رواية نبضات قلب الفصل الخامس 5 - بقلم منة مهران
البارت الخامس
نبـضات قلـب
♡♡♡♡♡♡♡♡♡♡♡🤎
حياه: بابي بابي حااااااااااسب
ادهم: الو يا احمد خير
احمد: دكتور ادهم دكتور محمد العربيه اتقلبت بيه اتفاجئت لما لقيت الناس جيباه علي هنا حالته صعبه اوي ياريت تيجي حالا والبنت حالتها خطيره ياريت تيجي دلوقتي
ادهم : ا انت بتقول ايه طيب انا جاي
بعد شويه ادهم كان غير طريقه وطلع علي المستشفي
ادهم: ل لو سمحت فين دكتور محمد فاروق جه هنا في حادثه عربيه
الممرضه: ايوه يادكتور كانو تلاته للاسف الي كان سايق هو الي اتأذي ومراته في العنايه المركزه دلوقتي عندها نزيف داخلي وكدامات في جسمها
ادهم بدموع: و و والبنت
حياه بدموع: اونكل ادهم
ادهم راح عندها ونزل لمستواها وفضل يبص للجروح الي في اديها وراسها الي ملفوفه بشاش حضنها بخوف: انا معاكي يا حبيبتي
شاب من الي كان واقف وشاف الحادثه
الشاب: حضرتك متعرفش باباها كان حضنها ازاي بكل قوته علشان متتأذيش احنا حاولنا نفكهم من بعض الحمدلله انها بخير وربنا يطمنك علي اهلها
ادهم: هو اي اي الي حصل
الشاب: الحادثه حصلت جمب المحل بتاعي الي شوفته ان دخل في رصيف والعربيه اتقلبت وجريت عليهم انا والرجاله وطلعناهم وجبناهم هنا علي اقرب مستشفي
ادهم: كتر خيركو شكرا
حياه: بابي فين وملاك
ادهم حضنها: شششش اهدي بابي كويس
حياه: بجد طب هو فين عايزه اشوفه
ادهم: انتي تعبانه صح بابي لو شافك كده هيزعل اوي اوي وانتي مش بتحبي تشوفي بابي زعلان مش كده
حياه: ايوه بس انا عايزه امشي من هنا
ادهم: حاضر يا حبيبتي
الممرضه: دكتور ادهم دكتور ادهم
ادهم: في ايه
الممرضه:دكتور محمد بينادي علي حضرتك كتير وعايز يشوفك لو سمحت تعال معايا ضروري
ادهم بص علي حياه: حبيبتي خليكي هنا اتفقنا واحمد هيجبلك حاجه حلوه وبص لاحمد
احمد: متقلقش هقعد معاها
ادهم راح عنده ومشي ببطئ مكنش قادر يمشي محمد كان نايم مبيتحركش ومكنش فيه حته سليمه كان بيفتح عينه ببطئ ادهم راح مسك اديه
محمد بتعب: متعييطش ا انا ا انا عايزك ت تخلي بالك من حياه ا انت ابوها و وخلي ب بالك من ملاك هي هي طيبه و وبنت حلال اهلها ناس طلعو م مش كويسين خ خالص خليك معاها و وخلي بالك من ن نفسك
ادهم ادهم كان ماسك اديه ودموعه نازله زي طفل صغير خايف يخسر ابوه: شششش ششش انت هتقوم وهتخلي بالك مننا كلنا انت فاهم
محمد ببتسامه: ا انا هروح لحبيبتي د دعاء مستنياني بتناديني و وصيتي ليك ت تخلي بالك من من ح حياه م ملهاش غ غيرك و وخلي ب بالك من ملاك ومن ن نفسك مع ال م اااه
ادهم: شش متتكلمش علشان متتعبش
محمد ابتسمله وغمض عينه
