رواية حارسي الخاص الفصل الحادي عشر 11 - بقلم رنا تامر
حـارسـى الخـاص😉😉😉.
ࢪنـا تـــامــࢪ النـشـاࢪ✍🏻✍🏻✍🏻.
𝐩𝐚𝐫𝐭 𝟏𝟏..
فرحه بقلق/ انت ايه يا تميم اتكلم.
تميم بنفس عميق/ خلاص هتكلم اهو... انا ابقي ظابط مخابرات.
فرحه بصدمه/ انت بتقول ايه.
تميم بتصنع الهدوء/ احم.. زي ما سمعتي كده.
بدات الدموع تتجمع عند فرحه ومن ثم تحدثت بكسره/ ليه؟؟
تميم بتاثر/ فرحه انا مش عايزك تزعلي عشان خاطري.
فرحه بحده وسط دموعها/ رد عليااا.. لييه ليييه عملت فيا كده.. عملتلك ايه عشان تشك فيا ولا عشان تخبي عليا..للدرجه دي شايفني مقدرش احفظ سر زي ده.. انا بجد مصدومه فيك.
تميم بحزن/ يا فرحه انا كل اللي هقدر اقوله انه انا بجد اسف.. اسف علي اي حاجه جرحتك مني بس والله غصب عني.
فرحه قامت بمسح دموعها وتحدثت بجديه/ انا همشي عشان متأخرش اكتر من كده.. ااه وعايزاك تنسي انك كنت تعرف واحده اسمها فرحه واياك تفكر تتصل بيا.. انت فاااهم يا تميم.. ثم اكملت بسخريه.. ولا خليها يا سياده الرائد احسن.. فيها شياكه بردوا.
رحلت فرحه وتركت ذالك المسكين الذي انكسر قلبه للمره الثانيه.
ــــــــــــــــــــــــــــــــــــــــــــ✦
مساااااءااااا..
في بيت باسل.
باسل بصدمه/ انت قولت ايه.
تميم وهو ينظر امامه بجمود/ زي ما سمعت.. انا قولتلها اني ظابط.
باسل بتساؤل/ وهي كان رد فعلها ايه.
تميم بسخريه/ تتوقع هتعمل ايه يعني.. هتخدني بالحضن.. اكيد يعني اختارت انها تفارق.. زيها زي اي واحده.. خلاص بقيت متعود منهم كلهم علي كده.
باسل بعدم استيعاب/ ازاي يعني.. انا مش فاهم حاجه.
تميم بضيق/ بقولك ايه انا اتخنقت وهقوم امشي.
باسل بحده/ استني هنا.. انت مش هتمشي غير لما تفهمني ايه اللي حصل.
تميم بحده/ عايز تفهم ايه يا باسل عايز تفهم انه انا بحبها ومقدرش استغني عنها وبقيت بخاف عليها اكتر من نفسي.. ثم اكمل بسخريه وحزن.. ولا عايز تفهم انه هي طلعت مبتحبنيش واختارت انها تسبني بسهوله.. اختارت انها تفارق من غير ما تديني فرصه تسمعني او تفهم مني اي حاجه.
باسل بحزن علي صديقه/ احم.. طب خلاص اقعد واهدي يا تميم.. اكيد في حل ما هو اللي حصل ده مش طبيعي.
تميم بضيق/ معلش يا باسل.. سبني علي راحتي انا محتاج اقعد لوحدي شويه.
باسل بإستسلام/ تمام يا صاحبي.. بس ابقي طمني عليك.
تميم بهدوء/ تمام يلا سلام.
باسل بحزن/ سلام يا صاحبي.
ــــــــــــــــــــــــــــــــــــــــــــ✦
في قصر عادل..
كانت تجلس فرحه علي الاريكه وتشاهد التلفاز بممل.
عند عادل.. دخل القصر واتجه الي فرحه وجدها جالسه ومن ثم تحدث بسخريه/ غريبه يعني انا كنت فاكرك هتباتي مع ابوكي.
قامت فرحه من مكانها و وقفت امامه وتحدثت بهدوء/ احم.. اولا اسمها باباكي.. ثانيا انت ملكش الحق انك تدخل في حياتي.. انا حره اعمل اللي انا عايزاه.
عادل بحده/ لا يا روحي.. الكلام ده كان قبل ما اروح لابوكي واخليه يمضي علي ورقه جوزنا.. انما انتي دلوقتي بقيتي مرات عادل بيه الحريري.. يعني لازم اكون عارف كل خطوه بتخطيها.. فاهمه يا روح باباكي.
فرحه ببرود/ لا مش فاهمه ومش عايزه افهم.. و وسع كده عشان انا تعبت وعايزه انام.
صعدت فرحه علي الدرج ونظر لها عادل وتحدث بتساؤل/ فرحه.. مش انتي مش بتخافي ومستعده لاي مواجهه صعبه.
