رواية قلوب أرهقها نبضها الفصل الخامس 5 - بقلم نرمين قدري

  

 رواية قلوب أرهقها نبضها الفصل الخامس 5

البارت الخامس

مسك /بيهيام بحبه بحبه بحبه

وفجاءة افتح الباب ودخلت عواطف وقالت بتوعد:

– هو مين اللي بتحبية يا بت تهاني يا محترمة فين ابوكي يغسل عاره

قامت مسك واقفة مرة واحده مخضوضه وقالت بحده :

-هو في حد يخش كده مافيش باب تخبطي عليه ولا ايه يا مرات ابويا

عواطف:

– انا اخش في الحته اللي تعجبني و في الوقت اللي يعجبني ده بيتي ولا ايه منك ليها

قامت عطر من مكانها لكي تفض الموقف وقالت بنفاذ صبر:

-عندك حق هو بيتك يلا بقي علشان احنا عاوزين ننام

عواطف بعيد:

– ومين قالك أن ح

هتحرك من هنا قبل ما اعرف البت دي كانت بتتكلم عن مين

مسك لسة هتندفع و ترد عليها ماسكتها عطر من يدها وقالت عطر:

-كانت بتتكلم عن بطل مسلسل التركي اللي كنا بنتفرج عليه

هي ايه مشكلتك يا مرات ابويا بلظبط معلش فاهمينا هو حرام كمان نتفرج على تليفزيون

قالت عواطف بشك :

اااه تليفزيون ماشي ماشي يلا اتخمدي منك ليها ومش عاوزة اسمع صوت عندنا شغل كتير بكرة و اعملوا حسابكم واحده منكم هتروح معايا بكره دوار العمده علشان نعمل أكل الصبحية للعرسان

– مسك بسرعة وبدون تفكير:

-انا هاجي معاكي طبعا

عطر بحده واضحة في صوتها :

– لاء انا اللي هروح معاكي وانتي يامسك اقعدي هنا علشان ابوكي وشغل البيت

عواطف بتعجب:

+ وده من ايه أن شاء الله كنت بتحايل عليكم من اللي يجي دلوقتي بتتخانقوا علي مين ميروحش ولله بطلوده واسمعوده لسة هنشوف شكلكم وراكم حوار كبير بس علي مين الصبر حلو

مسك لكي لتنهي الموقف:

– جرا ايه يا مرات ابويا هو لاكده عاجب ولا كده عاجب نعملك ليه بس عشان ترضي لو قلنا لا تزعقي وتقولي ساييني لوحدي ولو قلنا لك ماشي تقولي حكاية فيها أنه ايه يرضيكي علشان نعمل.

عواطف :

-لا ترضيني ولا ارضيكي انا داخله انام واعملوا اللي يرايحكم بس الصبح الاقي واحده منكم معايا اتخمدوا بقي

خرجت عواطف ثم نظرت كلاهما للاخري وضحكوا سويا

عطر :

-مسك كده مينفعش صدقني محدش هيخسر غيرك في الحكاية دي هما اخرهم هيزعلوا حبه من ابنهم وخلصنا لكن احنا ممكن نخسر كل حاجة بيتنا تشغلنا وكل حاجة لينا هنا في ثانية

هزت مسك رأسها بحزن وقالت وهي تتنهد :

القلوب معلهاش سلطان يا عطر لما القلب يدق مش بيختار غفير ولا امير افهمني ونبي انتي كمان بتحبي محمد وعارفة يعني ايه حب غصب عني والله عارفة انه حب مستحيل بس هو قال هيحارب علشاني هنشوف هو هيعمل ايه

عطر بقلة حيلة :

ربنا يسعد قلبك ويخيب ظني يلا نامي بس يكون في علمك انا اللي. هروح الصبح مع مرات ابوكي مش انتي

مسك :

طايب ليه بقي كده مكنا حلوين

عطر :

– مسك اتمسي بقي ونامي

وفي سراية العمدة

عند العرسان انتهني الفرح ودخلوا العرسان غرفتهم تحت نظرات فاطمة الحاقده

اطلق امجد صافرة اعجاب وقال:

يالهوي يا ولاد ايه القمر ده بزمتك القمر ده بقي بتاعي لوحدي ياوعدي

ندي بخجل:

-امجد بس بقي بتكسف الله

أمجد بفرح

-لله ايه بس احنا ليلتنا فل أن شاء الله تعالي بقي علشان كده عاوز اقولك كلمتين مهمين جداااااا

ندا:

امجد بس بقي بتكسفني الله يخليك

امجد:

-ياربي علي قمر لما يتكسف ندا انا حبيتك قوي بجد انا معاكي بحس اني موجود تعالي ندا اقعدي عاوز اقولك علي كلمتين علشان نكون علي نور

ندا بجدية وقد استشعرت الأهمية في كلامة :

-خير يا امجد قلقتني في ايه

امجد بحنان :

