رواية مزرعة الغضب الفصل السادس عشر 16 - بقلم نرمين قدري

 رواية مزرعة الغضب الفصل السادس عشر 16 - بقلم نرمين قدري

الفصل السادس عشر 

- اولا يا روز مش انتي السبب رنا وهبه كانوا بيتخانقوا ورنا ما شفتش السلم فوقعت تانى حاجة لازم تفهميها كويس أن دي أوضتك لازم تتعودي تنامي هنا بقا

+ بس انا يا عاصي مش بحب اكون تقيله علي حد ومامتك شيفاني ضيفة تقيله انا بقول افضل خليني في الأوضة بتاعي اللي في اخر الجنينة 

رفع عاصي حاجبية وقال :

- أنا مش بحب اكرر كلامي مرتين ياريت تسمعي الكلام من  مره واحدة انا هنزل اجبلك اكل علشان في علاج كتير لازم يتاخد و ده بيتك ودي أوضتك ومكانك مكان ما يكون جوزك مفهوم 

تركها ونزل يعد  لها الطعام ولكنه وقف علي باب المطبخ في حاله زهول مما سمع 

فقد كانت هبه تتحدث مع مجهول وتقول بصوت خافت:

= مش عارفه البت دي عملاله عمل ولا ايه،  حكايتها متبته كل ما اقول خلاص خلصت منها تعمل حاجة تخليه يتمسك بيها اكتر أنا مش عارفه طلعتلي من انه نصيبة انا قلت خلاص فاضل تكه وهتجوزه واستولي علي كل العز ده لوحدي 

المجهول : بس برافوا عليكي استحملتي كل ده هانت 

هبه بقرف: 

- استحملت أن اقعد في المكان المقرف ده مليان بالحيوانات ولا ريحتهم يع طلعتلي روز و الوصيه الزفت اللي ابوها حطها

المجهول: هو مش خلاص تمم الجواز تبقي المزرعة بتاعته خلاص 

تضحك هبه بسخرية وتقول :

- الاسم بس أن المزرعة بتاعت عاصي لكن الشرط اللي في الوصيه مخليه زي اللي رقص علي السلم لا منه امتلكها ولا منه سيبها،  ابوها الله يجحمة ربط مستقبلهم ببعض 

المجهول : طيب والعمل هتعملي ايه انتي دلوقتي 

هبه : مش عارفه لسة مش عارفه بعد اللي حصل مع رنا وانا مخي واقف عن التفكير خايفة رانا تتكلم وتقول إن انا اللي وقعتها من علي السلم 

المجهول:  ينهارك اسود هو انتي اللي وقعتيها بقولك ايه يا هبه خفي اللعب بلاش تئذي حد اوعي انتي هدفك واضح الفلوس يبقي خليها علي قد الفلوس وبس لكن أذية حد لاء والف لاء 

هبه بلا مبلاه :

- والله مافيش حرب من غير ضحايا واصلا رنا دي ملهاش لازمة في الحياة بتعمل ايه في حياتها غير أنها طول النهار تندب علي حالها و علي عجزها الناس دي بيكون الموت ليهم راحة صدقني 

المجهول: وانتي فاكرة أن خالتك هتسكت ليكي مهما كان درجه حبها ليكي بس في الاول والاخر دي بنتها واوعي تنسي أن خالتك وعيالها تعبوا كتير علشان يوصلوا اللي هما في ده فا متتتوقعيش أن حد هيتنازل ليكي بسهوله حتي لو كانت خالتك هي ما شفتش شوية اتبهدلت كتير وده خالي قلبها قاسي 

إنفعلت هبه بشده وقالت :

  وانا مالي قضاء وقدر هنخش في في قضاء ربنا ولا اية

و متشلش هم خالتي انا عارفة هعمل معاها ايه كل واحد وليه دور هي مكانها محجوز من دلوقتي في دار المسنين 

المجهول :

بقولك ايه يا هبه تاني مرة هتتعرضي لاي  حد عندك 

انا مليش دعوه بيكي واتصرفي مع حالك انا برا الليلة 

+ هههههههههههه هههههههههههه هههههههههههه بره ايه يا حبيبي انت عبد القرش هو مين اللي برا لا يا روحي فوق لنفسك كده واعدل في الكلام انت شريكي في كل حاجة ولا انت عاوز تقبض علي الجاهز كده 

قال المجهول. بتهكم واضح :

