رواية ضحية عشق الفصل الحادي عشر 11 - بقلم مريم احمد
11
كانت سجده بتتكلم في التليفون بغل بعد م طلعت اوضتها
سجده....عيله زباله انا هعرفها مقامها
شيرين....سجده اهدي شويه البت معملتلكيش حاجه
سجده....م انتي اصلك متعرفيهاش دي مش طيبه زي م انتي فاكره
شيرين بزهول... دا انتي الي حارقه ايديها يا بنتي بالشربه !! هتعملي ايه تاني هتزقيها من على السلم؟؟
ضحكت سجده و قالتلها بشماته
سجده....تصدقي يا بت يا شيرين فكره
اتصدمت شيرين و قالتلها
شيرين...سجده متهزريش انا مكنتش اقصد اديكي الفكره
سجده....و انتي مالك بقى اهي فكره و هنفذها
شيرين..سجده بطلي هبل دي ممكن ايدها تتكسر
سجده بحقد...ياريتها تمـ ـوت و تريحنا منها
شيرين...سجده مش معنى اني صحبتك اكتر. منها اني هنسى انها بنت عمتي هي كمان و هسيبك تإذيها
قالتلها سجده بسخريه
سجده....ايه يا شيري هو انتي مش كنتي عارفه كل التخطيط الي كنت بخطته ولا ايه...خير دلوقتي افتكرتي انها بنت عمتك ؟
ردت عليها شيرين بضيق
شيرين...لأ يا سجده منستش بس ف نفس الوقت مكنتش مبسوطه بكرهك ليها و كنت بحاول اقنعك انها مأذتكيش في حاجه عشان كل الحقد الي ف قلبك ليها دا صح ولا ايه؟
اتعصبت سجده جدا منها و قالتلها
سجده....انتي عايزه ايه دلوقتي؟؟؟؟
شيرين....طبعا ...اضايقتي عشان خيبت ظنك فيا و مشجعتكيش على اذيتها
صرخت سجده في وشها و هي بتقول
سجده....خلصي يا شيرييين عايزه اييييه
شيرين...عايزاكي تبطلي تإذيها يا سجده و الا هقول لأخواتك و هما بقى يتصرفوا معاكي
سجده...حلو برافو عرفت تضحك عليكي حرفيا نغم دي طلعت ممثله شاطره جدا لدرجة انك صدقتي انها يا عيني طيبه
هزت شيرين راسها بزهول و هي بتقول
شيرين...لا انتي مش طبيعيه بجد
اضايقت سجده منها جدا و قالتلها بقهر
سجده...خييير شايفاااااني مريضه نفسيااااا؟؟؟؟؟
ابتسمت شيرين بسخريه و قالتلها قبل م تقفل الخط في وشها
شيرين...يمكن
بصت سجده على شاشة التليفون بصدمه لما سمعت صوت بيعلن عن ان المكالمه اتقفلت
حدفت التليفون في الحيطه بغل لدرجة انه اتكسر و هي بتكرر جمله واحده و بس
سجده...بيحبوكييي ليييييه....... مش هسيبك تفرحي يا نغم مش هقبل انك تبقي مبسوطه ابداااااا
...............
بعد م قفلت المكالمه كانت قاعده متوتره بسبب انها عارفه سجده و مش بعيد كلام شيرين يكون زود الحقد الي ف قلب سجده لنغم
قامت خرجت من اوضتها و نزلت للريسيبشن
شيرين...بابي
بصلها خالد باهتمام
خالد...قولي يا حبيبتي عايزه حاجه؟
هزت شيرين راسها
شيرين...كنت عايزه نروح كام يوم كدا عند عمتو صباح
قفل خالد حواجبه باستغراب ف كملت هي
شيرين...اصل نغم كانت في المستشفى انهارده و لازم نطمن عليها و عشان انا عارفه انه يعتبر طريق سفر عشان المسافه و كدا ف نقعد هناك يومين ولا حاجه و نبقى نرجع.. ها قولتوا ايه؟
بصتلها هيام بدهشه
هيام...يا حبيبتي مينفعش نروح كدا على طول لازم نعرف عمتك الاول
شيرين...خلاص يا ماما قوليلها انهارده و نروحلها بكره
سكتت هيام و هي مش عارفه تقولها ايه
ف قالتلهم شيرين
شيرين...بليز يا بابي
هيام...بصراحه يا خالد هي معاها حق المفروض نروح نزور نغم برضو
هز خالد راسه و قالها
خالد...طيب حاضر جهزوا شنطكوا و نروح بكره
ابتسمت شيرين بفرحه
..............
كانت قاعده في الجنينه و هي باصه للبسين و بتفكر ازاي تجيب حقها منهم
قطع تفكيرها صوت رحمه و هي بتقول باحراج
رحمه...نغم هانم
بصتلها نغم و شاورتلها على كرسي جمبها و قالتلها
نغم...اقعدي
خافت رحمه و قالتلها
رحمه...لأ مينفعش دي صباح هانم مانعانا اننا نقعد معاكوا ووو
قاطعتها نغم و هي بتقول بحده
نغم...و انا قولتلك اقعدي يا رحمه
اتنهدت رحمه بخوف من صباح و قعدت على الكرسي
نغم...ها يا ستي كنتي عايزه ايه
رحمه بدموع...يا نغم هانم وووو
قاطعتها نغم و هي بتقولها
نغم...من غير هانم لو سمحتي يا رحمه انتي عارفه انا نغم و بس
ابتسمتلها رحمه و قالتلها
رحمه...كلك ذوق بجد
ابتسمت نغم و ردت عليها و هي بتقول
نغم...شكرا يا رحومه قوليلي بقى كنتي عايزه ايه
رحمه...كنت بس عايزه اقولك ان سجده هانم هي الي زقتني عشان كدا صنية الشربه وقعت على ايدك
نغم...انا عارفه يا رحمه
بصتلها رحمه بزهول
رحمه...و ساكته!!!
