رواية همس الاسر الفصل السابع 7 - بقلم الكاتبة عشق

 رواية همس الاسر الفصل السابع 7 - بقلم الكاتبة عشق 

الراجل : انا قولتلهالك ي آسر بنتي لو دموعها نزلت بسببك تاني هتندم وحط كلامي دا حلقة في ودنك عشان متزعلش مني 

آسر : انت ازاي تكلمني كده وانا مسمحش لحد انه يعلي صوتي عليا والكلام اللي انت بتقوله ده مش هاممني انت دمرتوا حياتي قبل كده ومش هسمح لكم انكم تدخلوا فيها بعد كده 

الراجل : اسر شوف انت بتكلم مين عشان مترجعش تندم 

اسر : من ساعتها عمال تقولي هتندم هتندم هتندم بس انا مبتهددش انتوا السبب في ده كله فتتحملوا بقى اللي هيحصل ومعاملتي ليها مش هتتغير فياريتكم تحسوا بقى وتوقفوا الموضوع ده لانه خانقني وانا مش عاوز الموضوع ده من الاول وانتوا جبرتوني وساكت مع ان انا مفيش حد يجبرني على حاجه لكن انا محبتش اعارضكم 

الراجل : يعني ده اخر كلامك كلام ليك يا اسر 

اسر : ايوه ورايي مش هيتغير ابدا وياريتكم تفهموا كده واتفضل لو سمحت لاني عندي شغل 

الراجل : تمام هنشوف رايه هو وبعدين تبقى انت تتكلم 

اسر : رايه رايك انا مبقاش يهمني اعملوا اللي تعملوه 

الراجل : تمام يا اسر 

خرج من المكتب وساب اسر متعصب وعاوز يكسر كل اللي حواليه بس حاول يهدي نفسه بكل الطرق 

اسر بعصبية : هما عاوزين اي مش كفاية اللي عملوه فيا قبل كدة عاوزين اي تاني انا مش هسمحلكم انكم تدمروا حياتي للمرة التانية مش هسمح ابدا 

         *****************************

كانت همس لسه في الاوضه ومش قادره تتحرك من من الم جسمها اللي تسبب فيه شريف بس صحيت بسرعه اول ما سمعت باب الاوضه بيتفتح دخل شريف منه بعصبيه وهي اول ما شافته كانت هتدخل الحمام وتقفل عليها لكن هو لحقها قبل ما تعمل كده 

شريف : انتي رايحه فين يا حلوه 

همس : ارجوك سيبني 

شريف : هو دخول الحمام زي خروجه 

همس : انت عاوز ايه مني بعد اللي انت عملته ده كله 

شريف : عاوزك تقولي الحقيقه 

همس : حقيقه ايه مفيش حاجه انت اللي دماغك مصورالك الحاجات دي يحيى اخويا وبس وعمره ما هيبقى حاجه غير كده وهو بردوا بيعتبرني اخته 

شريف : وانا عبيط عشان اصدق الكلام ده هو انا يعني مشفتش معاملتكم لبعض تدل على ايه 

همس : مشكلتك انك مبتصدقش غير اللي انت عاوز تصدقه وبس وانا مبقتش قادره اتحمل 

 

شريف : تقصدي ايه 

همس : طلقني يا شريف 

اتعصب شريف من كلامها ومسكها من شعرها وقال بعصبيه : اه عاوزاني اطلقك عشان تروحي له اه يا فاجره 

همس بصراخ : مفيش حاجه من الكلام ده انا مبقتش قادره اتحملك خلاص انت اللي نهيت كل حاجه بسبب معاملتك ليا زي ما اكون واحده من الشارع عمرك ما عملتني على اني مراتك وانا كنت بصبر عشان مليش غيرك بس انا خلاص صبري نفذ استنيت كثير تتغير سنين سنين كثيره وانت متغيرتش بالعكس بقيت اسوء من الاول وانا مش هتحمل اكثر من كده 

شريف ضربها بالقلم لدرجه انها وقعت على الارض وعيطت بدموع وانهارت لانها خلاص اتحملت كثير وما بقتش قادره خالص 

