رواية اليك سكينة فؤادي الفصل الثامن والعشرون 28 - بقلم نورهان محمد
البارت الثامن وعشرون
رواية إليكِ سكينة فؤادي ❤🫀
بقلم نورهان محمد
•••••••••••••••••••••••••••••••••••••••••
في فيلا الكيلاني وتحديدا في غرفه سلمي
عفاف بهدوء انا شاكه ان البنت دي حامل
سلمي بصدمه نعم
عفاف بضيق زي ما بقولك كده اعرضها كلها بتقول كده
سلمي طيب وهنفضل ساكتين لحد امته
لتكمل لحد ما سيلم يروح مني
عفاف لا طبعا مش هنسكت هنستي لما يوصلوا ونتأكد
سلمي بشك وهي تتذكر جملة معاذ
لازم افضل معاه للاخر واعرف عايز يعمل ايه او بيخطك للايه
لتكمل بخوف طيب ولو طلعت حامل هنعمل ايه
عفاف بشر هنسقطها
سلمي بصدمه وهي تضع يدها فوق فمها هاتفه بخوف ايه
لتكمل بتوتر ماما لا متعمليش كده حرام
عفاف بشر هو ايه اللي حرام وبعدين انا عماله اخطط لكل دا وبعدين القي عيل جاي ياخد كل حاجه امال انا بعمل ايه
لتكمل وبعدين تقوليلي حرام دا حرمة عليك عشتك
سلمي بخوف علي والدتها من هذه الخطوة وعلي مريم ايضا فهي كانت تنوي ان تخبر والدتها بانها تركت هذه الفكره وتريد ان ترتبط بمن يقدرها وليست بهذه الطريقه
عفاف باستغراب ساكته ليه وبتفكري في ايه
سلمي بشجاعه ماما انا خلاص بقيت مش عايزه سليم انا عايزه اتجوز الشخص اللي يختارني ويقدرني مش بالطريقه دي
عفاف بغضب وهي تقترب منها وتضغط علي فكها بقوه نعم ياروح امك عايزه ايه انتي تخرسي خالص وانا هخطط وانتي تنفذي
لتكمل بتفكير قاعدتك مع الزفت معاذ هي اللي وصلتك لكده صح
لتكمل بخوف اوعي تكوني قولتيلوا علي حاجه
سلمي بوجع والله ما قولتلوا سيبيني بقا انتي بتألميني
عفاف بغضب وهموتك كمان لو منفذتيش اللي انا عايزاه
سلمي بخوف ماما انتي بقيتي كده ازاي
عفاف بنظرات غل طول عمري كده وعمري ما هتغير غير لما اوصل للي عايزاه
سلمي بخوف تقومي تموتي نفس برئيه ملهاش ذنب
عفاف بابتسامة شر واموت 100 نفس في سبيل هدفي
لتنظر لها سلمي مطولا بخوف قبل ان تفر مهروله الي الخارج
عفاف بغضب سلمي ياسلمي تعالي هنا
لتهرول خلفها هي الاخري بقلق من ان تتفوه ابنتها بأي شئ
بقلم نورهان محمد
••••••••••••••••••••••••••••••••••••••••••••••••
في فيلا الكيلاني
كان سليم يترجل الي الداخل بصحبة مريم ممسكان بيد بعضهما
ليصدموا بشكل سلمي وهي تهرول مسرعه الي الخارج وخلفها عفاف تحاول اللحاق بها
سليم بصدمه في ايه
مريم باستغراب مش عارفه
لتنتبه عفاف عليه لتقف مره واحده
اما سلمي ظلت تجري مثل المجنونه حتي انها اصتدمت بمريم بدون وعي
مريم بقلق سلمي مالك في ايه بتجري كده ليه
سلمي بدموع سبيني يامريم انا عايزه اسيب البيت دا باللي فيه
سليم باستغراب اهدي كده وفهميني في ايه لكل دا
سلمي بدموع غزيرة انا نش قادره اتكلم
لتقترب منهم عفاف خوفا من ان تتفوه ابنتها بحديثهم السابق هاتفه بهدوء سلمي ادخلي جوا واحنا هنتفاهم في اللي حصل
