديم ⭐⭐⭐⭐⭐⭐
ماجد يطلق ضحكات ساخره قائل ::انت جننتـ ـي ولا ايه انا مستحيل اتجوز بنت زي دي؟!
نوال بهدوء قائله ::ولما انت مستحيل تتجوزها ..
اعتـ ـديت عليها ليه ؟؟
ماجد قائل:: علشان هي اخرها كده... لكن جواز لا !!!
نوال بنبره تهديد قائله ::يبقى انا هروح لبابا واحكي له على كل حاجه انت عملتها وهو يتصرف معاك ؟!
ماجد بغيظ قائل:: نوال انت اختي الكبيره اه... لكن تتحكمي فيا لا!!!
نوال بهدوء وتحاول تكسبه لصفها قائله:: انت متخيل ان الغلطه اللي انت عملتها دي ممكن تغير حياتك كلها للاحسن !! لو فكرت بس شويه انك تصلحها؟!
ماجد بضيق قائل ::بلاش والنبي الكلام بتاعك الكبير ده انجزي وهاتي من الاخر عايزه تقولي ايه؟!
. نوال تجلسه على الكرسي بهدوء قائله:: هفهمك بطريقتك انت لما تتجوز وتين، انا هخلي بابا ينفذ لك المشروع اللي انت بتحلم بيه ،ومش بس كده كمان،، لا ده انا هقنعه كمان انك تسافر المانيا وتتابع شغلنا هناك!!
ماجد بتفحص قائل:: انت عايزه توصلي لايه؟! وليه عايزاني اتجوز وتين،، انا عارفك برده ما بتعمليش حاجه كده وانت مش مستفاده منها ،،هتستفادي ايه من جوازي انا وتين ،،وخلينا نكشف كده ورقنا لبعض علشان نشوف كل واحد فينا هيستفاد ايه من الثاني،،،
نوال تنظر الى ساعتها قائله ::ده مش شغلك فكر في كلامي ورد عليا ولما ارجع بالليل تكون اخذت قرارك وخليك فاكر قرارك ده يا هيطلعك فوق يا هينزلك تحت شغل عقلك وفكر كويس قوي!!!
تنهي كلامها وتخرج وتسيبه في حيره من امره ولا يعرف هي بماذا تفكر ولا اين تريد ان تصل فهو يعرف اخته جيد لا تفعل اي شيء بدون مقابل او انها تستفيد
يرن هاتف ماجد ليرد قائل ::عايز ايه يا زفت؟!
عاصم قائل:: انا بكلمك يا باشا علشان اطمنك اني خلاص عرفت ازاي هحل المشكله دي!!
ماجد يسترجع كلمات نوال مره اخرى بذاكرته ويفكر بها جيد ولا يعطي رد العاصم؟؟؟!
عاصم بتنبيه قائل:: ماجد به انت سامعني ،بقول لحضرتك انا لقيت حد هيتقدم لوتين والموضوع هينتهي
ماجد بهدوء قائل ::انا هتجوز وتين
عاصم باستغراب قائل:: انت بتقول ايه يا ماجد بيه هتتجوزها بس انت كنت رافض
ماجد بانفعال قائل:: وانت مالك يا بهيم انت... تبعد تماما عن الموضوع ده،، وانا هحله بطريقتي
عاصم قائل :: تمام يا باشا
⭐⭐⭐⭐⭐⭐ في اليوم التالي ⭐⭐⭐⭐⭐
في بيت جابر
_____________
جابر بانفعال قائل::: ابن اخوك ده فاكر نفسه مين؟! بياخد بنتي ويحتاجزها عنده في البيت وبيمنعني اني اخدها هو اتجنن!!
فريال تحاول تهديها قائله::: انت عارف ان جواد هو اللي مربي وتين وبيخاف عليها زي اخته واكثر ،،ولما شافك عصبي خاف عليها منك،،
جابر يشـ ـدها من دزاعها بتحزير قائل ::: تطلعي تجيبي بنتك وتنزلي ،،والا اليوم ده مش هيعدي على خير...
