رواية بنت الملك ثروان الفصل السابع 7 - بقلم نورهان ثروت

 

رواية بنت الملك ثروان الفصل السابع 7

قطع كلمات نبراسئيل صوت روفان وهي تصر*خ بر*عب وتنظر لمكان معين قريب من النهر بخوف شديد نظر نبراسئيل لذلك المكان بتركيز شديد وقال وهو يرتب علي كتف روفان:متخافيش مش انا قولت ليكي طول منا معاكي متخافيش وانا اهو جنبك مفيش حاجه هتاذيكي وانا هنا

نظرت له روفان بخوف ثم نظرت مره اخرى لذلك المكان وقالت :بص البتاع دا الله يخر*بيتك انا كان مالي ومال اللي بيحصل دا ونفسي افهم انت عارف ان لو انا الشخص الغلط همو*ت اي اللي خالك تساعدني اوصل لهنا

نظر نبراسئيل لنفس المكان التي تنظر له روفان وقال بهدوء :الكائن اللي هناك دا حيو*ان بيعيش في الغا*بة المسحو*رة وهو منقر*ض من عالم البشر من قرون

نظرت له روفان بخوف وقالت بزعر:شكلوا يخوف اوووي هو ممكن ياذيني صح وهو احنا هنشوف حيوانات اكتر من حيوان منقرض هنا ولا دا بس وحاجه كمان هو انت ازاي جيبني هنا وفي احتمال اكون الشخص الغلط

تنهد نبراسئيل براحه وقال ببرود:لو انتي الشخص الغلط هتمو*تي اما انا محدش يقدر يقرب ليا لان الملك وانتي عارفه كد

نظرت له روفان بصدمه :ياابن الغدارة انت بتغدر بيا يانبراسئيل جبتني هنا وانت عارف اني ممكن امو*ت مكنش دا العشم يانبراسئيل

تجاهل نبراسئيل كلماتها وقال بهدوء:بصي عايزك تعملي حاجه لان كمان ١٠دقايق لو أهل المكان معرفوش انك الشخص الصح هتموتي وفي اكتر من تغييرات هتحصل في المكان

اؤمات له روفان بخوف وقالت بهلع :اعمل اي قولي بسرعه انا مش عايزه امو*ت دلوقتي لسه قدامي حاجات كتير عايزه اعملها

ابتسم نبراسئيل بسخريه وقال :اللي يسمعك كد يقول انك سيبه الوزراء لوحدها المهم متخافيش مش هيحصل حاجه انا هفضل جنبك اوعي تخافي بصي قربي من النهر وخلي رجلك تلمس مياه النهر واشربي من المياه النهر

نظرت له روفان بعدم تصديق وقالت بشمئزاز :انت عبيط اشرب اي انت بتقول أن دا د*م يامتخلف عايزني اشرب د*م

تنهد نبراسئيل بغضب وقال :دا مش وقت كلام يلا بسرعه نفذي اللي بقولك عليه الوقت قرب يخلص لو الوقت خلص ومفيش دليل انك الشخص الصح هتمو*تي وانا مش هقدر اعمل ليكي اي حاجه

اؤمات له روفان بخوف وتسير ببطئ وقالت بضيق :حاضر حاضر

وقفت روفان امام النهر ثم جلست علي ركبتيها وشربت القليل من الماء ثم وقفت علي اقدامها مره اخرى ثم نظرت لنهر بصدمه بسبب تحول المياه من اللون الأحمر الى اللون الازرق الداكن

نظرت روفان لنبراسئيل بصدمه ثم نظرت لنهر مره اخرى وقالت بعدم تصديق: نبراسئيل اي اللي بيحصل دا

ابتسم نبراسئيل بحب:كنت متاكد انك الشخص الصح الخريطة مكنتش هتجيبك هنا وهي عارفه انك الشخص الغلط

تجاهلت روفان كلماته وقالت بعدم فهم :انا مش فاهمه حاجه ازاي المياه بقت زرقه كد

تنهد نبراسئيل براحه وقال بهدوء:دي العلامه اللي بتقول انك الشخص الصح المهم شوفي كد في النهر أو في أي مكان قريب من النهر الحاجه اللي احنا بندور عليها

نظرت روفان له وقالت بحزن :انا معرفش انا بدور علي اي انا بس شايفه أن الخريطة بتوصلني لمكان دا غير كد معرفش حاجه نهائي

