رواية موضوع عائلي الجزء الثاني 2 الفصل الخامس عشر 15 - بقلم رحاب القاضي

 رواية موضوع عائلي الجزء الثاني 2 الفصل الخامس عشر 15 - بقلم رحاب القاضي

موضوع_عائلي

"الجميله والشعر الابيض" 

_الحلقه الـ15

ـــــــــــــــــــــــــــــــ 

اصبحتُ لا اعلم من الاضعف انا ام دموعي 😓

_بين اعتقادات فريده وعشق وعمار كانت جميله واقفه متوتره وخايفه، وقالت لعمار بصوت واطي.. 

جميله بقلق

امشي يا عمار لو سمحت دلوقتي.. 

عمار بضيق

مش همشي، وانتي لسه ما قولتيلهاش لحد دلوقتي ولا ايه؟.. 

جميله بخوف 

والله قولتلها بس.... 

فريده بحده 

انتي واقفه عندك بتكلمي مين يا جميله؟.. 

جميله بخوف

انزل يا عمار وانا هاجي افهمك كل حاجه، بس ما ينفعش تشوف ماما دلوقتي خالص... 

عمار بنفاذ صبر

مستنيكي تحت يا جميله ولو ما نزلتيش ورايا انا هاجي هنا لامك ومش هيهمني حاجه.. 

جميله بصوت

حاضر هاجي وراك والله بس انزل يلا قبل ما تشوفك... 

_ نزل عمار وهي دخلت وكانت متوتره جداً وخايفه تحصل مشكله بين مامتها وعمار، وسألتها فريده.. 

فريده 

مين كان علي الباب يا جميله؟... 

جميله بهدوء

دي شهد انا هروح اقعد معاها شويه وجايه.. 

فريده

طيب ما تيجي هي تقعد معاكي هنا.. 

جميله 

في ايه يا ماما هو اناي هتحبسيني في البيت... 

_دخلت اوضتها ولبست جاكيت خفيف شويه علي بجامتها وقالت.. 

جميله

هنقعد تحت في الجنينه يا ماما... 

فريده 

طيب يا جميله وانا هكلم النيله اختك اشوفها اتأخرت ليه.. 

_ نزلت جميله تحت ولقيت عمار واقف مستنيها جوه العمار ونظراته غاضبه، قربت منه وقالت بهدوء... 

جميله بجمود

نعم؟.. 

عمار بحده 

والله؟!.. 

جميله 

عايز ايه يا عمار؟... 

عمار بنبره شبه عاليه

هو احنا هنفضل كل شويه نكرر الكلام، هو مش المفروض اني مستني ردك عليا انك كلمتي مامتك في موضوعنا.. 

جميله بهدوء

انت قولتلي ما اتكلمش معاك غير لما اقول لماما وانا قولت لماما وهي رفضت وانا نفذت كلامك وما اتكلمتش معاك، المفروض كنت فهمت.. 

عمار بهدوء

لا انتي فهمتي غلط انا كنت زعلان عشان انتي ما قولتيش لمامتك من البدايه، انما لو الموضوع انها رافضه يبقي بسيطه نقنعها،مش تعمليلي بلوك من كل حاجه وتبعدي عني كأنك ما صدقتي.. 

جميله بضيق

بس انا مقتنعه بكلام ماما ورفضها.. 

عمار بجمود

امممم طيب انا عايز اتكلم معاها اظن ده حقي.. 

جميله بدموع 

خلاص يا عمار لو سمحت الموضوع خلص كده.. 

عمار بحده 

هو ايه اللي خلص، هو احنا لسه بدأنا اصلا وبعدين ما احنا كنا متوقعين انها ترفض.. 

جميله بحزن

من غير ما تزعق ولا تتعصب عليا، انا اصلا كنت خايفه من الموضوع وقلقانه منه، وكنت فعلا محتاجه حد اكبر مني يوجهني صح وماما عملت كده خلتني اشوف الصوره صح.. 

عمار

وهي ايه بقي الصوره الصح دي اللي انا كمان مش شايفها؟.. 

جميله دموعها نزلت وردت عليه

انك مش بتحبني وبتتسلي بيا و.. 

كمل عمار كلامها وقال

ولو كنت عايز اتجوز بجد كنت اتجوزت من زمان واتجوزت بنت احلي واجمل منك مانا حواليا كتير، مش ده اللي قالته امك واللي دماغك الغبيه دي صدقته.. 

جميله مسحت دموعها وقالت

هو في حاجه غير كده اصلاً؟... 

مسك ايدها وقال بهدوء

ايوه يا بهيمه يا غبيه في، في اني بحبك.. 

جميله بعدت عنه وقالت بسخريه

بالله عليك بتحب فيا ايه ، انا لو كانت فيا حاجه تتحب كان غيرك حبني.. 

عمار بحده 

غيري ده اللي هو مين ان شاء الله.. 

جميله 

مش قصدي بس هو اللي اي حد.. 

عمار بهدوء

لا هو من ناحية فيكي ايه يتحب فيكي كتير ولو قولته دلوقتي هيبقي عيب وحرام.. 

اتكسفت جميله وردت عليه

احترم نفسك وامشي لو سمحت.. 

عمار بهدوء

مش لازم تبقي اجمل واحلي واحده في العالم عشان احبك، انتي اللي تستاهلي الاحسن مني علي فكره وانا اللي كنت شايفك كتيره عليا والله.. 

بصتله بحزن وهو كمل كلامه وقال

حاولت ابعد عنك كتير واقنع نفسي اني مش بحبك عشان خايف عليكي مني بسبب فرق السن والشخصيات، بس من غير اي ترتيب لقيتني بدوب فيكي.. 

_ ابتسمت بتلقائيه وبصت للارض بتوتر، وهو مسك ايديها الاتنين بين ايديه وقالها.. 

