: البارت الرابع:
ملك بتردد: نفسي ادخل بس خايفه من كل حاجه
يوسف: خايفه من ايه
ملك: ها لا ولا حاجه بس خايفه من الماضي خايفه من وحشيته اللي كل يوم بتنهش في جسمي
يوسف: تمام بس عارفه عمتا ان دي عمرها ما كانت تجربه وحشه لأنك بتحكي لشخص هيقدر يساعدك في حل مشكلتك وهيديكي نصايح للمستقبل علشان تقدري تتخطيها وتبقي في اسعد مراحل حياتك عارفه يا آنسه...
ملك: انسه ملك
يوسف: عارفه يا آنسه ملك اه ممكن مش الاكتئاب او الزعل يروح بسبب السعاده في حاجات ممكن ترجعها ليكي بصي في حاجه بتقول ارمي اللي في قلبك ترتاح
ملك: بس انا ليا صديقه وبحكي ليها كل حياتي
يوسف : عارف وده شئ كويس بس صاحبتك مش دكتوره تقدر تشخص حالتك وتشوفي انتي محتاجه ايه عمتا انا حاولت اساعد بكل اللي اقدر عليه اتمني تكوني فهمتي قصدي
ملك: اه اكيد شكرا جدا لحضرتك
يوسف: ده الكارت بتاع العياده علشان لو حابه تزورينا في اي وقت
ملك بضحك : يعني انت كنت بتعمل دعايه للعياده
يوسف بابتسامه: لا خالص
ملك: شكرا جدا وهفكر في العرض اكيد
يوسف: شكرا جدا ليكي
ملك : الشكر لله
وسابته ومشيت
يوسف: في انتظار حضرتك
ملك: اوك
وقفت ملك تاكسي علشان يروحها البيت
نهاد بقلق كانت بتخفيه: اتأخرتي ليه كده
ملك : معلش ي امي كان في حاله طوارئ وانقذتها وبعدين الشغل اتلغي للاسبوع اللي جاي معلش اني مش قولت ليكي
نهاد: ماشي مش هتاكلي
ملك : مليش نفس هدخل انام
نهاد : صليتي ؟!!!
ملك : هغير واصلي
نهاد : تمام
ودخلت ملك غيرت واتوضت وصلت وكالعاده فضلت تفضفض لله شويه وخلصت ورمت جسمها علي السرير بتفكير
ملك : اروح ولا مش اروح
مسكت موبايلها تكلم ريم
ملك: ريم
بعد فتره
ريم : نعم !
ملك : مالك في ايه
ريم : مفيش حاجه معلش هروح اكلم ماما بس
ملك: تمام
ملك بعد فتره مسكت الموبايل لقت ريم اونلاين ومش بترد علي كم الرسايل اللي ملك بعتته
بدأت تفهم ملك ان ريم بدأت تتغير هيا كمان عليها
ملك بابتسامه حزن: يلا مش فرقت
قفلت الموبايل ونامت وهيا عازمه علي انها تروح للدكتور بكره
__________
__ تاني يوم الصبح صحيت ملك اتوضت وصلت الفجر وجهزت الفطار وروقت البيت ومشيت علي شغلها
ركبت تاكس وراحت الشركه اول ما دخلت
سهي: المدير عايزك ضروري
ملك: مش تعرفي ليه
سهي: لا بس ربنا معاكي
ملك :بتقولي ايه هو الصباح التمام
دخلت ملك ل علي مكتبه
ملك: في حاجه يا استاذ علي
علي اقعدي يا ملك
ملك: حاضر
وقعدت
علي: ينفع اللي هانم عاملاه ده
ملك بصدمه : عملت ايه تاني
علي: ولا حاجه خالص تصحيني الساعه اتنين بالليل تقولي انت بتخوني يا علي
اقولها يبنتي حصل فين ده ما انا نايم جنبك تقولي حلمت ان انت بتخونني مع واحده اجنبيه حلوه الصراحه اقولها ي الاء ربنا يهديكي نامي فتحتها مناحه وفضلت تعيط وتقوللي انت بتخوني يا علي بقولها ده حلم قالت وان كان برضز خونتني وقامت طارداني من البيت الساعه اتنين الفجر
ملك بضحك : هرمونات يا علي استحمل حامل هيا حامل
علي: هيا حامل تطلعو عليا انا
ملك بضحك: مش انا قولتلك بلاش الجوازه دي جيت تقولي حبي الوحيد ياملك مقدرش اعيش من غيرها وعملت فيها تامر حسني اعملك ايه انا بقي البسسس
علي بغيظ: انتو متفقين عليا
ملك: محصلش هكلمها وافهم الموضوع مش يمكن صح
علي: انتو عاوزين تجننوني
ملك: بنعتذر وقامت جري
طلعت بره المكتب راحت علي مكتبها تكمل شغلها وتكلم الاء
ملك: الاء ازيك عامله ايه
الاء : بخير يرضيكي
ملك بضحك: عرفت
الاء بتذمر: بتضحكي ليه كده يختي
ملك: يبنتي انا اعرفك انتي وعلي من ايام الكليه وحبه ليكي من اول مره شافك فيها هيخونك ازاي وبعدين ده مجرد حلم ياحبيبتي مش تنكدي علي جوزك ليخونك بجد
الاء: انتي شايفه كده
ملك : انا مش شايفه الا كده سلام بقي المدير هينفخنا النهارده بسبب حضرتك
الاء: سلام
وفصلو مع بعض وملك كملت شغلها بتركيز
الساعه واحده دقت كانت ملك في مكتب المدير
ملك: اتفضل ده كل الشغل حضرتك اقدر استأذن عندي ظرف ممكن امشي
علي: اكيد بس عملتي ا......
ملك: ظبطت كل حاجه
علي: شكرا
ملك : عايزه تشكرني زود المرتب
علي: مخصوم ٥٠٠ جنيه
ملك: شكرا عمتا كنت متأكده وسابته ومشيت
وقفت تاكسي وادته العنوان ووبعد نص ساعه وصلت العياده
ودخلتها
ملك بتردد: ادخل ولا لأ
ملك : هدخل وخلاص واللي يحصل يحصل
دخلت ملك اتفاجأت بمنظر العياده المريح للعين هدوؤها وكل حاجه فيها
استقبلها يوسف بحفاوه
يوسف: اتفضلي كنت متأكد اني هتيجي
ملك بابتسامه: اكيد
يوسف : اتفضلي هدي الدكتور اذن وهدخلك
ملك: تمام
دخل يوسف
يوسف: في مريضه بره
...: دخلها
يوسف: تمام
وخرج اتفضلي ي انسه ملك
ملك لفتتها صوره
ملك: هيا ايه دي
يوسف:......
#يتبع
#قلب يُشفي
رايكو مهم جدا
•تابع الفصل التالي "رواية قلب يشقى" اضغط على اسم الرواية
تعليقات
إرسال تعليق