سكتت نغم و متكلمتش ف كملت رحمه لما قالت
رحمه...معلش يعني بس انا و ماما بسمه ملاحظين اسلوبها معاكي و انها بتكرهك و بصراحه بقى مينفعش انك تسكتي
هزت نغم راسها
رحمه...لازم تدافعي عن حقك يا نغم و متسكتيش لأي حد يضايقك ابدا
ابتسمتلها نغم و كانت لسه هتتكلم بس لاقت سجده بتسحب رحمه من دراعهل و هي بتقولها بزعيق
سجده...انتي ايه الي مقعدك مع اسيادك يا زباله انتي
قامت نغم و بعدت ايد سجده الي كانت ماسكه دراع رحمه و قالتلها بغضب
نغم...لما ابقى اشتكيلك ابقي تعالي زعقي براحتك
بصتلها سجده و هي بتقولها
سجده...لا عال بجد... ايه مش مستوعبه ان هي و الي زيها موجودين هنا عشان يخدمونا و ينضفوا القصر؟... خير فاكره نفسك خدامه زيك زيهم عشان تصاحبيها ولا ايه يا نغم ؟؟؟
بصت رحمه لنغم بأسف. و هي الدموع في عينيها من كلام سجده
ضحكت نغم و قالت لسجده بنبرة كلها شفقه
نغم...بجد يا سجده انتي محتاجه تتربي
حطت رحمه ايدها على بقها بصدمه و فرحه في نفس الوقت من كلمة نغم الي خلت سجده في ثواني وشها احمر من كتر الغضب
بصت سجده لرحمه و صرخت في وشها
سجده...انتي ولقفه هنا ليييه اتفضلي روحي شوفي شغلك
كانت رحمه هتمشي و هي هتموت من الخوف بس نغم وقفتها لما قالت
نغم...مكانك يا رحمه متمشيش
وقفت رحمه و هي بتبص لسجده بقلق
و سجده الي بصت لنغم بغل و قالتلها
سجده...و دا اسميه ايه بقى
نغم...سميه زي م تساميه رحمه كانت قاعده و بنتكلم انتي الي جيتي و قطعتي كلامنا
بصت سجده لرحمه و قالت
سجده...في خلال 3 ثواني يا رحمه لو لاقيتك لسه واقفه قدامي اعتبري نفسك مطروده
بصت رحمه لنغم بخوف من انها تخسر شغلها
و نغم الي قالت بسخريه
نغم...لا بجد امشي يا رحمه اصل الهانم الصغيره هي الي بتقرر مين يشتغل في القصر و مين لأ
بصتلها سجده بغل و معرفتش تنطق بـ ولا كدا
بصت نغم لرحمه و هي بتقول
نغم...اقولك يا رحوم فعلا روحي شوفي شغلك
هنا سجده فرحت جدا و بصت لرحمه بانتصار و رجعت قالت لنغم
سجده...كويس انك عارفه ان كلمتي بتمشي في القصر ووو
قاطعتها نغم الي كملت كلامها و هي بتبصلها بشماته و بتقول
نغم....عشان نثبت لسجده هانم ان كلامها ملوش اي اعتبار في القصر و انك مش هتسيبي شغلك ولا حاجه
ابتسمت رحمه على كلام نغم
و سجده الي مكنتش عارفه ترد بس من غير اي مقدمات شدت نغم من شعرها و هي بتقول بغل
سجده...انتي قد الي انتي بتعمليه دا
بعدت نغم ايد سجده عن شعرها و في ثواني كان صوت قلم قوي مسمع في الجنينه
حطت سجده ايدها على خدها بصدمه و دموع
و بصت حواليها لاقت كذا واحده من الخدم تاني غير رحمه كانوا واقفين
بصت لنغم بغل و صرخت في وشها و هي بتقول
سجده...انتيييي ازااااي وووو
قاطعتها نغم بحده كبيره لما قالت
نغم...صوتك ميعلاش و انتي بتكلمينيييي.... و القلم دا هو مقامك و كل م تكلميني باسلوب ميعجبنيش هفكرك بمقامك بقلم زي دا تااااني يا سجده
كملت بتهديد...و ايدك يا سجده لو اتمدت عليا تاني و مسكتيني من شعري تاااني انا هقطعـ ـهالك ساااامعه ووووو
يتبععععع
ضحية عشق
بقلمي مريم أحمد
رأيكوا في البارت يا جماعه😂♥️
استغفر الله العلي العظيم و اتوب اليه🩷
•تابع الفصل التالي "رواية ضحية عشق" اضغط على اسم الرواية
تعليقات
إرسال تعليق