عمار

بلاش تخلي اي حد يخليكي تقللي من نفسك، انتي اجمل واحلي بنت في نظري ومحظوظ جداً عشان هتبقي ليا.. 

جميله بدموع

انا مش عايزاك تبعد عني بس... 

عمار بجديه قاطعها وقال

انا مش هبعد يا جميله وهقف في وش الدنيا كلها عشانك، بس انتي عايزه تكوني معايا ولا لا؟.. 

ابتسمت وردت عليه

ايوه عايزه اكون معاك،وبحبك يا عمار ومستحيل احب حد زيك ابدا.. 

باس ايديها بهدوء وقالها

وانا مش هخلي اي حاجه تبعدك عني يا جميله، استني هنا دقيقه وجااي.. 

جميله بعدم فهم 

انت رايح فين؟.. 

عمار وهو طالع من العماره

يا بت اصبري.. 

_ وطلع عمار وهي فضلت واقفه شويه مستنيااه وهو رجع بعد شويه ومعاه كيس صغير وادهولها وقال.. 

عمار

جيبتلك شوكلاته يلا اطلعي.. 

ضحكت جميله بهدوء وقالت

كنت واخده موقف منك ما اعرفش راح فين فلما تلاقيه قوله كنسل جميله اليومين دول اشطا يا اسطا... 

ضحك عمار ورد عليها

من غير ما تقولي، هتيجي الشغل؟.. 

جميله بقلق

لا مش هينفع لان ماما قالتلي ابعد عنك خالص خالص.. 

عمار بجديه 

طيب اطلعي انتي وما تشغليش بالك انا هتصرف وتشيلي البلوك عشان ما اشيلش دماغك دي من مكانها فاهمه؟.. 

جميله بهدوء

حاضر يلا بااي... 

_ طلعت جميله فوق واول ما دخلت شقتهم لقيت فريده في وشها وقالتلها.. 

فريده 

كنتي فين؟.. 

جميله بقلق

كك كنت تحت مع شهد.. 

فريده 

لا والله؟ تعالي يا شهد ياللي جيتي تسألي عليها.. 

_طلعت شهد من المطبخ ووقفت جنب جميله وقالت بصوت واطي... 

شهد

انتي كنتي فين ياللي تنشلي عجبك المنظر اللي احنا فيه ده؟.. 

جميله بصوت واطي

عموري كان تحت وصالحني وجابلي شوكلاته وقالي هيقنع ماما.. 

فريده بحده

بطلي همس منك ليها، وانتي يا ست هانم بتكدبي عليا، انطقي كنتي فين ومع مين؟.. 

خافت جميله وشهد قالت بسرعه

ااا هي راحت تجيب شوكلاته للولاد من تحت وجات بسرعه صح يا جميله.. 

جميله 

اا ايوه صح يا ماما اهو الشوكلاته حتي.. 

بصتلهم فريده بشك وشهد قالت بهروب

انا طيب يا طنط هاخد جميله تختار معايا الهدوم اللي هروح اقدم بيها علي الشغل الجديد بعد اذنك.. 

_ وراحت فعلا هي وجميله في شقة شهد، وفضلو قاعدين مع بعض وكانت جميله مبسوطه علي عكس الاول، فعمار دائماً قادر علي اعادة ثقتها بنفسها ♥

ـــــــ بقلم_الكاتبه_رحاب_القاضي ـــــــ 

_ وفي بيت مجدي.. 

كانت جهاد واقفه بتعيط قدام مجدي وشيماء اللي قالت بعصبيه.. 

شيماء

انتي فاكره انك ممكن تاخدي فلوسنا يا بت انتي، لو كانت امك زمان ضحكت علي ابويا واخدته مننا ومن امي فاحنا مش هنسمحلك تعملي زي ما هي عملت وتاخدي فلوسنا.. 

جهاد ببكاء

انا لا عايزاكم ولا عايزه فلوسكم بس سيبوني في حالي.. 

مجدي بحده 

بطلي الشويتين دول يا بت انتي عشان ما اقومش اطلع الغل اللي جوايا فيكي... 

وبص لشيماء وقال

شوفي كده شنطتها دي فيها ايه؟.. 

_ مسكت منها شيماء شنطتها وفتحتها ومالقتش فيها حاجه، بس مسكت صور جنينها وقالت وهي بتبصلها بقرف.. 

شيماء

ايه ده يا ست المحترمه، مش تقوليلنا وتفرحينا وياتارا ولد ولا بنت.. 

جهاد بضيق 

هاتيها لو سمحتي.. 

رمت شيماء الصوره علي الارض وقالت بسخريه

لو سمحتي ايه وزفت ايه، انتي هتفضحينا انت قاعد تتفرج عليها يا مجدي انا مش طايقه اشوفها قدامي كلها شكل العقربه امها انا لو اطول اخنقها واموتها بأيدي هعمل كده.. 

جهاد بخوف

والله العظيم انا ما قربتش منكم ولا عايزه منكم حاجه، ولو كانت ماما اذيتكم زمان انا ذنبي ايه تعملو فيا كده... 

_ قام مجدي وقرب منها وهي خافت ورجعت لورا كذا خطوه، بس هو قال بهدوء.. 

مجدي 

ما تخافيش يا جهاد انتي اختي برضو وانا مش هعملك حاجه وحشه، بس قوليلي مين المحامي اللي انتي عامله عنده التوكيل عشان نلم الموضوع قبل ما يبقي قانوني... 

جهاد بخوف 

والله العظيم ما اعرف انت بتتكلم علي ايه.. 

مسكها من دراعها جامد وقال

يبقي هتفضلي هنا اقل حتي من الشغالين واللي في بطنك ده هينزل وهوريكي النجوم في عز الضهر، اختي بقي وبربيها ومش هتطولي مني قرش واحد.. 

