رواية جعلتني اقوى (كاملة جميع الفصول) حصريا عبر كوكب الروايات بقلم شيماء صبحي
رواية جعلتني اقوى الفصل الاول 1 - بقلم شيماء صبحي
انتي ايه الي بتعمليه هنا يا انسه انتي تايهه ولا ايه..
رفعت عينيها وهيا بتبص حواليها وكأنها مش عارفه هيا فين ولا حتي فاهمه قصده..
رفعت ايديها وشاورت ليه وعملت إشاره انها مش من هنا..
قرب منها وقال" هو انتي بتحركي ايديك ليه هو انتي خرس'ه ..!
بصتله وهزت راسها بحزن ولاكنه إستغربها جداا..!
قرب منها ومسك ايديها وقال" انتي من هنا؟
هزت راسها بلأ وهوا فهمها علي طول وقال" يعني انتي فهماني بس مش بتتكلمي !
هزت راسها بمعني ان كلامه صح وهوا قال..
طيب انتي منين تعرفي توصفيلي عنوانك'"
لما قال كلامها لقي ان وشها اتغير وكانها مش عايزه تروح لبيتها تاني . بصلها بإستغراب وقال بصوت كله حنيه.. مش عارفه بيتك فين. ولا عارفه ومش عايزه تقولي!
هزت راسها بمعني انها مش عارفه .. هز راسه وقال" طيب انتي دلوقت في مكان خطر جدا ومينفعشي تفضلي هنا ممكن تيجي معايا!
هزت راسها وهوا مسك ايديها وقال" متخافيش انتي بس هتدخلي البيت الي هناك دا!
شاور علي البيت وهيا هزت راسها وهوا فضل ماسك ايديها لحدما قربوا من البيت اللي هوا قاعد فيه!
كانت بتبص حواليها وكأنها خايفه من حاجة ولاكنها اطمنت لما دخلت البيت "
كان بيت شكله غريب شويه ولاكن فيه دفي وامان !
بصلها بعدما قفل الباب وقال" انتي جعانه تحبي تاكلي معايا!
هزت راسها وهوا قال" طيب اقعدي هنا وانا هروح اجيب اكل من المطبخ واجي ..
ابتسمت بهدوء وهوا ساب ايدها واتجه للمطبخ"
كانت قاعد وضمه رجليها لحضنها وكان واضح عليها الخوف!
رجع بعد دقايق وهوا شايل صينيه فيها اكل بسيط وقال" بتعرفي تاكلي ولا أكلك أنا !
ضمت حواجبها باستغراب وهزت راسها وشاورتله انها بتعرف تاكل لوحدها..
ابتسم علي حركتها الي ضحكته وقال" انا بس كنت بهزر معاكي..!
هزت راسها بتفهم وهوا بدا ياكل ولاحظ ان ايديها بترتعش جامد وهيا بتاكل..
قرب منها وقال بتساؤل" انتي كويسه حاسه بتعب!!
هزت راسها بمعني لأ وهوا فاضل مركز معاها وهوا مستغرب انها ازاي بتسمع وبتفهم كلامه ولاكنها مش عارفه تتكلم..
قعد قدامها وهوا باصصلها لحدما هيا خلصت اكل وسكتت وهوا سألها بهدوء " انتي كدا اكلتي!
هزت راسها بمعني انها اكلت وبعدها هوا شال الصينيه ودخل المطبخ وعدي وقت ورجع وكان في كام نقطقه مايه علي هدومه بمعني انه غسل الاطباق الي كانو بياكلو فيها وهيا كانت نايمه ولاكنها لما حست بيه بيقرب منها قامت مفزوعه..!
إستغرب جدا خوفها وقرب منها وقال بلطف" اهدي دا انا متخافيش..
اخدت نفس عميق وهزت راسها وبعدها هوا قعد قدامها وقال" انتي متاكده انك كويسه!!
هزت راسها وهوا ابتسم وقال" انا إسمي يونس وانتي..
ابتسمت وعملت اشاره بايديها ولاكنه مفهماش لحدما هيا مسكت ايديه وكتبت اسمها وهوا كان مركز اوي معاها لحدما عرف اسمها وقال" إسمك روح ؟؟
هزت راسها بإبتسامه لانه عرف إسمها بسرعه وهوا إبتسم علي شكلها وقال" إسمك حلو اوي يا روح !
روح إبتسمت وشاورت عليه بمعني ان هوا كمان إسمه حلو..
يونس إبتسم وقال" انا كنت بس عايز اعرف ايه الي جابك المنطقة دي وعرفتي توصليلها ازاي..!
روح ملامحها اتحولت للخوف لما سألها السؤال دا ولاكنه قال بهدوء " خلاص اهدي متخافيش مش هضغط عليكي وهسييك تحكيلي براحتك بس اللي عايز أقولهولك متخافيش البيت دا متأمن جدا ومستحيل حد يدخل فيه من غير بصمتي!
