رواية قلوب أرهقها نبضها الفصل السادس عشر 16 - بقلم نرمين قدري

     

 رواية قلوب أرهقها نبضها الفصل السادس عشر 16

الفصل السادس عشر

عواطف/ حقك عليا انا يا حاجة دي غلطتي انا ها مشي ولما مسك تحب تشوفنا تبقي تجلنا بالعواف متاخذنيش علي الازعاج وان انا جيت من غير اذن

مسك / مرات ابويا استني انا جاية معاكي

خبطت عواطف علي صدرها يالهوي بتقولي ايه يا مسك

يالهوي يالهوي الناس تاكل وشنا لما عروسة ترجع يوم صباحيتها حيقول علينا اية

مسك بعصبية :

– بقول انا جاية معاكي البيت اللي معتبرنا مش قد المقام يبقي ملناش قاعده فيه ولا ثانية

نزل بيجاد وماجد وأمجد وسمعوا كل ما يحدث اسفل

قال بيجاد بصوت مرتفع :

– مسك انتي بتقولي ايه يعني تمشي معاها ايه ملكيش راجل ترجعيله ولا هي سايبة انتي ناسيه يا هانم انك اتجوزتي واسمك علي اسمي ولازم تاخدي أذني حتي في النفس اللي خارج منك ده مش تخرجي مع نفسك كده

تدخلت مروة تحاول أن تهداء روع أخيها:

-بيجاد في ايه براحة عليها شوية انت محضرتش موضوع من الاول فاطمة هي اللي استفزتها

قال بيجاد مؤكد علي كلام أخته :

– لا سامع يا مروة الكلام من الأول مرتضتش اتدخل علشان امي هنا هي كبيرة القاعده ماكنش ينفع ادخل بس من واضح أن فاطمة مرات اخوكي مش بتكبر لحد

رفعت فاطمة حاجبها وقالت :

– ايه انتو حتجبوها فيا انا بتكلم عن الأصول مينفعش الخدامين يخشوا ويطلعوا زي ما هما عاوزين

قالت مسك يقهر:

– تشكري يابنت الأصول بس لو طلع العيب من اهل العيب مبيبقاش عيب

ثم التفتت الي زوجة أبيها وقالت :

– يلا يا مرات ابويا بينا علشان منوسخش ولاد الأكابر بقعدتنا معاهم

بيجاد بصوت رج اركان السرايا :

-مااااااااسك اطلعي علي فوق و اقصري الشر دلوقتي انا عفاريت دنيا بتننطط قدامي اتفضلي يلا

ندي سحبت مسك من يدها وقالت لها :

-تعالي معايا يا مسك علشان خاطري اطلعي يلا علي اوضتك انتي صحتك مش هتستحمل كل ده

مسك بدموع عاجبك كده يا ندي

ندا بحزن عليها :

– معلش تعالي بس واستهدي بالله دلوقتي ربنا يروق الحال

صعدت مسك مع ندا الي أعلي

نظرت اشجان لماجد نظره بمعناها لم مراتك

ماجد بحده وقد فاض به الكيل :

فاطمة تعالي معايا علي فوق

ثم التفت اشجان الي عواطف وقالت :

-خشي اقعدي يا عواطف فطرتي. ولا لسة اخلي البت روحية تحضرلك فطار

قالت عواطف بكسره :

– متأخذنيش يا حاجة انا لازم امشي معلش البيت لوحده و الف مبروووك وعقبال البكاري بالاذن

مشت عواطف و الحسرة والانكسار تملي وجهها وكان لديها رغبة في البكاء

لاول مرة تصعب عليها مسك و تحزن علي ما بنظرها من مصير

قالت عواطف في نفسها بحسرة

– يالهوي يا مسك ايه ربنا يكون في عونك يا بنتي هيفضلو يسمموا عشتك العمر كله كده هتفضلي في عنيتهم بنت فايز كلاف البهايم يا حسره عليكي

وفي السرايا

وفجاءة بيجاد طلع يجري كأنه افتكر شيء مهم

وهو طالع خبط في ندا

قال بيجاد وهو مازل يركض

مسك فين يا ندا

ندا بزعل وغضب منه :

-نامت وغطتها يا بيجاد ايه افتكرت حاجة تانية مقلتهاش ليها

بيجاد بخضة:

-اايه وسبتيها تنام تعالي بسرعة علشان تصحبها

ندا /

-لاء خشلها انت ولازم تصالحها هي مغلطتش ده كان رد فعل طبيعي لكلام فاطمة علشان تحافظ علي كرامتها

بيجاد برعب :

-ماشي ماشي يا ندا مش وقته لازم الحق مسك

فتح الباب بسرعة وجري علي سرير لاقاها في وضح جنين

جري عليها وقال بخوف:

-مسك مسك ملحقتيش تنامي اصحي يلا وفضل يخبط علي وشها

فتحت مسك عنيها وكانت غرقانه بالدموع نظرت عليه ثم أغلقت عينيها

بيجاد وبدأ يهزها بعنف

– مسك فوقي بالله عليكي متناميش مني اصحي مسك مسك انتي سماعني لو سمعاني هزي راسك

هزت مسك رأسها ببطيء دليل علي أنها سمعاه.