_ وسحبها من دراعها وفتح اوضه في زاويه جنب المطبخ ورماها بكل قسوه فيها، وقفل الباب وبص لقي اسراء مراته واقفه ومعاها ابنها الصغير. 

مجدي بحده

نعم في ايه؟.. 

اسراء

انت ايه اللي بتعمله ده، طلع البنت يا مجدي.. 

مجدي بحده

وانتي مال اهلك خدي ابنك واطلعي فوق.  

اسراء بحده 

انت ايه يا بني ادم لما ولادك يشفوك بتعمل كده في اختك هيحبو بعض ازاي، لو سمحت سيبني انا اطلعها واخدها معايا فوق.. 

مجدي زعق فيها وقال

بقولك ايه يا كتوره جو علم النفس بتاعك ده تخليه في الجامعه بتاعتك، واطلعي فوق بدل ما تبقي ليلتك سودا يا اسراء.. 

شيماء بحده

اطلعي براها يا مرات اخويا انتي ما تعرفيش حاجه.. 

اسراء بضيق

ماشي يا شيماء هطلع منها بس افتكري ان عندك بنت مريضه فبلاش تظلمي وتفتري عشان ربنا ما يعاقبكش فيها.. 

_ قالت كلامها وسابتهم وطلعت فوق فعلاً، وبعد شويه قامت شيماء من جنب مجدي وقالتله.. 

شيماء

ماشي اتفقنا انا بكره عندي جلسه مع بنتي، هخلص واجي نشوف بقي هنعمل فيها ايه، وابقي صالح مراتك ما تخليش البت دي تخربلنا حياتنا زي امها ما عملت زمان.. 

_ قبل ما يرد عليها دخل الحارس وهو شبه بيجري وقال  ... 

الحارس

يا مجدي بيه في واحد بره عايز يدخل وشكله كده مش تمام... 

قام مجدي وقال بقلق

واحد. مين ده؟.. 

دخل زكريا في الوقت ده وقال بجمود

انا زكريا المنشاوي اكيد تعرفني.. 

مجدي بهدوء

اهلا وسهلا بحضرتك خير ان شاء الله؟.. 

زكريا 

فين جهاد؟... 

بص مجدي وشيماء لبعض ورد عليه مجدي وقال 

وانت تعرف جهاد منين؟.. 

زكريا بحده 

ما يخصكش، وسؤالي واضح جهاد فين؟.. 

شيماء بغضب

جهاد اختنا ومعانا انت تطلع مين عشان تسأل عليها، لتكون الواد اللي ماشيه معاه وحامل منه في الحرام.. 

ابتسم زكريا ببرود وقال

ايوه انا يا مدام، هي فين بقي؟.. 

مجدي بقلق

اختي في الحفظ والصون وهي مش عايزه تشوف حد، لو سمحت امشي بقي.. 

زكريا 

قالولي انكم ما بتجوش بالذوق بس انا اللي ما صدقتش.. 

طلع سلاحه وحطه في وش مجدي وقال بغضب

جهاد فين ياااه.. 

شيماء بغيظ 

انت كمان بترفع سلاحك علينا في بيتنا ده انت يومك مش معدي علي خير انا هكلم الشرطه وو.. 

قاطعها زكريا وقال ببرود

وكلمي معاها الاسعاف عشان تيجي تاخد جثة اخوكي بالمره.. 

مجدي بحده 

انت مين اصلا عشان تيجي وعايز تاخد اختي واسكتلك.. 

زكريا بسخريه 

لا صدقت انك شهم، بلاش الدور ده انتو الرجوله ما عدتش علي عيلتكم حتي لو بالغلط.. 

نزلت اسراء مرات مجدي بسرعه وقالت

لو سمحت بلاش مشاكل البيت فيه اطفال، جهاد في الاوضه اللي وراك اللي جنب المطبخ دي.. 

بصلها مجدي بغضب وهي قالت بحده

يخلص الفلم ده وهاخد ولادي وهمشي وشالله تقلب البيت مجزره بس بعيد عننا.. 

زكريا بحده

بقولك ايه يااه انت عارف كويس مين هو زكريا المنشاوي ولو مش عارف اسأل وهتعرف، فبلاش تعمل حاجه ما تعجبنيش ولا تقرب من جهاد اصلا عشان تخصني وانتو مالكوش فيها حاجه... 

_ قال كلامه وراح فتح الاوضه اللي فيها جهاد، وهي اول ما الباب اتفتح اتنفضت بخوف ليكون مجدي، بس لما شافت زكريا اتنهدت بأرتياح وبرغم كل اللي حصل منه الا انه بقي امان ليها اكتر من اخواتها اللي من دمها.. 

قرب منها وقال بهدوء

ليله واحده معاكي قلبت حياتي وخلتني اتشحطت وراكي كده، قومي يلا.. 

بصتله جهاد بقلق وهو ابتسم بهدوء وقالها

ما تخافيش انا مش هخليهم يعملولك حاجه، يلا تعالي معايا... 

_قامت جهاد معاه وطلعو بره وكانت نظرات مجدي وشيماء ليها مرعبه من كتر الغل اللي جواهم ليهت...

ابتسم زكريا بسخريه وقال لجهاد

هو انتي كنتي بتاكلي منابهم وامتي صغيره ولا ايه؟..

_ وقبل ما تمشي مع زكريا بصتلهم وقالت بحزن ونبره متألمه.. 

جهاد بدموع

انتو خلتوني اتحامي في الغريب منكم يا اخواتي💔.. 

_بصلها زكريا بتأثر وبحركه جريئه منه لف دراعه علي كتفها وخدها في حضنه بهدوء تحت صدمتها وتوترهة من قربه وقال بخبث.. 

زكريا

اسمك مجدي مش كده، طيب احفظ بقي الكلمتين دول وحفظهم لاخواتك، زكريا المنشاوي هيعرف يرجع حق مراته كويس.. 

