رواية نياط القلب الفصل العاشر 10 - بقلم حور طه
البارت 10 من رواية نياط القلب
__________________
عمر قائل ::انا مش اي حد! انا صديقك ،وانت اللي قلتي ان انا وانت اصدقاء مقربين !!فمن وجبي كصديق لما الاقيك فرطه اساعدك ....صدقيني انا الشخص الوحيد اللي يقدر يساعدك ويحافظ على سرك.... وزي ما قلت لك ما فيش داعي انك تخبي عليا !!لاني عرفت ان انت رافضه الدكتور هشام مش عايزه تتجوزيه، لكن عمي جابر مصر على الجوازه دي، انا مستعده تقدم لك، وصدقيني عمري ما فكرت اني استغلك ،،انا بس عايزه اساعدك،، هتبقى خطوبه بشكل مؤقت!!
وتين بارتياح قائله ::انت صديق حقيقي يا عمر بس انا مش محتاجه لكل ده،، انا خلاص مش هرتبط بالدكتور هشام!
عمر باستغراب قائل ::ازاي ده! عمي جابر مصر على جوازك منه !ده اللي انا عرفته...
وتين قائله ::ده حقيقي! بس ابله ناديه وعدتني انها هتتكلم مع بابا وتقنعه يغير رايه ان شاء الله...
عمرو قائل:: وتين انتي صديقه طفولتي وتاكدي ان هفضل واقف جنبك على طول!! ولو ابله ناديه ما عرفتش تحل الموضوع !انا عرضي لسه قائم...
وتين بابتسامه وبرغم انها رفضته الا انه ما زال يقف بجانبها ولا يتخلى عنها قائله ::شكرا بجد على اهتمامك يا عمر
عمر قائل:: اللي بينا صداقه مش الشكر !ده كلامك
وتين بضحكه خفيفه قائله ::اكيد انت اغلى صديق عندي يلا سلام لازم امشي دلوقتي ..
ينظر لها وهي تذهب امام عينه قائل:: انا عمري ما هتخلى عنك حتى وانا عارف انك بتحبيه وان عمرك ما هتكوني ليا !بس لو كنت فشلت اكون حبيبك! اوعدك اني مش هفشل اكون صديقي يحميكي..
⭐⭐⭐⭐⭐ في شقه جواد⭐⭐⭐⭐⭐⭐
يترك الباب لتفتح بيسان بصـ ـدمه قائله:: انت ايه اللي جابك هنا ؟!
فارس بقلق قائل ::عايزاني اعمل ايه وانت ما بتجيش الجامعه !ولا بتردي على مكالماتي ؟كان لازم اجي اشوفك
بيسان بخوف تنظر لترى اذا كان حد ياتي على السلم ام لا قائله:: طيب امشي دلوقتي!!
فارس قائل:: انا ما جيتش علشان امشي! في ايه يا بيسان انت بتتهربي مني ليه... انت في حد ثاني في حياتك؟!
بيسان بتوتر قائله:: انت بتقول ايه يا فارس! الكلام ده مش وقته ...امشي قبل ما حد يشوفك! انت كده هتعمل لي مشكله لو حد شافك...
فارس بنظرات حب قائل ::حاضر همشي!! بس طمنيني عليك الاول؟!
بيسان بتوتر تسمع خطوات احدهم يطلع على السلم تشـ ـده الى الداخل وتقفل الباب!! فارس كان ينظر لها بحبك وهو لا يفرق عنها الا انفاس قليلا يسرح في عينيها الخايفه وينسى كل شيء...!!
بيسان تنظر من العدسه السحريه وتتاكد من ان ما فيش حد على السلم وتلتفت عليه وهي تتنفس بعمق وتغمض عيونها قائله::الحمد لله عمي عباس طلع شقته !!ثم تكمل بانفعال ::جنـ ـانك ده كان هيودينا في داهيـ ـه! لو حد شافك هنا هتبقى مصيبـ ـه...!
