رواية عريس نصف عمر الفصل الثاني 2 - بقلم حنان حسن
الشغالة دخلت علي اختي وعريسها في صباحيتهم
وشافت منظر من افظع ما يكون
ولقيناها نازلة تجري وتصرخ
من غرفة العرسان...
فا سالتها ام العريس بفزع
وقالت...
في ايه؟
......ايه الي الي حصل ؟
الجزء الثاني
عريس نصف عمر
للكاتبة..حنان حسن
فا ردت الشغالة
وقالت...
انا لقيت العروسة واقعة في ارض الحمام
ولما حاولت افوقها
لقيتها ...
قاطعة النفس
انتفضت من مكاني
انا وامي
بمجرد ما سمعنا الخبر...
وفضلت امي تقول...
يلهوي... يلهوي استر يارب
مالها بنتي؟
وفي اللحظة دي
صرخت في الخادمة
وقلتلها...
تعالي وريني مكان اوضتها بسرعة
وبالفعل...
طلعت اجري علي الغرفة
الي فيها اختي
ولقيت الخادمة اخدتني علي غرفة فاضية
مفيهاش اي حد
فا سالت الخادمة بعصبية
قلت...
اختي فين؟
ردت الخادمة
وهي بتشاور علي حمام
مرافق للغرفة
وقالت...
في الحمام
فا دخلت الحمام بسرعة...
وكان البخار في الحمام كثيف جدا
لدرجة اني مكنتش شايفة كويس...
لكن... لما دققت النظر
لقيت هند واقعة علي ارض الحمام فعلا ...
فا طلبت من الخادمة
تساعدني اننا نخرجها من الحمام
وبالفعل... خرجتها معايا ونيمناها علي السرير ....
وحاولت افوق اختي
لكن فشلت
فا بصيت علي التسريحة
بتاعتها
لقيت زجاجة برفان
فا جريت وجيبت الزجاجة
وشممتها
وبرضوا مفقتش...
في اللحظة دي
لقيت ماما جنبي و... مخضوضة
وفضلت هي كمان تحاول تفوقها
لكن برضوا فشلت هي كمان
فا ردت ام العريس
وقالت...
انا اتصلت بالدكتور عشان يجي يشوفها
لبسوا العروسة هدومها بسرعة
وبالفعل ..جيبت هدومها و لبست اختي وسترت
جسمها...
وفضلت ابصلها
وانا في حالة ذهول
ومش فاهمة مالها؟
وايه الي حصلها؟
وبعد شوية
وصل الدكتور
وبعدما كشف عليها
فضل واقف ساكت شوية
وكانه... كان بيجهز الصيغة الي هيقولنا بيها الخبر
فا سالتة امي
وقالت...
انت وقفت ليه يا دكتور
متفوقها ؟
رد الدكتور باسف
وقال...للاسف
القلب متوقف تماما
والحالة اتوفت
البقاء لله
بمجرد ما سمعت الجملة الي قالها الدكتور
اتصدمت...
وبصيت لامي ...
لقيتها بتلطم وبتقول كلمة واحد..
وهي (لا)
وكانها رافضة تصدق كلام الدكتور
فا انحيت علي السرير الي نايمة عليه هند
وحضنتها ...
وانا دموعي حاجبة الرؤية عن عنيا
وفضلت اكلمها
واقولها...
ردي عليا يا هند؟
انتي مبترديش ليه؟
انتي زعلانة مني
عشان محضرتش فرحك؟
ولا زعلانة عشان الكلام الي قولتهولك في الحمام؟
خلاص قومي انا مكنتش اقصد
قومي... عشان ابنك
قومي ...عشان امك الي ممكن تموت وراكي
هو انتي هتسيبيني بجد؟
يعني لما ناديتي عليا
عشان ...اساعدك في حمام العروسة
انا كنت (بغسلك) ومكنتش بدعكلك ضهرك؟
قومي يا هند ابوس ايدك
وفضلت اعيط وانا منهارة
لغاية ما حسيت بايد بتشدني
وسمعت صوت والدة العريس
بتقولي..