ادهم بص للجهاز وهو بيصفر واديه الي سابت ايده : محمد متسبنيش علشان خاطري قوم انت هتكون كويس والله قوم بس علشان نعملك فرح محصلش الناس كلها هتحكي بيه يلا بقه قوم طيب مش علشاني قوم علشان حياه يلا بقه متهزرش قوووووم بقه انت اكيد بتهزر صح يلا بقه انت عارف اني بخاف عليك من الهوا اصلا يلاااا بقه يا محمد قووووم معايا يلا هات ايدك هزارك بايخ اوي
الدكاتره دخلو وفحصوه: البقاء لله
الممرضه بدموع: إنا لله وإنا اليه راجعون كان دكتور طيب وشاطر وكان بيحب شغله اكتر من اي حاجه
ادهم: ششش انتي بتقولي ايه ممتش صدقيني هيقوم وهيرجع يعمل عمليات تاني للمرضي هو مستحيل يسبني
-شد حيلك يا دكتور ادهم علشان الطفله الي قاعده برا
ادهم افتكر حياه ومسح دموعه وخرجلها برا
حياه شافته وجريت عليه: ادهومي بابي كويس اطمنت عليه
ادهم قعد علي ركبته: ها اه يا حبيبتي كويس تيجي اوديكي يلا لتيته كوثر
حياه: اه ياريت انا مش بحب قاعده المستشفي بس عايزه بابي يجي معايا، اده بابي اهو طلع
ادهم قام وقف ومسك اديها: حياه حياه
حياه سابت اديه و جريت وقفت قصاد سرير باباها ونامت علي كتفه: هو انتو هتودوه علي فين ونايم ليه علي السرير ده اده انتو مغطين وشه ليه كده شيلو الملايه دي بابي حبيبي قوم بص ايدي اتعورت ازاي ودماغي طنط الدكتوره حطتلي مرهم قولتلها بابي دكتور وهو هيحطلي بس هي مرضيتش
ادهم: حياه تعالي يا حبيبتي نروح لتيته
حياه بدموع: هو بابي مش بيرد عليا ليه انت مش قولت انه كويس يا دومي
ادهم: حياه بابي راح عند ربنا وهناك المكان احسن من هنا بكتير اووي
حياه بدموع: لا انت بتكدب بابي عايش وهيقوم
ادهم: حبيبتي اهدي علشان خاطري
حياه: لالالا بابي قوم يلا بابي بابي قوووم لا متسبنيش لوحدي ليه هتسبني ليه هتسبني زي مامي ليه كلكو بتسبوني انت مش قولت هتفضل معايا طب كنت خدني معاك انت هتسبني هنا لوحدي
ادهم حضنها: ششش يا حياتي اهدي
حياه: بابي سبني انا عايزه بابي بابييي
بقلمي/menna moharam
ادهم وحس بتقل بص عليها لقاها فقدت وعيها
بعد شويه فاقت حياه وادهم خدها الڤيلا ورجع خلص إجراءات الدفن
بعد مرور شهر وكان الحال زي ما هو ملاك دخلت في غيبوبه ومحدش عارف هتفوق امتي وحياه عند مامت ادهم ومش بتتكلم مع حد ومش بتاكل ولا تشرب غير قليل وادهم مابين المستشفي ومبين البيت
كوثر: لسه مفقتش
ادهم: لا يا ماما
كوثر: طب تعال يا حبيبي افطر انت مكلتش حاجه شوف شكلك عامل ازاي تعال يابني
ادهم: مش جعان ان انا طالع اوضتي وفجاه فقد توازنه واغمي عليه
كوثر بخضه: ابنيييي دالياااا يا داليااااا
داليا: ايوه ايوه يا اده ادهم ماله
كوثر: تعالي خلينا نوديه اوضته يابنتي ورني علي دكتور بسرعه يجي
بعد شويه
••••••••••••••••••
احمد: هيتركبله محاليل
ادهم: م مش عايز حاجه انا كويس
احمد: لازم تاكل ياادهم اومال دكتور ازاي بقه انت مش عارف ان قله الاكل غلط وهي سبب الدوخه لازم تفوق بقه وتركز في حياتك والبنت الي بقت مسؤوله منك
ادهم: شكرا يااحمد صدقني انا كويس اهو