فارس ما زال شارد في جمالها قائل ::انا عايز اقول للدنيا كلها اني بحبك !واني مش هقدر ابعد عنك..
بيسان بارتباك تبتعد عنه قليلا قائله:: فارس انت لازم تمشي حالا ابيه جواد ممكن يجي في اي لحظه... ولو شافك هتبقى مصيبـ ـه ! ارجوك امشي وما تحاولش تيجي هنا تاني!!
فارس بانفعال قائل:: ليه مش عايزاني اقابله واكلمه! ليه بتحمليني ذنب حاجه انا ما ليش ذنب فيها؟!
بيسان تردد بحزن قائله ::مش هقدر اختار بينك وبين اخويا لو اتحطيت في الاختيار بينكم ! افهمني انا ما ليش في الدنيا دي غير اخويا ،مش هخسره لاي سبب كان!
فارس بنبره متالمه قائل ::يعني عندك استعداد تخسريني؟!
اطلقت تنهيده متالمه قائله ::امشي يا فارس... امشي وانساني ...اللي بيني وبينك باكبر بكثير من الحب؟!
فارس بانفعال قائل:: اخوك لازم يفهم اني ما ليش ذنب في اللي حصل.. وما حدش كان ليه ذنب؟!
بيسان بانفعال قائله:: اخويا خسر مراته بنته اللي ما لحقش يشوفها... انا مش هسيب اخويا حتى لو اضطريت اني ادوس على قلبي...
فارس برجاء قائل ::بيسان انا بحبك ،ممكن اعمل اي حاجه عشان اقنع جواب وافهمه...!
بيسان تحاول الا تستسلم لتلك الدموع لتسقط قائله:: فارس لو سمحت امشي !!مش عايزه حد يشوفك هنا! واللي بينا كان جميل ،بلاش تمحيه بتصرفاتك دي؟!
فارس باصرار قائل ::انا همشي يا بيسان ! بس انا مهما حصل هسيبك ومش هسمح لافكار اخوك المريضه انها تاخدك مني انت فاهمه...
ينهي حديثه ويفتح باب الشقه ويقفلوا بقوه ويذهب!!
بيسان تنتفض من ضـ ـربته الى الباب قائله:: انا مجبوره اني انساك يا فارس... اللي بينا خلاص ما بقاش في حاجه تقدر تمحيه؟!
⭐⭐⭐⭐⭐في بيت جابر⭐⭐⭐⭐⭐
تجلس فريال وهي تضع راسها بين كفيها لتدخل عليها وتين من الخارج قائله ::السلام عليكم يا ماما
فريال ترفع راسها وترسل تنهيده قائله ::وعليكم السلام يا بنتي ،هقوم احضر لك الغداء، على ما تغيري هدومك
وتين بقلق تقترب منها قائله:: مالك يا حبيبتي في ايه! هو بابا عمل لك حاجه تاني؟!
فريال تتجه الى المطبخ قائله:: ادخلي غيري هدومك علشان بعد الغداء هننزل نروح للدكتوره تكشف عليك!؟
وتين بصـ ـدمه قائله ::ماما انت بتقولي ايه ؟!
فريال وهي تخفي تلك الدموع ولا تنظر لها قائله:: اللي سمعتيه يا وتين! جهزي نفسك عشان ابوك هيجي دلوقتي ونروح للدكتوره...!
وتين بتوتر قائله ::بس انا مش تعبانه يا ماما ومش عايزه اروح للدكتوره!!
فريال قائله:: ابوكي عايز يطمن عليك ويعرف انت لسه بنت ولا....؟!
وتين وكاد قلبها ان يقف قائله:: ماما انتم ازاي عايزين تعملوا حاجه زي دي؟!
فريال بوجع قائله ::يا بنتي اطمني ما تخافيش انا هبقى معاكي، الموضوع بسيط وسهل، الدكتوره هتكشف عليك ونرجع على البيت، علشان ابوك يطمن،،
وتين برفض قائله ::لا يا ماما انتم مش ممكن تعملوا فيا كده! انا بنتك،، وانت عارفاه اني مستحيل اغلط او اعمل حاجه زي دي ؟!