سليم باستغراب في ايه وايه اللي حصل ياعمتي يخلي سلمي تعيط كده
ليكمل وكنتو بتجروا ورا بعص ليه
لتصمت عفاف لبعض الثواني تفكر فيما تجيبه
لتهتف اخيرا بعد تفكير بص ياسليم هي مصاحبه واحده اسمها صافي وانا مش مرتحالها وعايزه تخرج معاها ولما قولتلها لا عيطت وطلعت تجري زي المجنونه
لتكمل بدموع مثل دموع التماسيح وانت عارف انها بنتي الوحيده ومش عايزه اخسرها باي شكل كان ولا ايه
كانت سلمي تنظر نحوها بصدمة ف هل حقا هذه والدتها التي تحبها كثير هي من تتبدل وتتغير وتمثل بهذه البراعه حقا
سليم بهدوء ماشي ياعمتي مختلفناش انتي نصحتيها وهي مش مقتنعه سيبيها وهي تاخد قرارها هي مش صغيره انك تتحكمي فيها
ليكمل وانتي ياسلمي بردو لازم تاخدي كلام عمتي بجديه وتختبري صحبتك ولو طلع كلامك صح كملي معاها صداقتك ولو طلع كلام عمتي هو اللي صح يبقا تقطعي العلاقه دي ولا ايه
مريم بتأييد وانا بردو بقول كده
عفاف بابتسامه وهي تمسح دموعها عندك حق ياسليم هو دا الكلام
سلمي بحزن انا هعمل كده فعلا ياسليم
عفاف بابتسامه ها كنتوا فين كده
سليم بابتسامه كنا عند الدكتور
عفاف بصدمه حاولت اخفاءها في حاجه ولا ايه قلقتني
كانت سلمي تنظر نحوهم بخوف تشير برأسها نحو سليم بالا يتفوه ولكنه لم يفهم مقصدها ليهتف بابتسامه هندخل جوا وهبلغكم بكل خاجه
ليكمل بابا صاحي
عفاف بضيق ايوه صاحي
ليترجلوا الي الداخل ليجد معاذ بصحبة والده
سليم بابتسامه مساء الخير
منصور بسعادة مساء النور ياحبايبي تعالوا
معاذ بحماس ها ايه الهبر اللي عايز تقولوا دا وجبتني من بره بسببه
سليم بابتسامه وهو يجلس ويجلس مريم بجواره الصراحه خبر يستاهل
ليكمل هكلم مرات عمي وهقولكم الخبر مره واحده
بعد عدة ثواني
اسماء بابتسامه ايوه ياسليم
سليم بهدوء ها جمعتيهم حواليك
اسماء بابتسامه ايوه ومتحمسين نعرف المفاجأة علي الرغم اني حاسه بحاجه كده
سليم بابتسامه وهتكون هي ان شاء الله الحاجه دي
ليكمل ياجماعه في خبر هيفرح الكل وهو ان مريم حامل
ليهتف الجميع بصوت مرتفع سوا من الحاضربن او من الذين علي الهاتف
معاذ بلبتسامه وهو يحتضن سليم هبقا عمو ياشعب
ريم من علي الهاتف وانا هبقا خالتو
معاذ كبرونا يابت ياريم
ريم بضحك ايوه والله
مروان بفرحه منا بردو هكون خالو
معاذ بمشاغبة بس هيحبني او هتحبني اكتر
مروان بضحك لا بقا انا اكتر
سليم بضحك تكبروا شويه
ليكمل هتحبكم او هيحبكم انتو الاثنين
منصور بابتسامه اقترب منهم واحتضنهم ليقبل يده ورأسه كل من سليم ومريم
ومن ثم اقتربت منهم عفاف بغل ليحتضنوها هي الاخري ومن ثم قبلوا رأسها
سلمي بسعاده ممزوجه بخوف مبروك ياسليم مبروك يامريم ربنا يسعدكم يارب
سليم بابتسامه يارب ياسلمي تسلمي
اما مريم احتضنتها هاتفا بحب عقبال فرحتنا بيك ياسلمي
سلمي بابتسامه يارب يامريم