+  بس متفقناش علي الدم لما توصل لحد كده انا برا اللعبة مليش في  بس بيني وبينك كده يا هبه انتي ليه مصممة تعملي كده ما تحتوي عاصي وخلاص من ما حد يتأذي

-انت عبيط يا بني بقولك عاوزة اكون انا صاحبه الهلومة دي. كلها وانت قلت إن خالتي مش هتسيب حاجة بسهوله غير أنها فعلا هي  المتحكمة في كل حاجة هنا 

تعمد.عاصي يصدر صوت بقدمه وهو  داخل   حتي تنتبه هبه وتغلق الخط وذلك ما حدث بالفعل أنهت هبه المكالمة مسرعة ثم التفتت خلفها وهي تبتسم وقالت :

+ خير يا عاصي عاوز حاجة اعملهالك

قال عاصي وهو يرفع حاجبية:

- لا تسلمي يا هبه انا هحضر أكل خفيف لروز علشان تاخد العلاج 

سمع صوت من خلفة يقول بسخرية:

= وهي الغندوره متنزلش تعمل الاكل بنفسها ولا تكون فاكرة نفسها صاحبة البيت وبتتحكم وتدلع ولسة الخدم بتاعها موجود وبيخدمها

تنهد عاصي بصوت مسموع والتفت الي مصدر الصوت وقال:

الدكتور مانع روز من الحركة يا ماما الوقعة أصابت ظهرها ورجليها علشان كده كتبلها علي ارحة في السرير وميجراش  حاجة لما احضر ليها لقمة خفيفه  ما اكلتش حاجة طول النهار و متقلقيش  روز عارفة كويس أن الڤيلا ما عدتش بتاعتها وأنها ضيفة 

وياريت لو الاستجوابات خلصت سبوني احضر الاكل علشان اطلع ليها 

قالت الأم  وهي تنظر لوجه هبه المخطوف لونه :

ماشي يا عاصي افضل دلع فيها كده لحد ما تخد وش علينا 

نظر لها عاصي و اخذ طعام خفيف وتركهم وصعد إلي غرفته 

فتح الباب ليجد روز تحاول النهوض من علي السرير ولكن الم ظهرها كان اقوي من محاولتها وضع الصينية علي المنضده و جري مسرعا نحوها وهو يقول بغضب:

هو العند عندك هويا متعرفيش تعيشي من غير عند ارحمي نفسك وارحمينا كل الدكتور اللي  طلبه منك اسبوع راحه اظن اسبوع مش كتير 

قالت روز بالم شديد انا عاوزة اخش الحمام من فضلك اسندني لاني بجد مش قادرة الوجع لا يحتمل 

بدون مقدمات حملها عاصي والتقت

أنفاسهم وخفق قلبهم وكأن كل واحد يسمع نبض الاخر  فالقلوب ليس عليها سلطان ولا تعترف بخصومات ولا انتقامات فالحب حين يأتي لا يستأذن بل يقتحم  قد اقتحم الحب قلوبهم 

قالت روز بخجل شديد :

+ عاصي نزلتي ميصحش كده 

قال عاصي مبتسما وكان خجلها قد أعجبه :

+ هو ايه اللي ميصحش يا مدام انتي مراتي يعني بتاعتي وكل حاجة فيكي ملكي 

اشتدت حمرة الخجل ودفنت وجهها في صدره ادخلها عاصي الحمام وتركها انتهت روز و نادت عليه

دخل الحمام ولكنه توجه نحو الدش فتحة ليملاء بانيو الاستحمام بماء دافئ

قالت له روز متسأله ؟

-بتعمل ايه يا عاصي 

قال عاصي دون أن ينظر لها :

+انتي لازم تقعدي في ماية دافئة علشان عضلات ظهرك تفك وبعد ما تخلصي هدهن ضهرك كريم باسط العضلات 

قالت روز مقاطعة كلامة :

- ها مين عمل اية هتعمل ايه مش فاهمة 

ولكن لم يعطيها فرصة للتحدث أكثر حملها و ضعها في بانيو الاستحمام بملابسها 

شهقت روز من المفجاة و لكن شعرت فعلا للاسترخاء لاحظ استرخاء عضلاتها وبدأ بتدليك ظهرها برفق وخلع ملابسها الخارجية دون أن تشعر ومازالت في حاله استرخاء حملها برفق وحاوطها بمنشفة كبيرة ووضعها علي السرير برفق أخرج بيچامة من عنده ولكن قبلها بدأ بوضع الكريم على ظهرها واقترب من اذونها وقال بحنان 