ادعيلها بالرحمة يا مني
في اللحظة دي
فوقت لنفسي
وسالت ام العريس
وقلت...
انا عايزة اعرف
انتوا عملتوا ايه في اختي؟
قوليلي... ابنك عمل ايه في اختي؟
اكيد ابنك هو السبب في موتها
ردت ام العريس بغضب
وقالتلي..
اخرسي قطع لسانك
متجبيش سيرة ابني
لما لقيتها بترد وبتشتمني بنفس لهجة الغطرسة والتعالي
في اللحظة دي
رديت بغضب وتحدي
وقلت...
ايوه ابنك المسؤال عن موت اختي
واكيد هو الي اتسبب في موتها
وانا هبلغ عنكم البوليس وهحبسلك ابنك
وبعدما اخدت امي ...
وكنت هخرج من الغرفة
عشان اروح ابلغ عنهم
لقيت اتنين رجالة من الي بيشتغلوا في البيت
بيعترضوا طريقي
وبيرجعوني تاني للغرفة
عشان اقف ادام والدة العريس
الي امرتهم يرجعوني
فا سالتها...
وقلت..
ايه ؟
عايزين تقتلوني انا ...وامي كمان ولا ايه؟
في اللحظة دي
لقيتها غيرت نبرة صوتها
وكلمتني بهدوء
وقالت..
بلاش تظلمي ابني يا مني
وكفاية الي هو فيه
انا ابني استحالة يكون عمل حاجة في اختك
ولا جه جنبها من الاساس
قلت..ليه يعني
هو ابنك ملاك للدرجة دي؟
ردت والدة العريس
وهي بتاخدني من ايدي لغرفة مجاورة
لغرفة اختي
وقالت..
..لا..... ابني مش ملاك
تعالي....
هعرفك ليه انا بقول ان ابني استحالة ياذي اختك
وفتحت باب الغرفة المجاورة
ودخلتني فيها
واتفاجئت بشخص نايم علي سرير
في غرفة مجهزة
تشبة غرفة العناية المركزة
وجنبة انابيب اكسجين....
وعملين له تنفس صناعى ...
وكان واضح فعلا من منظر العريس
انه استحالة يقدر يقف علي رجلة ولا ياذي حد فعلا
بعد ما شوفت المنظر...
رجعت لهدوئى تاني
وسالت الدكتور الي كشف علي اختي
وقلت..
امال ايه السبب في وفاة اختي يا دكتور؟
رد الدكتور... رد مختصر
وقال..الحالة متوفية نتيجة سكتة قلبية
يعني الوفاة طبيعية
كلام الدكتور... ومنظر العريس
خرسوني انا ....وامي
الي كانت منهارة
واستسلمنا لفكرة ان هند ماتت
موتة طبيعية
وتمت الدفنة
والجنازة كانت جنازة لائقة بزوجة اسلام بيه
واثناء ما كنا بندفن هند
بصيت لامي بغضب
وكنت عايزة
اقولها...
هو ده العريس الي اخترتية نصف عمر ؟
عشان لما يموت و بنتك تورثة؟
اهي هي الي ماتت
ولو كان حيلتها حاجة
كان زمانة هو الي هيورثها
لكن...
مقولتش ولا كلمة
لاني اشفقت علي امي...
وعلي الحالة
الي كانت فيها
المهم...
بعدما ما رجعنا انا وامي من الدفنة
روحنا لشقة ام عفاف
جارتنا
عشان ...نجيب حازم
ابن هند
واول ما حازم شافني
جري عليا
وقالي..فين ماما ؟
داريت دموع عنيا
وقلتلة...
ماما سافرت
قال..سافرت ليه؟
قلت..سافرت عشان تشتغل
اصل ماما ...جالها شغل جميل
هتاخد منه فلوس كتير اوي
وهتجيبلك بيها لعب ...واكل حلو ...
