رواية نبضات قلب الفصل السابع 7 - بقلم منة مهران
البارت السابع
نبــضات قلـب
♡♡♡♡♡♡♡♡♡♡♡♡♡♡♡🤎
ملاك بوجع: ادخل
ادهم: انا ادهم يا ملاك ادخل
ملاك: الحقني
ادهم دخل بسرعه ولقاها واقعه علي الارض وكانت بتحسس علي الارض وشعرها مفرود علي ضهرها
ملاك بدموع: مش قادره
ادهم خد الطرحه وحطها علي راسها وحاول يسندها ونيمها علي السرير
ملاك بشهقات: انا انا كنت عايزه اخش الحمام ومكنتش عارفه انا تعبانه اوي
ادهم: ششش اهدي يا ملاك ان شاء الله خير بإذن الله هترجعي احسن من الاول وابقي قولي ادهم قال
ملاك: انا مخنوقه اوي اوووي وكتمت صوت عياطها علشان حياه
ادهم: هصحي داليا تيجي تساعدك تتوضي وتصلي قيام الليل وانا متاكد انك هترتاحي
ملاك:لو مش هتعبك ياريت
بعد شويه كان ادهم راح عند داليا وساعدوها تتوضي
ملاك: شكرا
داليا: العفو يا حبيبتي هروح انام انا بقه تصبحو علي خير
ملاك: وانتي من اهل الخير
ادهم: مش عايزك تفكري في حاجه خالص صلي واهدي ولو عوزتي اي حاجه نادي عليا انا في الاوضه الي جمبك علطول
ملاك: شكرا
ادهم: العفو تصبحي علي خير
ملاك: وانت من اهله
تاني يوم
••••••••••••••••••
ملاك صحيت بس حست ان في حد بيتحرك حواليها في الاوضه:بسم الله الرحمن الرحيم مين هنا عفريت
انا سهير الممرضه دكتور ادهم قالي اجي واكون معاكي لحد ما ان شاء الله تشدي حيلك انا هاخد بالي من اكلك ودواكي و خلود مساعدتك الخاصه هتفضل معاكي علي طول
ملاك: هتعبكو معايا
خلود: ولا تعب ولا حاجه اهم حاجه صحتك
داليا: صحيتي
ملاك: اه يا حبيبتي تعالي
داليا: خدي ياستي ده موبايلك
ملاك مسكته وفضلت تحسس عليه: موبايلي انا
داليا: ادهم نزل جابه الصبح وركبلك في شريحه وظبطهولك علي الاخر
ادهم: صباح الخير
ملاك اتخضت وحدفته: ده بيتكلم علي الارض
داليا: يابنتي ده ادهم وبعدين ده موبايل اكيد هتسمعي منه اصوات
ملاك: انا بس اتخضيت
ادهم: صباح الخيررر يجماعه
داليا: معلش ياادهم كنت بجيبك من علي الارض
ادهم: طب مش تقعدوني علي الكرسي
داليا: ههههه معلش بقه ملاك اتخضت وحدفته خد هي معاك اهي
ادهم: صباح الخير
ملاك: صباح النور، صدقني مكنش ليه لزوم لكل ده وبعدين انت ناسي اني مش بشوف هشوفه ازاي بقه
ادهم: انا مش عايز اسمع حاجه انتي ملزومه مني يا ملاك وعمري ما هشوفك بتتوجعي وهسكت انتي زي داليا مش عايزك تحسيني غريب واطلبي مني اي حاجه انتي محتاجها وهتكون عندك واه بخصوص تشوفيه ازاي ده هتقولي بس عايزه اتصل باادهم هيرن عليا لوحده انا جايبه بس فتره مؤقته لحد ما ان شاء الله ترجعي تشوفي تاني ولو احتجتي حاجه اعملي بس الي قولتلك عليه وهتلاقيه رن لوحده
ملاك: شكرا يا دكتور ادهم
ادهم حط ايده مكان م كانت بتضربه في المستشفي: دكتور اي بقه قوليلي يا ادهم عادي او ياض ياادهم
ملاك: احم انا كنت رخمه معاك الايام الي فاتت دي ودايما متعصبه عليك انا اسفه
ادهم: انسي الي فات وخليكي في الي جاي يلا هقفل بقه علشان عندي عمليه
ملاك: سلام
بعد مرور شهر والحال زي ما هو وملاك معاملتها مع ادهم اتحسنت عن الاول