_زادت صدمتها من كلامه وقبل ما حد ياخد باله من صدمتها اخدها ومشيو، وشيماء قالت لمجدي بقلق.. 

شيماء

يطلع مين الولد ده وانت ليه خايف منه كده؟.. 

مجدي بصدمه 

ازاي ده ابن المنشاوي دول من اغني اغنيااء مصر وبأشاره منهم انزل الارض، اختك وقعت عليه منين ده؟.. 

شيماء بغيظ 

وبنت الطماعه مش مكفيها اللي مع جوزها جايه وباصه للحاجه الوحيده اللي خدناها من ابونا، اخدت هي الدلع والحنيه كلها وعايز يديها باقي حقنا انا بكرهه ربنا ما يريحه في تربته ابداً.. 

_كان مجدي قاعد مدايق واسراء بصتلهم بحزن وقالت... 

اسراء

انا ماشيه عند بيت اهلي يا مجدي مستحيل اقعد معاكم وانتو كده.. 

رد عليها بحده وقال

في ستين داهيه ما تمشي... 

_سابته اسراء ومشيت، وفي عربية زكريا كانت جهاد قاعده جنبيه، ومستنياه يتكلم ويفهمها هو كان يقصد ايه بكلامه قدام اخواتها.. 

_واستغربت لما وقف هو بعربيته قدام بيت ما تعرفوش وقالها تنزل.. 

جهاد 

انزل فين هو ايه المكان ده؟.. 

زكريا بجمود

في الدور التالت في مكتب مأذون شرعي، هتجوزك زي ما طلبتي.. 

جهاد بقلق

ما انت كنت رافض، ليه دلوقتي وافقت؟.. 

سكت زكريا شويه ورد عليها بجمود

انزلي يلا... 

جهاد بدموع

برغم انك الوحيد اللي بتحميني وبطمنله بس قلبي مقبوض من ناحيتك مش عارفه اديك الامان، انا طلبت منك نتجوز بس دلوقتي مش عارفه اثق فيك.. 

نزلت دموعها وكملت ببكاء

انا مش عارفه اثق في حد اصلا؟.. 

زكريا بهدوء

اول ما تولدي هطلقك وهكون كتبته بأسمي وامنتلكم حياه كويسه، اظن كده هبقي عملت اللي عليا وزياده.. 

ونزل من عربيته وفتحلها الباب وقال

يلا عشان نخلص بسرعه واروحك بيتي.. 

نزلت جهاد بقلق

 بيتك ازاي يعني؟.. 

قفل زكريا باب العربيه وقالها بهدوء

بيت ابويا هخليكي تقعدي معاه هناك امان وما حدش هيقربلك خالص، وانا هقعد في شقتي التانيه.. 

جهاد بقلق

طيب وطنط نورا.. 

زكريا

ما انا قولتلك عماد اخوكي معاها في المستشفي.. 

جهاد 

بعد ما هتخرج من المستشفي انا مش هسيبها وهقعد معاها.. 

زكريا بجديه 

اللي يريحك يلا بينا بقي، انتي معاكي البطاقه بتاعتك؟.. 

جهاد بسخريه

ايوه في الشنطه عملتها قبل ما امتحن للثانويه واول مره هستخدمها في حاجه النهارده... 

زكريا

اومال انتي كنتي ماشيه ازاي قبل كده؟.. 

جهاد ببراءه

مع بابا.. 

ابتسم بقلة حيله وقالها

طيب يا جهاد يلا بينا... 

_ وطلعو مع بعض عند المأذون واصبحت جهاد مرتبطه به قولاً وفعلاً، فماذا تخبئ لهم الحياه سوياً... 

ــــــــ بقلم_الكاتبه_رحاب_القاضي ـــــــ 

_في بيت صبري.. 

كانت شهد واقفه قدام المرايا وبتحط اللامسات الاخيره علي وشها من الميكاب الهادي اللي كان لايق جداً علي وشها وحجابها اللي كانت عملاه بطريقه جميله جداً، وهدومها الانيقه بألوان هاديه، وبعدين طلعت من اوضتها وقالت لزهره واسر اللي قاعدين بيفطرو مع صبري.. 

شهد 

ها ايه رئيكم؟.. 

زهره 

الله واكبر عليكي زي القمر يا حبيبتي... 

اسر

بقيتي مزه يا عمتو.. 

ضحكت بهدوء وقالتله

اتلم يا ولد، همشي انا بقي وادعولي... 

قام صبري وقالها بجمود

شهد استني تعالي عايزك في كلمتين الاول.. 

_قال كلامه وراح قعد في الصاله بعيد عن مراته وابنه، وهي بصتلهم بقلق بس زهره طمنتها وقالت.. 

زهره

يعني مش عارفه اخوكي، تلاقيه هيوصيكي ما تتكلميش مع حد غريب ما تتاخريش والكلمتين بتوعه دول.. 

شهد بقلق

ربنا يستر.. 

وراحت قعدت قدام صبري وقالتله

نعم يا صبري خير؟.. 

صبري

بصراحه كده لو عايزه رأيي في موضوع الشغل اللي جبهولك جوز صحبتك ده فانا مش موافق، ويونس كلمني بدل المره عشره عشان يرجعك.. 

اتنهدت شهد بضيق وهو كمل كلامه وقال

انتو بينكم عيال يا شهد ما فيش مشكله لو ضحيتي شويه عشان ولادك يتربو معاكي انتي وابوهم وهما محتاجين اووي لابوهم انا مهما عملت هفضل خالهم ومش هعوضهم عن ابوهم.. 

شهد بجمود 

مش هرجعله يا صبري ولو هو فاكر انه هيضغط عليا بيك تبقو انتو الاتنين غلطانين.. 