اسماء من علي الهاتف فرحتوني ياولتد كان نفسي اكون معاكم
مريم بابتسامه تعالي بكره ياماما قضوا اليوم معانا
سليم بتأيد ايوه والله فكره
ليكمل احنا كنا عايزين نقول الخبر دا والكل موجود بس بردو قدرنا نوصل للمطلوب
اسماء بابتسامه ايوه فعلا
لتكمل ربنا يديمكم لبعض وعقبال فرحتنا بقا لما يقوملنا بالسلامه
ليردد الجميع اللهم آمين
لينتهي اليوم ويصعد سليم بصحبة مريم الي جناحهم الخاص
••••••••••••••••••••••••••••••••••••••••••••••••
في غرفة سليم
سليم بابتسامه هكلم الواد مصطفي وافرحوا
مريم بسعادة وانا كمان هكلم ضحي واقولها
سليم ومريم بضحك معقول الاثنين انتظار في نفس الوقت
سليم تلاقيهم بيكلموا بعض
مريم بضحك والله ممكن
سليم بتأيد لا دا اكيد ولم يكملوا جملتهم حتي وجدوا الاتصال من الاثنين
سليم ومريم في نفس الوقت طلع اكيد فعلا
مصطفي بغضب مصطنع منك لله يااخي
سليم بضحك ايوه منا اكيد هيكون مني لله مش قطعت مكالمتك انت والاستاذه ضحي
مصطفي باستغراب عرفت منين
سليم بضحك ما هي مريم كانت بتكلمها في نفس الوقت وكانت انتظار وقولنا اكيد بيكلموا بعض
مصطفي اه قولتلي
ليكمل وكنت عايزنا احنا الاتنين في نفس الوقت ليه
سليم بابتسامه عندي ليك خبر حلو يامصطفي
مصطفي بحماس ايه ياسليم فرحني
سليم بابتسامه هتكون عم بعد كام شهر
مصطفي بغباء هكون عم ازاي يعني
سليم بصدمة انتي عبيط يلا
مصطفي باستغراب لا ليه
سليم تصدق انا غلطان اني كلمتك اصلا اقفل بقا
مصطفي بابتسامه مبروك ياحبيبي ويارب يقوموا بالسلامه
سليم باستغراب الله يبارك فيك
ليكمل امال كنت عامل عبيط ليه
مصطفي بضحك قولت اعصبك شويه
ليكمل وقسما بالله ما مصدق انك هتكون اب ياسليم وخلاص ياعم هنقول بابا راح وبابا جه
سليم بابتسامه انا مش مصدق نفسي من الفرحه حاسس اني في حلم
مصطفي بحب ربنا يسعدك كمان وكمان ياحبيب وعقبال مايتمهالها علي خير ويقوموا بالسلامه
سليم بحب اللهم آمين
ليكمل ابوك وصل
مصطفي بهدوء لا هياجي بكره ان شاء الله
سليم بهدوء ان شاء الله
ليكمل يلا بقا مش هطول عليك
مصطفي بابتسامه تمام ياسليم سلام
سليم بابتسامه سلام
بقلم نورهان محمد
في الجهه الاخري
مريم بابتسامة اه مصكفي شكلو خدك منا
ضحي بصدمة انتي عرفتي منين ان هو اللي كنت بكلمه
مريم بضحك سليم كان بيكلموا في نفس الوقت وكان انتظار بردو وشكينا انكم بتكلموا بعض
ضحي بكسوف كنا بنتفق علي كل حاجه
لتكمل هروح بكره اشتري الدهب وفستان كتب الكتاب
مريم بسعاده ربنا يتمملك علي خير ياقلبي
ضحي بابتسامه يارب
مريم بفرحه عايزه اقولك على مفاجأة
ضحي بحماس ايه فرحيني
مريم بهدوء انا حامل
ضحي بسعادة وهي تقفز من شدة فرحتها احلفي بالله حامل لتكمل بصراخ هيييي هكون خالتو يابلد
مريم بضحك يامجنونه ايه الصويت دا
ضحي بفرحة مش مصدقه نفسي من الفرحة