ناديه تدخل قائله::: في ايه يا ماما ؟! صوتكم جايب لاخر العماره!!
جابربزعيق قائل::: في ان البيه ابن خالك واخد اختك عنده ومنعني اني اشوفها ،،
فريال تحكي اللي حصل لناديه وانهم كانوا هياخدوا وتين للدكتوره تكشف عليها لكن جواد منعهم واخذ وتين عنده
ناديه ترسل تنهيده قائله::: ما فيش داعي يا بابا للدكتوره، ولا حتى للدكتور هشام،، مش هو العريس المناسب لوتين؟
جابر قائل:::انا وافقت عليه واديته كلمه وما فيش حد فيكم ليه كلمه في الموضوع ده ،،هتتجوزوا يعني هتتجوزوا ،،،والدكتوره برده هتكشف عليها ،،عشان اشوف الحيـ ـوانه دي ملـ ـوثه شـ ـرفي ولا لا ؟!
فريال ببكاء قائله::: يا اخي حرام عليك تقول على بنتك كده،، وتظن فيها الظن السيء ده،، بنتك متربيه احسن تربيه،، وانا واثقه انها عمرها ما تعمل حاجه غلط،، حرام عليك بقى كفايه تظلمها ..
ناديه بهدوء قائله ::ولو قلت لك يا بابا ان العريس اللي انا جايبه لوتين احسن بكتير من الدكتور هشام وكمان وتين هتوافق عليه مش هتقول لا !!
جابر يرفع حاجبه قائل:: يعني ايه مش فاهم؟! في عريس تاني متقدم لاختك وانا ما اعرفش!!
ناديه تكلمه بالطريقه اللي بيفهمها قائله:::عاصم حبيبك جايب لك عريس ما يترفضش، ابن اكبر رجل اعمال في البلد ،يعني وتين وانت هتتنقلوا في حته تانيه بالجوازه دي...
جابر قائل::: وده هيجي امتى ،،وماليه ايدك منه ولا لا؟!
ناديه قائله::: هيجي يتقدم في اقرب وقت... بس انت حاول تنهي موضوع الدكتور هشام ده ..وما تضغطش على وتين اكثر من كده وتسيبها براحتها مش عايزين العريس لما يجي يشوفها ،يلاقيها دبلانه ؟!
جابر مبتسمآ قائل:: ماشي يا بنت امك هسيبها ومش هضغط عليها ،ولو كلامك طلع صح والعريس اللي انت جايباه ده طلع مريش زي ما انت ما بتقولي،،، مش هيجي ناحيه وتين تاني،، بس لو اختك رفضت العريس ده كمان انا مش هرحم حد فيكم...
ناديه مردده بحزن لانه لم يهتم لهم قائله :: لا اطمن يا بابا هي لما تعرف العريس مين هتوافق،، سيب الموضوع ده عليا،،، انا هقنعه...
جابر قائل::: انا هنزل اقعد على القهوه شويه اروق دمـ ـي اللي انتم حـ ـرقته...وانت تطلعي تتكلمي معه اختك وتعقليها عشان صبري عليها مش هيطول.... فهماني!
جابر يسيبهم ويخرج بعد ان اطمئن انه سيزوج ابنته من رجل غني بدون ان يهتم الى مشاعرهم ولا اذا كان هذا العريس مناسب ام لا... كل ما يهمه في الامر انه يزوجها من شاب غني ولا يهتم بالمسائل الاخرى؟! وتطلع ناديه وفريال الى شقه جواد ليقنعه انه يترك وتين،،،
____________
يا ترى جواد هيعمل ايه هيترك وتين لهم ؟!
وهل وتين ستخبره بكل ما حدث معها ام لا؟!
يتبع.......
✍️✍️✍️✍️✍️✍️بقلمي حور طه✍️✍️✍️✍️
خلونا نصلي علي الحبيب قلبك يطيب💗
•تابع الفصل التالي "رواية نياط القلب" اضغط على اسم الرواية
تعليقات
إرسال تعليق