رواية الهروب الفصل العاشر 10 - بقلم منال عباس

   

 رواية الهروب الفصل العاشر 10   -   بقلم منال عباس   

سكريبت 10

حاولت الفرار دون جدوى وما ان دخل بها الفيلا لطمها على وجهها وجذبها من بلوزتها وشقها نصفين 

وهى تصرخ بين يديه وكاد ان يصل الى مراده ليجد يد تمسك به وتدفعه عنها 

سحر ببكاء : حسان وجريت لتختبئ وراءه خلع حسان الجاكيت ولفه حول كتفيها ..

صفوان وهو يحاول ان يقوم من الارض 

صفوان : انت مين ..وازاى تدخل بيتى بالشكل دا ..

حسان : انت ليك عين تتكلم يا راجل يا خرفان انت

صفوان : البت دى تلزمنى وانا دافع تمنها كتير ..بقلم منال عباس 

حسان : مفيش مشكله اردلك تمنها واعطاه لكمات متتاليه بقوته حتى كاد ان يموت ..لتمسك سحر يده 

سحر : خلاص يا حسان ما تضيعش نفسك علشان واحد ما يستهلش

حسان وهو يمسك يدها ويتوعد صفوان بنظرات ناريه اذا اقترب منها مرة اخرى 

اخذها وخرج ليفتح سيارته لها 

سحر : مش عارفه اشكرك ازاى ..انت انقذتنى 

لينظر لها حسان ويفاجئها بسؤاله 

حسان : تتجوزينى ؟

سحر باندهاش : انا !!! 

حسان : ايوا انتى يا سحر 

سحر : علشان شكلى بيفكرك بيها ؟

حسان : لأ ..لا يا سحر علشان لما مشيتى وسيبتينى حسيت ان روحى خرجت منى ومقدرتش وجيت وراكى ..

سحر : بس انا مش أد المقام انا تربيه ملجأ وانت ابن العمدة ..محدش هيوافق

حسان : سيبك من كل الكلام دا لانه ما يهمنيش ..اللى يهمنى انتى ...ونظر بعينيها تتجوزينى ؟ 

لتشير برأسها بالموافقه وهى تبتسم له وتحمد ربها على هذا العوض ..

امسك حسان يديها وقبلها وتحدث بحب واشتياق

بحبااااااااااك 

         عند محمود والعمدة

بعد أن تأكدا من سماع صوت يأتى من المخزن فتح العمدة المخزن ليتفاجئ بسيدة تقع على الأرض رفعها محمود ليتحدث بذهول هياااام 

العمدة بذهول : انت تعرفها ..

هيام بصوت متقطع : همووووت 

يحملها محمود بسرعه إلى الداخل 

ويصرخ بطلب طبيب بسرعه

اتصل العمده على طبيب العائله ..وبعد وقت قصير وصل الطبيب ...

الطبيب : الحالة ضعيفه جدا ومحتاجه عمليه فى أقرب وقت ممكن ...

محمود بقلق : هى عندها ايه يا دكتور 

الطبيب : محتاجه عمليه زراعه كليه  دا غير أنها واضح انها ما اكلتش من فترة  دا زود من تعبها ...

محمود : طب الحل ايه 

الطبيب : لازم تلاقوا متبرع الاول وبعدها نقدر نعمل العمليه 

انا علقت ليها شويه محاليل ..وعلى الصبح هتبقي احسن شويه 

شكره محمود وغادر 

العمدة : انا مش فاهم حاجه ...انت تعرف الست دى منين ...انت اصلا من مصر ..وقليل جدا زياراتك ليا هنا ..تعرفها ازاى ؟!

محمود بحزن : دى هيام اخت سميحة 

العمدة : تقصد ام البنات !!!!

محمود : بالظبط كدا ....

انا هحكيلك الحكاية كلها 

     فلاش باااااااك

محمود : يلا يا صفوان عمار عازمنا على حفلة عيد ميلاد  بتاع ابنه ادهم 

صفوان : انا مش عارف انت بتتعامل مع الناس دوول ازاى وهما اعدائنا ومعظم الصفقات بياخدوها مننا ...