تقبلي تتجوزيني يا روز عارف أننا كنا مفروضين علي بعض لكن أنا. دلوقتي وبكامل ارداتي بطلب منك انك تكملي حياتك معايا و يكون شرف ليا انك تكوني مراتي

خفق قلبها وتسارع نبضها وارتعشت يدها و ابتسمت وقالت:  

وانا كمان يا عاصي احب اكون زوجة ليك

احبه  بجنون ولكني اكرهه بشده هل يجتمع الحب مع الكره بقدر تباعد الحب عن الكراهيه ربما فصل بينهما خيط رفيع و هل يجب  تحكم العقل   ولكن هل يمكن الاستماع الى صوت العقل عندما يتورط القلب عفوا لا يمكن الاستماع الى صوت العقل  فقد اصدر القلب قراراته واحكامه فهي عشقت ملكيته العمياء لقد انتصر العشق علي الكرة والغضب اقترب منها بشده واختلطت أنفاسهم وبعد فترة من الوقت أصبحت روز زوجته امام الله 

ولكن صرخت روز بالم شديد من ظهرها فقد حملت عليه بشده لدرجة أنها ظلت تبكي من الالم

انتبه عاصي وحملها ووضعها مره اخري في حوض الاستحمام وفتح المياه الساخنة وبدأ بعمل تدليك لظهرها حتي ارخت عضلتها حملها بالمنشفة ووضعها برفق واحضر البيجامة الخاصة به وجعلها ترتديها و ظل يضحك علي منظرها فكانت مثل اللعبه الصغيرة في ملابسه وكأنه عملاق 

ابتسمت روز بخجل وقالت :

+ عاصي انا خلاص بيقت مراتك قدام ربنا انا مش طالبة منك غير حاجة واحدة بس علشان خاطري حافظ عليا وعلي كرامتي خصوصا قدام مامتك وهبه 

اقترب منها ووضع قبله علي جبينها وقال:

- كرامتك من كرامتي يا ورده قلبي من جوا ويلا بقا علشان تأكلي وتشربي اللبن انا جبتلك كوباية لبن ساقعة 

استعجبت روز وقالت:

وانت عرفت منين أن بحب اللبن ساقع 

قال عاصي مستغربا:

بجد بتحبي اللبن ساقع طيب الحمدلله انا كنت خايف ماترضيش تشربية انا جبته ساقع علشان اخلص من زن هبه أصلها كانت في المطبخ ساعة ما تزلت اجبلك الاكل 

رفعت روز حاجبيها وقالت: 

- يا الله امتي بقا تحل عنا عروسة المولد دي 

+ بصي يا روز علشان خاطري انا حاولي انتي ورنا تبعدو عنها علي قد ما تقدروا وانا وعد مني همشيها من هنا خالص في اقرب وقت استحملوها بس الكام يوم 

- والله يا عاصي المشكلة مش فيها انا كفيلة بيها المشكلة أن مامتك بتخش في الموضوع وانا مش بقدر اتكلم 

+ هز  عاصي راسه وقال :

يلا بقا كفايا كده النهاردة عليكي لازم ترتاحي أعطها الدواء الذي كان في نوع من المهدء جعلها تمام سريعا 

اغلق عليها الغرفة ونزل الي المطبخ يعد قهوة و ذهنه مشغول بمحادثة هبه كان يود أن يعرف  مع من كانت  تتحدث 

اخذ مج القهوة وخرج الي الحديثة 

هدوء وذهن صافي رغم تراكم الأحداث بداخله ولكنه تعمد أن يصفي ذهنه 

يحتسي مج ال قهوة وخلوة مع النفس و استنشاق هواء بارد لعلة يعاود التفكير بهدوء ولكنه فاق علي حركة غريبة في الحديقة وراي خيالات من بعيد وكان في صراع بين شخصين اقترب ولكنه وقف مكانه فقد كانت هبه في وضع مخل مع اخر واحد كان يتوقع عاصي أن يجده 

ولكنه ابتعد دون أن يراه أحد وجري مسرعا داخل الفيلا و علي وجه علامات لا تفسر

  •تابع الفصل التالي "رواية مزرعة الغضب" اضغط على اسم الرواية