رواية قلب يشفى الفصل السادس 6 - بقلم منة عاطف
البارت السادس
فاق تميم علي صرخه يوسف
تميم: في ايه وخرج
لقي يوسف مشغل ماتش كوره
تميم: انتي بتعمل ايه
يوسف بحماس : الاهلي بيلعب
تميم: تقوم تخضني الخضه دي
يوسف: معلش سيبني بقي اسمع الماتش وبعدين نتخانق
تميم: يعني مش هتاكل
يوسف: مش لازم اسمع الماتش ونبقي نشوف اللي يحصل بعدها
عند ملك
نهاد: ملك
خرجت ملك من اوضتها
ملك: نعم يا ماما
نهاد: انزلي هاتي الطلبات دي من تحت
ملك: حاضر
ودخلت تلبس واخدت الفلوس ونزلت
دخلت نهاد اوضت ملك وبدأت تشوف ايه في شنطتها
طلعت كل اللي فيه واكتشفت دوا وروشته وبدأت تقري اسم الدكتور: تميم محمد طبيب أمراض نفسيه وعصبيه
نهاد بصدمه: ايه ده بنتي مالها؟!!!!
وبدأت الدموع تنزل من عنيها
نهاد بدموع: بنتي انا
سمعت صوت فتح الباب
راحت مرتبه كل حاجه مكانها وطلعت لقت سيف هو اللي جه
نهاد : حمد الله علي السلامه يا حبيبي
سيف: الله يسلمك هيا ملك فين
نهاد: نزلت تجيب طلبات للبيت
سيف: في الوقت ده يا أمي
نهاد: كنت عايزاها تنزل علشان اشوف حاجه
سيف: في ايه يا امي
نهاد والدموع بدأت تنزل من عنيها تاني: ملك بتروح لدكتور نفسي
سيف بصدمه: ايه يا أمي
نهاد: زي ما بقولك كده
ولسه سيف هيرد
فتحت ملك الباب ودخلت
ملك: دي كل الطلبات
نهاد: تعالي اقعدي معانا
ملك: لا عايزه اقعد في الاوضه عندي شغل
سيف: طب كلي معايا طيب
ملك: لا مش هقدر صدقني اكلت في الشغل وقت البريك
سيف: طيب ماشي
وسابتهم ودخلت
سيف: انا هشوف طريقه يا أمي
نهاد: علشان خاطري بسرعه
سيف: من عيوني
دخلت ملك الاوضه فتحت الموبايل بدأت تتصفح الواتس وترد علي صحابها
آلاء: ملك هو انتي فاضيه بكره
ملك: اه ليه
الاء : تعالي اقعدي معايا شويه
ملك: حاضر
وفضلو يتكلمو شويه
عند تميم بعد ما خلص الماتش واكل
تميم: يوسف تعالي نتمشي سوي
يوسف: تمام
ونزلوا يتمشوا
يوسف: مالك؟!!
تميم بتنهيده : مفيش بس مخنوق شويه
يوسف: من ايه
تميم: مش عارف
يوسف: انسي
تميم: مش قادر
يوسف: هيا مش تعرف عنك حاجه علشان عينك جت في عينها مره واحده حبتها
تميم: انا مش عارف انا حبتها ليه او عشان ايه انا عمري ما نسيت ملامح وشها ولا عمري نسيت ابتسامتها اللي كانت كلها وجع عارف انا بقيت دكتور نفسي ليه
يوسف: ليه؟!!