شريف : خلاص هنفذلك اللي انت عاوزاه مش انت عاوزاني اطلقك انت طالق يا همس طالق بالتلاته 

همس : انا هاخد بنتي وهمشي من البيت دا البيت اللي مشوفتش فيه يوم حلو بسببك 

شريف : للدرجة دي بتكرهيني 

همس : ايوة انت وصلتني لدرجة اني بقيت بكرهك ومش عاوزة اشوفك انت عمرك ما عملت حاجة تحببني فيك عمرك ما عملت حاجة حلوة عشاني عمرك ما حاولت انك تنجح جوازنا ولا انك تسعدني انا اللي كنت بعمل كل دا لما كنت بتتعب انا اللي كنت بقعد جمبك وبدال ما تشكرني اول ما تبقي كويس بتعمل العكس بتضربني وتشتمني بتستغل اي فرصة عشان تتعصب وتيجي تعاقبني مع اني مبكونش غلطانة اتهمتني كتير بالخيانة مع اني عمري ما فكرت في حد غيرك ومع كل اللي بتعمله فيا انا غبية ومبفهمش ايوة انا بعترف بكدة كان واضح ليا ايام الخطوبة انك مش هتسعدني بس انا لغيت عقلي وقبلت اكمل معاك وقولت لما نتعود علي بعض هتتغير بس انت عملت اي استغليت كل الفرص عشان تكرهني فيك واهو حصل اللي كنت عاوزه 

انصدم شريف من كل كلامها كانت بتتكلم والحقد باين في عينها وعيونها مليانة دموع وهي منهارة بعد كلامها دا فاق فاق من الغشاوة اللي كانت علي عينه بس بعد فوات الاوان 

كانت همس منهارة ومش قادرة تتحرك حاسة ان جسمها كله اتشل كانت هتقع بس هو مسكها بسرعة بعدت عنه بكل قوتها 

همس : انت بقيت محرم عليا متنساش اني مبقتش مراتك وانا هخرج من الباب دا ووعد اني مش هدخله تاني ابدا 

فاقت همس من انهيارها وفتحت شنطتها واخدت كل الهدوم بتاعتها وبتاعت حور بنتها وخرجت من البيت وهي عازمة علي قرارها انها هتبدأ حياة جديدة وهتحقق كل اللي هو منعها عنه 

        ******************************* 

كانت لينا قاعدة في بيتها واللي كان كبير كانت حاسة بالوحدة ودا لانها عايشة لوحدها بس قاطعها اتصال من همس وكانت بتعيط عرفت مكانها وراحتلها بعربيتها بسرعة 

بعد مدة وصلوا هما الاتنين لبيت لينا ودخلوا جوة قعدت لينا همس علي كرسي وهي قعدت جمبها 

لينا : في اي ي حبيبتي بتعيطي ليه 

همس : شريف طلقني 

لينا بصدمة : اي حصل امتي دا دا انسان غبي مش كفاية اللي عمله فيكي 

همس : انا اللي طلبت الطلاق 

لينا : احكيلي اي اللي حصل وبعدين اي الكدمات اللي وشك دي هو السبب فيها 

همس : ايوة هو 

بدأت همس تحكي كل اللي حصل للينا اللي مصدومة من تفكيره الغبي زيه وكل اللي في دماغها هو ازاي في بني آدم كدة ازاي يشك في اخوه 

لينا : كويس انك عملتي كدة يحيي كان عنده حق في كل كلمة قالها انتي ظلمتي نفسك لما كملتي معاه بعد كل اللي كان بيعمله 

همس : انا مبقتش متحملة خلاص فاض بيا انا نفسيتي اتدمرت 

لينا : انتي بتعيطي عليه ليه اللي زي دا ميستحقش حد يزعل عليه 

همس : انا مش زعلانة عليه انا زعلانة علي كل السنين اللي ضيعتها معاه بس مش هيبقي بعد كدة 

لينا : انتي ناوية علي اي 

همس : ..........

"7"

#

  •تابع الفصل التالي "رواية همس الاسر" اضغط على اسم الرواية