محمود : عيب يا صفوان كلامك دا وماتنساش أن والدنا كان صديق والد عمار الروبي وكان بيحلف بحياته وبيقول هو السبب فى العز دا ...

صفوان : ما هو لو كان اتجوز اختنا كنا قولنا باقى على العشرة ..لكن راح اتجوز واحدة تانيه ...بقلم منال عباس 

محمود : ما خلاص اختك ربنا رزقها بابن الحلال وبقي عندها سيف اظن كل واحد حر فى اختياراته ..ثم انت كمان بعد ما كنت خاطب ليلى أخته تركتها وفركشت ..وعمار ما زعلش واتعامل معاك عادى ..

صفوان : ما اتجوزتهاش انت ليه ..انت عارف ان ليلى كانت  مأزمه الدنيا معايا اوووى وكل حاجه عيب وما يصحش لما خنقتنى ...

محمود : عموما كل شئ قسمه ونصيب ..   

صفوان : طيب يا اخويا ...روح انت انا ماليش فى الجو دا ...

روحت هناك الحفله كانت كبيرة جدا وفيها ناس كتير ...

بعد ما باركت ليهم ..انت عارف انى مش بحب الدوشه كتير ..خرجت البلكونه واول مرة فى حياتى اشوف القمر نازل على الأرض سمعتها بتتكلم 

سميحة : انا تعبت اوووى يا هيام الحفله هتخلص امتى ؟

هيام : معلش يا حبيبتى علشان اول يوم ليكى فى الشغل دا ..

سميحة بحزن : حظنا بقي ...بابا وماما  يموتوا ونترمى فى الشارع وبعد ما كنا أصحاب أملاك بقينا خدامين منك لله يا عمى ..

هيام : انسي يا سميحة ..والحمد لله اننا عند الناس دووول ..بيعاملونى كويس جدا ...وبالتالى انتى كمان هترتاحى معاهم 

     عودة من الفلاش 

بقيت اتحجج كل شويه فى انى ازور عمار ..علشان اشوفها ..كانت جميله وبريئه ...ومرة على مرة مقدرتش اتحمل بعدها .وصارحتها بحبي وطلبتها للجواز ...بس منهم لله اخواتى وقفوا فى وشي ورفضوا علشان العادات وتقاليد العيله ...

لما فشلت فى  إقناعهم اتجوزنا فى السر ...

حتى عمار وأسرته محدش عرف ..

هيام بس الوحيدة اللى عرفت بقصتنا 

وعرفتهم أنها اتجوزت حد من أقاربهم ...

كانت الايام حلوة .حبيتها بجنون ...لحد ما ربنا رزقنا ببنتين توأم 

كانوا زى القمر ...فرحتى بيهم ما كنتش سعيانى ....روحت وقولت لازم اعرف اخواتى 

ويادوب قولت أن اتجوزتها وخلفت ما كملتش كلامى لقيت هجوم عليا ...ورفض منهم لوجودها معانا ...

حاولت كتير افهمهم انى بحبها ..لكن مفيش فايدة ..

عدى اليوم وروحت ازورها فى المستشفى عرفت انها دخلت فى حالة انهيار بسبب خطف بنت من البنات ..

عدت الايام وهى مصممه انى انا اللى خطفت البنت ..علشان لقوا مكانها الجوانتى بتاعى ...

معرفتش اثبت براءتى امامها ...لحد ما روحت ليها المستشفى عرفت انها خرجت ..سألت عنها هيام بس رفضت تدلنى ...ما قدرتش اوصل ليها ...

عرفت من ليلى بالصدفه أنها كانت عندها ..وسألتها عن البنت اعطتنى الصورة دى وأخرج من جيبه صورة لطفله تبلغ من العمر خمس سنوات ...