ادهم بفرحه: ملاك ملاااااااااك يا ملاااااك
ملاك بخضه: ايه في ايه
ادهم: افرحي ياستي الدكتور حدت معاد للعمليه وهنسافر امريكا
ملاك: بجد
ادهم: الحمدلله المهم يلا تجهزي هنسافر يلا يلا
ملاك: يا ابني اهدا بس هو الدكتور قالك ايه وبعدين ليه منعملهاش هنا في مصر
ادهم: الي هيعملهالك دكتور مصري بس هو في امريكا وانا واثق فيه الصراحه لاني عارفه
ملاك: طيب هنسافر امتي
ادهم: معاد العمليه بعد اسبوعين
ملاك: وعايزنا نسافر دلوقتي
ادهم لعب في شعره: اه صح لسه بدري من فرحتي حاسس انها بكره طيب كملي الي بتعمليه بقه
ملاك: انا مبعملش حاجه كنت قاعده
ادهم: مممم انتي مزهقتيش
ملاك: اوي
ادهم: ننزل ايه رايك
ملاك: هنزل ازاي لازم حد يشيلني احم وانا مش هخليك تعمل كده يعني وبعدين خلاص مش لازم هنزل ليه انا مش بشوف كفايه عليا القاعده جمب الشباك
ادهم شدها لبرا الاوضه بلكرسي: بسيطه ياستي داليا داليا
داليا: ايوه ياادهم
ادهم: روحي جيبي الحراس يجو ينزلو قصادي كرسي الملكه
داليا: عيوني
ملاك: هتعمل ايه
بقلمي/menna moharam
ادهم: الصح اني ملمسكيش لاكن المس الكرسي عادي
الحراس جم وشالو الكرسي قصاد بعض ونزلوها تحت وادهم خرجها الجنينه
ملاك: مع اني مش شايفه حاجه ومش فارق معايا انزل بس حسيت براحه لما نزلت وشميت الهوا
ادهم: داليا انقلي حاجات ملاك في اوضه تحت علشان تخرج وقت ما تحب حرام البنت بقالها شهر فوق
ملاك: اه ياريت انا جالي اكتئاب اكتر
ادهم: ماانتي مكنتيش عايزه تنزلي
ملاك بحزن: مهو علشان مش بشوف
ادهم: مش مهم هتشمي هوا مش بذمتك حاسه براحه
ملاك: اوي اوي
ادهم: خدتي دواكي
ملاك: اه سهير ادتهولي من شويه
وفجاه دخلت هبه
••••••••••••••••••
هبه: حبيبتي الف سلامه عليكي ان شاء الله انا وانتي لا يا حبيبتي
ملاك بصدمه: هبه هبه انتي هنا
هبه راحت حضنتها: الف سلامه عليكي هتكوني كويسه ان شاء الله يا حبيبتي
ملاك بفرحه: انا مبسوطه انك جيتي اوي
هبه: حبيبتي هو انا ليا غيرك
ملاك: مين الي قالك علي مكاني
هبه بصت علي ادهم: انا لفيت عليكي الدنيا وروحت المستشفي الي دكتور محمد الله يرحمه شغال فيها وساعتها شوفت دكتور ادهم الله يكرمه قالي بقه علي كل حاجه
ادهم: عامله ايه يا هبه
هبه: الحمدلله يا دكتور
ادهم: طيب هسيبكو تتكلمو هخش انا جوا
ملاك: هو انتي بتقولي شوفتي ادهم في المستشفي ازاي عرفتيه وازاي عرفتي المستشفي الي شغالين فيها
هبه بتوتر: ها ا ا
ادهم: اه هي كانت بتسال عن دكتور محمد علشان عايزه توصلك وانا معدي بصدفه سمعتها وعرفت انها اختك
ملاك بشك: مش عارفه حاسه ان في حاجه غلط
ادهم: المهم فكك انتي مش فرحانه بااختك ولا ايه
ملاك: فرحانه طبعا تعالي نقعد جوا يا هبه انتي وحشتيني اوي
هبه: لالالا ده انا لازم امشي دلوقتي اهو علشان جوزي هبقا اجيلك يوم من الصبح اقعد معاكي وبصت للڤلا ماشاء الله قاعده في قصر ولا فيه الاحلام
ادهم: بتقولي حاجه
هبه: لالا انا ماشيه هتعوزي مني حاجه يا ملاك
ملاك: سلامتك ابقي خدي رقمي من دكتور ادهم
ادهم: ماشي هدهولها
هبه غمزت لادهم ومشي وراها لحد الباب