صبري بحده 

يا بت افهمي انتي ام دلوقتي ولازم تشوفي مصلحة ولادك فين، كل ست بتتحمل عشان بيتها وعيالها شغل العيال ده غلط يا شهد.. 

شهد بحده

وليه اتحمل اتخان وليه اتحمل يتداس علي كرامتي بدل المره كتير، وليه اتحمل مزاجه لما يبقي راضي ابقي انا راضيه ولما يبقي مش رايق يزعق ويضرب ويهين وكل ده قدام ولادي والمفروض لما يجي يصالحني ادوس علي وجعي واسامح، لا انا مش مستعده اكرر الوجع ده تاني معاه ويونس مش هيتغير، لو كان هيتغير كان اتغير من زمان،انا كل ليله يا صبري بكون نايمه ومليون شك جوايا انه مع اللي خاني معاها ومع غيرها،انتو كلكم شايفين اللي حصل عادي بس اللي حصل ده اذاني وكسرني يا صبري.. 

صبري بضيق

يعني ده اخر كلام عندك يا شهد؟.. 

شهد بجمود

ايوه يا صبري موضوع رجوعي ليه اتقفل خلاص، همشي انا بقي عشان ما اتأخرش.. 

وراحت لزهره وقالتلها

هتعبك يا زهره لما يونس يبعت الولاد من عنده تغديهم لو كنت انا لسه ما رجعتش.. 

زهره

من غير ما توصيني روحي انتي وما تشغليش بالك عليهم.. 

_ وفعلا نزلت شهد وركبت الاوبر اللي طلبته، وبدأت مرحلتها الجديده اللي ناويه ما يكونش فيها يونس خالص.. 

ــــــــــ # بقلم_الكاتبه_رحاب_القاضي ـــــــــ 

_في بيت عمار كان بيلبس في هدومه وحاطط موبيله قدامه وهو بيكلم جميله اللي قالتله.. 

جميله

انت صوتك بعيد ليه؟ 

عمار

بلبس وبكلمك يا جميله عشان رايح الشغل.. 

جميله 

قولي صح هو انت مين بيرتبلك اوضتك وهدومك وكده؟.. 

عمار

هيكون مين يعني الشغاله.. 

جميله 

وحياة طنط والشغاله دي واحده صح ؟.. 

عمار بسخريه

طبعاً واحده وبعدين غيرانه اووي اتلحلحي وتعالي روقيهالي انتي...

تابع بنبره خبيثه

وانا اليوم ده مش هروح الشغل وهقعد اساعدك يا اسطا 

جميله ما فهمتش قصده وقالت

طيب اتلحلح انت واقنع ماما وانا مش هخلي في شغالين في البيت خالص.. 

عمار 

معقوله هتقومي بالبيت كله لوحدك؟... 

جميله بثقه

لا طبعا هجيب شغالين رجاله.. 

عمار 

بس يا عسل، انتي هتعملي ايه دلوقتي؟.. 

جميله 

هكمل نوم ما فيش حاجه اعملها.. 

عمار 

لا لا قومي يلا زي الشاطره اعمليلي حاجه حلوه اكلها مع الشاي وانا بشربه مع مامتك النهارده.. 

قعدت بسرعه علي السرير وقالت

بتهزر صح انت جاي لماما النهارده، طيب ليه السرعه دي؟.. 

عمار

وايه اللي يخليني استني وغلط اني استني اصلا مدام هي عارفه بالموضوع يبقي لازم نقنعها بقي.. 

جميله بقلق

بس هي ممكن تقول كلام يدايقك يا عمار انت ما تعرفش ماما.. 

عمار بهدوء

عادي حماتي وهتحملها عشانك يا قلب عموري.. 

ابتسمت وقالتله

طيب انا هحاول اعملك كيكه بس انت هتاكل منها لو طلعت وحشه مش هتعب علي الفاضي.. 

عمار ضحك وقالها

هههه لا هتطلع حلوه، هقفل انا بقي عشان هنزل عند الاستاذ مروان... 

جميله 

ماشي وما تزعلوش عشان ما يأثرش عليه في الامتحانات... 

عمار بضيق

حاضر يا جميله، سلام.. 

_ وقفل معاها ونزل تحت لقي مروان قاعد بيفطر ولما عمار قعد معاه، اتنهد مروان وقام.. 

عمار بحده 

اقعد.. 

مروان 

شبعت وعندي مذاكره.. 

عمار بحده 

وانا قولت اقعد يالا... 

قعد مروان وهو مدايق وعمار قاله

ما حلقتش شعرك ليه؟.. 

مروان بحده 

انا مش عيل صغير عشان تتحكم فيا كده يا بابا، انا لو بسمع كلامك عشان انت ابويا وبس.. 

عمار بهدوء

توطي صوتك وانت بتتكلم معايا بدل ما البسك بالطبق ده في وشك، وشعرك ده يتحلق انت عمرك شوفت راجل شعره واكل نص وشه زيك كده؟.. 

مروان بضيق

انا عاجبني كده.. 

عمار بحده 

وانا مش عاجبني ولما اقولك حاجه تقول حاضر وبس، وهات مفاتيح الموتسيكل بتاعك.. 

مروان بحزن

ده كمان هتاخده مني؟.. 

عمار

لحد ما تخلص امتحانات، وهعدي انك ما سمعتش كلامي المره اللي عدت وبقيت تسهر كمان وراجع امبارح وش الفجر من بره، بس والله لو اتكررت تاني ما تعرفش انا هعمل فيك ايه.. 

_طلع مروان مفاتيح الموتسيكل بتاعه من جيبه وحطهم قدامه علي الترابيزه وقام وقال.. 

مروان 

حاضر يا بابا هعملك كل اللي انت عايزه بس مش هشتغل معاك برضو ولا حتي هبقي نفس مجالك في الشغل، ان شاء الله ربنا يرزقك بولاد غيري لما تتجوز ياخدو هما فلوسك دي اللي انت خسرت اخوك عشانها.. 