-لا يا قلب امجد من جوا متقلقيش بس انا عاوز منك رجاء اي مشكله تحصل بنا تكون هنا وبس جو باب الاوضة دي متطلعش برا مهما كانت كبيرة سرك معايا انا وبس حكون ليكي الاب والابن والصديق ولاخ والزوج

تاني حاجه واهم حاجه. فاطمة ثم فاطمة ثم فاطمة. لا تسمعي منها ولا تسمعي ليها اي حاجة تقولها اعملي نفسك مسمعتهاش ممكن توقع بينك وبين اي حد تاني في اليت كبري دماغك منها خالص مش عاوز مشاكل في البيت هي حتحاول تختلق مشاكل اوعي تديها فرصة لكده خالي الكل يحبك يا ندوش قلبي قربي من مروة هي بتحبك

ندي بابتسامة رضا وحب :

-متقلقش عليا يا امجد انا فاطمة قدها ومش حديها فرصة متقلقش و مروة حببتي وانا فرحانه أن انا وسطكم

ثم قام امجد واقف:

– كده تمام يلا بقي استعنا علي شقا بالله

ندي بضحك:

-امجد انت اتجننت هتعمل ايه

فجاءة حملها امجد تحت ضحكتها العاليه وبدأ اول يوم في حياتهم الزوجية في سعاده وهنا اللي أن أصبحت زوجته امام الله

كل ذلك وفاطمة سامعة صوت ضحكاتهم والغل مسيطر عليها

هو كده في ناس ربنا مسلط عليها نفسها لا بتحب حد ولا حد بيحبها ولا بتحب حتي نفسها الله المستعان عليهم

و في صباح اليوم التالي للفرح

استعتدت عواطف و عطر للذهاب الي دوار العمده و مسك كان الزعل واضح علي معالم وجهها

نظرت لها عطر وقالت ؛

– مسك متزعليش مني واللهي علشان مصلحتك انا بعمل كده

هزت مسك رأسها لأنها عارفة أن اختها معاها حق وأنها اكتر حد حيخاف عليها بس غصب عنها مافيش حكم علي القلوب محدش بيختار يحب مين وميحبش مين

مشت عطر وعواطف

وفي السراية الكل متجمع علي فطار

محمود الاب :

-طلعتي فطار للعرسان يا اشجان

اشجان تهز راسها بالرفض وتقول :

لا امجد قالي حينزلوا بفطروا معانا زمانتهم نزلين

فاطمة بعوجة بوقها :

-عشنا وشوفنا عرسان نزلين يوم صبحيتهم لعله خير بكره يما حتشوف

مروة غمزت لبيحاد معاناها حرب حتبداء بيجاد شاورلها بمعني سيبك منها ابتسموا لبعض

نزل امجد ماسك ايد ندا وكانت زي القمر

امجد بمرح

صباح الخير علي اجمل عيله وجري يقبل يد والده

محمود :

يسعد صباحك يا ولدي بس مش مستعجلين علي نزول كنتم قاعدتم يومين كده في الاوضة بتاعتكم

امجد: ٠

ده كان زمان يابا الحاج نقعد يومين وتضيعم من شهر عسل

بيجاد :

ايوا بقي هو ده امجد اخويا ياسلام ونويت علي فين

ندي:

شرم طبعا يا بيجو هو في احلي منها

قامت مروة من مكانها حضنت ندي

مروة بحب ؛

ياسلام هو ده صح قال تقعودا في الأوضه قال

اشجان :

ما تفهمونا يا ولاد ايه الي مفرحكم قوي كده

مروة /

يا ماما امجد وندي طالعي شرم شيخ يقضوا شهر عسل

ماجد :

والله جدع يا واود يا امجد احسن من خانقة الاوضة برافوا عليك

وفجاءة فاطمة هبدت معلقة بطريقة ملحوظة الكل انتبه لها

محمود:

خير يا فاطمة في حاجة

فاطمة:

بغيظ لا يابا الحاج معلقة وقعت من ايدي بس

اشجان اقعدوا افطروا يلا يا عرسان

امجد :

انا فعلا واقع من جوع ولا ايه يا ندوش

ابتسمت ندي ووشها احمر

جلس الجميع يتناولوا الفطور تحت هزار بيجاد وضحكات مروة وفاطمة بتاكل في نفسها من الشغل الغل

فاطمة وهي ترفع حاجبها:

هو يا ندي اهلك مقلولكيش أن العروسة عيب تطلع من اوضتها قبل اسبوع ولا ايه

ندي بهدوء مبالغ فيه :

هو مين قال إنه عيب يا ابله فاطمة امال العرسان اللي بتسافر يوم فرح دول ايه ما عيب الا العيب ومحدش ليه حاجة عندنا دي اجمل أيامنا واحنا اللي هنعشها مقلناش لحد يجي يعيش مكنا ياريت بقي يا ابله كل واحد يخليه في حاله لما حد يكلمك قوليلوا كده خليك في حالك

بيجاد:

اوبا اوبا ضرب جبها إنما اااية اورجانك

فاطمة :

انا بس كنت بسال علشان الناس متكولش وشنا

مروة :