احمد: هستأذن انا بقه
ادهم: اومال حياه فين يا ماما
كوثر: صحيت من شويه سالت علي باباها ونامت تاني
ادهم: طيب انا هطلعلها
كوثر طبطبت علي كتفه: يابني محمد في مكان احسن يا حبيبي
ادهم دموعه نزلت وحضنها وفضل يعيط
كوثر: متوجعش قلبي عليك يابني
ادهم بدموع: ساب حياه وسبني يا ماما انا وحيد من غيرو كان ابويا كان دايما لما بحتاجه بلاقيه عمري ما قولتله يا محمد وملقتهوش جمبي بسبب او من غير سبب كان يرن عليا لو مردتش من المره الاولي الاقيه جاي البيت ويفضل يخبط جامد لحد ما افتحله ويقولي انت غبي انت مردتش ليه مكنش بيحب يبين مشاعره بس كان بيبقا واضح عليه انا حاسس اني ضعيف من غيرو انا مكسور اوي يا ماما محمد مش صاحبي ومش اخويا ده كان ابويا كنت بشوف في عنيه حب الاب لابنه كنت دايما احس اني طفل جمبه كان بيعاملني زي ما بيعامل حياه
كوثر: راح للاحسن مني ومنك يا ادهم ادعيله يا حبيبي
ادهم مسح دموعه: هطلع اشوف حياه ولسه هيقوم حياه دخلت وطلعت قعدت جمبه
ادهم: كنت جايلك اده حياتي بتعيط ليه
حياه: بابي وحشني
ادهم خدها في حضنه: ادعيله يا نور عيني هو في مكان احسن ان شاء الله انتي مش هتروحي الحضانه بقه مش نفسك تكوني زي بابي
حياه مسحت دموعها: ايوه نفسي ابقا اشطر دكتوره جراحه عايزه ابقا زيه وزيك انت كمان
ادهم: وهتبقي احسن مني كمان
كوثر بصتلهم ببتسامه وقامت
داليا: سبتيه لوحده ليه
كوثر: حياه معاه حضري لاخوكي فطار يابنتي
داليا: مش هياكل يا ماما
كوثر ببتسامه وبصت علي ادهم وحياه وهما قاعدين بيضحكو سوا
داليا:في ايه
كوثر: هياكل علشان خاطر حياه يابنتي هما الاتنين هياكلو سوا حضرلهم الاكل
حياه: هي مامي ملاك فين هي لسه عايشه صح اوعا تقولي حصلها حاجه هي هتيجي امتي
داليا دخلت عليهم: احم احم
ادهم: جيتي في وقتك
داليا: جبتلكو اكل يا حلوين ياريت تخلصوه كله
ادهم وحياه: ملناش نفس
داليا: ازاي يعني ادهم خلي حياه تاكل هي مبقتش تاكل خالص وانتي يا حياه خلي ادهم ياكل تعرفي بقاله شهر علي الحال ده
حياه بصتله بدموع: انت مش بتاكل
ادهم: انتي كمان مش بتاكلي يا حياتي
حياه: هاكل لو كلت علشان خاطري متسبنيش
ادهم: حاضر يا حبيبتي بس تاكلي اتفقنا
حياه: طيب هناكل سوا
داليا: ممكن اكل معاكو انا كمان
حياه: هههه طبعا طبعا
بعد شويه
••••••••••••••••••
كوثر: رايح فين
ادهم: هروح لملاك يا ماما
كوثر: يابني بقالك شهر رايح جاي ما تتصل بحد من اهلها يروحلها وخلاص
ادهم: يا ماما دي وصيه محمد اخلي بالي منها علشان اهلها ناس مش كويسه ومستحيل اسيبها في ظروف زي دي ادعيلها ربنا يقومها باسلامه علشان خاطر حياه حياه بتحبها اوي
كوثر: ربنا يشفيها يا حبيبي يارب ويرجعها بالف سلامه
ادهم: تعرفي حته لو اهلها كويسين انا برضوه هفضل اروحلها كل يوم زي ماابعمل ومش هسيبها دي وصيه محمد الله يرحمه يا ماما