_ قال كلامه وساب عمار وطلع اوضته، وعمار غمض عيونه بحزن من كلام ابنه اللي وجعه اووي، وساب الاكل هو كمان وراح شغله.. 

ـــــــــ # بقلم_الكاتبه_رحاب_القاضي ـــــــ   

_ وفي شركه كبيره للأزياء.. 

كانت شهد واقفه قدام الاسانسير وهي بتكلم جميله وقالتلها.. 

شهد

قولتلك بيضه واحده والله يا غبيه بتحطي ليه تلاته،  حاولي بقي تظبطي باقي المقادير... 

جميله

مش مهم هتتظبط، المهم انتي ايه الاخبار عندك؟.. 

_بصت شهد للولد اللي واقف جنبيها مستني الاسانسير وكان لابس شورت وشكله عيل اووي وحاطط سماعه كبيره علي ودانه وقالت.. 

شهد 

والله مش عارفه اقولك ايه بس شكلها شركه كلها عيال اللي حاطط توكه واللي لابس شورت وحاجه تقرف بجد.. 

ضحكت جميله وقالت

هههههه يعني مش هنطلع بمصلحه منهم، يبقي ما فيش امل غير في المدير يارب يبقي غيرهم... 

شهد 

بس يا تافهه انا جايه هنا اشتغل، مع اني مش عارفه ازاي هشتغل مع العاهات دي.. 

_ بصلها الولد بطرف عينيه من غير ما تاخد بالها وبعد ما وصل الاسانسير طلع فيه، وركبت معاه شهد بعد ما قفلت مع جميله واول ما وصل الاسانسير طلع الولد اللي معاها ومشي بسرعه، وهي راحت سألت علي مكتب المدير وقالولها اخر الطرقه.. 

_ وراحت شهد هناك واستغربت انه مكتب بسيط وما فيش سكرتيره ولا حاجه من اللي كانت رسماها في خيالها خالص، وخبطت علي الباب وسمعت صوت واحد قالها تدخل.. 

_واتصدمت اول ما دخلت بأن المدير هو الولد اللي كان معاها في الاسانسير اللي كانت بتتريق عليه مع جميله "اللي لابس شورت وبتوكه وكان حاطط سماعه".. 

وقالها بهدوء

شهد مش كده تعالي اتفضلي.. 

_قالت شهد لنفسها انه ما كانش سامعها عشان كان حاطط السماعه علي ودنه، وراحت قعدت قدامه... 

وهو قالها بأبتسامه بسيطه

معاكي زيد مدير شركة زيد برضو.. 

شهد بهدوء

اهلا بحضرتك عدي قالي انه كلمك عني.. 

زيد بهدوء

بالظبط وكمان بعتلي كل المعلومات عنك وشغلك وبصراحه شغلك حلو وعجبني بس محتاج التاتش بتاع شركتنا وعشان كده هتكوني تحت التدريب لفتره.. 

شهد ابتسمت وقالت 

تمام.. 

زيد بجديه

بس في حاجه كمان كل اللي شغالين هنا مؤهلات عاليه بس انا عشان عدي هعديها بس تفضل بينا ما حدش يعرف تمام.. 

شهد بأحراج 

تمام.. 

زيد بهدوء

شهد اسمك جميل بس انا هقولك يا شاهي.. 

شهد بعدم فهم 

وليه مش شهد يعني؟.. 

زيد 

شاهي لايق علي استايل شركتنا اكتر ، اوكي يا شاهي؟.. 

شهد بهدوء

تمام، هو انا هبدأ تدريب من امتي؟.. 

قام وقف وقعد قدامها علي المكتب وقال

من دلوقتي انا هعرفك علي التيم اللي هتدربي معاهم بس انا عايزك تتعلمي بسرعه لان النوع اللي عايز اقدمه في العرض الجاي هيليق عليكي لما يطلع من تحت ايدك، بس في مشكله... 

_شهد بتوتر وهي بتحاول تبعد عن الكرسي اللي قاعده عليه بسبب قربه منها وردت عليه بقلق.. 

شهد

مشكلة ايه؟.. 

زيد بخبث

ازاي هتشتغلي مع العاهات دي اللي بشورت واللي بتوكه؟.. 

برقت شهد بأحراج وهو ضحك وقال

ههههههههههه لا لا عادي ولا يهمك، بس انا اوعدك انك هترتاحي معانا هنا اووي وهتتعلمي انك ما تحكميش بالمظاهر .. 

قامت شهد وقالت

انا بجد اسفن ما كنتش اقصد، طيب ممكن اشوف التيم اللي بتدرب معاه يعني عشان ما نضيعش وقت.. 

ابتسم علي توترها وقال

اوكي يا شاهي يلا بينا..  

«ياااه تخيلو يونس يسمع منه شاهي دي هيعمل فيه ايه؟ 😂» 

_ في المستشفي اللي فيها نورا.. 

راح هناك زكريا الصبح بعد ما وصل جهاد بالليل هنا، ولقي عماد قااعد قدام الاوضه وبيشرب شاي.. 

زكريا بقلق

فين جهاد؟.. 

عماد بهدوء

نايمه جوه وما اعرفش ليه مش راضه تخليني اقعد عندهم جوه.. 

زكريا بسخريه

بعد كل اللي عملته فيها مش عارف ليه مش طايقه وشك، اختك امبارح كانت عند مجدي اخوك اللي الله واعلم كان ناوي يعمل فيها ايه.. 

قرب منه وقال بصوت واطي

اختك برضو حامل مني وانت السبب.. 

عماد بصدمه 

ايه انت بتقول ايه، ازاي يعني؟.. 