فرحه بثقه وهي ترفع لايقه التيشرت اللي لابساه/ sure ya byby.
عادل بإبتسامة خبيثه/ حلو اوي استعدي بقي للجاي عشان اللي جاي كله مفاجأت.
فرحه بسخريه/ مستعده.. بس انت مستعد.
عادل بغرور/ اكيد مستعد.
فرحه بإبتسامة/ كويس بردوا.. يلا بقي معطلكش تصبح على خير.
عادل بسخريه/ وانتي من اهله.
صعدت فرحه الي غرفتها ودخلت وغفوت دون ان تفكر في اي شيء.
ــــــــــــــــــــــــــــــــــــــــــــ✦
بعد مرور شهر..
كانوا ابطالنا عائشون في تعاسه و كانوا في حزن شديد..
عند فرحه.. كانت حزينه انها تركت تميم وكانت تفعل اقصي جهدها حتي تتخلص من عادل نهائيا.
عند تميم.. كان حزين علي فرحه ولكن كان يلهي نفسه بالعمل طوال الوقت ومن ثم يذهب الي بيته ويستسلم للنوم بتعب.
عند فاطمه.. كانت طوال الوقت تفكر في صديقتها وتحاول الاطمأنان عليها بقدر المستطاع.. واحمد كان بجانبها دائما ويحاول ان يساعدها حتي لا تظل حزينه.
عند عادل.. كان يحاول اقصي جهده ان يجعل فرحه تحبه ولكن لا فائده وكان يفكر في خطه ل ينقذ بيها نفسه و فكر فان من ستنقذه هي فرحه ف هو بوسعه ان يفعل شئ يجعله ينفد من المصائب الذي هو فيها بواسطه فرحه.
عند رشدي.. كان يجلس مع نفسه وكان لا يخرج ولا احد يزوره فهو فقط يفكر في ابنته ويفكر كيف ينقذها وراي انه لا حل غير انه يتحدث.. راي ان ابنته اهم من اي احد حتي لو كان ابن اخيه.
ــــــــــــــــــــــــــــــــــــــــــــ✦
في قصر عادل..
فرحه نزلت الي الاسفل وجدت عادل يقف وكانه ينتظرها.
فرحه بضيق/ خير مالك واقف كده ليه.
عادل بتساؤل/ رايحه فين.
فرحه بضيق/ ملكش دعوه.
عادل بحده/ تاااني.
فرحه بحده/ ااه تاني وتالت.. اياك فاكر لما تعلي صوتك انا كده هخاف لا يا حبيبي فوق كده واعرف انت بتتكلم مع مين.. ثم اكملت بنبره تهديد.. ولو مش عارف اعرفك انا معنديش مشكله.
عادل بنفس عميق وهدوء/ خلاص يا فرحه اتفضلي اخرجي ومن غير حرس كمان.
فرحه في نفسها/ احم ده مجنون ده ولا ايه.. هو ناوي علي ايه يا تري.
فرحه بإبتسامة/ كويس انك وافقت بسهوله وانك معندتنيش عشان منتخنقش علي الصبح لحسن انا خلقي بيضيق بسرعه.
عادل بإبتسامة/ انا ناويت انه انا هتغير معاكي وانتي كمان لازم تتغيري لازم ندي بعض فرصه.
فرحه اندهشت من حديثه في الاول ولكنها جاءتها فكره عظيمه سوف تجعلها تمسك شئ ضد عادل.
فرحه بإبتسامة خبيثه/ موافقه.
عادل بدهشه مخفيه/ اتفقنا.
ذهبت فرحه بإبتسامة انتصار.
ــــــــــــــــــــــــــــــــــــــــــــ✦
في الجامعه..
وصلت فرحه الي الجامعه وقابلت صديقتها فاطمه.
فاطمه بإبتسامة/ شايفاكي بقيتي بتيجي بسهوله.
فرحه بضحك/ شكله كده خاف مني.
فاطمه بضحك/ ايوه شكله عرف انك مسجله خطر.
فرحه بغرور/ اووومال هو انا اي حد ولا ايه ده انا جايه من العباسيه.
فاطمه بضحك/ طب يلا بقي ندخل عشان منتاخرش اكتر من كده.
فرحه بإبتسامة/ يلا يا اوختي.
ــــــــــــــــــــــــــــــــــــــــــــ✦
في مكان قريب من الجامعه كان يقف بإبتسامة حزينه وهو ينظر اليها من بعيد وبتحدث مع نقسه قائلا/ انا متاكد انك هتسامحيني.. شويه وقت وهتسامحيني ان شاءلله.
باسل بإبتسامة/ اكيد هتسامحك بس انت لازم تسعي عشانها مينفعش تبقي بعيد عنها وتدعي ربك انها تسامحك.
