رواية عمياء وسط الذئاب كاملة بقلم محمد طه عبر مدونة كوكب الروايات
رواية عمياء وسط الذئاب الفصل السادس و العشرون 26
البارت 26
_أم محمد… أدخلي يا هبه شوفي غرفه 7..
لو محتاجه حاجه
_هبه… أمرك يا خالتي
_(وتدخل هبه غرفه نور وتقفل الباب وراها) _
_نور… مين اللي دخل
_هبه… أنا هبه
_وتروح هبه تقعد قدامها عالسرير..
ونور تاخد الدب ف حضنها بس توجه عنيه لهبه
_هبه… إزيك يا عروسه
_نور… إنتي شايفه إني عروسه
_هبه تبص على جسمها بحقد… دا انتي أحلى عروسه
_نور… أحلى من ناحيه إيه بالظبط
_هبه لسه باصه على جسم نور… كل حاجه فيكي حلوه
_نور… هوا انتي بتشتغلي هنا إيه يا هبه
_هبه تحط إيدها على رجل نور من فوق الركبه وتقولها…
_هبه… أنا بشتغل في كل حاجه وف أي حاجه
_(نور تسيب هبه تعمل اللي هيا عايزاه عشان تطمنلها) _
_نور… معلش أنا لسه صغيره مش فاهمه..
يعني إيه في كل حاجه وف أي حاجه
_هبه تحرك إيدها على رجل نور..
وتبتسم إبتسامه كلها حقد
_هبه… الحلاوه دي كلها ولسه صغيره
_(نور تحط إيدها على إيد هبه وتقولها) _
_نور… بس كل حلاوه وليها تمن
_هبه… وأنا شاريه واللي هتطلبيه هتلاقيه
بقلم… محمد طه عبد المجيد
_في طرقه المستشفى
_نهله بتتمشي ف الطرقه بس عنيها على غرفه نور
عشان أول ما هبه تطلع من عند نور تراقبها
_في نفس الوقت كانت الدكتوره بتمر عالحالات
وشافت نهله ووقفت معاها شويه
_الدكتوره… إيه يا نهله فيه إيه واقفه ليه كده
_نهله… أصل هبه عند نور
_الدكتوره… طب خدي بالك ومتخليهلش تحس بيكي..
هبه مش ساهله وممكن تلعب بينا كلنا
_نهله… اطمني يا دكتورة
_الدكتوره… قوليلي.. نور افتكرت عنوان جدتها
_نهله… لأ لسه ما افتكرتوش.. بس هيا فاكره..
عنوان الشقه اللي كنا ساكنين فيها.. هتبقى تقولهولك
_الدكتوره… طيب.. وانتي يا نهله لو احتجتي اي حاجه..
قوليلي إعتبريني أختك الكبيره
_نهله… هوه حضرتك بتعملي معانا ليه كده
_الدكتوره… وهوا أنا عملت إيه
_نهله… واقفه معانا وبتساعدينا.. وقولتي لنور..
منشغلش بالنا بمصاريف المستشفى..
وبتروحي بنفسك تسألي على عنوان جدتنا
_الدكتوره… هخليكي انتي تجاوبي على نفسك..
قوليلي يا نهله.. انتي واقفه ف الطرقه هنا ليه
_نهله… عشان هبه لما تطلع من عند نور اراقبها
_الدكتوره… وانتي ونور عايزين تكشفو هبه ليه
_نهله… عشان نساعد حضرتك ونخلصك منها..ومن شرها
_الدكتوره… كل دا كده تمام.. قوليلي يا نهله..
أنا طلبت منكم إنكم تساعدوني
_نهله… لأ
_الدكتوره… أنا سألتكم إنتم بتساعدوني ليه
_نهله… لأ
_الدكتوره… بكل بساطه أنا خليتك جاوبتي على سؤالك
_نهله… أنا بحبك أوي يا دكتورة..
ويشرفني إن يكون ليا أخت زي حضرتك
_في غرفه نور _(نور وهبه) _(تكمله حديثهم) _
_نور… اللي هطلبه انتي مش هتوافقي عليه
_هبه… طب جربي وشوفي وصدقيني..
معايه عمرك ما هتندمي
_نور… ليه هتدخليني الجنه ولا إيه
_هبه… هدخلك جنه الدنيا بس متنسيش تدعيلي
_نور… لأ اطمني.. أنا مبنساش..
اللي هيعمل معايه واجب.. هيتردلو أضعاف
_هبه… يبقى متفقين.. ومش هنختلف على أي حاجه..
قوليلي طلباتك وأنا عنيا ليكي
_نور… لأ عنيكي خليهالك..
أصل اللي انتي متعرفهوش..
إن أنا بشوف……..
- يتبع الفصل التالي اضغط على ( رواية عمياء وسط الذئاب) اسم الرواية
تعليقات
إرسال تعليق