مريم بابتسامه منا عارفه انك هتفرحيلي علشان كده قولت لازم اعرفك ومستناش ليوم خطوبتك
ضحي بحب مبارك ياقلبي وربنا يتمهالك علي خير وتشرف او يشرف حبيب خالتو دا
مريم بحب الله يبارك فيك ياقلبي اللهم آمين
لتكمل عقبال فرحتي بيك ياحبيبتي
ضحي بابتسامة يارب
لتكمل تجيلي بعد بكره وتكوني معايا من اول اليوم عندنا تحضيرات كتير وبكره فونك يكون مفتوح طول اليوم علشان هبقا ابعتلك صور للفستان علشان نختاروا سوا
مريد بابتسامه ياه دا كان اتفقنا من واحنا صغيرين
ضحي بحنان وعمري ما هنسي حاجه زي دي اننا نكون مع بعض ونختار كل حاجه تخص فرحتنا وانا كنت معاك في فرحتك وانتي هتكوني معايا في فرحتي
مريم بحب ربنا يديمنا لبعض ويديم الاخواة والصداقة ما بينا
ضحي بحب اللهم آمين يارب العالمين
مريم بابتسامه طيب هسيبك بقا ياعروسه علشان ترجعي تكلمي مصطفي وتجزوا كل حاجه
ضحي بابتسامه تمام ياقلبي سلام
مريم بابتسامه سلام
بقلم نورهان محمد
••••••••••••••••••••••••••••••••••••••••••••••••
في صباح يوم جديد
اتجه سليم الي شركته كالعادة
اما مصطفي فاتجه الي الشركة واخبر سليم بانه سوف يغادر لكي يحضر لك الاشياء التي تخص كتب كتابه
اما مريم فكانت علي تواصل مع ضحي طوال اليوم تحاول ان تخفف عنها توترها وايضا تشاركها فرحتها
اما سلمي فقضت اليوم باكمله بداخل غرفتها تفكر فيما تفعله تحمي به مريم من شر والدتها
اما عفاف فكانت تجلس تخطط لكل ما سوف تحتاجه الفتره المقبله لتحقيق اهدافها
اما معاذ فكان عند سليم في مكتبه يتفقان علي اتمام كافة الاشياء لكي يكونوا بجوار مصطفي بالغد ومن ثم غادر هو الاخر الي الفيلا لكي يستعد
اما في منزل شريف الكيلاني
كانت اسماء وريم ومروان يستعدان ليذهبوا الي فيلا الكيلاني والمباركه لابنتها وزوجها
في المساء وتحديدا فيلا الكيلاني
بعد التهاني والمباركات جلسوا لتناول العشاء ومن ثم قضوا بعض الوقت قبل ان يعودوا الي منزلهم مجددا
••••••••••••••••••••••••••••••••••••••••••••••••
في صباح اليوم المنتظر
مريم بابتسامة دقايق بس هجهز علشان توصلني
سليم بابتسامه علي راحتك ياحبيبتي
لتستعد مريم ومن ثم هتفت بابتسامه انا جهزت
سليم بحب يلا بينا ياحبيبتي
ليكمل هبقا استناك في بيت عمي علشان نخرج سوا
مريم تمام انا كده كده هبقا اروح البيت اجهز وبعدين ارجع لضحي تاني
سليم بابتسامه تمام ياقلبي
ليترجلوا الي الاسفل بصحبة بعضهما
سليم بابتسامه صباح الخير
منصور وعفاف صباح النور
عفاف بهدوء هتروحي من دلوقتي
مريم بابتسامه ايوه لازم اكون معاها
لتكمل وقولت سليم يوصلني في طريقه
عفاف بابتسامه خبيثه اه ياحبيبتي توصلوا بالسلامة
مريم بطيبة الله يسلمك ياعمتو
سليم بهدوء اجهزوا بقا وانا هبقا اخدكم لما هاجي اجهز
منصور وعفاف تمام ان شاء الله