ناس مين يا فاطمة اللي هيتكلموا ما الي يتكلم يتكلم هما مالهم اصلا

وفجاءة دخلت عواطف و عطر

عواطف:

تتصبحوا بالخير الف مبروووك عقبال البكاري تم خبطط علي صدرها هو ايه اللي نزل عرسان يوم صبحبتهم

شدتها عطر من أيدها احنا ملنا ينزلوا ولا يطلعوا احنا ملناش خلينا في شغلها اللي جاين علشانه

قام بيجاد من مكانه يدور عليها بعنيه مش لاقيها غمز مروة

فاهمت مروة مقصده وقالت :

اهلا عطر اللي هي فين مسك ماجتاتش معاكم

عطر

/لاء مسك في البيت علشان ابويا تشوف طلباته

اشجان بتعجب :

انتي بتعرفيهم ازاي من بعضهم يا مروة

مروة:

صحابي من زمان بقي بس في اختلاف في لون عيون كل واحده لون عينيها مميز

فاطمة بغل

خلاص يا عواطف خدي بت جوزك وعلي المطبخ النهار بيضيع ومعملناش حاجة اخلصوا بسرعة وانا هخلص فطور وجيالكم علشان افهمكم هنعمل ايه ولا وان ملهوش لازمة العرسان ماشين عشنا وشوفنا

انحرجت عطر ووشها احمر وشعرت بالاهانه

عواطف :

هاه اه اه يلا يا عطر بينا الف هنا عليكم وعقبال البكاري وتشيلوا عوضهم

دخلت عواطف وعطر

عطر بغضب

-عاجبك كده شوفتي الاهانه

عواطف :

-خلصمنا بقي خلينا نخلص من يوم ده

وعلي السفره

قالت مروة بغيظ:

– فاطمة انتي مش هتبطلي طريقتك دي مع ناس لازم تحسيسيهم أنهم اقل مننا. وخلاص مش هتبطلي

فاطمة ببرود :

هو انا قلت ايه بس مش هما جاين علشان يخدموا عندنا ولا ايه

بيجاد قام وقف وهو ينظر لها بغيظ وقال وهو يستعد الخروج :

-ربنا ما يحكمك علي غلابه يا مرات اخويا ويصبر اخويا

محمود

/علي فين يابني كمل فطورك

بيجاد

/ الحمد لله ياحاج انا خارج ثم سلم علي أمجد وقال تروح وترجع بسلامة و الف مبروووك ربنا يهنيكم

امجد :

عقبالك يا ملك العزوبية لما نفرح فيك بقي

بيجاد غمزله بعينه قريب إن شاء الله

شده امجد من يده

تعالي هنا رايح فين ايه التطورات. الكبيرة قوي دي انطق في ايه ومين اللي وقعت ملك العزوبية علي جذور رقبته

بيجاد

سلام. مش وقته ترجع بسلام و ميل عليه رفعت راسنا ولا الايه شكلك ولا ايه

امجد

بصوت واطي عيب عليك يا بني هو انا تلميذ انا ميجووو جامد قوي

بيجاد / يا ميجوووو يا جامد حلاوتك يا عريس

أمجد:

هو انت ايه حكايتك بلظبط في حاجة حصلت وانا مش عرفها هي ايه بقي

بيجاد :

,لما ترجع من شهر عسل هفجر مفجاءة. بس الصبر حلو وتركه ومشي

امجد نظر لمروة وقال :

الواد ده حكايته ايه مش علي بعضه كده وبجبلوا سيرة الجواز متعصبش ولا قال سنجله جنتله بلعكس قالي قريب خير يا مفعوصة ماهو سره معاكي

رفعت مروة كتفاها دليل علي عدم معرفتها

مروة :

معرفش ولو اعرف اقول علي طول عيب

فاطمة :

/ونبي تلاقيكي عارفة وساكته سوسه من يومك

مروة :

/اللي هو انا اللي السوسة صح وكمان انتي مالك احنا اخوات في بعض انتي ايه دخلك. بنا يا باي عليكي

ماجد /

ميل علي مروة يكونش ده زلزال اللي قال عليه امبارح هو صح

مروة:

معرفش بيجو بقولك انا معرفش حاجة طلعوني من اليله دي

ماجد

صدقت فاطمه سوسة من يومك

ضحكت مروة و غمزتله

ماجد: مش بقولك سوسه

سلم امجد عليهم واخد ندي ومشي تحت أنظارهم

وفي الخارج وصل بيجاد لمنزل مسك فغيابها قد إطار عقله ظل واقفا امام منزلها متحيرا كيف يراها فقد جن جنونه ولا يعلم ماذا يفعل لكي يتمكن من رؤيتها فقال في نفسة :

انا هجازف وأخبط وزي ماتيجي بقي وربنا يستر وبلفعل طرق بيجاد باب منزل مسك

يتبع….

• يتبع الفصل التالي اضغط على ( رواية قلوب أرهقها نبضها ) اسم الرواية