رواية عهد الضبع الفصل التاسع 9 - بقلم نور محمد
خرج ضبع بكل برود وقفل الباب خلفه وسمع صوتهم وهما بيصرخوا برعب من المكان وقال بضيق:عالم كلاب بصحيح وعاوزين الحرق كلهم
وبعدها توجه للقصر تاني والشمس كانت خلاص طلعت دخل القصر بهدووء لقى المكان هادئ جدا فقرر يطلع يرتاح شويه فوق في غرفته لانه تعبان اوي بس فجأه وقف على صوت ضحك عالي من المطبخ
فتوجه بسرعه للمطبخ ودخل وكانت هنا الصدمه بجد وقف بصدمه والدم غلي في عروقه من الغيره لما لقى عهد قاعده على رخامه المطبخ وقدامها حازم بيقطع الخضار وبيهزر معاها وهي منسجمه اوي معاه وبتضحك من قلبها عليه وحازم قريب اوي منها بطريقه خلت عروق ضبع برزت من شده الغضب والغيره وضم ايده بتوعد لحازم وقرب منهم
وشد حازم بقوه بعيد عن عهد وقال بغضب وغيره:الله الله ايه الرومانسيه دي كلها ياستاذ حازم؟
حازم بلع ريقه برعب من ضبع وقال:ضبع اوعى تفهم غلط انا كونت بساعدها في تحضير الفطار بس صدقني
ضبع بص عليه بضيق ووجه نظره لعهد بغضب فنزلت عهد بسرعه عن الرخامه المطبخ وقالت:فعلا هو كان بيساعدني في تحضير الفطار بس ياضبع بيه
ضبع بص عليها بتوعد وتوجه لخارج المطبخ وقال:تمام خمس دقايق بالعدد يكون الفطار قدامي على السفره بره مفهوم
عهد بخوف:مفهوم ياضبع بيه
خرج ضبع من المطبخ وحازم قرب من عهد وقال:متقلقيش انا هساعدك في التحضير الفطار وهنخلص بسرعه و
قاطعه صوت ضبع الغاضب:حازم تعال هنا فورا عاوزك
بلع حازم ريقه بخوف وقال:اسف بس لازم اخرج اشوفه دلوقتي وهبعت الداده تساعدك تمام
عهد ببسمه:تمام وخد بالك من نفسك كويس
حازم بخوف ومرح:ربنا يسترها معايا يااختي من يوم مادخلتي القصر ده وضبع عاوز ياكلني من الغيره
ضحكت عليه عهد وحازم سابها وخرج لضبع لقاه على السفره وهو بيضغط على ايديه بقوه بلع ريقه بخوف وقال في نفسه:يانهارك الاسود ياحازم ده باين انه متعصب وهيطلع عفاريته عليا انا ربنا يستر
وفق قدامه بتوتر وخوف وقال:نعم ياضبع انت ناديت عليا
اشار ليه ضيع على المقعد جنبه وقال بحده:اقعد جنبي عاوز اتكلم معاك
قعد حازم وهو لسه خايف من ضبع وقال:اتفضل عاوز تقول ايه ياضبع
ضبع بضيق:انا كام مره قولتلك تبعد عن عهد حصل كلامي ده او لا
حازم بخوف:ايوه حصل بس انا
قاطعه ضبع بحده:انت ايه ضربتك المره اللي فاتت وبرضو متعلمتش الدرس اعمل فيك ايه تاني علشان تفهم
حازم بتوتر:افهم ايه ياضبع انا معملتش معاها حاجه غلط انا بس عرضت عليها الجواز وهي وافقه و
قاطعه ضربه ضبع القويه لسفره بغضب وقال:وده اكبر غلط عندي انت عارف ان اكتر حاجه بتجنني هي ان حد يقرب من شئ ملكي وانت اكتر شخص عارف طبعي ده
حازم بخوف منه: ايوه عارف طبعك كويس اوي بس عهد مش ملك حد ياضبع دي انسانه زينا كمان ومن حقها تختار شريك حياتها و...
قال ضبع بغضب رهيب وغيره:ده على جثتي او جثتها الكلام ده عهد من يوم مادخلت القصر بقت ملكي انا ياحازم ملكي انا وبس
وهنا قبل ماحازم يرد عليه وصلت عهد بالفطار وحطته قدامهم بسرعه وقالت:تأمر بحاجه تاني ياضبع بيه
ضبع ببرود:اقعدي كلي معانا الاول وبعدها حضري ليا القهوه بتاعتي
عهد باحراج:شكرا انا مش جعانه دلوقتي هروح احضرلك القهوه فورا و
قاطعها حازم ببسمه:معلش ياعهد اقعدي كلى معانا حتي تفتحي نفسنا على الاكل الجميل ده تسلم ايدك
عهد اتكسفت من كلام حازم ومقدرتش تكسفه فقالت بكسوف:حاضر ياحازم
ضبع بص عليها بغيظ كبير لانها سمعت كلام حازم علطول عكس كلامه هو اللي كسفته عليه وبص على حازم بغضب وغيره
وعهد قربت علشان تقعد جنب حازم اللي سحب لها الكرسي جنبه بسرعه بس وقفت على صوت ضبع اللي قال بغيره:اقفي عندك متقعديش هناك تعالي اقعدي هنا جنبي
عهد توترت اوي منه وبصت على حازم بخوف بس حازم هز رأسه لها بهدووء انها تسمع كلام ضبع وفعلا قعدت جنب ضبع بتوتر وخوف
وضبع قدم لها طبع الاكل ببسمه وقال:اتفضلي كلي ياعهد او لسه متوتره مني وعاوزاني ااكلك بنفسي زي المره اللي فاتت فاكره
خلص جملته وغمر لها بخبث وعهد اتكسفت منه وقالت: احم لا انا هاكل لوحدي شكرا
ابتسم ضبع على كسوفها منه ووجهها اللي بقى لونه احمر وبعد وقت قالت عهد بخبث: ها ياحازم فكرت في كلامي وقررت امتي نعمل الخطوبه بتاعتنا؟!