ليتجه سليم بصحبة مريم الي الخارح ومن ثم استقلوا العربية متجهين الي منزل شريف الكيلاني
وبمجرد ان استقرت عربية سليم امام المنزل ابتسمت تلقائيا
سليم بابتسامه انتي باين عليك بتحبي البيت دا اوي
مريم بشرود وهي تنظر علي البيت حدا حدا ياسليم كل ذكرياتي وايامي وطفولتي كانت فيه كل حاجه حلوه
ليمسك سليم بيدها يقبلها ومن ثم هتف بحب باين من ملامح عيونك كل الكلام دا
مريم بابتسامه نظرت اليه ومن ثم هتفت بسعاده بس دلوقتي بقيت انت احلي ما في حياتي
سليم بضحكه اخطف بها قلب مريم شوفي الكلام بقا اللي يخلي الواحد يبدأ يومه بكل سعادة
مرسم بشرود ايه الضحكه الحلوه دي
سليم بحب مش احلي منك يامريمي
مريم بابتسامه بجد
سليم بحب جد الجد كمان
مريم اه احنا كده شكلنا هنقضي اليوم في العربيه
سليم بابنتباه اه والله قاعده حلوه
ومن ثم هتف بابتسامه يلا ننزل هسلم عليهم وبعدين امشي
مريم بابتسامه وهي تترجل من العربيه وانا بردو هقعد استريح شويه وبعدين اخد ريم ونروح لضحي
سليم بهدوء تمام ياحبيبتي
بقلم نورهان محمد
•••••••••••••••••••••••••••••••••••••••••••••••••
امام منزل ضحي
مريم بابتسامه انا حاسه اني طايره من الفرحه
ريم بسعادة وانا كمان
ومن ثم ضغطت علي زر الجرس لتفتح لهمها ضحي هاتفه بابتسامه وهي تفتح لهما ذراعها وحشتوني ووحشتني اللمه دي
ريم بابتسامه يلا ربنا رايد نتجمع في فرحتك
ضحي بلبتسامه وهي تشدها من خديها والمره الجايه هنتجمع عندك ياكتكوته
ريم بتأمل يارب ياختي يارب
ليضحك مريم وضحي عليها بشده هاتفين بحماس طيب يلا قدامنا يالمضه
كان الجو مبهجا لا يخلو من هزارهم وضحكهم وايضا استعداتهم التي كانت تسير بكل حب
وكانت ام ضحي تشاركهم هذه الاجواء ايضا فهي فرحتها الاولي والاخيره فضحي ابنتها الوحيده فكانت بعض الاحيان تسقف والبعض الاخر تزغرط والبعض الاخر تترجل اليهم بالفواكه والحلويات ك نوع من تعبرها بالسعاده والفرحه
مريم بابتسامه وهي تساعدها في ارتداء فستانها هاتفه بحب المره الجايه هساعدك في لبس فسان فرحك
ضحي بحب قبلتها من خدها ومن ثم احتضنتها هاتفه بحب ان شاء الله ياحبيبتي
ريم بدموع علي فكره انا بحبكم اوي وبحب صداقتكم دي ماشاء الله عليكم
ليقتربوا منها كل من مريم وضحي هاتفين بحب وهما يحتضناها واحنا بنحبك اكتر
لتهتف مريم بابتسامة اتفضلي ياسيادة الاستاذه ابدأي في الميكب اب
ريم بغرور مصطنع وهي ترفع رأسها بطريقة مضحكه اه وسعوا كده خلوني ابدأ
ضحي بهزار ياخوفي يامريم
ريم بضحك بت ياضحي اسكتي خالص انتي تحت ايدي
ضحي باحترام حاضر ياباشا
بعد مرور ساعه كانت ضحي تظهر مثلا الميرات في فستانها البسيطه وايضا ببعض اللمسات البسيطة والرقيقه من ريم في وضع الميكب اب التي اظهرت جمالها وملامحها البرئيه التي كانت تزين وجهها
مريم بابتسامه بسم لله ماشاء الله شكلك حلو اوي ياضحي