نظر نبراسئيل حواله وقال بتركيز:اهو فى نور هناك اي دا دي خريطة تانيه

نظرت له روفان بغضب وقالت بتعب :اووووف مش هنخلص طب قولي الخريطة دي توديني فين

نظر نبراسئيل لخريطه بتركيز وقال :الخريطة دي هتوديكي لعالم البشر

نظر له روفان بستغراب وقالت بعدم فهم:مش فاهمه هنروح فين في عالم البشر وهنعمل اي اصلا الله يباركلك قولي اي حاجه

نظر نبراسئيل لها بهدوء وقال:بصي الخريطة مكتوب عليها الغابة السوداء وموجود على الخريطة وصف لطريقها بس في حاجه غريبه

ابتسم روفان بسخريه وقالت :احلف دا على اساس ان اللي بيحصل دا طبيعي ياتر اي الغريب اكتر من كده

نظر لها نبراسئيل بضيق وقال: اكيد في حاجه غربيه في حد عارف اني بساعدك لان انتي لو لوحدك مستحيل تعرفي توصلي لمكان دا

اؤمات روفان بتاكيد على حديثه وقالت بتفكير:عندك حق بس مين الشخص دا

نظر نبراسئيل لها بشرود وقال :اكيد هي

روفان بفضول :هي مين

تنهد نبراسئيل بضيق وقال:مينفعش تعرفي دلوقتي المهم عايزني اخليكي تروحي للغاية السوداء انهارده

نظرت له روفان بتعب وقالت :لا روحني انا محتاجه انام كفايه كد انهارده

اؤما لها نبراسئيل بتفهم وقال : تعالي هوصلك لي بيتك وبعدهه هروح المملكه بتاعتي

نظرت له روفان بقلق وقالت : نبراسئيل هو انا لما احتاجك هوصل ليك ازاي

نظر لها نبراسئيل بتفكير وقال :اممم بصي عندي فكره امسكي الكتاب الصغير دا

نظرت روفان لكتاب بستغراب وقالت:اي الكتاب دا وصغير كد ليه

نبراسئيل بهدوء:بصي الكتاب دا بتاعي ودا لو انتي قولتي اسمي هعرف وهجيلك بس المهم انك لما تقولي اسمي يكون الكتاب فى ايدك اليمين والخاتم دا في ايدك

نظرت روفان لخاتم وقالت :شكلوا حلو اووي انا مش هقلع الخاتم دا شكر جدااا علي كل حاجه عملتها ليا انهارده

نبراسئيل:يلا بس عشان تروحي بعدين نشوف موضوع شكر دي تعالي واحنا ماشين نتكلم شويه لحد ما تروحي

نظرت له روفان وقالت بهدوء:ماشي تعرف أن لحد دلوقتي مش مصدقه اي حاجه بتحصل حواليا

ابتسم نبراسئيل وقال بهدوء :انتي لو صدقتي اللي بيحصل في الفتره الصغيره دي انا هقول عليكي مجنونه لان اللي بيحصل دا مينفعش انسان يصدقه

اؤمات روفان بتاكيد على حديثه وقالت:عندك حق لحد دلوقتي مش مصدقه اني ماشيه وسط النا*ر والكائنات الغريبه دي

نظر لها نبراسئيل ثم قال بتساؤل:انتي لسه خايفه من الكائنات دي بمعني لسه خايفه من شكلهم ولسه خايفه من النا*ر دي

اؤمات روفان بنعم وقالت:بص اه خايفه ومن النا*ر لأنها بتاذيني بص ايدي اتحر*قت اصلا وكل ما بمشي اكتر كل ما حاجه في جسمي بيحصل ليها كد غير درجه الحراره العاليه دي بتخليني احس اني مخنوقه

جذب نبراسئيل يدها وقال وهو يلمس يدها :حر*ق ايدك هيروح كمان ٥دقايق انا عايزك تتحملي درجه الحراره العاليه دي لازم تتحمليها لان انتي هتعيشي معانا واحنا منعرفش نعيش من غير النار لان هي اللي بتاديني طاقه ونفس الكلام لكل الكائنات الموجوده هنا

اؤمات روفان بتفهم وقالت بهدوء :عارف انا مش خايفه من الكائنات دي حسه ان محدش فيهم يقدر ياذيني

نظر لها نبراسئيل بصدمه وقال بتحذير:اوعي ياروفان تكوني واثقه فيهم ممكن عادي يكون في غدر منهم دا مش ممكن دا اكيد انتي متعرفيش العالم دا مخيف قد اي

نظرت روفان لنبرائسيل وقالت :انا مش واثقه فيهم انا واثقه فيك انت والملك ثروان والملك رئبال ودلير