ادهم طلع فلوس من جيبه: هتيجي تاني امتي
هبه بصت للفلوس: الوقت الي انت عايزه لو عايزني ابات معاها من دلوقتي هكون عندها اروح بس تجيب هدومي واجي
ادهم: انا اسف بس بيتي مش بيدخله ناس نيتها مش سالكه هو حلو اوي في الجنينه كده تسلمي وتمشي علطول زي الشطوره
هبه: قصدك ايه
بقلمي/menna moharam
ادهم: لالا متشغليش بالك خدي الفلوس اهي وهيوصلك زيهم لما تيجي تاني وياريت تعامليها احسن من كده شويه ولما تقولك اقعدي تقعدي
هبه: عيني يادكتور عايز حاجه
ادهم بقرف: هعوز منك ايه يعني امشي
ادهم وافتكر اليوم الي كلم فيه هبه علشان تعمل كده
فلاش بااااك
••••••••••••••••••
ادهم رجع من المستشفي ولسه هيدخل اوضته شاف حياه
حياه: يااادهومي
ادهم نزل لمستواها: يالهوي علي ادهومي وسنينه
حياه: تعال بس اقولك حاجه في ودنك
ادهم: قولي ودني ليكي يباشا
حياه: مامي ملاك بتعيط جامد هي متعرفش اني شوفتها وانا زعلانه اوي عليها ممكن تكون زعلانه علشان بابي تعرف انا كمان مضايقه
ادهم: ادهومي معاكي صح وهيفضل معاكي مش انتي بتحبيني
حياه: ايوه بحبك اوي
ادهم: بابي في مكان احلي من هنا يا حياتي وان شاء الله ربنا يجمعنا بيه في الجنه ادعيله يا حبيبتي وانا اوعدك اني هكون ليكي الاخ والصديق قبل الاب وهفضل معاكي يا حياتي ومش هسيبك ابدا ومافيش حاجه هتفرقنا عن بعض انتي بنت الغالي تعرفي ان انا اول واحد لمست ايدك كانت صغننه كده ومازال والله يابت انتي ايه مبتكبريش
حياه: هيهيهي انا هفضل صغنونه
ادهم قام وقف ومسك اديها: طيب تعالي نشوف استاذه ملاك مالها
حياه: يلا بينا
ملاك: ادخل
ادهم دخل لقاها قاعده علي الكرسي وحاطه اديها علي وشها راح عندها ولف الكرسي ليه
ملاك مسحت دموعها: مين مين
ادهم نزل لمستواها: بتعيطي ليه
ملاك: مافيش
ادهم: قولي يا ملاك بقه في ايه
ملاك: حاسه اني وحيده مع ان اختي علي وش الدنيا كنت مستنيه منها مكالمه او تسال عني تعرف اذا كنت عايشه او ميته مبتسالش عني خالص حته الشخص الوحيد الي حسيت معاه بلامان وحبيته من كل قلبي سابني ومشي
ادهم: يابنتي ماانتي مغيره موبايلك هتعرف توصلك ازاي
ملاك: تسال عليا لحد ما توصلي بس انا كده كده مش هماها انا وحشه اوي كده علشان هي متحبنيش انا نفسي احس ان ليا اهل
ادهم: يعني مش حاسه معانا بكده اعملك اراجوز طيب
ملاك ضحكت: برضوه تسال علي اختها ده انا اختها حته ليه وحشه معايا كده
ادهم: اضحكي ياستي وان شاء الله يرجعلها عقلها وتفهم
ملاك مسحت دموعها: متغلطش
ادهم: مهو اكيد معندهاش عقل الصراحه ازاي تفكر تزعل ملوكه يعني صح يا حياتي ولا ايه
حياه وهي بتاكل الشوكلاته: ايوه صح الصح
ادهم: ونبي تلاقيكي مش فاهمه حاجه
ملاك ضحكت: هي تلاقيها مركزه مع الشوكلاته الي حضرتك كل يوم تجبهالها وانت جاي
ادهم طلع واحده من جيبه: خدي جبتلك واحده علشان سنانكو تسوس مع بعض وبعدين انتي عرفتي ازاي اني مديها شوكلاته
ملاك: ههههههههه شمتها يا ذكي تعرف انا نقطه ضعفي الشوكلاته اصلا
ادهم: ايوه كده يا شيخه اضحكي محدش واخد منها حاجه يلا انا هدخل انام بقه تصبحو علي خير