وحاجات كتير اوي
رد حازم
وسالني ببرائة
وقالي..
يعني ماما سافرت وسابتني لوحدي؟
قلبي اتوجع من سؤالة
فاضميتة لحضني
وانا بقول...
من النهاردة انت ابني انا
وهنلعب... وناكل ...ونخرج .. ونعمل كل الحاجات الي انت بتحبها
لغاية ما ماما ترجع
اتفقنا؟
ابتسم حازم
وقالي..اتفقنا
وبالفعل.... قررت اني اشيل الهم... والمسؤالية
الي اختي هند كانت شيلاها
...وكنت بحاول علي اد مقدر اعوض حازم عن حنان امه
عشان ميشعرش بافتقادة ليها
واعوضة عنها...
وبالفعل خرجت... واشتغلت في محل ملابس
عشان اقدر اجيب فلوس
لاكلنا انا ...وامي ...و حازم
وكمان جيبت لبس لحازم
وكنت بفرح لما اشوف الفرحة في عنية
وكاني شايفة هند
وهي فرحانة ان ابنها مش ناقصة حاجة
ومرت الشهور علي كده
لغاية ما في يوم
وانا راجعة من الشغل
لقيت رسالة علي باب الشقة عندنا
ولما فتحت الرسالة
لقيت مكتوب فيها
الاتي
هند اتقتلت
والسر عند السواق
اتصدمت اول ما شوفت الرسالة
وجريت علي ماما
عشان اقولها...علي الرسالة
لكن قبل ما اتكلم معاها
ولا اوريها الرسالة
اترددت
وخوفت اتسبب في وجعها
تاني..
لان امي
من يوم ما هند ماتت
وهي صحتها في النازل
فا اخفيت امر الرسالة عن امي ...
وفضلت افكر بيني وبين نفسي
ياتري مين باعتلي الرسالة دي؟
وبعتهالي ليه؟
وازاي مكتوب في الرسالة ان هند اتقلت
دا الدكتور قال... ان الوفاة طبيعية؟
وفضلت طول الليل
افكر
في الرسالة الغريبة دي
ولما جه الصبح
قلت لنفسي
معني ان الي بعت الرسالة بيستشهد بالسواق
يبقي هو عارف ان هند اختي اتقتلت فعلا
والسواق عارف الحقيقة
ولو فعلا هند ماتت مقتولة
يبقي انا لازم ابلغ البوليس
عشان دم اختي ميضعش هدر
ولقيتني بردد
واقول..لازم اوصل
للسواق
لانه اكيد هيبقي عنده الحقيقة
وبسرعة خرجت في ميعاد شغلي
لكن مروحتش علي الشغل
ولقيتني بركب... وبروح علي بيت العريس
الي ماتت فيه اختي
هند
وبمجرد ما وصلت عند البيت
فضلت ابص علي العربيات
الي ادام البيت
عشان اعرف انهي عربية بتاعة اهل العريس؟
لكن للاسف
انا مكنتش اعرف عربيتهم شكلها ايه ؟
ولا شكل السواق بتاعهم
فا فكرت اني اروح اسال البواب الي عندهم...
عن السواق
لكن ازاي هسال البواب ؟
ده يعرفني كويس
وكان الحل
هو...
اني اخترع اي حجة اقابل بيها السواق
فا روحت للبواب
وقلتلة....
.سلام عليكم يا حاج انت فاكرني؟
رد البواب بعدما استحضر الذاكرة
وقالي...ايوه طبعا
فاكر حضرتك
انتي اخت المرحومة مراة اسلام بية ...
اتفضلي اوصلك للهانم
قلت..لالا شكرا
انا مش عايزة الهانم
انا جاية هنا عشان في حاجة ضاعت مني
لما ركبت مع السواق بتاعكم
وجاية اسالة عليها..
ممكن اعرف فين السواق
بصلي البواب شوية
وبعدين قالي..