زكريا بحده 

هي كلمه يا عماد جهاد بقيت مراتي خلاص تروح لاخواتك وتقولهم ان اللي هيقرب منها بخير او بشر مالوش عندي غير الوش التاني، وحقها انا هعرف ارجعهولها كويس.. 

عماد 

طيب وانا يا صاحبي.. 

زكريا بعيظ

انا نفسي افهم انت واخواتك جنس ملتكم ايه، ده ايه التناحه اللي انتو فيها دي، روح امشي يا عماد ومالكش دعوه بجهاد تاني مفهوم.. 

عماد بضيق

حاضر بس عايز فلوس سلف والله وهردهملك.... 

_طلع زكريا فلوس من جيبه وادهاله والتاني مشي بسرعه، وهو دخل الاوضه اللي فيها نورا اللي دخلت في غيبوبه بتأثر الخبطه اللي في دماغها وعشان سنها الكبير ما قدرتش تتحمل ودخلت في غيبوبه، بس هو ما جاش عشان نورا، جه عشان جهاد ام طفله تلك الصغيره النائمه علي الكنبه جنب سرير نورا.. 

_ مسك الكرسي اللي كان جنب الباب وراح قعد قدامها وهي نايمه، ابتسم بهدوء وهو بيبص لملامحها البريئه جداً، والجميله جداً برضو افتكر طفله اللي في بطنها وبحركه عفويه منه حط ايده علي مكانه واتملت عيونه دموع وجواه احساس مختلف هو كمان كام شهر هيبقي اب برغم انه احساس حلو الا ان خوفه من اللي ممكن يحصل للطفل ده بسببه وبسبب جرايمه كان اكبر بكتير.. 

_ فتحت جهاد عينيها بهدوء واول ما شافته وحست بأيده اللي علي بطنها، نفضتها بعنف وقامت بسرعه وهي حاضنه شنطتها وقالت بنبره خائفه.. 

جهاد

انت بتعمل ايه؟.. 

اتوتر ورد عليها وهو بيحاول يبان طبيعي

ما فيش اا جيت اخدك عشان نروح البيت.. 

جهاد بقلق

لا انا هقعد هنا مع طنط نورا لحد ما تبقي كويسه.. 

زكريا

مش هينفع حالتها صعبه شويه وهتطول في الغيبوبه، ابقي تعالي اطمني عليها بس دلوقتي لازم تيجي معايا.. 

جهاد بقلق

علي فكره عادي انا هقعد معاها هنا!.. 

_اتنهد بنفاذ صبر وقام وقرب منها اووي وهي غمضت عينيها بخوف وقالت.. 

جهاد

انا عارفه نيتك من الاول والله العظيم لو قربتلي ل.. 

_حط ايده علي بوقها منعها تكمل كلامها، حس بخوها من نفضة جسمها لما قرب منها وعيونها اتملت دموع وقال هو بهدوء.. 

زكريا

وطي صوتك احنا في اوضة واحده مريضه، وما تخافيش انا مش هأذيكي، وبلاش تقوليلي لا عشان كلمة لا بتعصبني تمام.. 

_هزت راسها بمعني ايوه، وهو بعد عنها ووقف وقالها... 

زكريا

يلا بينا.. 

جهاد قامت وقالتله

هو الحج المنشاوي يعرف انك اتجوزتني؟.. 

زكريا

هنقوله يا جهاد يلا بينا.. 

_ مشي هو عند الباب وهي قربت من نورا وباستها علي راسها وقالت بدموع.... 

جهاد

هجيلك تاني، انا كل يوم هجيلك ومش هسيبك لوحدك ابداً.. 

زكريا ابتسم وقالها

موصي عليها هنا في المستشفي ما تخافيش، ودي مستشفي كبيره يعني ما حدش هيقصر معاها في حاجه.. 

_ مسحت دموعها ومشيت معاه وراحو بيت المنشاوي اللي كان قاعد علي الكرسي اللي في الصاله بيصلي الضهر، ودخل زكريا ومعاه جهاد اللي كانت متوتره جداً.. 

سلم المنشاوي وبصلهم وقال بهدوء

اهلا اهلا تعالي يا جهاد عامله ايه يا بنتي.. 

جهاد بصت لزكريا بتوتر وقالت

كويسه الحمد لله.. 

زكريا بجمود

انا اتجوزتها يا بابا وهتقعد معاك هنا شويه، وانا هقعد في شقتي التانيه.. 

ابتسم المنشاوي بسعاده وقال

الف مبروك هتفضلي واقفه عندك كتير يا مرات ابني.. 

بصو زكريا وجهاد لبعض، وهو قالها بسخريه

ردي يا مرات ابنه.. 

جهاد 

طط طيب انا هدومي هناك في شقة طنط نورا ومحتاجه اغير هدومي بجد انا بقالي كتير لابسه الهدوم دول.. 

زكريا بجمود

بالليل هبقي اخدك ونروح نجيبهم.. 

_ قال كلامه وطلع وهي كانت واقفه متوتره ومحرجه جدا من المنشاوي، فهي كانت في نظره بنت كويسه ومحترمه بس بعد اللي عرفه كانت مكسوفه منه جداً.. 

_ قام هو وسند علي العكاز بتاعه وقال لجهاد وهو داخل اوضته.. 

المنشاوي

اقعدي يا جهاد عندك دقيقه وهجيلك.. 

_ سمعت جهاد كلامه وقعدت في الصاله وهو طلع بعد شويه وفي ايده فستان من اللون الاصفر بنصف اكمام وطويل للارض وقالها.. 

المنشاوي وهو بيقعد جنبيها

الفستان ده جابته ام زكريا ومالبستوش غير مره واحده وزكريا كان صغير فضل يعيط ويقولها تشيله لعروسته فهو جه من نصيبك اصلا.. 

جهاد ضحكت وقالت 

ههههه هو كان طفل وبيفكر في عروسته؟.. 