هزت راسها براحه وهوا قال" الوقت اتاخر اوي فلازم انام علشان شغلي وانا هسيبك تنامي علي السرير هنا وانا هطلع انام برا علي الكنبه!
هزت راسها بلأ وهيا بتشرحله إنها هيا الي هتنام علي الكنبه وهوا يفضل في أوضته ..
يونس كان سهل عليه انه يفهم قصدها فهز راسه برفض وقال" لا انتي اللي هتنامي هنا علشان ابق مرتاح اكتر.
هزت راسها بالموافقه وهوا قال" تقدري تقفلي علي نفسك للامان وانا هكون موجود برا لو خفتي ابق صحيني عادي..
استغربت اوي لطافته وحنيته معاها رغم انه ميعرفهاش غير من دقايق بس!!
روح هزت راسها وهوا ابتسم وخرج وهيا قامت بسرعه قفلت الباب عليها وبعدما هوا خرج اتنهدت بحزن وهيا بتفتكر اللي حصلها بس من كام ساعه ..
فلاش بااك'
في دار (الأمل ) لرعاية الأيتام .. كانوا في بنات كتيره قاعدين مع بعض وهما خايفين لان النهارده يوم الخميس ودا وقت اختيار بنت منهم هياخدها البعبع ودا يبق مدير الدار والبنات هنا اللي اطلقوا عليه الاسم دا لانه مخيف جداا ودايما كل خميس بيختار بنت منهم وياخدها اوضة يوم الخميس وبيع"مل فيها كل الي هوا عايزه من غير اي رحمه ..
(عبير )ودي بنت منهم قالت بخوف وهيا بتبص علي روح " خليكي ورايا يا روح واوعي تتكلمي خالص لحدما هوا يمشي.
روح هزت راسها وشاورت علي عبير وقالت بالإشاره " وانتي كمان خلي بالك علي نفسك!
عبير هزت راسها بمعني متخافيش عليا انا كويسه ولاكن أهم حاجه انتي .
روح هزت راسها وابتسمت لحدما لما الباب اتفتح فجأه ودخل البعبع!!
عبير شدت روح وراها وخبتها وقالت بخوف" علشان خاطري متقوميش ومتعمليش اي صوت!
روح هزت راسها برعب ومسكت فيها جامد من رجليها وعبير اطمنت انها بقت في امان..
دخل البعبع واللي اسمه منصور وهوا بيبص علي البنات بطريقه قذ"ره كانت عبير وكام بنت ضامين علي روح لدرجة انها يعتبر مش باينه لصغر حجمها بالنسبالهم!
فضل منصور يبص علي البنات الي تفاصيل جس"مها باينه اكتر لحدما لفت نظره عبير . قرب منها وهيا كانت خايفه منه جدا وهوا بيقول" اسمك اي يا حلوه..
عبير غمضت عينيها بخوف وقال "إسمي عبير ..
منصور هز راسه وهوا بيبصلها من فوق لتحت وقال " تعالي معايا يا عبير علشان تاخدي حلاوتك..
عبير هزت راسها برفض وقالت" لا مش عايزه اجي معاك انا عايزه أفضل هنا.
منصور اتعصب منها وشدها جامد عليه وقال" مش عيب تعلي صوتك عليا وانتي عارفه اني غضبي وحش!
عبير قالت بخوف" انا اسفه مش هكررها تاني؟؟؟
منصور ابتسم علي خوفها وقال" احبك وانتي مطيعه كدا .
عبير كانت واقفه خايفه لحدما هوا شدها عليه جامد ووقتها روح شافتها ..
كان البعبع ماسك عبير وشاددها عليه اوي ووقتها روح عرفت انه اختار عبير اختها المره دي..
وقفت روح وهيا بتجري علي منصور وبتض"رب فيه وهيا بتحاول تصرخ علشان تخليه يسيب اختها عبير ولاكنها مقدرتش تعمل كدا.. وهوا كان واقف باصصلها بصدمه متفاجئ من جمالها الي كان غريب عن باقي البنات .
منصور بصدمه" انتي جديده هنا يا حلوه"
روح بصتله بخوف وهزت راسها بلأ وهوا بص لبقيت البنات وقال بغضب " البت دي قديمه هنا.!
كل البنات بصوله بخوف وهزو راسهم بمعني انها موجوده من زمان وهوا قال بغضب امال مكنتش بتبان في كل مره ليه!
البنات خافت ترد عليه ولاكنه صرخ فيهم جامد فكله شاور علي عبير وقالو" عبير كانت بتخبيها ؟؟
يتبع
نوڤيلا🥀جعلتني أقوي🥀
•تابع الفصل التالي "رواية جعلتني اقوى" اضغط على اسم الرواية
تعليقات
إرسال تعليق