السواق لسة ماشي بالعربية
و راح المطار
يوصل حد من قرايب الست هانم
تقدري تستنية
قلت..لا استني ايه بقي؟
انا عندي شغل
وفكرت شوية
ولقيتني بقولة...
اسمع..انا هديك رقم الموبيل بتاعي
اول ما السواق يرجع قولة يتصل بيا ضروري
رد البواب بعد ما اخد رقم موبيلي
وقالي...
من عنيا حاضر
ورجعت بعدها علي الشغل
وبالرغم من اني سمعت شوية كلام يدايق
من صاحبة المحل بسبب التاخير
لكن....
مركزتش مع كلام صاحبة المحل
وكان كل الي شاغلني
اني اتاكد من الي قراتة في الرسالة
ورجعت لشغلي
وفضلت منهمكة في شغلي طول اليوم
لغاية ما خلصت شغل باليل
واثناء ما كنت راكبة
الميكروباص ...ومروحة
لقيت موبيلي بيرن
وكان علي الموبيل اتصال من رقم غريب
فا فتحت
وقولت..الووه
رد المتصل
وقال..ايوه يا فندم
انا السواق ....
الي حضرتك كنتي بتسالي البواب عليه
النهاردة الصبح
قلت...ايوه اهلا بيك
انا فعلا كنت عايزاك ضروري لو سمحت
وسالتة
وقلت...
ممكن اقابلك؟
رد السواق
وقالي...
طبعا تحت امرك
في اي وقت
قلت..ممكن اقابلك دلوقتي لو سمحت؟
رد السواق
وقالي..حددي مكانك وانا اجيلك بالعربية
وبالفعل ...
قلتلة علي المكان الي انا واقفة فيه
ولقيتة بيقولي...
انا في مشوار قريب من المنطقة الي انتي فيها
وربع ساعة هتلاقيني عندك
قلت تمام
ووقفت انتظر
وانا فضولي هيقتلني
عشان اعرف
ان كان السواق هياكد فعلا
علي المعلومة الي في الرسالة؟
ولا ايه؟
وفي اثناء ما كنت شاردة بذهني
فوقت علي ضؤ كشاف قوي لسيارة جاية ادامي
لكن مقدرتش افتح عيني
من قوة الضؤ
ولا اشوف مين الي في السيارة
وفجاءة
توقفت السيارة وانطفئ النور
ونزل منها شخص
ولما اقترب مني
افتكرت اني شوفتة قبل كده
ايوه ...ده كان احد الرجلين
الي حاولوا يمنعوني من الخروج
يوم وفاة هند
يبقي ده فعلا السواق
بتاع الهانم
فا قربت منه
وسالتة...
قلت...انت السواق؟
بصلي الرجل
ولقيتة بيقرب مني وهو بيتحقق من شكلي
وبيسالني هو كمان
وبيقولي
انتي الي اتصلتي بيا؟
قلت ...ايوه
انت مش فاكرني؟
رد السواق
وقالي...انا فاكرك طبعا
بس الدنيا ليل وانا مشوفتكيش غير مره واحده قبل كده
وفي اللحظة دي
قررت افاجئة بسؤال
غير متوقع
عشان اشوف رد الفعل علي وشة
فا قلت..
انت الي قتلت اختي؟
صح؟
رد السواق مستنكرا
وقال..قتل ايه؟ الي بتتكلمي عنة ؟
يا ست الله لا يسيئك
انتي جاية تلبسيني مصيبة
ولا ايه؟
قلت...
عموما الشخص الي قالي المعلومة
عنده الدليل علي كلامة
وجاي بكرة الصبح تحت البيت عندي
عشان يديني الدليل
وبمجرد ما همسك الدليل هبلغ عنك البوليس
رد السواق
وهو بيديني ضهرة
وبيستعد للمغادرة
وقال...