كوثر: ربنا يرحمه ياحبيبي ويصبرنا علي فراقه
ادهم: خلي بالك من حياه يا ماما
كوثر: خلي بالك من نفسك يا حبيبي لا اله الا الله
ادهم: محمد رسول الله
في المستشفي
••••••••••••••••••
الدكتور: دكتور ادهم كنا هنكلم حضرتك حالا
بقلمي/menna moharam
ادهم: في جديد يا دكتور
الدكتور: ايوه الحمدلله فاقت من شويه
ادهم: بجد طيب ممكن ادخلها
الدكتور: تقدر تتفضل بس نص ساعه وياريت متقولهاش علي وفاه الدكتور محمد لان هياثر عليها واه صحيح
ادهم: اتفضل
الدكتور بحزن: احم انسه ملاك الحادثه اثرت علي عنيها ومش هتقدر تشوف
ادهم: انت بتقول ايه
الدكتور: هي اول ما فاقت وعرفت انها مش هتقدر تشوف تاني انهارت وادناها حقنه مهدئه ياريت متقولش ليها علي خبر دكتور محمد هي اول ما صحيت مكنتش بتنادي غير عليه شكلها كانت بتحبه اوي وده هياثر نفسيه عليها
بعد شويه
••••••••••••••••••
ادهم دخل عليها وكانت باصه للسقف ودموعها نازله علي خدها
ادهم: اخيرا فوقتي
ملاك: اتفضل يا دكتور
ادهم: حاسه نفسك احسن
ملاك بتعب: الحمدلله بخير بس بتخيل الحادثه بحس اني مخنوقه اوي مش عايزه تروح عن بالي من ساعه ما صحيت الحمدلله انها جت علي قد كده انا راضيه
ادهم: معلش ان شاء الله هتكوني احسن من الاول
ملاك:المهم حياه ومحمد كويسين صح
ادهم: فل ناقص انتي بس تشدي حيلك وتقومي لحياه هي مستنياكي
ملاك بدموع: نفسي اشوف محمد وحياه اوي بس للاسف مبقتش شايفه حاجه غير ضلمه
ادهم: متقوليش كده انتي هتكوني كويسه بس نعدي فتره العلاج دي احنا هنبعت حالتك لدكتور في امريكا ولو كده هنسفرك برا
ملاك: طيب محمد فين
ادهم: احم موبايلي بيرن هقوم ارد واجيلك
ملاك: انا اه مش شايفه حاجه بس بسمع علي فكره انت موبايلك مرنش في ايه
ادهم كان لسه هيخرج بس ملاك وقفته: محمد حصله حاجه صح قولي متخبيش عليا انا قلبي حاسس وكمان نبره صوتك فيها حاجه مش مريحاني البنت كويسه ومحمد مش كده
ادهم بتوتر: م محمد
ملاك: ممكن اعرف بقه محمد فين هو كويس صح طب حصله ايه عنده ايه ياجماااعه بقه فهموني في ايه حرام عليكو
ادهم قعد قصادها: انتي مؤمنه طبعا باالله ومؤمنه بقضاء الله ملاك بصي م محمد الحادثه هو اكتر واحد اتأذي و و
ملاك: و ايه انطق محمد فين
ادهم: محمد في مكان احسن من هنا بكتير، الذينَ إذا اصَابتهم مصيبة قالوا إنا لله وإنا اليه راجعون، عايزك تشدي حيلك وتهدي علش
ملاك:
يتبع
بقلمي/menna moharam
رايكو يحلوين🤎🤎
اللهم إنا نستودعك فلسطين وأهل فلسطين وكل فلسطين، اللهم كُن لهم عونًا، اللهم إنا لا نملك لفلسطين إلا الدعاء فيا رب لا ترد لنا دعاء ولا تخيب لنا رجاء وأنت أرحم الراحمين.
لا حول ولا قوة إلا بالله العظيم
•تابع الفصل التالي "رواية نبضات قلب" اضغط على اسم الرواية
تعليقات
إرسال تعليق