ابتسم نبراسئيل وقال بتساؤل:فهمت بس ممكن اسالك سوال هو فضول مني

نظرت له روفان بتوتر مزيف :مش مرتبطه بس ممكن ارتباط

نظر لها نبراسئيل بستغراب وقال:اي دا مالك اي الدماغ دي يابت واصلا انا مكنتش هسالك السوال دا

ابتسمت روفان وقالت :انا بهزار معاك المهم عايز تسالني سوال اي قول متخافش احنا اهل

نبراسئيل بتساؤل:ليه بتقولي الملك ثروان مش بابا

نظرت له روفان بحزن:لان انا لسه مش مصدقه الحكايه كلها وحسه أنه السبب في كل حاجه بتحصل ليا دلوقتي

نبراسئيل:انتي كد بتظلمي لازم يكون معاكي دليل يثبت كلامك دا وبعدهه تعملي اللي انتي عايزه فاهمني

نظرت له روفان بتفكير:فاهمه عشان كد انا هقوله يابابا لما ادخل غرفه رقم ٧ واعرف كل حاجه من هنا هعرف هو مظلوم ولا ظالم

نبراسئيل:انتي كد صح يلا احنا وصلنا سلام

روفان :سلام بس استن انت بكره هتيجي علي الساعه كم

نبراسئيل:قولت ليكي في الوقت اللي انتي عايزني في اعملي اللي قولتلك عليه وهتلقيني قدامك

روفان :ماشي سلام

دخلت روفان المنزل وهي تبحث عن الملك ثروان في كل المنزل ثم اقترابت من الغرفه المغلقه في المنزل قبل أن تفتح باب الغرفه خرج الملك ثروان من الغرفه

نظرت له روفان بستغراب:هو اي اللي في الاوضه دي بجد وليه كل شويه بتكون فيها ممكن تقولي

نظر لها الملك ثروان بضيق وقال:وانتي بتسالي ليه دا بيتي ادخل اي اوضه في البيت براحتي

روفان :طب عرفني اي اللي في الاوضه دي بس

نظر لها الملك ثروان بغضب :انا قولت ملكيش دعوه ثم قال بتساؤل انتي جايه هنا ليه

تنهدت روفان بضيق وقالت بهدوء :طب ممكن تيجي معايا الاوضه بتاعتي وتحكي ليا بقيت القصه بتاعتك انت وماما

اؤما لها الملك ثروان بهدوء:ماشي بس في حاجات انتي عارفه أن مينفعش اقولها

روفان :فاهمه يلا احكي ليا

نظر لها الملك ثروان بتفكير:طب روحي الاوضه انا هتاكد من حاجه في المكتب هنا وهجي احكي ليكي كل حاجه

……………………………………..

يجلس نبراسئيل في غرفه المكتب وأمام الملك رئبال ودلير

نظر له دلير بصدمه وقال بعدم تصديق :يعني انت عايز تقولي أن النهر الد*م قال إن روفان الشخص الصح طب ازاي النهر دا كل اللي كان بيروح هناك بيمو*ت

نظر له نبراسئيل بغضب وقال:معرفش انا نفسي افهم اي اللي بيحصل او حد حتي يوصلني لطرف الخيط

تنهد دلير بضيق وقال:شكلها كان عندها حق هي حست بي كد

نظر له نبراسئيل بستغراب:هي مين و حست بي اي

نظر له دلير بهدوء :إلينار قالت إنها المختارة

نظر له الملك رئبال بستغراب وقال بتساؤل:ازاي يابني دي المفروض انسانه حتي لو مش انسانه كامله مستحيل تكون المختارة

نظر له دلير بهدوء وقال:انا معرفش حاجه بس متاكد ان طالمه إلينار قالت كده تبقي هي كده واكبر دليل على كلامها اللي حصل فى النهر

تنهد نبراسئيل بحزن وقال بغضب :كد لو كان في واحده بس عايزه موت روفان هيكون في مليون واحد عايز يقتلها روفان لازم توصل لغرفه رقم ٧ بسرعه

نظر له دلير بتفكير وقال :طب هنعمل اي

ابتسم الملك رئبال بغموض وقال:انا عندي فكره

#اي فكره الملك رئبال روفان هتعمل اي في الغابه السوداء

#يارب البارت يعجبكم التفاعل ضعيف جدا لو فضل كده هعرف ان الروايه مش عجبكم وهمسحها

يتبع….

• يتبع الفصل التالي اضغط على ( رواية بنت الملك ثروان ) اسم الرواية