ملاك: وانت من اهل الخير
ادهم راح اوضته وفضل يفكر ازاي يفرحها وقرر انه يروح بيت اختها
تاني يوم
••••••••••••••••••
جلال: مين الباشا
ادهم: انا ادهم عايز اتكلم مع استاذه هبه
جلال: يا هبه هبه انتي يا زفته
هبه: عايز ايه اده والله يابيه ما عملنا حاجه
ادهم زق جلال ودخل قعد علي الكنبه وفضل يبص لشكل الشقه وليهم
جلال: عايز ايه يااخ وازاي تقتحم بيتنا بشكل ده
ادهم: انتي اخت ملاك مش كده
هبه: احم اه اختها
ادهم: مجربتيش تسالي عليها
هبه: اسال عليها ليه مهي مع البيه اكيد مبتفكرش فيا اصلا ونسيتني هو حد يبقا معاه البودي جارد ده ويعوز حد
ادهم: اختك قاعده علي كرسي متحرك بسبب الحادثه الي عملتها من ساعه ما مشيت من هنا الحادثه كانت السبب ان يحصلها كسر في رجليها الاتنين وللاسف كانت سبب في انها تفقد نظرها، يا هبه اختك كانت عماله تعيط علشان نفسها في حضن منك حاسه انها وحيده بعد ما محمد مات
هبه قامت وقفت: لا حول ولاقوه الا بالله ط طب هي كويسه
ادهم: هتيجي
هبه بصت لجلال: ممممم هفكر
ادهم: 1000 ج حلو
هبه: ها هاجي
جلال بطمع ومسك اديها : هتفكر برضوه
ادهم: 2000
جلال: هتفكر يابيه
ادهم: هو حضرتك لسانها، انت ليه بترد انا بسالها هي
جلال: وانا جوزها وكلمتي هي الي تمشي
ادهم: بت خلاص براحتك متجيش
هبه: خلاص يابيه حاضر حاضر وبصت لجلال
ادهم: معاملتك معاها تكون كويسه واقسم بالله لو زعلتيها بكلمه واحده مش هتشوفي خد جوزك المقلبظ ده
جلال حط ايده علي خده: انا مالي يا بيه
ادهم بصلهم بقرف ومشي وفجاه وقف وبصلها بطرف عينه: تكوني عندي بكره الكارت بتاعي اهو ابقي كلميني علشان ابعتلك السواق
هبه: ححاضر يابيه
باااااااك
••••••••••••••••••
ملاك: مش عارفه مبيردش ليه هو انتي متاكده انه واقف
حياه: والله اهو واقف قدامي
ملاك: اومال مش بيرد ليه
حياه: تيجي نضربه علي راسه
ملاك: هيقع يغمي عليه وهنشيله ازاي
حياه: احنا بقالنا كتير بنادي عليه بس شكله مش سامع
ملاك بصوت عالي: دكتور ادهممممممممممم
ادهم: في ايه
بقلمي/menna moharam
ملاك: انت مستني حد يجي تاني ولا ايه
حياه: شكله مشي الحراس ووقف هو ههههه
ملاك ضحكت: باين كده
ادهم شال حياه: اه منك يا لمضه كنت سرحان شويه بس
حياه: شويه ده احنا بقالنا كتير بنادي عليك صح يا ملاك
ملاك: حصل
ادهم: تيجو نخرج انا زهقان وكمان معنديش عمليات انهارده ومش هروح المستشفي
ملاك: لا ماليش مزاج مش عايزه اخرج
ادهم: ليه بس
ملاك: كده انا انا عايزه اروح لمحمد
ادهم: حاضر
حياه: بجد هنروح طيب انا كنت شايله وردتين واحده لمامي وواحده لبابي هطلع اجبهم واجي علي طول
ادهم نزلها: يلا روحي وبص لملاك لقاها بتعيط
ملاك بدموع: ربنا يرحمهم
ادهم سابها ودخل اوضته
ملاك مسحت دموعها: كنت بحبه اوي مش متخيله حياتي من غيرو ربنا يرحمه المهم وديني اوضتي علشان البس، ادهم ادهم
يتبع
بقلمي/menna moharam
رايكو يحلوين بصراحه 🤎🤎
.صلوا عليه وسلموا تسليما كثيرا🤍
•تابع الفصل التالي "رواية نبضات قلب" اضغط على اسم الرواية
تعليقات
إرسال تعليق