اتكلي علي الله يا ست
ربنا يكفينا شرك
وشر الناس الي بترمي بلاها
وبعد ما مشي
فضلت واقفة انتظر رد فعلة بعد كده
انا طبعا مكنش معايا دليل
ولا كان في حد جاي تحت البيت
بس انا قولتلة كده
عشان اشوف ايه رد فعلة
لان... لو السواق كان قتل فعلا او حتي متورط في القتل
هيحاول يمشي ورايا ويعرف بيتي
و هيجي تحت البيت عشان يتاكد من كلامي
ولو ده محصلش ومهتمش بكلامي
يبقي السواق بريئ
والي بعت الرسالة حد بيتبلي عليه
المهم...
روحت البيت
وبعدما دخلت الشقة
وبعدما اطمنت علي حازم ابن اختي...
واتكلمت مع ماما شوية
وبعدها...دخلت نمت
والصبح..
قمت من النوم في ميعاد شغلي
ووقفت في الشباك
ومن خلف الستارة ...فضلت اراقب الشارع...
قبل ما انزل
لكن مشوفتش السواق تحت البيت
فا نزلت لشغلي
ووقفت انتظر الميكروباص
كا العادة
لكن قبل ما الميكروباص يجي
اتفاجئت
بعربية الهانم ....وجواها السواق
وقفت جنب مني
ولقيت السواق
بيقولي
انتي ظلمتيني
ربنا وحده الي عالم اني مقتلتش اختك....
ولا قتلت اي حد
ولو عايزة تعرفي اختك حصلها ايه ...
اركبي وتعالي معايا
بعدما سمعت كلامة
اتصلبت ادامة
ومبقتش عارفة ارد اقولة ايه؟
لكن لقيتة صرخ فيا
وقالي...
بقولك اركبي
عشان تعرفي الحقيقة
ولا بس فالحة تتهمي الناس بالباطل؟
طبعا انا اتاكدت من متابعة السواق ليا
انه متورط في موت اختي بشكل او باخر
وممكن يكون عايز يخطفني دلوقتي
عشان هو فاهم اني معايا دليل ادانة ضدة
يعني انا لازم اهرب فورا
فا بصيتلة بغضب
وقلت..اسمع يا اسمك ايه انت
انت لو مش هتمشي من ادامي
دلوقتي
انا دقيقة كمان وهصرخ والم عليك الناس
وكنت همشي
وكنت فاكره انه هيخاف ويمشي
لكن ....
السواق فاجئني بجملة
خلتني وقفت تاني
والجملة هي...
(اختك لسة عايشة)
استوقفتني الجملة
ولقيتني بسالة بذهول
وقلت...
انت بتقول ايه؟
رد السواق
وقال..الي سمعتية
اختك لسة عايشة
لكن ....
قلت..لكن ايه؟
قال..اختك في الزجاجة
قلت...زجاجة؟
ايه الهبل الي انت بتقولة ده؟
رد السواق
وقالي..
ده مش هبل
والي بقولهولك ده هو الحقيقة
ولو عايزة تتاكدى
تعالي معايا
فا وقفت متنحة من الكلام الي سمعتة
ومردتش عليه
فا سالني
هتيجي معايا ولا امشي؟
قلت هنروح فين؟
قال..هثبتلك كلامي
وهتشوفي بعينك
ولقيت نفسي بركب مع السواق عشان اتاكد من كلامة
ياتري كلامة صدق وهند عايشة فعلا؟
ولا دي تخاريف
الي هو بيقولها
وبدون تفكير ...دخلت قعدت جنبة في العربية
لكن ...قبل ما يطلع بالعربية
لقيتة بيحط علي راسي شيئ شبية بالكيس القماش
عشان يحجب عني الرؤيا
وفضل ماشي بالعربية مسافة كبيرة
وبعد فترة ...
وقف العربية
ولقيتة بيقولي انزلي
ولما نزلت
لقيت نفسي ...
في منطقة بعيدة عن المساكن
ومفيهاش غير كام مبني مهجور يتعدوا علي الصوابع
بجانب المبني الي احنا وقفنا ادامة بالعربية
وفي اللحظة دي
ندمت اني جيت معاه
لاني شكيت في نواياه
وكنت هطلب منه انه يرجعني مكان ما جابني
لكن ....
