رواية عمياء وسط الذئاب الفصل الثاني و الاربعون 42
_(في غرفه مراقبه الكاميرات)_
_(علي يلاحظ دخول شخص غريب ومخيف)_
_علي باهتمام…شاكر مين الراجل ده..شكله مش مطمني
_شاكر بهدوء…شوف يا علي..ف البداية طبيعي إنك..
أي حد هتشوفه هتشك فيه..وتقلق منو..
وبعدين أنا عايزك تهدىَ كده..إحنا شغالين ف مستشفى..
يعني مش ف جهاز مخابرات أو بنك
_علي…بس أنا مش مطمن للراجل ده..
(ويبص عالشاشه يلاقيه اختفي)
هوا راح فين أهو أختفي
_شاكر…أطمن هشوفهولك هوا راح فين..وبيعمل إيه
_(وبدأ شاكر يدور على الشخص الغريب ف الكاميرات
وفضل ماشي وراه لحد ما شافه داخل عند المدير)_
_شاكر…ها اطمنت يا علي..ضيف جاي للمدير
_علي لسا قلقان…طيب خلينا معاه..
لحد ما يخرج من المستشفي خالص
_(في غرفه المدير)_ (المدير والضيف)_
_المدير بقلق…حامد..خير يا حامد
_حامد(الحارس الخاص للباشا)…رقم غرفه البنت العميا
_المدير…يا حامد أنا كلمت الباشا..والباشا قالي أتصرف
_حامد…وسعادتك لسه ما أتصرفتش
_المدير…لأ أتصرفت..وكلفت مجموعتين..
عشان نخلص منها ف أسرع وقت
_حامد…يا سامح باشا..البنت دي بقت خطر علينا كلنا..
وإلا ما كنش الباشا بعتني شخصيا..
عشان أخلص الموضوع
_المدير…يا حامد إطمن وطمن الباشا
_حامد…والباشا مش هيطمن إلا إذا أنا اللي خلصت ..
بإديا ف ما تضيعش وقتي ووقتك
_المدير…يعني بعد ما نصبنالها الكماشه..
والبنت بقت ف النص..
تيجي أنته وتاخدها من وسطينا
_حامد بغضب وصوت عالي…وأخدكم معاها لو لزم الأمر..
عنوان الغرفه كااااااااام
_(في غرفه 6)_ (الدكتوره وسمير)_
_سمير يتصنع التعب…أنا فين ومين اللي جابني هنا
_الدكتوره…إنتا ف المستشفي..إنما مين اللي..
جابك هنا الله أعلم
_سمير…هوا أنا عندي إيه يا دكتوره
_الدكتوره وهيا ماسكه التقرير…التقرير بيقول..
إن كان عندك غيبوبة سكر..
هوا إنته ما تعرفش إن عندك سكر
_سمير بحزن متصنع…لأ ما كنتش أعرف ويا ريتني ما عرفت
(ويبدأ يعصر ف عنيه عشان ينزل أي دموع)
_الدكتوره…لأ الموضوع مش مستاهل الحزن دا كله..
مرض السكر دا عند أكتر من نص الشعب
_(بقلم…محمد طه عبد المجيد)_
_سمير بحزن…ودا علاجه إيه يا دكتوره
_الدكتوره…دا علاجه الفعال واللي بيجيب..
معاه نتيجة أكيده..هوه إنك تصاحبه
_سمير…اصاحبه إزاي يعني
_الدكتوره…يعني تصاحبه..تشوف هوه عايز..
منك إيه وتراضيه
_سمير بعدم فهم…يعني إيه برضو مش فاهم
_الدكتوره…يعني تظبط أكلك وشربك..
أنته كده تبقي صاحبه..
تلخبط ف أكلك وشربك..إنته تبقي عدوه..
وهنشوفك هنا بقي كل أسبوع
_(في غرفه 8)_ (عماد واخته)_
_أخت عماد(هند)بدأت تفوق…روح منك لله..منك لله
_عماد يهدئها…إهدي يا هنودي يا حبيبتي إهدي
_هند بعصبيه…هتمو،تني..هتمو،تني عشان خاطر شغلك..
طب هاتلك اللي إسمها إيه دي..بيقولو عليها إيه
_عماد بعدم فهم…هيا إي دي اللي بيقولو عليها إيه
_هند…لما ممسل بيكون فيه مشهد خطر..
وبيجيبو واحد مكانه يعمل المشهد..بيسموه إيه
_عماد…قصدك دوبلير
_هند…أيوه دوبلير..هاتلك أنته بقي دوبليره..
تعمل أختك..ولو ما،تت تبقي ف ستين داهيه..
إنما أنا أختك هتمو،تني..
_عماد يهدئها…طب إهدي يعني هيا أول مره
_هند…وآخر مره..دي آخر مره هشتغل معاك..
شغلانة المو،ت دي..إنته سامع..
شوفلك دوبليره مكاني..أنا اعتزلت خلاص
_(في غرفه المدير)_ (المدير وحامد)_ (تكمله حديثهم)_
_حامد بعصبيه وصوت عالي…رقم الغرفة كاااااام
_المدير…يا حامد أرجوك سيبني أنا اللي..
أخلص الموضوع بهدوء ومن غير شوشرة
_حامد بغضب…ما تخلنيش أتصرف معاك تصرف يضايقك..
ولعلمك الباشا عاطيني جميع الصلاحيات ف الموضوع ده..
(ويعلي صوته) رقم الغرفه كام
_المدير…الدور الرابع غرفه 7
_ويخرج حامد من عند المدير ويطلع على غرفه 7..
عند نور..ويدخل الغرفه من غير ما يخبط..
نهله تتخض وتخاف وما تعرفش تتعامل معاه..
وتخرج بسرعة تنادي الدكتوره..
وحامد واقف يبص على نور من فوق لتحت..
ونور بكل هدوء قاعده مكانها..
وتدخل الدكتوره بسرعة
_الدكتوره بصوت عالي…مين حضرتك..
وإزاي تدخل الغرفة بالطريقه دي
_حامد يبص للدكتورة وبكل هدوء…حضرتك اللي مين
_الدكتوره بعصبيه…أنا الدكتوره سناء..المتابعة للحالة..
والمسؤوله عنها..حضرتك اللي مين
_حامد بهدوء وصوت واطي…حامد الديب مخابرات……..
- يتبع الفصل التالي اضغط على ( رواية عمياء وسط الذئاب) اسم الرواية
تعليقات
إرسال تعليق