لتكمل بحب عامله زي ماتكوني اميره برقتك وحلاوتك دي
ريم بحنان فعلا والله قمر ماشاء الله عليك
ضحي بابتسامه وهي تتطلع علي نفسها في المرآه بجد شكلي حلو
مريم وريم بحب والله قمر ياضحي
لتقترب منهم ضحي محتضناهم بحب هاتفه بطيبة انتو اخواتي اللي بجد مش بس صحابي ظايما معايا وفي ظهري
مريم بحب وهنكون دايما كده للاخر العمر
ريم ربنا يديمنا لبعض
مريم وضحي في صوت واحد يارب
ريم بس ايه رأيكم فيا
مريم وضحي بهزار لا فنانه يابت اتعلمتي الحاجات دي فين
ريم بهزار من النت يجطع النت علي اللي النتيت علي اللي بينتتوا
ليضحوا سويا علي حركاتها وتقليدها
ومن ثم التقطوا الصوره التذكاريه توثيقا لهذه اللحظه
مريم بابتسامه هنروح نجهز نص ساعه بالكتير وهنكون عندك
ضحي بابتسامه تمام متتاخروش
مريم وضحي حاضر
بقلم نورهان محمد
••••••••••••••••••••••••••••••••••••••••••••••••
في منزل شريف الكيلاني
ترجلت مريم وريم الي الداخل ليجدوا جميع العائلة في انتظارهم
مريم بابتسامه اقتربت من سليم ومن ثم هتفت بحب وحشتني
سليم بحب وانتي كمان ياحبيبتي والله
ليكمل يلا تعالي اوريك حاجه جبتهالك جوا
مريم بهدوء حاجة ايه
ومن ثم ترجلت معه الي الداخل لتجد صندوق يتوسط غرفتها
مريم بابتسامه ايه دا
سليم بحب وهو يقف يستند بظهره علي باب غرفتها مربعا يديه الي صدره هاتفا بهدوء افتحيه وقوليلي رائيك
لتفتحه مريم هاتفه بصدمة من شده انبهارها به الله ياسليم اشتريتوا امته دا
سليم بابتسامه انهارده اختارتهولك
مريم بفرحه وهي تخرجه الله دا روعه
ليحتضنها سليم من الخلف هاتفا بحب بجد عجبك
مريم بسعاده جدا دا روعه
ومن ثم ارتدته وكانت تدور به في الغرفه هاتفه بحب ايه رائيك
ليقترب سليم منها محتضنها هاتفا بحب عامله زي اميرات ديزني بس انتي احلي
مريم بضحكه رقيقة ايه الغزل الحلو دا
سليم بحب بس دي حقيقة مش غزل
مريم بابتسامة بحبك وبحب حنيتك وطيبتك ووجودك ومفاحأتك علي العموم بحب كل حاجه فيك وكل حاجه جمعتني بيك
سليم بحب انا المفروض بعد الكلام الحلو دا اسيب العالم كلو بره واقضي باقي عمري بيك وليك وبس يا احلي حاجه مش بس في حياتي لا دا انتي احلي حاجه في كل دنيتي
مريم بحب انا اللي بشكر كل الصدف والظروف اللي جمعتنا ياحبيبي
سليم بحب وانا كمان
ليكمل بحبك
مريم بابتسامه وانا كمان بحبك
لتكمل يلا نتصور بقا ومن ثم التقطوا بعض الصور متجهين الي الخارج
ريم بانبهار واوووو ايه الجمال دا
مريم بابتسامه ايه رائيك
ريم بانبهار قمر والله
لتكمل مش سهل انت ياسليم متجوز فنان
سليم بابتسامه ايه ياريم معاذ مش بيفاجأك
ريم بتفكير لا
سليم بضحك روحي علقيه بقا
ريم بتفكير عندك حق انا رايحالوا
مريم بضحك انت شكلك بتعزوا اوي
سليم بضحك اوي اوي
ومن ثم اتجهوا الي منزل ضحي المقارب لمنزل ابو مريم
في منزل ضحي
ضحي بابتسامه قمر يابت يامريم