السواق فتح الباب وقالي
انزلي
وبالفعل
نزلت من العربية
ولقيتة بيشاورلي علي الباب الحديد الصغير
الي في المبني
بصراحة ...
انا مكنتش قادرة احدد المبني ده عبارة عن ايه
لانه كان مبني قديم
مفيش فيه شبابيك ولا بلكونات
ومفيش اكتر من باب حديد صغير
وسلم حديد علي المبني من بره
وبالرغم من المشهد المخيف
كان في حاجة بتقولي كملي
وادخلي..
وبالفعل
دخلت من الباب الصغير
.ولقيت السواق بيستوقفني
وبيقولي..اسمعي
قلت..نعم
قال...
الي هتشوفية وهتسمعية
عايزك تنسية قبل ما تخرجي من هنا...مفهوم؟
قلت حاضر
بصلي السواق
وقالي..
دلوقتي تعالي معايا
ودخلني لغرفة فيها تليفزيون
وقالي
اقعدي ادام الشاشة دي
بدون ما تتكلمي
وفضلت قاعدة انتظر
اشوف اخرتها معاه
وفجاة
بعدما الشاشة اشتغلت..
شوفت العجب
لاني شوفت في الشاشة
ام العريس...
وهي ماسكة زجاجة في ايديها
و بتتكلم مع شخص شكلة غريب اوي ...
كان شكل الراجل وحركاته شبيه بالسحرة
ووبعدما تعمقت في الفيديوا
اتاكدت انة (ساحر) فعلا
والاغرب اني شوفت ام العريس في الفيديوا
وهي بتقولة...
اديني نيمت هند زوجة ابني...
ووهمت الجميع
انها ماتت.... ودفناها
زي ما قولتلي
قولي بقي
انت هتعمل ايه ؟
وده هيفيد اسلام ابني في ايه؟
رد الساحر....
وهو بيشاور علي الزجاجة الي في ايديها
وقال...
انا سخرت الجان وامرتهم يحطوا زوجة ابنك في الزجاجة
ردت ام العريس
وقالت...
ايوه يعني انا ابني استفاد ايه من حبستها في الزجاجة دلوقتي؟
رد الساحر
وقالها
ابنك لو استنشق هواء من الزجاجة
الي فيها زوجتة
لمدة سبع ايام
هتلاقي ابنك قام من
مرضة
وبقي ... سليم معافي
وصحتة هتبقي اقوي من اي شاب سليم
ردت ام العريس
وقالتله..طيب طمن قلبي
واديني دليل علي كلامك
في اللحظة دي
اخد الساحر من ايديها الزجاجة الي فيها هند
وحطها علي وجه ابنها المريض
وقربها من انفة
وررد الساحر كلمات مش مفهومة
لغاية ما خرج صوت حريمي
شبية بصوت هند
من فم اسلام
وفضل اسلام يتكلم بصوت امراة
وقال...
انا هبقي كويس يا امي اطمني
في اللحظة دي
ام اسلام صرخت
وقالت..
ابني اتكلم اخيرررررا
بعد شهور من الغيبوبة الي كان فيها
احمدك يارررب
وسالت ام العريس الساحر
وهي فرحانة ومتحمسة
وقالت..
ينفع اعقد قرانة علي عروسة تانية
عشان صحتة تبقي اقوي؟
ويقوم قبل اسبوع؟
رد الساحر
وقال...
اوعي تعملي كده
لو اتجوز واحده تانية هيتقلب السحر عليه
وهيموت بمجرد ما يتكتب الكتاب
ردت ام العريس
وقالت...
خلاص انا هسمع كلامك و الي تؤمر بيه
رد الساحر بحسم
وقلها...
من هنا ولمدة اسبوع
لازم اسلام يستنشق من الزجاجة
والا التعويذة هتفسد....