المنشاوي 

تخيلي بقي، اسمعي يا جهاد زكريا حياته ملياانه مشاكل انا متأكد انها بدأت تتحل وبدأ يرجع ابني اللي اعرفه تاني بعد ما عرف انك حامل، ولما الطفل ده هييجي علي وش الدنيا هيرجع زي الاول.. 

جهاد بضيق

ان شاء الله خير، انا هجيبه وقررت مش هنزله عشان انا اللي محتجاه اكتر من زكريا، المهم انا هقعد فين اليومين دول.. 

شاورلها المنشاوي علي اوضه وقال

اوضة جوزك اهي اتفضلي خدي راحتك والبيت كله بيتك.. 

جهاد بتوتر

ااا ممكن اقعد في اوضه تانيه عشان ما يدايقش يعني اني هقعد في اوضته.. 

المنشاوي ابتسم وقال

البيت ده اوضتين وصاله بس، اوضه كانت ليا ولمراتي واوضه كان بيقعد فيها زكريا واخوه عمار وهما صغيرين، ودلوقتي هي اوضة زكريا لوحده واضتك انتي كمان معاه.. 

_ اتنهدت بضيق وقامت دخلت الاضه بتاعت زكريا، وكانت عاديه جداً فيها سرير كبيره مترتب بشكل منظم ودولاب برضو كبير وترابيزه صغيره وجنبيها كرسين وعليها لابتوب وطفاية سجاير.. 

_ راحت غيرت هدموها عملت شعرها علي شكل ضفيره علي كتفها ونامت تاني.. 

ـــــــــ بقلم_الكاتبه_رحاب_القاضي ـــــــــ

_ وبالليل في بيت يونس.. 

كانت قاعده هناء علي السفره بتاكل وقدامها يونس اللي بيأكل في اولاده ومعاهم دارين اللي بصاله بهدوء... 

هناء بغيظ

دار يا دار الاكل علي السفره مش في وشه.. 

اتوترت دارين وقالتلها

اا يزن شبه يونس اووي علي فكره.. 

هناء

ايوه ما احنا واخدين بالنا، شهد كانت بتحبه اووي فجابت الكبير نسخه من ابوه.. 

يونس بجديه 

هي مش كانت يا ماما هناء هي لسه بتحبني، قوليلي يا دارين ايه رئيك في الاكل؟.. 

دارين 

هو حلو جداً بس مش مناسب الدايت بتاعي.. 

قامت هناء وقعدت جنبيها وهي وقالت

دايت ايه ده انتي لو خسيتي كيلو كمان هتقعي من طولك، كلي محشي حلو ده هيخليكي تربربي زيي.. 

دارين بقلق

اا لا لا والله مش هقدر اكب محشي بجد، سونس قولها.. 

يونس بأحراج 

اقعدي يا هناء وسيبي البت.. 

هناء

اسكت انت وانتي هتاكلي يعني هتاكلي.. 

_ اكلت دارين غصب عنها ويوسف ويزن فضلو يضحكو عليها، ودخل يوسف في الوقت ده وقال.. 

يوسف

ده انا حماتي بتحبني، وكمان محشي.. 

دارين 

ايوه اقعد وكل كل دول كلهم وبسرعه بلييز.. 

هناء

لا ما حدش هيخلص الاكل ده غيرك انتي، وانت اقعد يا يوسف وانا هجيبلك الاكل بتاعك من جوه.. 

قامت هناء ويوسف قعد مكانها وقال لدارين

احسن احسن ما هي ذنوب وبتخلص.. 

يونس

انا اسف يا دارين افتكرت انهم ذوق وهتنبسطي اكتر واحنا في البيت.. 

دارين بهدوء

بالعكس انا مبسوطه جداً هنا والاكل حلو وماما هناء لذيذه اووي.. 

يوسف بسخريه

ماما هناء يا نوحي.. 

دارين بغيظ 

هو ما فيش حد معكنن عليا غيرك بجد يا يوسف.. 

يوسف

«"ربنا يديمها عليكي عكننتي 👀"» 

دارين بجديه 

قولي صح انت مراتك حامل؟. 

بصولها يونس ويوسف باهتمام وهو قال

لا انتي ايه اللي خلاكي تقولي كده؟.. 

دارين 

انا شوفتها كذا مره لما كانت بتجيلك الشركه، ومن يومين كده شوفتها عند دكتورة نسا في نفس المستشفي اللي كنت بعمل فيها اتشيك اب لنفسي وكده.. 

يونس بقلق

في ايه يا يوسف بطه كويسه.  

قام يوسف وقال بضيق

معلش انا لازم امشي، المهم كنت جاي اخد ملف الشحنه الجديده شوفو انت بقي مع نفسك.. 

يونس بقلق

طيب استني قولي في ايه؟.. 

_ ما ردش عليه يوسف ورجع بيته وهو مدايق جداً، وفضل مستني بطه اللي كانت عند مامتها، ورجعت بعد شويه ولما دخلت قالتله.. 

بطه 

كويس انك جيت، اشتريت وانا جايه ايسكريم حلو اووي.. 

وحطت شنطتها علي التربيزه وقعدت جنبيه وقالت

مالك يا حمبوزو قالب وشك ليه؟.. 

يوسف بصلها بحده وقال

هو انا مش قولت مش هتعملي العمليه، روحتي ليه للدكتوره من ورايا وبتعملي في التحاليل عشان تعمليها.. 

بطه بقلق

انا كنت اا.. 

مسكها من دراعها جامد وقال بعصبيه

كنتي ايه وزفت ايه، قولتلك مش عايز زفت عيال انا عايزك انتي... 

_ تفتكرو بقي هيحصل ايه؟.. 

ـــــــــــــــــــــــــــــــ 

قلم_الكاتبه_رحاب_القاضي

  •تابع الفصل التالي "رواية موضوع عائلي" اضغط على اسم الرواية