بعد كدا. انقطعت كل الاخبار عنهم لما سافرت ليلى مع جوزها ...وهيام هى كمان اختفت ...بقلم منال عباس 

...العمدة : ياااه يا صاحبي دا انت شايل هم كبير اوووى ...عموما ..هيام بقت معانا واكيد هنعرف كل حاجه ..واللى اعرفه ان هيام كان ليها اخت وأكمل بحزن بس توفت ....

جن جنون محمود : مستحيل ...سميحة تموت من غير ما تعرف الحقيقه ...وتسامحنى انى معرفتش احميها هى وبناتنا ...

العمدة : بنتك كانت موجوده واسمها نور ...

محمود : نور ..وتذكر حديثه مع حسان عن الفتاة التى يحبها ....

يتصل محمود على حسان 

محمود : حسان فين البنت اللى كانت معاك ..

حسان : احنا كنا فى مصر وراجعين فى الطريق حالا ..

محمود : تمام انا فى انتظاركم ...

     فى صباح يوم جديد

فى فيلا عمار الروبي 

تستيقظ نور لتجد ليلى بجانبها 

ليلى بحب : حبيبتى يا نور قومى اصحى بقي اليوم يومك يا حبيبتي

نور وهى تعتدل من نومها 

نور بخجل : هو خلاص الجواز النهارده 

ليلى بود : عايزة اقولك أن ادهم ابن اخويا دا مفيش اطيب منه ...وهيشيلك فى عنيه 

نور بحزن : دا مجرد جواز على الورق وفترة ويخلص 

ليلى : بايديكى تخليه جواز العمر كله ...

نور  : مش فاهمه 

ليلى : بالحب والود والكلمه الحلوة 

يلا قومى بقي علشان ورانا حاجات كتير ...يا اجمل عروسه ...

يستأذن ادهم بالدخول 

ليلى بغمزة : اسيبكم بقي يا عرسان وما تتاخروش علينا تحت ..علشان التجهيزات ..

ادهم : صباح الخير يا نور 

نور بخجل : صباح الخير ..

ادهم : كنت عايز اعرف رأيك بعيد عن اى ضغط أو تكونى محرجه من أهلى 

نور : هيفرق معاك ايه فى جميع الحالات هى فترة وكل واحد يروح لحاله ...

ادهم بضيق : عندك حق ... صحيح انا بعت ناس يطمنوا على خالتك ...بس بيقولوا لقوا الباب مقفول ومحدش يعرف مكانها ..

نور بفزع : يبقي حصل ليها حاجه ..خالتى كانت تعبانه ...انا لازم اسافر ليها حالا ...

ادهم : ما ينفعش يا نور ووعد هنلاقيها واجيبها تعيش معانا هنا ..

يلا ننزل علشان الكل فى انتظارنا 

     عند سيف يقرأ على صفحة ادهم 

الدعوة عامه زواج ادهم عمار الروبي بجميلة الجميلات ويضع صوره له هو ونور ..

سيف بغضب : بقى كدا يا  بتبعنى لادهم ...تاخد سحر وتسلمها لادهم ...علشان يعرف كل اللى. عملناه فيه ...انا لازم اتصرف قبل ما يدخل بيها ....

     عند صفوان 

وهو يضع الشاش على رأسه ويتالم من الصفعات يقرأ خبر زواج ادهم ليقف مذهولا 

صفوان : اه يا سيف الكلب ..بقي بتبعت اللى يضربنى علشان تسلم البنت لادهم حسابك معايا عسير ....بقلم منال عباس 

     عند حسان 

يصلا إلى الفيلا وهو ممسك بيد سحر 

ويغطيها بالجاكت 

ليجد محمود فى انتظاره 

حسان : صباح الخير يا عمى 

محمود وهو يرى حالة سحر المذريه وملابسها الممزقه وشعرها المنكوش 

محمود وهو يمسك به : عملت ايه فى بنتى ؟؟

حسان بذهول : بنتك !! ! يتبع

• يتبع الفصل التالي اضغط على (  رواية الهروب ) اسم الرواية