مريم بسعاده سليم فاجأني بيه لما روحت
ضحي بابتسامه ربنا يديمكم لبعض
مريم بحب يارب
ومن ثم وقفوا لبعض الدقائق قبل ان ياتي مصطفي ووالده ليجلسوا بالخارج بصحبة منصور وسليم ومعاذ ومروان وخال ضحي للاتفاق علي كافة الاشياء ومن ثم جاء الماذون وبدأ كتب الكتاب ومن ثم وقعت ضحي وسط توترها التي كانت مريم وريم يحاولان التخفيف عنها
وبعد دقائق سمعوا كلمات المأذون
بارك الله لهما وبارك عليهما وجمع بينهما في خير
بارك الله لهما وبارك عليهما وجمع بينهما في خير
بارك الله لهما وبارك عليهما وجمع بينهما في خير
في هذه اللحظات اتجه مصطفي اللي الداخل ومن ثم نظر لها مطولا هاتفا بحب وهو يقترب منها ويحتضنها اخيرا ياضحي بقيتي ليا اليوم دا انا بحلم بيه من اول ما شوفتك كنتي حلم بعيد مش عارف اوصلوا واخيرا وصلتلوا ومش عايز ابعد عنو
كانت ضحي بين احضانه تستمع الي كلماته وتشعر بان قلبها يكاد يخرج من مكانه من شدة دقاته
لتهتف ضحي بكسوف كل دا يامصطفي
مصطفي بحب واكتر من كده كمان
ليكمل بحبك
مريم باستحياء وانا كمان
ليبعدها مصطفي ناظرا في عيناها بقوه هاتفا بحب انتي قولتي ايه
ضحي بكسوف وهي تميل في الارض وانا كمان
مصطفي بحب وانتي كمان ايه
ضحي بهدوء بحبك
عند هذه اللحظه اقترب منها مجددا حاملا اياها يدور بها بشده وهي متعلقه في رقبته تخفي وجهها في صدره
مريم بابتسامه مبارك يامصطفي
مصطفي وهو يمسك بيدها لكي يخرجه الي الخارج الله يبارك فيك يامريم
ليكمل مبروك علي حملك
مريم بابتسامه الله يبارك فيك
ومن ثم خرجوا الي الخارج وسط التهاني والمباركات
وبعد دقائق ترجلت مريم وهي تحمل التاره الموضوع عليها الدهب تقدمه لهم لترتديه ضحي بالكامل
سليم بابتسامه يلا نروح نتصور معاهم
مريم بابتسامه يلا
لتلتقط لهم الصوره التي تجمع الاصدقاء ببعضهم
ومن ثم اجتمع الجميع حولهم والتقطت لهم الصوره التذكاريه التي تجمعم بالجميع
لينتهي اليوم بسلام ومن ثم عاد كل منهما الي منزلهم بعدما سلموا علي بعضهم البعض
بقلم نورهان محمد
••••••••••••••••••••••••••••••••••••••••••••••••
في جناح سليم ومريم
مريم بابتسامه كان يوم حلو اوي
سليم بسعاده اه والله ربنا يسعدهم
مريم بابتسامه يارب
ليسمعوا طرقات علي الباب
ترجل سليم الي الخارج وخلفه مريم
ليفتح سليم الباب ليجد سلمي امامه
سليم بقلق خير ياسلمي بابا كويس
سلمي بتوتر ايوه كويس
سليم وهو ياخذ نفسه طيب الحمد لله
سلمي باحراج ينفع اتكلم معاكم شويه
سليم بقلق ايوه طبعا اتفضلي
ليترجلوا الي الداخل جالسين في الريسبشن
سلمي بهدوء سليم
سليم بانتباه نعم ياسلمي
سلمي بخوف انا عايزهم اقولكم علي حاجه
سليم ومريم بانتباه ايه
سلمي بحزن .......
•••••••••••••••••••••••••••••••••••••••••••••••••••
•تواية اليك سكينة فؤادي" اضغط على اسم الرواية
تعليقات
إرسال تعليق