حازم سمعها وشرق في الاكل وهي جرت عليه بخوف وقالت: سلامتك انت كويس كل براحه ليحصلك حاجه
حازم بص عليها بتوتر وضبع مسك كوبايه المايه جنبه بقوه وهو بيبص عليهم بغيره كبيره وفجأه الكوبايه اتكسرت في ايده من شده ضغطه عليها وحازم وعهد اتخضوا منه
وقال حازم بقلق: ضبع انت كويس ايدك بتنزف قوم معايا نضمض الجرح بسرعه
ضبع بص عليه بضيق وغضب وقال: متشلش همي ياحازم انا متعود على كده و
قبل مايكمل جملته لقى عهد جرت عليه بلهفه وخوف ومسكت ايده بصدمه وقالت: ايه ده ايدك جرحها كبير اوي قوم معايا نروح لمستشفي فورا نخيط الجرح بسرعه
ضبع انصدم من تصرفها ده حتي حازم بص عليها بصدمه وعدم فهم وعهد مهتمتش لنظراتهم دي من شده قلقها على ضبع وقالت: ضبع بقولك قوم معايا ايدك بتنزف اوي ياله بسرعه
ضبع توتر اوي من قلقها وخوفها الواضح عليه وسحب ايده منها وقال: احم اهدي ياعهد ده جرح سطحي وانا متعود على الجروح دي هروح اضمضه في غرفتي دلوقتي وهبقى تمام متقلقيش عليا
عهد بصت عليه باعتراض وكانت هترد عليه بس قاطعها حازم بسرعه وقال: هو عنده حق ياعهد سيبه على راحته احسن
عهد فهمت قصد حازم ايه من نظرته وضبع بص على حازم بغضب لانه فاكر حازم قال كده من غيرته على عهد فتهند بضيق كبير وسابهم وطلع غرفته بسرعه
وبعد رحيل ضبع حازم قرب من عهد بضيق وقال: انتي ليه عملتي كده خطتنا كانت هتفشل كلها بسببك دلوقتي
عهد بتوتر وتشتت: انا اسفه معرفش عملت كده ليه صدقني يمكن لاني بتوتر من شكل الدم قدامي
حازم بتفهم: تمام خلاص اهدي حصل خير المهم روحي نامي دلوقتي علشان عندنا شغل مهم اوي بكره الصبح
عهد بقلق: حاضر بس تفتكر ضبع هيعمل فينا ايه بعد مايعرف؟
حازم بخوف من الفكره:هيقتلنا طبعا بكره الصبح بس لازم نعمل كده ونكمل خطتنا علشان ننقذ ليلى
عهد بلعت ريقها وحط ايدها على رقبتها بخوف وقالت:عندك حق ربنا يستر علينا منه بقى بكره الصبح
وعند ضبع كان على سريره بيضمض جرحه وفجأه ابتسم بسعاده لما افتكر خوف ولهفه عهد عليه كان فعلا سعيد اوي من قربها وقلقها وخوفها عليه
وقال:انا اتأكدت دلوقتي بعد ماشوفت بعيني خوفك ولهفتك عليا ياعهد انك بدأتي تحبيني زي مانا كمان قلبي حبك اوي وبجنون
خلص تضميض جرحه ونام بسعاده كبير وهو بيردد:قريب هتبقى ملكي ومراتي انا ياعهد اوعدك
وفي الصباح اليوم التالي استيقظ ضبع على صوت عالي في القصر تحت فقام بانزعاج ونزل تحت بغضب وهو بيتوعد بالهلاك للي صحاه دلوقتي من حلمه الجميل مع عهد حبيبته
وفجأه وقف مكانه بزهول وعنيه وسعت بعدم تصديق وصدمه لما لقي في عمال كتير في القصر بتجهز لمناسبه كبيره وفي زينه معلقه في كل مكان بشكل جميل اوي وانيق جدا
نزل ضبع وهو بيبص حوليه بزهول وصدمه ومسك عامل من العمال وسئله بحده:أيه اللي بيحصل هنا انتو بتعملوا ايه هنا في القصر بتاعي؟!
بلع العامل ريقه بخوف من نظره ضبع المرعبه وقال:مفيش يافندم احنا بنحضر لمناسبه خطوبه البشمهندس حازم اخ حضرتك
ضبع سمعه بصدمه كبيره بعد مافهم قصده ايه ونادي بغضب رهيب:حااااااااازم تعال هنا حالا وووو
يتبع..بقلمي نور محمد
اسفه جدا على التأخير بس فوني كان عطلان ودلوقتي صلحته وكتبت بسرعه علشان انزل 💙🥺
•تابع الفصل التالي "رواية عهد الضبع" اضغط على اسم الرواية
تعليقات
إرسال تعليق