فريال تضع وجهها بين كفيها بحنان قائله ::حبيبتي انا واثقه فيك! وفي تربيتك! بس ابوك مصر الدكتوره تكشف عليك! وانت عارفه ابوك!!
وتين بدموع قائله:: ماما ارجوكي انا مش عايزه اروح !اتكلمي مع بابا!!
ويدخل جابر قائل:: الكلام في الموضوع ده انتهى يا وتين يلا عشان الدكتوره مستنيانا!!
وتين تلتفت على الصوت قائله ::انت ازاي عايز تعمل في بنتك كده!!
جابر وهو يتجاهل دموعها قائل ::لازم اعرف انت رافضه الدكتور هشام ليه !وليه مش عايزه تتجوزي؟!
وتين بانفعال قائله:: هو اي واحده ترفض واحد ومش عايزه تتجوز دلوقتي تعملوا فيها كده ؟!
جابر يشـ ـدها من شعرها قائل:: عارفه يا واطيه لو طلعتي ملـ ـوثه شـ ـرفي هعمل فيك ايه هـ ـدفنك صاحيه !!
وتين من بين شهقاتها قائله ::حرام عليك انت بتعمل فينا ليه كده !مش ذنبنا ان ربنا خلقنا بنات! ليه بتكرهنا وبتعاملنا بالقسـ ـوه دي ؟!
فريال تاخذها من بين يديه قائله ::انا هقول لك يا بنتي! علشان ابوك ما بيحبش البنات! كان منى عينه انه يخلف صبيان!!
جابر بغضـ ـب قائل ::ايوه انا ما كنتش عايز خلفه البنات كنت عايز ربنا يرزقني بولد يشيل اسمي، بس جيتي انت واختك بنات ،، وعلشان اكمل لك كلام امك اللي زي السم هتمشي معايا وهنروح للدكتوره وهتكشف عليك غصب عنك،، انت وامك ،،ولو عرفت انك ملـ ـوثه شـ ـرفي
يا حيـ ـوانه هـ ـدفنك بايدي!!؟
جابر يسحبها من يدها خلفه ليذهبوا الى الدكتوره ولا يهتم لمشاعرها وخوفها ،وايضا لا يهتم لتلك الحجاب الذي نزعه وهو يضـ ـربها ،ونصف شعرها خارج الطرحه،، لكن الحظ لم يحالف جابر كثير ليقابلهم جواد على السلم وياخذ وتين من بين يديه لتقف خلفه ويقف هو بوجهه بانفعال قائل:: انت بتعمل ايه يا جوز عمتي ؟!
جابر بعصبيه قائل ::ما تتدخلش بيني وبين اهل بيتي اوعى من وشي !!
جابر يحاول ياخذ وتين لكن جواد يمنعه بتحذير قائل:: قلت لك سيبها وما تقربش منها... في ايه يا عمتي ايه اللي بيحصل؟!
فريال وهي لا تعرف بجانب مين تقف قائله:: ما فيش حاجه يا ابني احنا رايحين مشوار احنا وعمك؟!
جواد ينظر لوتين ويراها على تلك الحال المزري شعرها خارج الطرحه ولبسها متبهدل وتبكي وفي حاله
من الانهيـ ـار،، ليلتفت اليهم بانفعال قائل ::مشوار ايه ده اللي يخليه يسحبها وهي بالشكل ده وراه....؟!
جابر زعيـ ـق قائل:: قلت لك سيب البت وما تتدخلش في اللي ما لكش فيه!!!
جواد ينظر لوتين وقبل ان يوجه لها اي كلمه يغمى عليها وتقع بين ايديهـــــ!!؟
يتبع......
⭐⭐⭐⭐⭐بقلمي حور طه⭐⭐⭐⭐⭐⭐
صلي علي الحبيب❤
•تابع الفصل التالي "رواية نياط القلب" اضغط على اسم الرواية
تعليقات
إرسال تعليق