تميم بياس/ يعني عاوزني اعمل ايه يا صاحبي.
باسل بضحكه سخريه/ انا بردوا اللي هقولك تعمل ايه يا سياده الرائد.
تميم نظر للفراغ بنفس عميق وتفكير.
ــــــــــــــــــــــــــــــــــــــــــــ✦
عند عادل في مكتبه..
كان يري امر الملف تبعه الذي يملك فيه كل جرائمه.
عادل وهو ينظر للملف/ مكنش ينفع اسيبك في لندن.. كده كان ممكن اتمسك اكتر.. هو انت هنا معايا بامان محدش هيقدر يعرف انك هنا.. ثم نظر للفراغ واكمل بإبتسامة شر.. محدش هيعرف يكشفني ابدا.
ــــــــــــــــــــــــــــــــــــــــــــ✦
في الجامعه..
كانت تجلس هي و صديقتها بعدما انهت محضاراتها.
فاطمه بتساول/ انتي مش هترجعي ل تميم؟؟.
فرحه كانت ترتشف بعض من كاس الايس كوفي تبعها ومن ثم تركته ونظرت ل فاطمه بحزن/ انا بموت في اليوم الف مره بسبب الموضوع ده.. معرفش انا كبرت الموضوع ولا هو الموضوع فعلا كبير.. بجد مش عارفه افكر ازاي.. بس الغريبه انه من ساعتها وانا مشوفتوش خالص وده اللي مخليني مخنوقه اكتر.
فاطمه بحزن علي صديقتها/ معلش يا حبيبتي.. انا مش هقولك انك غلطانه بس في نفس الوقت اعذريه يعني شغلته دي من اخطر الشغلنات.. مش عايزاكي تعتبريه انه مش واثق فيكي بس ممكن تقولي انه خايف انه يكون في حرس بتوع عادل بيرقبوكي.. ليه مفكرتيش في كده مثلا.
فرحه بإقتناع/ صحيح انا ازاي مفكرتش في كده.. انا ظلمته من غير ما اديله فرصه.
فاطمه بإبتسامة وغرور/ شوفتي بقي.. لازم تشكريني.. انتي اكيد من غيري مكنتيش هتعرفي تعملي ايه.
فرحه بسخريه/ مكنتش هعمل حاجه ده اولا.. ثانيا شكرا علي لا شيء.
فاطمه بغيظ/ والله انك عيله مستفزه وانا هسيبك واروح اكلم خطيبي احسن منك.
فرحه بضحك/ ماشي يا بتاعه حماده.
فاطمه بغيظ وهي ذاهبه/ عيله رخمه بصحيح.
ذهبت فاطمه وظلت فرحه تفكر في امر تميم وهل تعود محادثته ام لا.
ــــــــــــــــــــــــــــــــــــــــــــ✦
عند تميم..
كان يجلس في مكتبه ومن المفترض انه يعمل ولكن عقله مشغول بهذه من سرقت قلبه.
تميم بضيق/ انا تعبت ياربي انا لا قادر مفكرش فيها ولا عارف اكلمها.. اعمل ايه بس ياربي.
تميم ظل يفكر طويلا حتي قرر انه سيفعل اقصي جهده حتي تسامحه وتعود اليه.
ــــــــــــــــــــــــــــــــــــــــــــ✦
في الجامعه..
انتهت كلا من فرحه وفاطمه من محضاراتهم واستعدوا للذهاب من الجامعه.
فاطمه بحزن وهي تودع صديقتها/ هتوحشيني يا رخمه.
فرحه وهي تحتضنها بشده/ وانتي هتوحشيني اكتر يا روح الرخمه.
كانت فرحه ستذهب ولكن جاءت سياره سوداء كبير وقامت اخذ فرحه بالقوه وفاطمه كانت تحاول اقصي جهدها ان تنقذها ولكن لم تنجح وظلت تنده باسمها بشده وهي تبكي.
ــــــــــــــــــــــــــــــــــــــــــــ✦
عند تميم..
قرر انه سيذهب عند فرحه ليبقي معاها ويحاول الاعتذار منها ولكنه عندما وصل الي الجامعه راي شيء غريب يحدث امام الجامعه.. ومن ثم راي السياره تنطلق وكانت فاطمه واقفه وتبكي وتصرخ باسم صديقتها.
تميم وقتها قلبه تحطم وتحدث بصدمه/ فررررررحه.
يـتـبـع🌚..
اتمني الاقي تفاعل علي البارت عشان اكمل ومستنيه رايكم اللي بيدعمني🤍🥹
رنـــــــــــــــوش 🤍🖇
•تابع الفصل التالي "رواية حارسي الخاص" اضغط على اسم الرواية
تعليقات
إرسال تعليق