سندها وقاعدها ومسح دموعها وحضنها جامد لبيث لها الامان وقال لها بحنان:

– اهدي اهدي كده ومتخافيش من حاجة انا جانبك ومش حاسيبك حقك عليا يا وتين قلبي

ملحوظه الوتين(شريان يغذي القلب والجسم كله)

مسك بوهن

بس انت زعقتلي قدامهم كلهم وفاطمة اللي غلطت فينا محدش كلمها وكأن اللي بتعملة ده طبيعي بص يا يا بيجاد انا ممكن اقبل اي حاجة الا الإهانة أو أن حد يقل مني ومتزعلش مني انا مش حاسكت لاي حد يقل مني علشان انا مش قليله يا بيجاد انا مضحكتش عليك ولا خدعتك انت اتجوزتني وعارف انا مين وعيلتي بتكون مين كلكم عارفين كده محدش اجبركم علي النسب ده طلما وافقتم مش من اي حد يعايرني أو يحاسني اني اقل منه

بيجاد وهو يضمها إليه أكثر:

-ممكن بقي تهدي طلعتي كل اللي جواكي اهدي بقي ولو حابه تنامي ممكن دلوقتي تنامي حبة

قالت مسك بوهن:

-لا انا حذاكر الامتحانات خلاص قربت وأنا بقالي مده مقصر في حق دروسي

ابتسم بيحاد لأنها خرجت من حالتها وقال

– ماشي وانا حنزل تحت شوية تكوني خلصتي علشان معطلكيش ماشي يا حببتي

ابتسمت مسك وهزت رأسها موافقة

قام بيجاد بأسها من راسها وطبطب عليها بحنان شديد ومشي وقبل ما يحصل الباب

قالت مسك :

بيجاد هو مين اللي قالك علي موضوع نومي وانا زعلانه ده

التفت ليها وغمز يعنيه وقال مازحا:

– العصفورة سلام يا قطة وذاكري كويس وما تفكريش فيا كتير ماشي

ضحكت مسك علي طريقتة. ضحكة هزت جدار قلبه

قال لها وهي يخرج :

– تدوووخي يا عمري ضحكتك تدوخ اكسير الحياه فيها بحبك يا وتين قلبي يا مسكي من الجنه

وتركها تذاكر ونزل علي وجه علامات الغضب والوعيد لفاطمة

نزل وجد الكل متجمع تحت بس ماجد وفاطمة مش موجودين

قال بيجاد :

سلامة عليكم متجمعين عند النبي ان شاء الله

اجاب عليه محمود :

-صحبه يا ابني تعالى اقعد مراتك عاملة ايه دلوقتي

نظر بيجاد الي والده وقال:

– الحمد الله وصلك يا حاج اللي حصل انهارده

هز محمود راسه وقال:

-طبعا انت عارف امك مش بتخبي. عليا حاجة

بيجاد :

– وراي حضرتك في اللي حصل واللي عملته فاطمة

محمود :

-مرات اخوك غلطانه بس هي كده حنعملها ايه نموتها يعني ولا ايه شخصيتها كده مش بتحب الحال المايل مش حتشوف الخدامين داخلين طالعين علي كفيهم وحاتسكت بس يمكن هي زودتها شوية

قال بيجاد بكسره شديده:

صح عنك حق يا حاج صح فاطمة مغلطتش

اكمل محمود :

بس مراتك غلطانه ازاي ترد علي فاطمة كده

ولكن مروة لم تقدر علي التحمل اكتر من ذلك وقالت بحده:

– معلش يا حاج انا مش فاهمة مين اللي مش غلطانه يا بابا فاطمة كل حاجة عملتها غلط

قام بيجاد وقفا وقال بقهر:

– لا و كمان مسك اللي طلعت غلطانه عنية جت في عنين مروة وكانت عنية كلها دموع

مروة طبطبت عليه بحنان الاخت هاعي وبيجاد زي التوام فاهي تعشق أخاه بشده

اوماء لها بيجاد براسه دليل علي امتنانه بيها

قال بيجاد بحزن:

-تمام يا حاج حق علينا وحق فاطمة كمان عن اذنكم

اشجان وقد امتلأت عنيها بلدموع لأجل ابنها :

– بيجاد مش حتتغدي انت علي لحم بطنك من الصبح يا ابني

بيجاد بنبره قهر:

-لا يا امي لا أنا طالع عند مراتي علشان هي متنفعش تنزل تقعد معاكم احسن توسخكم

اشجان بحزن

– ليه بتقول كده يا بني بس ايه لازمته كلام ده

ثم التفت بيجاد حوله وقال بصوت مرتفع روحية روحية

روحية التي بدورها ركضت اتجاه مسرعة:

– نعم يا استاذ بيجاد خير

بيجاد طلع فلوس وعطهلها وقال:

-خدي يا روحية ابعتي حد من غفر يجب اكل جاهز ولبن معلش طلعهملي فوق

اشجان قامت واقفة:

-بيجاد انت بتعمل ايه من امتي احنا بنعمل كده

نظر لها بيجاد وقال بقهر وانكسار:

-معلش يا امي انتم ما رضتوش أن اسكن برا وفي نفس الوقت مش معتبرين مراتي حد منكم وكأنها وباء حيعديكم مع أنها حد كويس جدا سبيني براحتي بقي

شعر محمود بنوع من الذنب اتجاه ابنه وقال:

-انت بتستعبط ولا ايه ايه اللي انت بتعمله

رفع بيجاد عنبية في عنين والده لمح محمود الدموع في عنين ابنه

قال بيجاد :

-اللي انا بعملة بردو يا بابا

محمود:

بطل هبل انت ابننا في ايه

قال بيجاد:

-ومسك مراتي وكرامتها من كرامتي والي يهنها اهانه ليه انا كمان ولا انت شايف ايه يا حاج

محمود /

عندك حق يا بيجاد ومن هنا ورايح محدش حيزعلها وانا بنفسي حكلم مرات اخوك فاطمة تبطل اللي بتعمله ده

قال بيجاد ماشي

يا حاج عن اذنكم حطلع اشوفها

محمود /

ماشي يا بني وهتها وتعالي علشان غدا

بيجاد /

خلاص يا حاج سبنا براحتنا حناكل فوق

محمود بحده /

وانا قلت لاء حنتجمع كلنا علي سفرة يلا بقي

طعد بيجاد السلم وهو صاعد فاطمة نزله من علي سلم تقلبت عيونهم وكل واحد بيتحدي التاني لمح بيجاد اثار صوابع علي وشها معلمة

فلاش باااااك

ماجد/ فاطمة يلا على فوق عاوزك

فاطمة/ انا نفسي اعرف بتزعق ليه طرشا انا

طلعو فوق وقفل ماجد باب الاوضة

ماجد. /انا نفسي افهم. انتي طنتك ايه مش بتحسي

اهانه الناس خلاص عندك عادي معندكيش اي احساس بحد خالص ااايه بقي اتخلقتي من طينه غير طيبنة البشر علطول بصلهم من فوق وكان الكون كله خلق لساعده جناب الكونتيسة فاطمة وكان بفلوس ابوكي ملكتي الكون كله طظ يا فاطمة فيكي وفي فلوس ابوكي

عارفه يا فاطمة انتي في الحقيقة هوا اه بجد هوا ومن غير ما أنفخ فيكي كمان حيطير عاملة زي البلونه اللي مليانه هوا وزياده عن اللزوم كمان لحد ما حيجي اليوم وتفرقعي فيه

كل يوم بتصغري في نظري اكتر من اليوم اللي قبله بصراحة بقيت مش طايقك ولا طايق نفسي بقيت بتخنق لما باب الاوضة يتقفل علينا

قعادي معاكي بس علشان خاطر الاواد مش اكتر لكن انتي خلاص مش بتعنيلي حاجة

فاطمة بستهزاء .

-حيلك حيلك سكاتناله دخل بحماره لتكون فاكر نفسك راجل وعمال تشخط وتنطر ولاء فوق يا بابا انا هنا الكل في الكل انا فاطمة اصحي يا بابا

فاطمة اللي ابوك الحاج كان حيتجنن ويناسبنا

ماجد بعصبيه .

-انا حوريلك اللي مش راجل حيعمل ايه ده اول حاجة تشوفيها و في عزم مالية وهوب نزل علي وشها بالقلم

انتظروني في قلوب ارهقها نبضها ملكة القلم نرمين قدري

يتبع….

• يتبع الفصل التالي اضغط على ( رواية قلوب أرهقها نبضها ) اسم الرواية