ويبوظ كل الي عملناه
ردت ام العريس
وقالت
طلباتك اوامر
وكل الي قولتة هنفذة
وانصرف الساحر
وخلص القيديوا
وانا فضلت واقفة مذهولة
ومش مصدقة الي انا شوفتة... وسمعتة
وفضلت اقول لنفسي
هو انا بحلم ولا دي حقيقة؟
وبصيت للسواق
وسالتة
وقلت..
ايه الي في الفيديوا ده؟
رد السواق
وقالي..انا هفهمك
وبدء السواق بالشرح
وقال...
انتي لما اتصلتي بيا امبارح
وقولتيلي... ان السواق قتل اختك
شكيت ان يكون سعيد زميلي هو الي قتلها
وهنا استوقفت السواق
وسالتة...
قلت...هو في اكتر من سواق عند الهانم؟
رد السواق
وقال ...ايوه احنا اتنين سواقين
عند الهانم
وكمل السواق الشرح
وقالي...
المهم ....
روحت لسعيد وزنقت عليه في الكلام
عشان اعرف ان كان متورط في موت اختك
ولما ضيقت عليه الخناق
لقيتة شغلي الفيديوا ده
وقالي...
ان الست طلبت من سعيد السواق
يروح للساحر ويجيبة عندها البيت
وساعتها سعيد
الفضول اخده..
وحب يعرف الست هانم عايزة الساحر في ايه
فا علق كاميرة مراقبة في شنطة الساحر
وهو بيوصل للساحر شنطتة
وبعد ما الساحر مشي
فرغ سعيد الكاميرة
و اتفاجئ بالفيديوا ده
فا جيبتلك الفيديوا عشان متظلميش حد
وتتهمية بالباطل
وكمان... عشان تعرفي اختك فين؟
قلت.. يعني هند عايشة بجد؟
انا مش مصدقة
ومن فرحتي....
فضلت اهرتل بالكلام
وقلت...
انا لازم اروح اقول لماما وافرحها
لا انا هروح ابلغ البوليس
في الاول
عن الي انا عرفتة
وفي اللحظة دي
رد السواق
وقالي..
احنا اتفقنا علي ايه؟
مينفعش تقولي لاي حد
علي الي عرفتية دلوقتي
لانك كده هتعرضي حياة اختك للخطر
وهتعرضيني انا وزميلي للفصل وقطع عيشنا
وممكن نتورط في الجريمة ونتبهدل
قلت...يعني ايه؟
هسيب اختي كده؟
رد السواق
وقالي...انا ممكن اساعدك
ونخلص اختك من الي هي فيه
بدون ما تعرضينا للاذي
معاكي
فكرت في كلامة شوية
وساعتها اتاكدت انه انسان طيب لانه اثبتلي
انه بريئ فعلا
من قتل هند
وبصراحة انا ارتحتلة
وحسيت انه ممكن يساعدني فعلا
فسالتة
قلت..
انت اسمك ايه؟
قال..اسمي..اشرف
قلت...
وهنخلص هند ازاي؟ يا اشرف
رد اشرف
وقال...هقولك بس ركزي معايا
قلت..ماشي قول
رد اشرف
وقال...
علي حسب الكلام الي سمعتة من الساحر
فهمت ان مفيش حل للخروج من المصيبة دي
غير بحل واحد
قلت..ايه هو؟
رد اشرف
وقال...
الحل ان اسلام (يموت)
قلت.. يلهوي
انت عايزني امسك سلاح و اقتل انسان ؟
رد اشرف
وقال..
انتي هتقتلي اسلام فعلا لكن...مش بالسلاح
قلت..امال هقتلة ازاي؟
رد اشرف...
وقالي علي الي في دماغة
وبصراحة...
اتصدمت من وسيلة القتل
عارفين اشرف عايزيني اقتل
اسلام ازاي.........؟
لو عايز باقي الروايا صلي على رسول الله
- يتبع الفصل التالي اضغط على ( رواية عريس نصف عمر ) اسم الرواية
تعليقات
إرسال تعليق