تميم: علشانها هيا علشان احاول اخفف الوجع عنها عارف كنت حاسس انها في يوم ممكن تيجي بس مش بالسرعه دي كنت بجهز نفسي للوقت ده عارف انا مش عارف كنا هنتقابل ازاي او امتي
بس كنت حاطط امل كبير في ربنا او في يوم من الايام هشوفها واتكلم معاها يمكن اتغيرت عن زمان ملامحها بهتانه بس هحاول اخلي الضحكه ترجع تاني ليها
يوسف: ياههههه انا عمري مكنت اعرف انك رومانسي للدرجه دي
تميم: تصدق اني غلطان علشان حكيت ليك
وبص للساعه كامت وصلت ١٢
تميم:يلا علشان الوقت اتأخر
يوسف: يلا
وكملوا دردشه لغايه لما وصلوا البيت ودخل كل واحد علي اوضته علشان ينام
تاني يوم الصبح صحي تميم ادي فرض الصبح
وطلع بره لقي والدته بتجهز الفطار
تميم: صباح الخير يا ست الكل
حنان: صباح النور يا عيون ست الكل
تميم: يوسف لسه مصحيش
حنان: لا لسه صحي صلي الفجر وقعد شويه ودخل ينام
تميم : تمام
عند ملك اليوم كان اجازتها وصلت ليها رساله من ريم علشان تعزمها علي عيد ميلادها
ريم: ملك انا بعزمك علشان عيد ميلادي هعمله يوم الجمعه اللي جايه وهعزم صحابنا اللي من ثانوي اتمني تحضري
ملك بحزن: كل سنه وانتي طيبه هحاول
قفلت ملك الموبايل وبدأت عينها تدمع وتفتكر الذكريات الحلوه معاها وان دي هيا ذكرياتها الحلوه بس
عدت نهاد من قدام الباب وهيا بتسمع صوت عياطها القوي اللي اول مره تسمعه
نهاد: ملك في حاجه يا حبيبتي
ملك وهيا بتمسح دموعها مفيش حاجه انا بخير ده بس شويه صداع مش اكتر
نهاد: يا ملك تعالي اقعدي معايا بره
ملك: لا انا مرتاحه في اوضتي
نهاد: انتي بقالك اكتر من شهرين مش بتاكلي معانا في البيت
ملك: باكل في الشغل
نهاد: طب ريم عامله ايه طيب
ملك: بخير الحمد لله
نهاد: طب تعالي افطري معانا
ملك: مش جاي ليا نفس
نهاد قامت وشدتها من ايدها
نهاد: يلا
قامت معاها ملك بهدوء علشان مش يحصل اي مشاكل
خرجوا بره لقو سيف قاعد بره
سيف: صباح الخير يا ملوكه
ملك: صباح النور عليك
ملك: هروح اجهز الفطار
نهاد: لا لا خليكي انا هجهزو
ملك باستغراب: تمام
وقعدت بره مع سيف
ملك: سيف
سيف بانتباه: في ايه يا ملك عايزه تحكيلي حاجه
ملك: آلاء صحبتي عايزاني اروح ليها اروح؟!!!
سيف: طبعا روحي
ملك: تمام
سيف: هيا ريم عامله ايه
ملك باستغراب: الحمد لله في ايه
سيف بتوتر : ها لا مفيش حاجه بطمن بس
ملك : آه طب كويس
بعد فتره جهزت نهاد الاكل ونادتهم علشان ياكلوا
راحت ملك لغايه السفره وقعدت
نهاد: خدي البيض ده
ملك: مش بحب البيض
نهاد: طب بتحبي ايه
ملك: هاكل اي حاجه
سيف: طب قوليلي انتي بتحبي ايه وانا همعله
ملك: مش هتفرق اهو كله اكل
واكلت لقمتين
ملك: انا شبعت
وقامت دخلت اوضتها اخدت الدوا
واخدت رقم الدكتور تميم وسجلته ودخلت الشات
ملك: دكتور تميم، السلام عليكم ، انا ملك كنت حابه اعرف هو حضرتك فاضي تسمعني
بعد خمس دقايق وصل الرد
تميم: وعليكم السلام ممكن علي العصر لاني مش فاضي دلوقتي
ملك : شكرا جدا لحضرتك
تميم : لا مفيش اي مشاكل براحتك انتي مريضتي ولازم اكون معاكي
ملك: شكرا
وقفلت
دخل سيف عليها الاوضه
سيف : الحقي......
ملك :
يتبع
#قلب يُشفي
بقلمي : #منه عاطف
وان القلب ينبض من أجل من يحب وعندما يحب القلب لن يعود كما كان
البارت السادس
•تابع الفصل التالي "رواية قلب يشقى" اضغط على اسم الرواية
تعليقات
إرسال تعليق